Haradinaj tha se protestat janë reagim ndaj ndërhyrjeve në politika që, sipas tij, kanë përçarë dhe dobësuar faktorin shqiptar, jo vetëm në Maqedoninë e Veriut, por edhe në rajon.

“E drejta themelore për gjuhën shqipe, e garantuar me kushtetutë, nuk duhet të cenohet nga askush. Çdo përpjekje për ta prekur është shkelje flagrante e të drejtave. Sot jemi një me studentët, në qëndresën e tyre dhe në kërkesat e tyre legjitime. Një për gjuhën shqipe. Kujtdo që i ka penguar kjo gjuhë, historia nuk do t’ia falë,” ka shkruar Haradinaj në një postim publik.

Deklarata e tij vjen në një kohë kur studentët shqiptarë në Maqedoninë e Veriut protestojnë për të garantuar përdorimin e gjuhës shqipe në institucione dhe arsimin publik, duke kërkuar respektimin e të drejtave të tyre ligjore dhe kushtetuese.

The post Haradinaj: Çdo përpjekje për të cenuar gjuhën shqipe në Maqedoninë e Veriut është e papranueshme appeared first on Albeu.com.

“Banorë, është momenti të zgjidhni liderin e ri të shtëpisë që do të jetë edhe lideri i fundit për këtë sezon. Sipas krahut orar duhet të votoni me radhë dhe banori që merr më shumë vota do të zgjidhet lider dhe do të ketë një avantazh”, shkruhej në zarfin e bardhë që u fut sot në shtëpinë më të famshme në Shqipëri.

Me shumicë votash, liderja e fundit e shtëpisë për këtë sezon u zgjodh Brikena Selmani. Ndërkohë avantazhi i saj mund të mësohet mbrëmjen e sotme në Prime ose në ditët në vijim.

The post Zbuloni kush u zgjodh lideri i fundit për këtë sezon të 5 të “Big Brother VIP”, ja çfarë avantazhi do ketë… appeared first on Albeu.com.

I lavdëruar nga mbështetësit si një udhëheqës i urtë ndërsa nga kritikët si diktator, Khamenei do të mbahet mend si një figurë monumentale e Revolucionit Islamik, i cili e ndërtoi ngritjen e tij në pozitën e liderit suprem mbi reputacionin për devotshmëri dhe përkushtim të ashpër ndaj kauzës.

Përdorimi i forcës kundër popullit të tij, burgosja e figurave opozitare brenda vetë udhëheqësisë, si dhe rezistenca e madhe ndaj ndikimit të jashtëm – veçanërisht atij të Shteteve të Bashkuara dhe Izraelit – formësuan trashëgiminë e tij si një figurë e ashpër dhe e pakompromis, që e çoi vendin drejt izolimit ndërkombëtar.

“Historia do të tregojë se sundimi i Khameneit ishte thellësisht traumatik për popullin iranian, i cili e pa vendin e tij të izoluar dhe të dobësuar deri në pikën kur shumica e shihnin emigrimin si shpresën e vetme”, tha Alex Vatanka, drejtor i Programit për Iranin në Institutin për Lindje të Mesme, me seli në Uashington.

Vitet e fundit të sundimit të Khameneit u shënuan nga protesta të shpeshta mbarëkombëtare kundër udhëheqësisë dhe nga shtypje vdekjeprurëse shtetërore që lanë mijëra demonstrues të vrarë. Protestat për koston e lartë të jetesës në vitin 2017, çmimet e karburantit në 2019, mungesat e ujit në 2021 dhe vdekja në paraburgim e Mahsa Aminit, një gruaje të re që dyshohej se kishte shkelur ligjin për hixhabin në vitin 2022, pasqyruan rritjen e sentimentit kundër regjimit në Iran.

Por, protestat më vdekjeprurëse kundër Republikës Islamike shpërthyen në fund të dhjetorit 2025 dhe vazhduan në fillim të janarit 2026. Trazirat u shtypën brutalisht, me organizatat për të drejtat e njeriut që konfirmuan mbi 7.000 të vrarë, por paralajmëruan se numri real ka gjasa të jetë shumë më i lartë. Disa vlerësime flasin për katërfishin e shifrës së konfirmuar.

Khamenei kurrë nuk mori përgjegjësi për rritjen e pakënaqësisë kundër sundimit të tij dhe, në vend të kësaj, fajësoi aktorë të huaj për protestat kundër udhëheqësisë, duke pretenduar se ata synonin dobësimin e Republikës Islamike.

