Ky rol vjen me përgjegjësi të mëdha dhe mund të ndikojë në dinamikën e lojës.

Si do të shfrytëzojë ai këtë pozicion? A do të sjellë vendime të forta apo aleanca të reja?

Mbetet për t’u parë se si do të zhvillohen ngjarjet në ditët në vijim.

The post Zgjidhet lideri i javës – çfarë pritet të ndodhë? appeared first on Albeu.com.

Përmes një zarfi të bardhë, banorët u njoftuan se do të thonin një emër dhe një arsye për personin që do të votonin si lider, që gjithashtu do të kishte një rol të rëndësishëm.

“Banorë, është momenti që të zgjidhni liderin e shtëpisë. Secili prej jush me radhë duhet të japë një emër dhe një arsye për banorin që zgjedh si lider dhe këtë rol e fiton ai/ajo që ka më shumë vota. Kujdes! Lideri do t ketë edhe një rol të rëndësishëm pasi do të vendosë se çfarë produktesh do të porositen prej buxhetit. Duke qenë se ju nuk u treguat bashkëpunues dhe nuk respektuan rregullat e sfidës së fundit të buxhetit, Vëllai i Madh iu njofton se do të keni vetëm 5 për qind të buxhetit”, thuhej në zarfin që lexoi Klajdi.

Ndërkohë menjëherë pas leximit të zarfit, banorët nisën me votimet dhe me shumicë votash lidere u bë Danja.

“Faleminderit që më votuat. Për buxhetin normalisht nuk e di ça të them. Siç ishte radhën që shkoi, kam përshtypjen që do e bëjmë edhe këtë herë”, tha Danja pasi u bë lidere dhe menjëherë nisi duke ndarë punët e shtëpisë.

The post Zgjidhet lideri, ja kush do ta ‘drejtojë’ shtëpinë e BBV4 në ditët në vijim appeared first on Albeu.com.

Annalena Baerbock e Gjermanisë dhe Jean-Noel Barrot i Francës janë ministrat e parë nga BE që vizitojnë Sirinë që kur rebelët morën kontrollin e Damaskut më 8 dhjetor dhe detyruan presidentin Bashar al-Assad të ikte pas më shumë se 13 vitesh luftë civile, duke i dhënë fund sundimit të tij prej dekadash.
“Udhëtimi im sot…është një sinjal i qartë për sirianët: Një fillim i ri politik midis Evropës dhe Sirisë, midis Gjermanisë dhe Sirisë, është i mundur,” tha ministrja e Jashtme gjermane Annalena Baerbock para se të nisej për në Damask.

Barrot shprehu shpresën e tij “për një Siri sovrane, të qëndrueshme dhe paqësore” pasi mbërriti në Damask, ku vizitoi edhe ambasadën franceze, e cila është mbyllur që nga viti 2012.

Që nga rrëzimi i Asadit, rebelët islamikë të udhëhequr nga Hayat Tahrir al-Sham (HTS) e Sharaa-s janë përpjekur të sigurojnë vendet arabe dhe komunitetin ndërkombëtar se ata do të qeverisin në emër të të gjithë sirianëve dhe nuk do të eksportojnë revolucionin islamik.

Qeveritë perëndimore kanë filluar të hapin gradualisht kanale me Sharaa dhe HTS, një grup mysliman sunit i lidhur më parë me Al Kaedën dhe Shtetin Islamik, dhe kanë filluar të diskutojnë nëse do të heqin përcaktimin terrorist të grupit.

“Ne e dimë se nga vjen HTS ideologjikisht, çfarë ka bërë në të kaluarën. Por ne gjithashtu dëgjojmë dhe shohim dëshirën për moderim dhe mirëkuptim me aktorë të tjerë të rëndësishëm“, tha ministrja gjermane, duke përmendur bisedimet me Forcat Demokratike Siriane kurde (SDF) aleate të SHBA-së.

The post Ministrat e Jashtëm gjermanë dhe francezë në Siri, pritet të takohen me liderin e ri appeared first on Albeu.com.

62-vjeçari mori drejtimin e plotë të Hamasit pas vrasjes së Ismail Haniyeh, i cili ishte udhëheqësi politik i grupit.

Nëse vdekja e tij konfirmohet, kjo do të thotë se Izraeli ka vrarë objektivin e tij kryesor që kur filloi sulmet dhe pushtimet tokësore në Gaza pas sulmit të Hamasit vitin e kaluar.

