Sipas informacioneve, situata është rënduar pranë zonës “Arrat e Gurrës”, ku ura në këtë segment ka pësuar dëmtime të konsiderueshme dhe është shpallur zyrtarisht e pakalueshme.

Raportohet se, struktura e urës ka humbur parametrat e sigurisë, duke e bërë të pamundur qarkullimin e mjeteve dhe këmbësorëve mbi të dhe në këto kushte, është marrë vendimi për demontimin e saj.

Prej ditësh situata paraqitet e rënduar në këtë segment rrugor, duke krijuar një situatë të ndërlikuar për qarkullimin në aksin strategjik që lidh zonën me pjesën tjetër të vendit.

The post Përkeqësohet situata në aksin Librazhd-Qafë Thanë, demontohet ura te “Arrat e Gurrës” appeared first on Albeu.com.

Burime për mediat bëjnë me dije se hetimet janë nisur për shpërdorim detyre, shkelje të barazisë në tendera si dhe shkatërrim i rrugës.

Sipas informacioneve, hetimi do të fokusohet në shkaqet që çuan në rrëshqitjen masive e cila shembi rrugën, linjën hekurudhore si dhe linjat elektrike.

Sipas informacioneve, dyshimet bien mbi firmën që po kryen zgjerimin e Korridorit VIII, ku u regjistruan dhe shembje masive në zonën e Dragostunjës.

Prokuroria gjithashtu thuhet se do të verifikojë lejen për marrjen e inerteve në lumin Shkumbin dhe zbatimin e saj, nga fadromat e kompanisë ANK dhe 2T.

The post Paralizimi i rrugës Librazhd-Qafë Thanë, Prokuroria e Elbasanit nis hetimet appeared first on Albeu.com.

Sipas raportimeve në media, rrëshqitja masive e dheut ka izoluar tërësisht zonën, duke e bërë të pamundur kalimin jo vetëm për mjetet e transportit të rëndë dhe ato private, por edhe për autoambulancat dhe zjarrfikëset.

Situata ka krijuar një kaos të vërtetë për banorët, shumë prej të cilëve janë detyruar të kalojnë zonën e rrezikshme në këmbë.

Sipas informacioneve, banorët e zonës, përfshirë fëmijë nën dy vjeç dhe të moshuar, kanë ecur rreth 2 kilometra në të ftohtë për të kaluar në anën tjetër, ku i presin të afërmit me makina.

Sakaq deri më tani aksi vijon të jetë i paralizuar dhe ende nuk ka një njoftim zyrtar se kur pritet të hapet.

The post Kaosi në aksin Librazhd-Qafë Thanë/ Banorët kilometra në këmbë në të ftohtë appeared first on Albeu.com.

Ndërhyrja e fadromave të ANK kanë nisur hedhjen në rrugë të masivëve të gurëve e dherave, ndërsa aksi drejt juglindjes mbetet i bllokuar për shkak të shembjes së sotme.

Si pasojë e punimeve, qarkullimi në këtë aks vijon të jetë i kufizuar, ndërsa autoritetet u bëjnë thirrje drejtuesve të mjeteve të tregojnë kujdes dhe të ndjekin udhëzimet e shërbimeve në terren, deri në normalizimin e plotë të situatës.

The post Bllokimi në aksin Librazhd-Qafë Thanë/ Fadromat e “ANK” përkeqësojnë situatën, hedhin në rrugë masiv gurësh e dherash appeared first on Albeu.com.

Ata shprehen të revoltuar, teksa rruga mbetet ende e bllokuar.

“Kemi një orë e gjysmë që presim. Vijmë nga Tirana, po shkojmë për Maqedoni. S’na kanë dhënë asnjë informacion, nuk e dimë çdo bëhet. Ishalla po hapet rruga të ikim në familjen tonë”.

“Pesë orë kemi që presim, jemi të sëmurë. Askush nuk na ka informuar. Jemi të sëmurë dhe po presim, ç’të bëjmë”.

“100 metra larg isha kur u shemb mali. Dy orë kemi që presim, besojmë që do e hapin rrugën”,-shprehen disa prej tyre.

The post Masivi i dheut në Librazhd-Qafë Thanë i lë qytetarët të bllokuar: Dy orë kemi që presim, besojmë që do e hapin rrugën appeared first on Albeu.com.

Mes mjeteve ishte edhe një ambulancë, e cila po transportonte një pacient të sëmurë.

Gruaja po dërgohej drejt Spitalit të Elbasanit, ndërsa stafi mjekësor ka ndërhyrë duke e nxjerrë me barelë nga ambulanca dhe duke e kaluar në anën tjetër të rrugës përmes lumit pranë aksit, për të vazhduar transportin dhe për t’i dhënë ndihmën e nevojshme.

Policia Rrugore e Elbasanit, apelon për të gjithë që duan të udhëtojnë në drejtim të Korçës dhe anasjelltas të shmangin lëvizjen deri në një njoftim të dytë për hapjen e rrugës.

The post Shembja e masivit të gurëve bllokon ambulancën në Librazhd, i sëmuri transportohet me barelë në këmbë (VIDEO) appeared first on Albeu.com.