Kryeministri Edi Rama dhe presidentja e Kosovës, Vjosa Osmani, të cilët po marrin pjesë në këtë takim kanë shtrënguar duart me Presidentin amerikan Donald Trump.

Më pas liderët kanë pozuar për foton familjare, me Presidentin Trump që është vendosur në qendër, shoqëruar nga zv/presidenti JD Vance dhe Sekretari i Shtetit Marco Rubio.

The post Bordi i Paqes/ Trump takon liderët e ftuar në Uashington, mes tyre edhe Rama dhe Osmani appeared first on Albeu.com.

Largimi i tyre ndodhi pas përfundimit të sesionit të parë në Shtëpinë e Europës.

Ndërkohë, pjesa tjetër e liderëve të Evropës përcolli nga Tirana një qëndrim të bashkuar kundër luftës në Ukrainë, duke bërë thirrje për intensifikimin e përpjekjeve diplomatike dhe ekonomike kundër agresionit rus. Kryeministri Edi Rama theksoi nevojën për një aleancë përtej mbështetjes ushtarake, ide e përqafuar edhe nga Presidenti francez Emmanuel Macron.

Në samit, Presidenti ukrainas Volodymyr Zelensky zhvilloi një bisedë të përbashkët telefonike me Presidentin amerikan Donald Trump, ku ishin të pranishëm gjithashtu liderë të tjerë europianë, përfshirë Macron, Merz, kryeministrin britanik Keir Starmer dhe homologun polak Donald Tusk.

“Ukraina është e gatshme të ndërmarrë hapa të shpejtë drejt paqes. Nëse Rusia nuk pranon një armëpushim të plotë dhe përfundim të agresionit, komuniteti ndërkombëtar duhet të përgjigjet me sanksione më të forta,” shkroi Zelensky në rrjetin social ‘X’, duke falënderuar vendet që vazhdojnë të mbështesin Ukrainën.

The post Samiti i Komunitetit Europian, kush janë liderët që u larguan më herët nga Tirana? appeared first on Albeu.com.

Trupa e baletit dhe Ansamblit Popullor, dhuroi një shfaqjen për liderët me kërcime e këngë tradicionale shqiptare.

Pas kësaj, në ekran u shfaq një video e bërë me Inteligjencë Artificiale, ku të gjithë udhëheqësit shfaqen si fëmijë dhe përshëndesin në gjuhën e vendit që drejtojnë “mirë se erdhët në Shqipëri”.

Kjo video shkaktoi të qeshura mes liderëve, që u habitën nga surpriza e Ramës.

Ky gjest kreativ mund të vlerësohet si një mënyrë origjinale për të përcjellë mesazhin e bashkimit, fëmijërisë dhe së ardhmes së përbashkët europiane.

The post Rama surprizon dhe sjell të qeshura në sallë, liderët shfaqen si fëmijë në video me AI (VIDEO) appeared first on Albeu.com.

Sipas fotografisë të siguruar nga Telegrafi në takim shihen liderët e partive politike të ulur afër dhe përballë njëri tjetrin.

Në këtë takim po marrin pjesë, kryetari i Lëvizjes Vetëvendosje, Albin Kurti, i PDK-së, Memli Krasniqi, LDK-së, Lumir Abdixhiku dhe ai i AAK-së, Ramush Haradinaj.

Ndryshe, Kosova ndodhet në ngërç institucional pas zgjedhjeve të fundit parlamentare të 9 shkurtit 2025. Pavarësisht 16 tentimeve për të konstituuar Kuvendin, procesi ka mbetur i bllokuar për shkak se partia që ka dalë e para në zgjedhje- Lëvizja Vetëvendosje nuk po arrin t’i sigurojë votat e mjaftueshme për zgjedhjen e kryeparlamentares, ndërsa partitë që gjatë legjislaturës së kaluar kanë qenë në opozitë nuk po pajtohen për ta votuar të propozuaren e kësaj partie, Albulena Haxhiun.

The post Pamje nga takimi i Osmanit me Kurtin, Krasniqin, Abdixhikun dhe Haradinajn appeared first on Albeu.com.

