“Kosova është nën kërcënim të vazhdueshëm nga Serbia, dhe po të mos ishte rreziku nga Serbia edhe nuk do ta shihja Kosovën si projekt të përkohshëm”, deklaroi Aliu në RTK Prime.

Ai theksoi se bashkimi i shqiptarëve do të sillte stabilitet sepse sipas tij Kosova nuk mund të bazohet në prezencën e KFOR-it. “Kur flasim për zgjidhje afatgjate dhe të qëndrueshme ne nuk mund të bazohemi në prezencën e KFOR-it sot, sepse nuk dihet si do të shkojnë punët, dhe me rrezikun nga Serbia zgjidhja më e mirë dhe me siguri për stabilitet është bashkimi”, deklaroi Aliu, transmeton RTKlive.

Ai theksoi se “vetëm bashkimi krijon stabilitet në Ballkan, nën kërcënimin e vazhdueshëm nga Serbia. Kosova si e vetme do të jetë përherë e rrezikuar. Nuk po them që s’mund t’ia dalim, ne mund edhe të mobilizohemi mirë, të forcohemi dhe të luftojmë kundër tyre. Por, fatkeqësisht do të jemi të detyruar të jemi tërë kohën të mobilizuar dhe të orientuar nga aspekti i sigurisë në mënyrë që t’i bëjmë ballë. Kësisoj, të bashkuar me Shqipërinë, situata karshi Serbisë së tanishme, e cila ka pretendime të hapura gjithmonë ndaj Kosovës, është opsion përherë”, tha Aliu.

Sipas tij, derisa Serbia instrumentalizon serbët e Kosovës për qëllime të veta, atëherë shoqëria jonë nuk do të jetë multietnike, por multietnikoserbe. “Synimi i Zajednicës është që brenda komunave serbe të jetë shoqëri njëetnike, pra serbe, kurse jashtë tyre shoqëri multietnike dhe serbe”, deklaroi Aliu.

Ministri tha se shoqëri multietnike dhe Asociacion nuk mund të ketë. Aliu deklaroi se shqiptarët e kanë të drejtën që të jetojnë bashkë dhe me këtë edhe ballafaqimi me çdo situatë përball Serbisë do të ishte më i fortë.

The post Liburn Aliu: Po të mos ishte rreziku nga Serbia Kosovën s’do ta shihja projekt të përkohshëm appeared first on Albeu.com.

Aliu ka vizituar kryetarin e sapoemëruar Lulzim Hetemi i cili prej 16 ditësh nuk kishte dalë nga ndërtesa e komunës.

Ndërkohë serbët për të 16-tën ditë po protestojnë para ndërtesës së komunës në Leposaviq. Ata po kërkojnë largimin e kryetarit dhe Njësisë Speciale nga ajo pjesë.

The post Serbët sulmojnë makinën ministrit të Infrastrukturës në veri të Kosovës (VIDEO) appeared first on Albeu.com.

Sipas policisë, autori i vjedhjes u kap në pikën kufitare të Morinës.

Ndërkohë materialet i kaluan Prokurorisë pranë Gjykatës së Rrethit Gjyqësor Tropojë, për veprime të mëtejshme.

Njoftimi i Policisë:

Tentoi të kalonte kufirin me automjet të vjedhur, në pronësi të një institucioni të Republikës së Kosovës, vihet në pranga.

Në PKK Qafë Morinë, në hyrje të RSH, shërbimet e Policisë Kufitare, në vijim të punës për goditjen e krimeve ndërkufitare, si rezultat i kontrolleve me përzgjedhje, kanë kaluar në vijë të dytë për kontroll më të imtësishëm, automjetin tip “Audi A3”, me drejtues shtetasin B. S., banues në Obiliq, Kosovë.

Gjatë verifikimit ka rezultuar se automjeti që drejtonte 43-vjeçari, ishte i vjedhur në Kosovë dhe ishte në pronësi të një institucioni shtetëror.

Në përfundim të veprimeve proceduriale, specialistët për Hetimin e Krimeve në Komisariatin e Policisë Tropojë arrestuan në flagrancë, për veprën penale “Trafikimi i mjeteve motorike”, shtetasin B. S., 43 vjeç, banues në Obiliq, Kosovë.

Materialet i kaluan Prokurorisë pranë Gjykatës së Rrethit Gjyqësor Tropojë, për veprime të mëtejshme./albeu.com/

The post I vodhi makinën ministrit, policia e Tropojës jep detajet appeared first on Albeu.com.

Ministrit të Infrastrukturës së Kosovës, Liburn Aliut, mbrëmjen e djeshme i është vjedhur vetura zyrtare, Audi A3.

Sipas burimeve, bëhet me dije se Aliu sot është marrë në pyetje nga Policia e Kosovës.

Për fat të mirë makina është gjetur sërish, në Pikën Kufitare në “Qafën e Morinës”.

“Sot në mëngjes ishte paraqitur vetë në polici shoferi i ministrit Liburn Aliu, P. Th., i cili kishte deklaruar se mbrëmë rreth orës 22:30-22:45, ministri Liburn Aliu kishte parkuar veturën e tij zyrtare Audi A3, ngjyrë e zezë me targa zyrtare 3Z-***, në parkingun e kësaj ministrie. Ndërsa, në orët e hershme të mëngjesit, rreth orës 04:30, mësohet se ishte telefonuar edhe përgjegjësi për veturat e kësaj ministrie, B. C. nga ana e Policisë së Kosovës, pasi që në Pikën Kufitare “Qafë e Morinës” ishte ndalur vetura zyrtare e ministrit Liburn Aliu nga ana e zyrtarëve policorë, pas dyshimeve në vozitësin e veturës”, thuhet në njoftim./albeu.com/

The post “Zhduket” Audi, ministrit shqiptar i vjedhin makinën (FOTO LAJM) appeared first on Albeu.com.

Haradinaj në seancën e Kuvendit ka thënë se Ministri i Infrastrukturës, Liburn Aliu ka anuluar një tender që ka qenë për tre vjet në vlerë 40 milionë euro dhe ka shpallur tenderin tjetër një vjeçar në vlerë 20 milionë euro duke i shkaktuar humbje Kosovës pasi tenderi i njëjtë do të kushtojë 66 milionë euro për tre vitet e ardhshme.

“Ai ministër është duke e vjedhur Kosovën më se keqi, Liburn Aliu, ai i ka ndalë një tender 40 milionësh për tre vjet dhe e ka shpallë një tender 22 milionësh për një vjet dhe po del po i thotë Kosovës po ia shtoj paret, jo zotni jeni duke e vjedhur paret. 66 milionë i bëhet Kosovës tenderi 44 milionësh i qeverisë së mahershme. Ku po mendon se jeton ai njeri, që guxon me fol kështu”, tha Haradinaj.

Haradinaj tutje në fjalën e tij tha se sektori privat është në gjendje lufte nga qeveria Kurti.

“Kur keni ardhur ju nuk keni pasur guxim me ju bë shtesa pensionistëve, keni mendu se me këtë e menaxhoni gjendjen, nuk jeni kërkund duke punu për ligjin e pagave dhe nuk keni koncept ekonomik, sot sektori privat është në gjendje lufte prej qeverisë suaj”, ka thënë ai./GazetaExpress/

The post Ramush Haradinaj: Liburn Aliu po e vjedh Kosovën më së keqi appeared first on Albeu.com.