“Gjatë operacioneve të IDF në Gaza, tre terroristë u eliminuan. IDF dhe ISA po kontrollojnë mundësinë që njëri nga terroristët të jetë Yahya Sinëar. Në këtë fazë nuk mund të konfirmohet identiteti i terroristëve. Në ndërtesën ku u eliminuan terroristët, nuk kishte asnjë shenjë pengjesh në zonë. Forcat që po operojnë në zonë po vazhdojnë të operojnë me kujdesin e kërkuar”, thuhet në një deklaratë.

Kjo deklaratë vjen pas fotove që qarkullojnë sot në rrjetet sociale të cilat pretendojnë se tregojnë trupin e pajetë të Sinwar.

The post Ushtria izraelite vret liderin e Hamasit, Yahya Sinwar appeared first on Albeu.com.

Ky është një rast që lidhet me një përpjekje për të përmbysur me dhunë qeverinë në prag të anëtarësimit të Malit të Zi në NATO.

Në këtë rast akuzohen dy shtetas rusë, njëzet serbë dhe tre malazezë, mes të cilëve liderët e Frontit Demokratik pro-rus – Andrija Mandiq dhe Milan Knezheviq. Të gjithë ata akuzohen se kanë planifikuar sulme ndaj institucioneve dhe kryeministrit të atëhershëm, Milo Gjukanoviq, në ditën e zgjedhjeve, më 16 tetor të vitit 2016.

Këta persona akuzohen për krime kundër rendit kushtetues dhe sigurisë së shtetit, tentativë për terrorizëm dhe krijimi i organizatës kriminale.

Thuhet se në ditën e zgjedhjeve parlamentare në tetor të vitit të kaluar, ata kishin planifikuar marrjen e pushtetit me dhunë, sulmin ndaj Kuvendit dhe vrasjen e kryeministrit të atëhershëm malazez, Milo Gjukanoviq.

Aktgjykimi i shkallës së parë u miratua në maj të vitit 2019. Të pandehurit janë dënuar gjithsej me rreth 70 vite burg, ndërsa mbrëmë ka përfunduar procedura e përsëritur dhe është shpallur dënimi për 12 korrik.

Andrija Mandić (58), B.Sc. teknolog metalurgjik, atë emërtim apo titull e ka marrë në vitin 2007 me testament nga Milo Rakoçeviq, veteran “anonim” çetnik, emigrant në Francë, shkruan Antena M.

The post Kryeparlamaentari i Malit të Zi dhe lideri i serbëve pritet të dënohet për grusht-shtetin e vitit 2016 appeared first on Albeu.com.

Prej kohësh është përfolur se shëndeti i Kadyrov është përkeqësuar, teksa disa gazetarë të huaj kana aluduar se Kadyrov vuan edhe nga varësia ndaj drogërave.

Situata u vesh edhe më tepër nga misteri, pasi doktori personal i Kadyrov, u zhduk prej më shumë se një viti, ndërsa së fundmi kanë qarkulluar fjalë se ai është varrosur i gjallë, për shkak të paranojës së liderit çeçen se e kishte helmuar.

Përfaqësuesi Drejtorisë kryesore të Inteligjencës së Ukrainës, Andrei Yusov, tha se sëmundjet e Kadyrov u përkeqësuan, gjë që çoi në një gjendje kritike të tij.

“Informacionet konfirmohen nga burime të ndryshme në qarqet mjekësore dhe politike. Nuk bëhet fjalë për lëndime. Të tjera detaje kërkojnë sqarime të mëtejshme. Ai është i sëmurë prej kohësh dhe flasim për probleme sistematike shëndetësore”, deklaroi Yusov.

Disa ditë më parë, ndonëse nga burime të pakonfirmuara, në Rusi dhe Ukrainë është raportuar se Kadyrov ishte transportuar me urgjencë në një spital në Moskë, pasi kishte dalë nga banesa e tij me pizhame gjatë natës dhe kishte shkuar në zyrë.

The post Inteligjenca ukrainase: Lideri çeçen është në gjendje kritike për jetën appeared first on Albeu.com.

Agjencia e aviacionit civil të Rusisë me shpejtësi njoftoi se ai ishte në avionin që u rrëzua, por analistët thonë se në Rusi rrallë herë gjërat janë ashtu siç duken në sipërfaqe dhe nuk ka ende një konfirmim të pavarur për vdekjen e tij.

“Agjencia Federale e Transportit Ajror ka publikuar një listë të pasagjerëve të aeroplanit privat që u rrëzua dje. Në bord ndodheshin 10 persona, mes tyre edhe Yevgeny Prigozhin”, tha të mërkurën një nga prezantuesit e lajmeve të një prej televizioneve shtetërore ruse.