Sekretari amerikan i Shtetit Antony Blinken po merr pjesë në bisedimet me homologët e tij nga Britania, Franca, Gjermania dhe Italia, pas një ndalese më parë në Egjipt për diskutime mbi mënyrat për të çuar përpara negociatat për konfliktin në Rripin e Gazës.
Sekretari Blinken tha të mërkurën se është bërë përparim në një propozim për marrëveshje armëpushimi në Rripin e Gazës gjatë muajit të fundit, por tani Izraeli dhe Hamasi duhet të tregojnë “vullnet politik” për të arritur një marrëveshje mes tyre.

“Në marrëveshje janë 18 paragrafë, për 15 prej tyre është rënë dakord. Por çështjet e mbetura duhet të zgjidhen”, tha zoti Blinken gjatë një konference të përbashkët shtypi në Kajro me ministrin e Jashtëm egjiptian Badr Abdelatty.

Zoti Abdelatty u tha gazetarëve përmes një përkthyesi se Hamasi ka konfirmuar angazhimin e tij të plotë ndaj marrëveshjes së armëpushimit të arritur më 27 maj dhe ndaj ndryshimeve të bëra më 2 korrik.
Bisedimet disamujore të zyrtarëve amerikanë me Egjiptin dhe Katarin, që po ndërmjetësojnë negociatat mes Izraelit dhe Hamasit, nuk kanë sjellë një marrëveshje për t’u dhënë fund luftimeve. Negociatat janë përqendruar në një propozim që përfshin ndërprerjen e luftimeve dhe lirimin e pengjeve, që ende po mbahen nga militantët e Hamasit në Rripin e Gazës.

Shtetet e Bashkuara nuk kanë dhënë një afat kohor për propozimin e rishikuar, megjithëse zyrtarët amerikanë janë shprehur se ai do të paraqitet së shpejti.

Përpjekjet për arritjen e një armëpushimi mund të ndikohen nga shpërthimet vdekjeprurëse të pajisjeve komunikuese “pager” dhe radiove të dorës të anëtarëve të grupit militant Hezbollah në Liban.

Shpërthimet ndodhën disa orë pasi Izraeli njoftoi zgjerimin e objektivave të luftës së tij kundër Hamasit, duke përfshirë edhe operacionet për kthimin e banorëve të Izraelit verior në shtëpitë nga të cilat ata u evakuuan për shkak të përleshjeve mes trupave izraelite dhe militantëve të Hezbollahut përgjatë kufirit të Izraelit me Libanin.

Sekretari i Përgjithshëm i OKB-së Antonio Guterres shprehu shqetësimin e tij për sulmin, të cilin dyshohet se e ka kryer Izraeli.

“Është e logjikshme të mendohet se shpërthimi i këtyre pajisjeve është një veprim, që mund t’i paraprijë një operacioni të madh ushtarak”, u tha ai gazetarëve në Nju Jork. “Po aq të rëndësishme janë shenjat se kjo ngjarje konfirmon praninë e rrezikut serioz të një përshkallëzimi dramatik në Liban. Duhet bërë gjithçka për të shmangur këtë përshkallëzim.”

Hezbollahu, një aleat i Hamasit, filloi sulme pothuajse të përditshme ndaj Izraelit menjëherë pas fillimit të luftës në Rripin e Gazës, duke detyruar dhjetëra mijëra njerëz të largoheshin nga shtëpitë e tyre. Grupi i Hezbollahut, i cili ashtu si Hamasi mbështetet nga Irani, ka thënë se do t’i ndalë sulmet vetëm pas arritjes së një marrëveshjeje armëpushimi për Gazën. Hezbollahu është shpallur organizatë terroriste nga Shtetet e Bashkuara. Hamasi është shpallur organizatë terroriste nga Shtetet e Bashkuara, Britania e Madhe, Bashkimi Evropian dhe vende të tjera perëndimore.

Asambleja e Përgjithshme e OKB-së miratoi një rezolutë të mërkurën që i bën thirrje Izraelit t’i japë fund pushtimit të tokave palestineze brenda një viti. Rezoluta gjithashtu u bën thirrje vendeve të “ndërmarrin hapa” drejt përfundimit të furnizimit të Izraelit me armë, që mund të përdoren në zonat palestineze. Rezoluta u miratua me 124 vota pro, 14 kundër dhe 43 abstenime.

