Pavarësisht përforcimeve të realizuara gjatë merkatos së verës, KF Trepça po kalon një krizë të rëndë që mund ta çojë deri në shkrirje. “Newsport.al” ka zbuluar prapaskenat e situatës që ka shkaktuar trazira të mëdha te klubi i Ligës së Parë të Kosovës.

Pronësia e klubit nga Mitrovica ndahet në mënyrë të barabartë mes dy aksionerëve, të cilët zotërojnë nga 50% secili. Megjithatë, vetëm njëri prej tyre ka financuar gjatë merkatos transferimet e futbollistëve, pagat dhe detyrimet e tjera ekonomike të premtuara. Ortaku tjetër, ndonëse kontrollon gjysmën e aksioneve, nuk ka kontribuar me asnjë “kacidhe”.

Për këtë arsye, financuesi kryesor i ka kërkuar partnerit që t’i kalojë edhe 50% të aksioneve të tij, në mënyrë që të bëhet pronari i vetëm legjitim i Trepçës. Kërkesa është refuzuar dhe ky qëndrim e ka futur klubin në gjendjen e vështirë ku ndodhet aktualisht.

Aksioneri që deri tani ka mbuluar shpenzimet nuk pranon të vazhdojë investimet pa marrë edhe pjesën prej 50% që i përket ortakut. Sipas informacioneve të “Newsport.al”, nesër është parashikuar të mbahet një mbledhje brenda klubit.

Të dy presidentët do të dalin përpara lojtarëve. Pronari që nuk ka investuar ua ka bërë të qartë paraprakisht futbollistëve se ata që duan mund të vazhdojnë të qëndrojnë, ndërsa të tjerët janë të lirë të largohen. “Newsport.al” mëson se skuadra ka besim vetëm tek aksioneri që ka financuar klubin, çka e komplikon edhe më shumë situatën dhe shton mundësinë që një numër i konsiderueshëm lojtarësh të largohen.

Gjatë merkatos, KF Trepça afroi edhe disa emra të njohur në Shqipëri, mes tyre ish-lojtarin e Tiranës, Okseold Sefa, ish-mbrojtësin e Laçit, Rudolf Turkaj, si dhe ish-portierin e Vllaznisë, Jurgen Mehidri. Tashmë, secili prej tyre ka të drejtën dhe mundësinë të largohet.

The post Trepça rrezikon shpërbërjen, përplasja mes pronarëve: Dorëzo 50% të aksioneve, përndryshe ndalen investimet appeared first on Albeu.com.

KF Trepça ndodhet përballë një situate alarmante dhe mund të pushojë së ekzistuari. Sipas raportimit të “Zëri i Sportit”, klubi nga Mitrovica, pjesë e Ligës së Parë të Kosovës, rrezikon ta ndërpresë këtu një rrugëtim të nisur me ambicie të mëdha.

Edhe pse gjatë merkatos realizoi përforcime të rëndësishme dhe u konsiderua një prej skuadrave pretendente për promovimin në Superligën e Kosovës, e ardhmja e klubit tashmë duket e pasigurt.

Burimet bëjnë me dije se, duke nisur nga dita e nesërme, futbollistët do të mund të largohen dhe të kërkojnë ekipe të reja. Mes emrave të afruar në këtë periudhë ishin Okseold Sefa, Rudolf Turkaj dhe Jurgen Mehidri.

Kriza vjen pavarësisht nisjes pozitive të kampionatit, ku KF Trepça triumfoi 3-1 ndaj Mitrovicës në ndeshjen e parë.

The post E PAPRITUR! Pas merkatos së bujshme, KF Trepça rrezikon të shpërbëhet appeared first on Albeu.com.

Kristi Qarri ka nisur një kapitull të ri në karrierën e tij, duke u bashkuar me KF Vëllaznimin. Gardiani 25-vjeçar, i cili u nda si lojtar i lirë nga Drenica, tashmë do të mbrojë fanellën e skuadrës kuqezi nga Gjakova.

Konfirmimi erdhi përmes përfaqësuesit të futbollistit, i cili publikoi në rrjetet sociale imazhe të Qarrit nga ambientet e klubit gjakovar. Vlen të rikujtohet se shkodrani ka përvojë të mëparshme në elitën shqiptare, aty ku dikur ishte titullar i padiskutueshëm me Vllazninë.