Mediat shtetërore ruse e kanë raportuar me detaje rrëzimin e aeroplanit, por në raportimet e mëngjesit të enjten, emri i Prigozhinit nuk është përmendur më.

Udhëheqësi mercenar drejtoi një kryengritje të shkurtër kundër ushtrisë ruse më herët gjatë këtij viti. Mbështetësit e tij pretenduan në kanalet e aplikacionit Telegram se avioni ishte rrëzuar qëllimisht, duke thënë se mund të ishte goditur nga një raketë e mbrojtjes ajrore ose të ishte vënë në shënjestër nga një bombë në bord.

Presidenti Joe Biden thotë se ai nuk e di se çfarë ndodhi, por “nuk është i befasuar”.

“Ka pak gjëra që ndodhin në Rusi pas të cilave nuk qëndron presidenti Putin… Nuk e di me të vërtetë se çfarë ka ndodhur, por nuk jam i befasuar”, tha presidenti Biden.

Rrëzimi i avionit ngjalli menjëherë dyshime pasi fati i Prigozhinit ka qenë objekt spekulimesh që kur ai nxiti kryengritjen.

Presidenti rus e denoncoi kryengritjen si “tradhti” dhe “thikë pas shpine” dhe u zotua se do të hakmerrej. Por akuzat kundër tij u tërhoqën shpejt. Shefi i Wagner-it, trupat e të cilit ishin disa nga forcat më të mira të Rusisë në Ukrainë, u lejua të shkonte në Bjellorusi, ndërsa thuhet se shfaqej herë pas here në Rusi.

Ndërsa vazhdojnë spekulimet, analistët dhe politikanët kujtojnë se kundërshtarë dhe kritikë të shumtë të presidentit rus janë vrarë ose janë sëmurë rëndë në ato që janë cilësuar si përpjekje për eliminimin e tyre.

“Ne e dimë si shkojnë këto gjëra në Rusinë e Putinit, vdekjet dhe vetëvrasjet e dyshimta, rënia nga dritaret – të gjitha mbeten të pashpjegueshme… Por, nuk është rastësi që e gjithë bota shikon menjëherë drejt Kremlinit kur një ish bashkëpunëtor i tij bie befas nga qielli, dy muaj pasi ai nxiti një kryengritje”, thotë ministrja e jashtme gjermane, Annalena Baerbock.

Keir Giles, një ekspert për Rusinë në grupin për çështjet ndërkombëtare Chatham House, bëri thirrje për kujdes në lidhje me raportet për vdekjen e Prigozhinit. Ai tha se “ajo që thotë shteti rus shpesh është shumë e ndryshme nga ajo që ka ndodhur në jetën reale”.

“Ka vlerësime se Prigozhin mund të ketë inskenuar vdekjen e tij sepse ai tashmë e di se është një njeri i vënë në shënjestër. Sapo u rebelua kundër Moskës, ai u kthye në një objektiv ”, vlerëson zoti Giles.

Dmitry Oreshkin, profesor në Universitetin e Lirë në Riga të Letonisë, tha se ai beson se incidenti kishte për qëllim të tregonte se presidenti Putin e ka nën kontroll vendin dhe se burimet e pushtetit janë në anën e tij.

“Ky është një veprim demonstrues. Prigozhin mund të ishte helmuar në heshtje dhe ai do të kishte vdekur nga një goditje në zemër, si shumë kundërshtarë të mëparshëm të Putinit … Kushdo që guxon të cenojë, do t’i këputet koka shpejt. Në këtë kuptim, Putini ka zgjedhur versionin më pak të pakëndshëm. Ai tregoi se e kishte situatën nën kontroll”, vlerëson profesori Oreshkin.

Nëse Prigozhin vërtet është vrarë, ekspertët mbi Rusinë nuk e vënë në dyshim se Kremlini qëndron pas kësaj, por analistët Giles dhe Oreshkin kanë qëndrime të ndryshme se çfarë pritet të jenë pasojat pas rrëzimit të avionit.

“Putini del më i fortë nga kjo situatë. Kjo formë teatrale e trajtimit të një kundërshtari në Rusi është normë për të demonstruar se nuk duhet të ngriheni kundër pushtetit. Për sa kohë që Prigozhin mbetej gjallë, ai vendoste një precedent të rrezikshëm”, thotë Giles.