Gjatë gjithë jetës së tij, Khamenei tregoi një aftësi të veçantë për të luajtur në dy anë. Ata që e takuan në rini e kujtojnë si një klerik të gjatë dhe të dobët, që dashuronte poezinë dhe letërsinë, dhe ishte i interesuar të bisedonte me të rinjtë. Kjo bie në kontrast të madh me figurën e mëvonshme, me mjekër dhe qasjen antiamerikane që tërhoqi vëmendjen e botës.

Nën mbikëqyrjen e liderit dikur të hapur, represioni lulëzoi, rrethi i të brendshmëve në Teheran u ngushtua dhe Republika Islamike u bë gjithnjë e më e izoluar.

Për dekada me radhë, ai kishte fjalën e fundit për pothuajse të gjitha çështjet në Iran – nga nëse gratë mund të ngisnin biçikleta në publik deri te qasja e marrëdhënieve të vendit me Shtetet e Bashkuara, të cilat ai i quante “Djalli i Madh”.

Khamenei përdori lirshëm pushtetin e tij mbi institucione kryesore sikurse gjyqësori, transmetuesi shtetëror dhe ushtria. Nëse i nevojitej forcë, ai mbështetej në aparatin ushtarak të sigurisë që përfshinte trupat e Gardës Revolucionare Islamike dhe shërbimet e frikshme të inteligjencës së Iranit.

“Duke fuqizuar Gardën Revolucionare, ai e militarizoi politikën e vendit dhe, duke bashkëpunuar me establishmentin klerikal, e delegjitimoi atë”, tha Ali Vaez, drejtor i Projektit për Iranin në Grupin Ndërkombëtar të Krizave.

I lindur në Mashad në vitin 1939, Khamenei ishte djali i dytë i një kleriku. Ai e nisi edukimin fetar herët, u frymëzua në adoleshencë nga revolucionari i zjarrtë i Sayyid Navvab Safavit dhe studioi në qytetin e shenjtë të Komit nën udhëheqjen e themeluesit të ardhshëm të republikës islamike, Ajatollah Ruhollah Khomeini.

Nga aktivist në lider të përbuzur

Khamenei fitoi reputacion si dijetar fetar i përulur dhe i devotshëm dhe, në vitin 1962, iu bashkua lëvizjes revolucionare të Khomeinit, e cila kundërshtonte shahun dhe politikat proamerikane të Teheranit. Aktivizmi i tij revolucionar tërhoqi vëmendjen e autoriteteve, duke çuar në arrestimin dhe burgosjen e parë nga shumë të tjera.

Në vitin 1964, 25-vjeçari Khamenei vendosi të largohej nga Komi për t’u kujdesur për të atin – një “vepër e mirë” që më vonë tha se ishte bekuar nga Zoti dhe që ia atribuoi suksesit të tij të mëvonshëm.

Në Mashad, Khamenei dha mësime mbi Kuranin dhe ideologjinë islame, çka çoi në burgime, tortura dhe përfundimisht në internim të brendshëm. Kur ndodhi revolucioni në vitin 1979, ai u emërua në Këshillin Revolucionar Islamik nga ish-mësuesi i tij, Khomeini.

Ai do të mbante disa poste të rëndësishme brenda regjimit klerikal – përfshirë dy mandate si president – dhe i mbijetoi një atentati në vitin 1981 që ia paralizoi dorën e djathtë.

Kur Khomeini vdiq në vitin 1989 pa një pasardhës të qartë, Khamenei u zgjodh si lideri i dytë suprem i Iranit nga Asambleja e Ekspertëve, një organ klerikal me 88 anëtarë.

Zgjedhja habiti shumëkënd – duket se edhe vetë Khamenein.

“Duhet të derdhim lot gjaku për shoqërinë islamike që është detyruar madje të më propozojë mua [si lider suprem]”, kishte thënë Khamenei para emërimit të tij.

“Ndryshe nga paraardhësi i tij, i cili nuk i përkiste asnjë fraksioni të caktuar politik, Ajatollah Khamenei ishte lideri de facto i kampit konservator. Kështu ai humbi aftësinë për të qëndruar mbi përplasjet dhe për të menaxhuar në mënyrë efektive rivalitetet fraksionare”, tha Vaez.

Gjatë sundimit të tij, ai u shpreh hapur kundër Shteteve të Bashkuara, për të cilat pretendonte se synonin rrëzimin e Republikës Islamike dhe rivendosjen e një marrëdhënieje patron-klient me Teheranin.