Sipas të dhënave nga portali “Transfermarkt”, portieri aktualisht ka një vlerë karte prej 125 mijë eurosh. Gjithashtu, Qarri mban në CV-në e tij edhe një paraqitje me fanellën e Kombëtares shqiptare U20, e regjistruar në vitin 2019.

The post Nga Superiorja shqiptare te Vëllaznimi, portieri Kristi Qarri zyrtarizohet në Gjakovë appeared first on Albeu.com.

Jurgen Mehidri do të vijojë karrierën te KF Trepça Mitrovicë. Portieri 28-vjeçar i ka dhënë fund eksperiencës së tij me Korabin dhe ka zgjedhur të transferohet në Ligën e Parë të Kosovës.

Për gardianin, ky do të jetë angazhimi i parë jashtë kampionatit të Superiores dhe Kategorisë së Parë, si edhe përvoja e parë në futbollin kosovar. Paraqitjet e tij në karrierë kanë bërë që klubi nga Mitrovica të vendosë ta afrojë në skuadër.

Mehidri i hodhi hapat e parë si futbollist te Shkëndija e Tiranës. Gjatë karrierës së tij, 28-vjeçari ka qenë pjesë edhe e Laçit, Tërbunit, Vorës, Vllaznisë, Besës së Kavajës dhe së fundmi Korabit.

The post Ish-portieri i Vllaznisë lë Shqipërinë, Jurgen Mehidri firmos me Trepça Mitrovicë appeared first on Albeu.com.

Enes Kuka pritet të jetë afrimi më i fundit i KF Trepça Mitrovicë. Sipas burimeve të “Newsport.al”, mesfushori 24-vjeçar ka vendosur të mbyllë bashkëpunimin me Korabin dhe ta vazhdojë karrierën në Ligën e Parë të Kosovës.

Klubi nga Kosova po vazhdon të investojë te futbollistët që vijnë nga Shqipëria. Më parë, KF Trepça ka bërë zyrtare edhe marrëveshjet me Okseold Sefën dhe Rudolf Turkajn, ndërsa tani skuadrës do t’i shtohet edhe një tjetër ish-lojtar i Tiranës, njësoj si Sefa.

Kuka e ka filluar rrugëtimin e tij futbollistik në kryeqytet dhe ka qenë pjesë e Tiranës. Gjatë karrierës së tij ai ka luajtur gjithashtu edhe për Besën e Kavajës, Kastriotin, si dhe së fundmi për Korabin.

Në edicionin 2021/2022, 24-vjeçari ishte pjesë e “bardhebluve” në Superiore, sezon në të cilin arriti të shpallej kampion në elitën e futbollit shqiptar.

The post Trepça Mitrovicë vijon afrimet nga Shqipëria, firmos edhe me ish-kampionin e Tiranës appeared first on Albeu.com.

Okseold Sefa është zyrtarisht afrimi më i fundit i Trepçës së Mitrovicës. Mesfushori 24-vjeçar ka vendosur të lërë pas eksperiencën me Vorën në Superiore, duke nisur një aventurë të re në Ligën e Parë të Kosovës.

Për Sefën, kjo shënon herën e parë që aktivizohet jashtë Shqipërisë. Futbollisti është formuar te Tirana, ndërsa më pas ka qenë pjesë edhe e Kukësit dhe Vorës.

Në njoftimin e bërë publik, klubi kosovar konfirmoi marrëveshjen me lojtarin.

Okseold Sefa bashkohet me KF Trepçën KF Trepça ka kënaqësinë të ju njoftojë për arritjen e marrëveshjes me mesfushorin defensiv Okseold Sefa.

24-vjeçari nga Shkodra i bashkohet skuadrës sonë pas eksperiencave me KF Vora dhe KF Kukësi, ndërsa hapat e parë në futboll i ka zhvilluar në akademinë e KF Tirana.

Me energjinë dhe cilësitë e tij në mesfushë, Sefa vjen për t’i dhënë forcë dhe stabilitet skuadrës sonë në sezonin e ri. Mirë se erdhe në familjen Gjelbërt dhe Zi, Okseold!

The post Okseold Sefa largohet nga Vora, ish-mesfushori i Tiranës firmos me Trepçën e Mitrovicës appeared first on Albeu.com.