Samiti do të kryesohet nga presidenti i Këshillit Evropian, Antonio Costa. Bashkimi Evropian do të përfaqësohet nga presidenti i Këshillit Evropian Costa dhe Presidentja e Komisionit Evropian, Ursula von der Leyen.

Në takim do të marrë pjesë edhe përfaqësuesja e Lartë e BE-së për Politikë të Jashtme dhe Siguri, Kaja Kallas.

Samiti organizohet në prag të mbledhjes së fundit të Këshilit Evropian për këtë vit. Në këtë Samit i pranishëm do të jetë edhe Kryeministri Edi Rama.

Sipas BE-së, samiti do të shërbejë si një mundësi për të demonstruar dhe rikonfirmuar forcën e marrëdhënieve strategjike mes BE-së dhe Ballkanit Perëndimor, si dhe përfitimet që ato u sjellin qytetarëve.

Në përfundim të samitit do të miratohet Deklarata e Samitit BE-Ballkani Perëndimor, me të cilën pritet që partnerët e Ballkanit Perëndimor të harmonizohen.

Në samit do të theksohet rëndësia e marrëdhënieve politike dhe ekonomike mes BE-së dhe partnerëve të Ballkanit Perëndimor, veçanërisht në kontekstin aktual gjeopolitik dhe nevojën për lidhje edhe më të forta mes BE-së dhe Ballkanit Perëndimor.

Pritet që BE-ja të riafirmojë angazhimin e saj të plotë dhe të qartë për perspektivën e anëtarësimit të Ballkanit Perëndimor në BE, si dhe progresin e arritur në procesin e zgjerimit, të pasqyruar në raportin më të fundit të Komisionit Evropian.

Gjithashtu për diskutim pritet të jetë dhe situata politike në Bosnjë dhe Hercegovinë, prapambetja demokratike në Serbi si dhe Kosova, e cila brenda vitit shkon 2 herë në zgjedhje të përgjithshme.

Ky samit është zhvilluar në vitin 2022 në Tiranë. Liderët e BE-së dhe ato të Ballkanit Perëndimor, do të takohen përsëri vitin e ardhshëm më 1 qershor në samitin BE–Ballkani Perëndimor 2026, që do të zhvillohet për të dytën herë në Malin e Zi.

Axhenda

16:30 Mbërritja e liderëve të BE dhe Ballkanit Perëndimor

18:00 – Tryeza e rrumbullakët

19:30 Konferenca për shtyp Ursula Von der Leyen dhe Antonio Costa

The post Mblidhen në Bruksel liderët e BE-së dhe Ballkanit Perëndor, i pranishëm edhe Rama appeared first on Albeu.com.

“Shqipëria bëri diçka interesante në prezantim gjate samitit. Ajo solli në ekran krerët e shteteve dhe kryeministrat e vendeve pjesëmarrëse përmes një realizimi me AI. Ishte shumë interesante dhe çdo kryetar shteti ose kryeministër i atij vendi iu prezantua ajo inteligjencë artificiale”, tha ai.

Presidenti Erdogan, e cilësoi një risi domethënëse dhe shtoi se Turqia synon të ndjekë hapa të ngjashëm dhe të jetë konkurruese në zhvillimin e teknologjive të avancuara.

“Shpresojmë që të dalim me një infrastrukturë të tillë në një konkurs që do të mbahet në një të ardhme të afërt. Ne i besojmë vetes, ju besojmë juve dhe kështu, me vullnetin e Zotit, po ecim drejt së ardhmes me një infrastrukturë të fortë të inteligjencës artificiale”, u shpreh ai.

Videoja qe i referohet presidenti turk, u krijua me anë të inteligjencës artificiale dhe u shfaq gjatë ceremonisë së hapjes së samitit të BE në Teatrin e Operas dhe Baletit me 16 maj.

Të gjithë liderët europianë u shfaqen në versionin e tyre fëmijë teksa uronin në gjuhën e tyre: “Mirë se erdhët në Shqipëri” Videoja surprizë shkaktoi të qeshura në sallë dhe u shoqërua me duartrokitje nga të pranishmit.

The post Liderët e BE u kthyen në “fëmijë” në nisje të Samitit/ Erdogan për videon e Ramës: Inovacion domethënës, Turqia synon të ndjekë të njëjtin shembull appeared first on Albeu.com.