Nën mbikëqyrjen e tij, Irani zgjeroi ndikimin në rajon përmes të ashtuquajturit “Boshti i Rezistencës” – një rrjet i lirshëm përfaqësuesish, grupeve militante të mbështetura nga Teherani dhe aktorëve shtetërorë aleatë që luajnë rol të rëndësishëm në strategjinë e Iranit për t’iu kundërvënë Perëndimit, kundërshtarëve arabë dhe rivalit të tij kryesor, Izraelit.

Por ky rrjet u shpërbë pas rënies së Qeverisë së Bashar al-Assadit në Siri në vitin 2024 dhe një fushate izraelite për të shkatërruar udhëheqjen e Hezbollahut në Liban, grup i shpallur terrorist nga SHBA-ja, për të dobësuar kapacitetet e Huthve në Jemen dhe për të goditur rëndë Hamasin në Rripin e Gazës.

Edhe Hamasi është i shpallur grup terrorist nga SHBA-ja dhe fuqi tjera.

Khamenei u zhduk dukshëm nga sytë e publikut gjatë luftës 12-ditore të Izraelit kundër Iranit në qershor 2025, gjë që ngriti pikëpyetje për udhëheqjen e tij në qarqet politike të vendit.

Khamenei pati përplasje me shumë prej presidentëve të Iranit, të cilët më pas u margjinalizuan nga udhëheqësia.

Përjashtimi kryesor ishte Ebrahim Raisi, një klerik i linjës së ashpër që shumëkush besonte se po përgatitej për ta pasuar Khamenein si lider suprem. Raisi vdiq në një aksident me helikopter në maj 2024, duke ndërlikuar planet e pasardhjes së Khameneit.

Asambleja e Ekspertëve me 88 anëtarë, e dominuar nga klerikë konservatorë, tani do të duhet të emërojë një pasardhës të Khameneit.

“Ai do të mbahet mend si një njeri që pati shumë mundësi për të dëgjuar popullin e tij dhe për të ndryshuar qasjen. Por, si lider suprem ishte aq i vendosur në qëndrimet e tij të ngurta, aq i vendosur të triumfonte ndaj rivalëve të brendshëm dhe të jashtëm, dhe thellë brenda vetes aq i pasigurt, sa kurrë nuk zgjodhi vërtet një reflektim serioz”, tha Vatanka.

Khamenei la pas katër djem, një vajzë dhe bashkëshorten e tij. Vajza e dytë raportohet se vdiq në të njëjtat sulme të SHBA-së dhe Izraelit që vranë Khamenein./ REL

The post Nga jeta si aktivist te diktatura e pamëshirshme dhe financizmi i terrorizmit! Kush ishte Ajatollah Ali Khamenei? appeared first on Albeu.com.

Gjimshiti që mban edhe shiritin e kapitenit, është kthyer në një figurë qendrore për ekipin e drejtuar nga Ivan Juriç, jo vetëm për kontributin në fushë, por edhe për lidershipin në dhomat e zhveshjes.

Gjimshiti mund të shënojë një moment historik: nëse aktivizohet në Champions ndaj Slavias së Pragës, ai do të plotësojë plotë 296 paraqitje me fanellën zikaltër, duke u bërë mbrojtësi i dytë më me shumë ndeshje në historinë e klubit, pas Rafael Toloi.

Një tjetër dëshmi e rëndësisë së tij në projektin e Atalantës dhe një krenari sigurisht kjo edhe për futbollin shqiptar.

The post Një lider i vërtetë tek Atalanta, Berat Gjimshiti pranë rekordit historik me bergamaskët appeared first on Albeu.com.

Legjenda portugeze triumfoi përballë mikut të tij, Karim Benzema, për më tepër duke qenë protagonist.

Al Nassr, zgjidhi gjithçka brenda pjesës së parë, ku fillimisht ishte Mane i cili me një goditje fluturimthi brenda në zonë zhbllokoi rezultatin që në minutën e 9-të.

Në të 35-tën, Mane futi në kros perfekt në qendër, aty ku Ronaldo me kokë tundi rrjetën duke dyfishuar shifrat. Ky ishte goli i tij i katërt në katër ndeshje këtë sezon.

Falë këtij suksesi, Al Nassr kryeson i vetëm, plus 2 pikë në raport me Al Ittihad.

Për fat të keq në këtë super sfidë mungoi ylli kuqezi, Mario Mitaj. Anësori shqiptar nuk u përfshi në listë nga trajneri Blanc.

The post Kristiano Ronaldo triumfon ndaj Benzema, Al Nassr lider në Arabi, Mitaj e sheh nga tribuna (VIDEO) appeared first on Albeu.com.

