Por asnjë mjek nuk mund  të rimmarë licensën nëse nuk ka mbushur 150 kredite për  5 vitë duke rifreskuar njohuritë e tyre nëpër konferenca mjekësore ku mësojnë me të reja  dhe zhvillime në fushën e mjekësisë… E nëse nuk ke kreditet e duhura i nënshtrohesh një provimi.

“Po gjatë vitit që lamë pas 20 mjekë erdhën në provim”- tha Fatmir Brahimaj.

Por shpesh duke qenë mjëkë të njohur dhe me eksperiencë të gjatë  i neglizhojnë kreditet ndërkohë që nuk është thjesht detyrim etik, por ligjor prej disa vitesh.

“I neglizhojnë. Ka nga ata të cilët janë mjekë të vetëm kryesisht në zona të largëta që e dinë veten të pazëvendësueshëm”- tha Brahimaj.

Disa muaj më parë një mjek i njohur në spitalin e Traumës u pushua nga puna pasi nuk kishte plotësuar as kreditet dhe as i ishte nënshtruar provimit duke mos marrë kështu rilicensimin, çka detyroi  drejtuesit e spitalit të firmosnin largimin e tij nga spitali edhe pse njihej ndër mjekët më të mirë në këtë spital.

The post Kreditet e mjekëve! Asnjë nuk duhet të rilicencohet pa mbushur 150 kredite appeared first on Albeu.com.

Edhe pse shumë e njohin si këngëtar, në fakt, Luzi Ejlli ka studiuar në Francë për t’u bërë avokat ose noter.

Megjithatë, në vitin 2013, pas studimeve në Francë, ai shprehej se do të kthehej në Shqipëri.

“Ka pak që jam kthyer në Shqipëri, ku u diplomova në Francë për Drejtësi. Aktualisht po shikoj për hapësira për të ushtruar profesionin tim. Le të shikojmë se çfarë do të na ofrojë fati! Kështu them! Të nis një jetë të re si avokat, noter. Të shikojmë dhe konkurset e ndershme që na kanë sjellë tani, le t’i provojmë”, shprehej Luizi për mediat.

Por 8 vite më vone, Ministria e Drejtësisë i hoqi licencën e noterit Luizit,  me motivacionin se nuk kishte bërë asnjë punë prej vitesh.

Pas një kontrolli të ushtruar në adresën e syrës së avokatisë që ai kishte paraqitur më 12 mars 2021,  Ministria e Drejtësisë vendosi t’ia heqë licencën, sepse, pas 5 majit 2018, nuk kishte kryer asnjë veprim noterial.

Ishte ish-ministrja e Drejtësisë, Etilda Gjonaj ajo që e kishte firmosur urdhrin, por nga Luizi nuk është folur kurrë për këtë detaj. /albeu.com

The post Prej vitesh nuk bëri asnjë veprim noterial, Ministria e Drejtësisë i hoqi licencën Luiz Ejllit (DOKUMENTI) appeared first on Albeu.com.

Nisur nga numri i vogël i autobusëve në qarkullim, qytetarëve iu duhet të presin shumë nëpër stacione duke humbur punën. Edhe kur autobusët vijnë, ata janë plotë duke mos respektuar asnjë kriter të masave anti-Covid.

Në këtë mënyrë, krahas të ardhurave, pra punës, qytetarëve të Tiranës iu kërcënohet edhe shëndeti nga një vendim i kompanive të shërbimit urban, të cilat kanë vendosur që të shërbejnë me gjysmë kapaciteti. Shërbimi urban në Tiranë ofrohet nga kompani private, por kontrollohet nga Bashkia e Tiranës. Kjo e fundit kontrollon nëse kompanitë plotësojnë kushtet e nevojshme për të mbajtur licencën apo jo.

Madje, një muaj më parë bashkia ia hoqi licencën kompanisë “Ferlut” me argumentin se kishte shkelur kontratën. Në këto kushte, ky vendim i kompanive të urbanëve për të përgjysmuar shërbimin duket tejet i guximshëm.

Në rast se edhe Bashkia e Tiranës nuk është pjesë  e kësaj loje, atëhere duhet që ajo të ndërhyjë duke i hequr licencat kompanive në fjalë për aq kohë sa ato kanë vendosur që në mënyrë të njëanshme të ofrojnë gjysmë shërbimi ndaj banorëve të kryeqyetit./abcnews.al

The post Urbanët kërcënojnë “bukën” dhe shëndetin e kryeqytetasve, Bashkia e Tiranës t’u heqë licencat nëse nuk është pjesë e lojës! appeared first on Albeu.com.