Rezoluta e hartuar nga delegacioni palestinez është një përpjekje për të shfrytëzuar prirjen pozitive të krijuar nga opinioni i Gjykatës Ndërkombëtare të Drejtësisë, lëshuar në korrik, i cili thekson se aneksimi dhe pushtimi i territoreve palestineze është i paligjshëm dhe ligjet dhe politikat diskriminuese të Izraelit kundër palestinezëve “përbëjnë aparteid”. “Ne jemi të përkushtuar ndaj sundimit të ligjit ndërkombëtar dhe paqes së drejtë dhe të qëndrueshme në rajonin tonë”, tha i dërguari palestinez Riyad Mansour. “Kjo kërkon garanci që të njëjtat rregulla të zbatohen për të gjithë. Të mos ketë asnjë paragjykim apo standarde të dyfishta. Dhe të mos ketë asnjë përjashtim.”

Izraeli kritikoi opinionin e gjykatës dhe ambasadori i tij u kërkoi vendeve të OKB-së të mos e mbështesnin rezolutën. “Ky është një vendim i turpshëm që mbështet terrorizmin diplomatik të Autoritetit Palestinez”, tha ambasadori Danny Danon përmes një deklarate pas votimit. Shtetet e Bashkuara votuan kundër rezolutës.

“Kjo rezolutë nuk ofron asnjë shpresë apo rrugë përpara”, tha ambasadorja amerikane në OKB, Linda Thomas-Greenfield. “Miratimi i saj nuk do të shpëtojë jetë palestineze, nuk do t’i kthejë pengjet në shtëpi, nuk do t’i japë fund vendbanimeve izraelite dhe nuk do të ringjallë procesin e paqes”, shtoi ajo gjatë diskutimit mbi rezolutën në Asamblenë e Përgjithshme të OKB-së.

Rezolutat e Asamblesë së Përgjithshme nuk janë ligjërisht detyruese, por ato mbajnë peshën e komunitetit ndërkombëtar. Hamasi shkaktoi konfliktin me sulmin e tij të tetorit 2023 në Izraelin jugor, në të cilin u vranë 1200 njerëz dhe u rrëmbyen 250 të tjerë. Në kundërofensivën e Izraelit në Rripin e Gazës janë vrarë më shumë se 41,200 palestinezë. Izraeli thotë se në mesin e të vrarëve janë mijëra militantë të Hamasit./Voa/

The post Diplomatët perëndimorë takohen në Paris për uljen e tensioneve në Lindjen e Mesme appeared first on Albeu.com.

Për këtë samit, në Tiranë për herë të parë ka ardhur edhe presidenti i Ukrainës Volodymyr Zelensky, i cili u prit mbrëmjen e djeshme në aeroport nga ministri i Jashtëm Igli Hasani.

Liderët që do marrin pjesë në samit janë:

Presidenti i Ukrainës Volodymyr Zelensky

Presidentja e Moldavisë Maia Sandu

Presidentja e Kosovës, Vjosa Osmani

Presidenti i Serbisë, Aleksandër Vuçiç

Presidenti i Maqedonisë së Veriut, Stevo Pendarovski

Kryetarja e Këshillit të Ministrave të Bosnje-Hercegovinës, Borjana Kristo

Kryeministri kroat, Andrej Plenkovic.

The post Samiti për Ukrainën, kush janë liderët që do marrin pjesë appeared first on Albeu.com.

Në hyrje të fjalës së tij Rama me humor theksoi se askush nuk e mendonte se sot te Piramida do të ishin të pranishëm ata që dikur Enver Hoxha i quante armiq, i cili është dhe njeriu që konceptoi Piramidën.

Sa i përket Kolegjit Europian, Rama tha se është shumë i lumtur, pasi ata që do të sttudiojnë aty do të bëhen hije e çdo qeverie për të përmbushur të gjitha standardet që këkron BE.