Të gjithë banorët kanë votuar dhe me shumicë votash lider bëhet Gerti.

Deri më tani lider i “Big Brother VIP 4” ishte G-Bani, i cili u zgjodh pasi Gili u largua përfundimisht nga shtëpia më e famshme në Shqipëri.
Tani do të jetë Gerti ai që do të ndajë punët e shtëpisë, e publiku është kurioz të shohë nëse banorët do e dëgjojnë.

The post Lideri i shtëpisë së Big Brother për këtë javë, banorët marrin vendimin appeared first on Albeu.com.

Gili, e njohur për përkushtimin dhe udhëheqjen e saj të mençur, dhe Redon, i cili është ende i ri por me një vizion të fortë dhe energji të jashtëzakonshme, do të drejtojnë këtë shtëpi me shpresën për të sjellë risi dhe forcë në lidhjet e brendshme të grupit.

Ndjekësit e BVVA presin me interes të shohin se si do të zhvillohet kjo udhëheqje e re dhe cilat do të jenë prioritetet e Gili dhe Refon.

The post Zgjidhet lideri, ja kush do ta ‘drejtojë’ shtëpinë e BBV4 në ditët në vijim appeared first on Albeu.com.

Ushtria izraelite theksoi se forcat e policisë kufitare e vranë Wassem Hazem, për të cilin tha se ishte lider i Hamasit në Xhenin dhe se ai ishte i përfshirë në sulme me të shtëna dhe me bomba në territorin palestinez.

Dy pjesëtarë të tjerë të Hamasit, të cilët u përpoqën të iknin nga vetura me të cilin po udhëtonin që të re, u vranë nga një dron, tha ajo.

Në veturën e tyre u gjetën eksplozivë dhe sasi të mëdha parash, sipas saj. Hamasi konfirmoi se të tre u vranë, dhe tha se ata ishin pjesëtarë të krahut të tij të armatosur, Brigada Al-Wassam.

Forcat izraelite e nisën të mërkurën një operacion të gjerë, i cili përfshin qindra trupa dhe policë, në Xhenin dhe Tulkarm, në Bregun e uzurpuar Perëndimor.

Forcat izraelite, të mbështetur nga helikopterë dhe dronë, u futën më thellë në Xhenin dhe Tulkarm të premten, ndërsa buldozerët e blinduar lëvruan rrugët për t’i shkatërruar bombat e vendosura skajeve të rrugëve nga grupet militante.

Përshkallëzimi i armiqësive në Bregun Perëndimor po ndodh në një kohë kur luftimet mes forcave izraelite dhe militantëve të Hamasit po vazhdojnë në Rripin e Gazës prej se filloi lufta gati 11 muaj më parë. Gjithashtu, në këtë kohë janë rritur edhe përleshjet në zonën kufitare Izrael-Liban mes Hezbollahut të mbështetur nga Irani dhe Izraelit.

Në dy ditët e para të operacionit izraelit në Bregun Perëndimor janë vrarë së paku 17 palestinezë, përfshirë një komandant vendës i Xhihadit Islamik, grupit të mbështetur nga Irani në Tulkarm.

Qeveria e Britanisë së Madhe tha të premten se është “thellësisht e shqetësuar” nga operacioni i Izraelit në Bregun Perëndimor dhe bëri thirrje për shtensionim urgjent.

Së paku 652 palestinezë në Bregun Perëndimor janë vrarë nga zjarri i forcave izraelite prej se nisi lufta në Gazë para 11 muajve, sipas Ministrisë palestineze. Shumica kanë vdekur gjatë operacioneve të tilla, të cilat shpesh kanë nxitur luftime mes forcave izraelite dhe militantëve.

Izraeli thotë se operacionet janë të nevojshme për t’i shkatërruar Hamasin dhe grupet e tjera militante dhe për t’i parandaluar sulmet kundër izraelitëve, të cilat gjithashtu janë rritur prej se nisi lufta.

Izraeli i uzurpoi Bregun Perëndimor, Gazën dhe Jerusalemin lindor gjatë luftës së vitit 1967. Palestinezët i duan këto tri vende për ta themeluar shtetin e tyre.

Izraeli ka ndërtuar shumë vendbanime në Bregun Perëndimor, ku jetojnë mbi 500.000 kolonë izraelitë. Ata gëzojnë shtetësi izraelite, ndërsa mbi 3 milionë palestinezë në Bregun Perëndimor jetojnë nën sundimin e ushtrisë izraelite, sepse Autoriteti Palestinez ka vetëm kontroll të kufizuar mbi qendrat popullore.