“Në përgjithësi, është e qartë se ky është fillimi i rënies së agresionit të Putinit në Ukrainë. Para kësaj, kishte një fazë plot entuziazëm. Pastaj një fazë neutrale, e mbushur me mohim të realitetit nga ana e opinionit publik dhe tani fillon faza e zhgënjimit. Do të zgjasë gjithashtu për disa muaj dhe, me sa duket, kjo tashmë është e pakthyeshme”, vlerëson profesori Oreshkin.

Presidenti ukrainas Volodomyr Zelenskiy e pranoi se nëse udhëheqësi mercenar rus vërtetë ka vdekur, ky është një lajm i mirë për Kievin, por gjatë takimit me homologun portugez, Marcelo Rebelo de Sousa, ai e mohoi se Ukraina është e përfshirë.

“Ne nuk kemi asnjë lidhje me ngjarjen. Të gjithë e kuptojnë se kush ka të bëjë me të”, thotë presidenti Zelensky. /VOA/

The post Vdekja e shefit të grupit Wagner, ngjall reagime dhe hamendje appeared first on Albeu.com.

Në dekretin e nënshkruar nga Kadyrovit u tha se kushdo që e meriton këtë medalje duhet ta pranojë nga kryetari i rajonit.

Më herët gjatë këtij muaji, u bën disa ndryshime kushtetuese, përmes së cilave u mundësua që titulli i liderit të Çeçenisë të ndryshohet në “babai i popullit”.

Kadyrov ka dërguar në Ukrainë edhe anëtarë të grupit të tij për të luftuar përkrahë forcave të rregullta ruse në Ukrainë, dhe është raportuar se ai personalisht ka qëndruar në Ukrainë në marsin e vitit të kaluar.

Megjithatë, Kadyrov shpesh ka qenë kritik edhe ndaj komandantëve të lartë rusë lidhur me mënyrën se si kanë udhëhequr pushtimin e Ukrainës.

Në përvjetorin e parë të pushtimit të Ukrainës, shtetet perëndimore kanë shprehur mbështetjen e tyre për Kievin dhe janë zotuar se do të rrisin ndihmën ushtarake dhe financiare për Ukrainën.

Lufta në Ukrainë besohet se ka lënë të vdekur dhjetëra mijëra persona dhe miliona të tjerë janë zhvendosur./REL

The post Lideri çeçen i jep vetes medaljen “Hero” appeared first on Albeu.com.

Me anë të një postimi në Twitter, ajo ka bërë të ditur se do të diskutohet mbi prioritetet në Ballkanin Perëndimor dhe bashkëpunimin mes vendeve të rajonit.

“Ambasadorët do të takohen me drejtuesit e Departamentit të Shtetit këtë javë për të diskutuar prioritetet në Ballkanin Perëndimor, veçanërisht bashkëpunimin dhe integrimin rajonal, më të rëndësishme se kurrë”, shkruan Yuri Kim./albeu.com

?? ambassadors to ?? ?? ?? ?? ?? ?? ?? met with State Department leaders this week to discuss priorities in the Western Balkans, especially regional cooperation & integration – more important than ever. pic.twitter.com/rAiukfaTjF

— Ambassador Yuri Kim (@USAmbAlbania) June 24, 2022

The post Yuri Kim paralajmëron takim me liderët e DASH, çfarë do të diskutohet appeared first on Albeu.com.

Lideri pro rus i rajonit të Donetskut, Denis Pushilin është shprehur se nuk ka asnjë arsye se përse britanikët duhet të falen.

“Nuk shoh asnjë bazë, parakusht që unë të dal me një vendim të tillë për falje”, citohet të ketë thënë Denis Pushilin për agjencitë ruse të lajmeve.

Kujtojmë se Moska dënoi dy qytetarët britanikë dhe një maroken nën akuzat se ishin mercenarë që punonin për llogari të Kievit, por familjarët e të dënuarve pretendojnë se ata ishin ushtarë të rregullt të ushtrisë ukrainase. Kjo është konfirmuar edhe nga Kievi.

Pas konfirmimit se ishin ushtarë të rregullt, vendimi i gjykatës bie në kundërshtim me Konventën e Gjenevës, sipas të cilës ushtarët përjashtohen nga ndjekja penale për pjesëmarrje në luftë.

Donetsk dhe Luhansk janë dy entitete separatiste të mbështetura nga Rusia në rajonin Donbas të Ukrainës lindore, të cilin Rusia thotë se po lufton për ta hequr tërësisht nga kontrolli i Kievit./albeu.com

The post Dënimi me vdekje i dy ushtarëve britanikë, lideri pro rus i Donbasit: Nuk shoh asnjë arsye për t’i falur appeared first on Albeu.com.