“Kush do ta mendonte në atë kohë kur u konceptua kjo piramidë, që armiqtë më të urrryer që ishte shtysa për këtë piramidë, do të vinin dhe të bënin këtë pushtim të menjëhershëm, askush. Por nga ana tjetër kujt do ja kishte marrë mendja në fund të viti të kaluar ë BE do të ishte kaq e shpejtë pë rtë lakuar nga fjalët në vepra. Më pak se një vit, dhe ja ku jemi. Dje presidentja e KiE prezantoi çeljen e aplikimeve, sot hapen dyert e zyrës së përfaqësimt dhe vitin tjetër njerëzit do të nisin mësimit në Kolegjin e Europës në Tiranë. Diçka po ndodh dhe ëhstë ka e majnitshme. Dua të ndaj me ju një anektodë të takimit me një ish-kryeministrët të BE-së, që ka qenë pjesë e ish-reandorisë sovjetike, kur e pyeta se si ëhstë jeta në BE më th” Se në vendin tim ka njerëz që na ndjekin hap pas hapi se çfarë bëhet në emër të BE. I thashë po hapim Kolegjin e Europës. Më tha: O Zot do të keni pas njerëz që ju ndjekin ttërë kohës, ëhstë si të kesh pas një KGB transparente. I thahë popo më kujtojmë Mark Rute i cili refuzon një kërkesë me një buzqeshje. BE është një beki i madh për të gjithë vendet tona”, tha Rama.

The post Liderët e BE në Tiranë, Rama: Kujt ia merrte mendja se armiqtë e personit që konceptoi Piramidën do e “pushtonin lehtësisht atë appeared first on Albeu.com.

Tre të rinjtë mbanin një banderolë ku shkruhej “Sanksione Ramës dhe Vuçiçit”.

Menjëherë më pas kanë ndërhyrë forcat e policisë, duke bërë dhe shoqërimin e tre të rinjve në komisariat.

Mesazhi i të rinjve i drejtohej liderve të BE, për të sankskionuar kreun e qeverisë shqiptare dhe presidentin serb, për nismën e tyre mbi “Ballkanin e Hapur”, e cila bie ndesh me Procesin e Berlinit.

The post “Sanksiononi Ramën dhe Vuçiçin”, tre të rinj thyejnë perimetrin e sigurisë, mesazh liderve të BE appeared first on Albeu.com.

Një zyrtar qeveritar në Berlin i tha Reuters-it se këto janë lëvizje drejt integrimit të mëtejshëm dhe stabilitetit të rajonit, ku edhe pas shpërbërjes së Jugosllavisë dhe luftërave ndëretnike të viteve ‘90, tensionet nuk ka përfunduar.
Siç shpjegoi ai, qëllimi është që Serbia, Mali i Zi, Bosnjë e Hercegovina, Maqedonia e Veriut, Kosova dhe Shqipëria t’i afrohen anëtarësimit në Bashkimin Evropian, për shkak të frikës nga ndikimet gjithnjë e më të shtuara të Rusisë dhe Kinës në rajon.

Kjo ka të bëj sidomos me Serbinë, e cila u bombardua nga NATO-ja dy dekada më parë dhe e cila kërkon të baraspeshojë lidhjet historikisht të ngushta me Rusinë dhe aspiratat për integrim ekonomik dhe politik me Perëndimin.

Siç raporton Reuters, zyrtari i Qeverisë gjermane tha se Serbia duhet të vendosë nëse dëshiron të anëtarësohet në Bashkimin Evropian apo të hyjë në një partneritet me Rusinë.

“Nevoja për të marrë një vendim del në pah marrë parasysh ngjarjet gjeopolitike”, tha zyrtari gjerman, duke iu referuar luftës së Rusisë kundër Ukrainës.

Më 3 nëntor, kancelari gjerman Olaf Scholz duhet të presë në Berlin liderët e gjashtë vendeve të Ballkanit Perëndimor dhe ata të BE-së, në kuadër të të ashtuquajturit “Procesi i Berlinit”, që është iniciuar nga paraardhësja e tij, Angela Merkel./rel

The post Tri marrëveshje në Berlin për liderët e Ballkanit Perëndimor appeared first on Albeu.com.