Lufta në Gazë nisi më 7 tetor të vitit të kaluar, kur militantët e Hamasit u futën vrullshëm në jug të Izraelit dhe i vranë rreth 1.200 njerëz dhe i rrëmbyen mbi 250 të tjerë, sipas zyrtarëve izraelitë.

Si pasojë e luftës izraelite, pjesë të Rripit të Gazës janë bërë rrafsh me tokën dhe së paku 40.000 njerëz janë vrarë, sipas autoriteteve shëndetësore në enklavë./REL

The post Një lider i Hamasit vritet në ditën e tretë të operacionit izraelit në Bregun Perëndimor appeared first on Albeu.com.

Haxhinasto: Mënyra si ne e kemi menduar për shpërndarjen e fondeve për fushatën zgjedhore duke ndjekur parimin e barazisë gjinore, besoj se e akomodon edhe atë merakun që të kemi një kuotë të caktuar të fiksuar për buxhetin që përdorin zonjat në fushatë zgjedhore kandidate zonja. Kjo është ajo që diskutojmë. Kurse për çështjen e dytë, për rrethin ku aplikohet lidhja nepotike. Ashtu siç e shpjegoi në emër të grupit të punës edhe zonja Caka, ne kemi marrë si referencë përcaktimin ligjor për familjen e aftë. E kemi ndjeshmërinë që besojmë që ligji ka bërë një përcaktim të qartë dhe e vendos atë vullnet në statutin tonë për ti dhënë hapësirë meritokracisë, që edhe persona me lidhje të caktuara nepotike, e kanë mundësinë të konkurrojnë me platforma alternative në të gjithë forumet drejtuese të PL. Edhe propozimim i dytë në një mënyrë është i akomoduar në statut. Nuk na ngelet gjë tjetër veçse ta hedhim dakord kush është dakord me versionin e grupit të punës.

Kush është dakord me propozimin e paraqitur nga zonja Kryemadhi.

30% do të akomodohet në mënyrën si e kemi formuluar ne, që do të thotë që me do të zbatojmë parimin e barazisë së plotë gjinore.

Meta: Minimumi 50%. Vëre 50%.

Haxhinasto: Unë nuk thashë zonja Kryemadhi që në statut është përcaktuar përqindje. Thashë që kemi një parim. Ju sqaroj unë.

Meta: 30% është shumë pak, se ne kemi vajza të mrekullueshme anembanë Shqipërisë, shumë do na bashkohen. Dhe ta vëmë minimumin 50%, 5 prioritetet. Ne për hir të 5 prioriteteve përmendëm shtëpinë botuese 55. A e keni parë piktori ka nxjerrë ato duart për të na kopjuar neve? Po ai nuk na arin dot ne. Marrim shpejtësi tjetër nga sot. dhe me 50% të grave.

Kryemadhi: Ja pse është lider Ilir Meta. Sepse nuk ju lë të mos mbani premtimin që keni dhënë për gratë dhe vajzat për buxhetimin 30%, por ju jep atë që ju takon grave dhe vajzave 50%. Prandaj është lider Ilir Meta. Nuk është lider Ilir Meta për të bërë mashtrimin e rradhës sepse e keni në statut zoti Haxhinasto të publikuar në faqen online, ku nuk keni zero buxhetim për gratë, ku i konsideroni të barabarta vetëm për buxhetimin vjetor, jo për buxhetimin e fushatave elektorale, prandaj duhet të jemi serioz edhe me partnerët ndërkombëtarë për të vendosur në statut pikën e buxhetimit të grave. Sa i përket konfliktit të interesit, daç miratojeni daç mos e miratoni, ajo ka të bëjë me të ardhmen tuaj.

Haxhinasto: Faleminderit zonja Kryemadhi! Besoj se referenën për mashtrim nuk e kishit për mua, sepse unë nuk jam shquar ndonjëherë për mashtrim.

The post Buxhetimi 50% i grave dhe vajzave, Kryemadhi: Prandaj Meta është lider, jo për mashtrime! Haxhinasto: Besoj nuk e ke me mua referencën për mashtrim appeared first on Albeu.com.

Ai banor i cili do të shtypte butonin në living kur produksioni të jepte një shenjë do të bëhej lider i shtëpisë.

Juli pak momente më parë e shtypi butonin dhe kështu është përzgjedhur lider i javës për shtëpinë e ‘BBV3’.

View this post on Instagram

A post shared by Big Brother Alb VIP Edition (@bigbrotheralb_vip)

The post VIDEO/ Shtypi butonin dhe u bë lider, ja cili banor appeared first on Albeu.com.