Libani Jugor është zemra e komunitetit shiit të vendit, nga i cili Hezbollahu merr pjesën më të madhe të mbështetjes dhe ka qenë nën bombardime të vazhdueshme izraelite. Më shumë se një milion njerëz, që përbëjnë një në pesë të popullsisë, janë detyruar të largohen nga shtëpitë e tyre në të gjithë Libanin, shumica e tyre nga jugu, Lugina lindore Bekaa dhe periferitë jugore të Bejrutit të njohura si Dahieh, zona ku Hezbollahu ka ndikim.

Konflikti filloi më 2 mars, dy ditë pasi SHBA-të dhe Izraeli nisën një sulm të përbashkët ndaj Iranit. Hezbollahu qëlloi raketa në Izrael dhe Izraeli u përgjigj me sulme ajrore të gjera dhe një pushtim tokësor të Libanit jugor.

The post Lufta në Lindjen e Mesme/ Sulmet izraelite shkaktojë mbi 3,000 të vdekur në Liban që nga fillimi i luftës appeared first on Albeu.com.

Sipas autoriteteve, tetë persona, mes tyre dy gra dhe një fëmijë u vranë. Katër të tjerë humbën jetën në Zrarieh, ndërsa një viktimë u raportua Tyre. Në total, 32 persona u plagosën gjatë sulmeve.

Përshkallëzimi i dhunës vjen pavarësisht një armëpushimi të zgjatur tre-javor midis Izraelit dhe grupit militant Hezbollah.

Ky i fundit tha të shtunën se kishte shënjestruar forcat dhe mjetet ushtarake izraelite në jug të Libanit.

Ushtria izraelite konfirmoi se një ushtar i saj u vra në përleshjet e fundit, duke e çuar në 17 numrin e viktimave ushtarake që nga fillimi i marsit.

Presidenti amerikan Donald Trump ka ndërmjetësuar zgjatjen e armëpushimit pas bisedimeve mes zyrtarëve izraelitë dhe libanezë në Uashington, takime të rralla mes dy vendeve që nuk kanë marrëdhënie diplomatike.

Megjithatë, armëpushimi ka ndalur kryesisht sulmet në kryeqytetin Beirut, ndërsa luftimet në jug kanë vazhduar me intensitet, përfshirë bombardime ajrore dhe urdhra të përsëritura për evakuim.

The post Shkelet armëpushimi në Liban, sulme të rënda izraelite, të paktën 13 të vrarë dhe dhjetëra të plagosur appeared first on Albeu.com.

Mediat shkruajnë se pavarësisht zgjatjes së armëpushim midis Izraelit dhe organizatës Hezbollahu, sulmet midis tyre vazhdojnë. Vetëm ditën e djeshme gjashtë persona u vranë në Liban, si pasojë e sulmeve.

“Dy sulme të armikut izraelit, kundër një kamioni dhe një motoçiklete, në komunitetin Yamor al-Shaqif, në provincën Nabatiya, shkaktuan vdekjen e katër personave”, tha ministria e shëndetësisë e Libanit në një deklaratë

The post Izraeli sulmon sërish Libanin, humbin jetën katër persona appeared first on Albeu.com.

“Shtetet e Bashkuara mirëpresin angazhimin produktiv që filloi më 14 prill. Ne do të vazhdojmë të lehtësojmë diskutimet e drejtpërdrejta dhe me mirëbesim midis dy qeverive.”, tha një zyrtar për BBC-në.

Javën e kaluar, Izraeli dhe Libani zhvilluan bisedimet e tyre të para diplomatike që nga viti 1993. Sekretari i Shtetit i SHBA-së, Marco Rubio, i cili ndërmjetësoi, tha se ishte një “mundësi historike” për t’i dhënë fund ndikimit të Hezbollahut.

Përpara këtyre bisedimeve të para, Izraeli tha se donte të çarmatoste të gjitha grupet terroriste jo-shtetërore – një referencë për Hezbollahun. Libani bëri thirrje për një armëpushim dhe masa për të adresuar krizën humanitare. Të dy vendet nuk kanë marrëdhënie diplomatike.

The post Konflikti Izrael-Liban/ SHBA-të do të organizojnë raundin e dytë të bisedimeve appeared first on Albeu.com.

“Tre ushtarë të tjerë u plagosën dhe janë evakuuar”, tha Macron në një postim në X, duke i kërkuar qeverisë libaneze të veprojë kundër autorëve të dyshuar.

Qeveria libaneze ka dënuar sulmin e sotëm ndaj batalionit francez. Kryeministri libanez, Nawaf Salam, tha se paqeruajtësit francezë të OKB-së u sulmuan në Liban, ndërsa bëri thirrje për një hetim urgjent për incidentin.

Ushtarët ishin pjesë e Forcës së Përkohshme të OKB-së në Liban (UNIFIL), një mision paqeruajtës në jug të vendit.

The post Macron: Vritet një ushtar francez në Liban! Hezbollah përgjegjës për sulmin appeared first on Albeu.com.

“Do të jetë hera e parë në 44 vjet që ata takohen, gjë që nuk është fqinjësi e mirë, duke pasur parasysh se janë fqinjë”, u tha Trump gazetarëve.

Kujtojmë se ditën e sotme Izraeli dhe Libani kanë rënë dakord për një armëpushim 10-ditor, një zhvillim i konfirmuar nga kryeministri izraelit Benjamin Netanyahu dhe presidenti amerikan Donald Trump. Netanyahu e cilësoi këtë si një mundësi për një marrëveshje historike, duke theksuar se kushti kryesor i tij mbetet shpërbërja e Hezbollahut.

Trump, nga ana e tij, deklaroi se kishte zhvilluar biseda telefonike me presidentin e Libanit Joseph Aoun dhe me kryeministrin izraelit Netanyahu, duke nënvizuar se armëpushimi do të nisë zyrtarisht në orën 5 pasdite (EST). Ai e prezantoi këtë si pjesë të përpjekjeve të tij për të ndërmjetësuar paqe mes dy vendeve, duke kujtuar se ishte hera e parë pas 34 vitesh që delegacione izraelite dhe libaneze takoheshin në Uashington.

Në një postim publik, Trump tha se kishte udhëzuar zëvendëspresidentin JD Vance, sekretarin e shtetit Marco Rubio dhe kryetarin e shefave të shtabit të përbashkët Dan Caine të punonin me palët për të arritur një paqe të qëndrueshme. Ai e cilësoi këtë si luftën e dhjetë që ndërmjetëson për ta përfunduar.

Paralelisht, Trump deklaroi se Irani ka rënë dakord të mos ketë armë bërthamore për më shumë se 20 vjet, duke e quajtur këtë një marrëveshje të fortë dhe të mirë, edhe pse nuk ka pasur ende një reagim zyrtar nga Teherani.

Ndërkohë, tensionet diplomatike janë shtuar edhe nga komentet e Papa Leo, i cili kritikoi ashpër liderët që shpenzojnë miliarda për luftëra dhe tha se bota po shkatërrohet nga një grusht tiranësh. Trump reagoi duke thënë se Papa duhet të kuptojë se Irani është një kërcënim për botën dhe se kjo është “bota reale”.

The post Armëpushimi Izrael–Liban, Netanyahu dhe presidenti libanez Aoun pritet të vizitojnë Shtëpinë e Bardhë për takim trepalësh me Trump appeared first on Albeu.com.

Sipas presidentit amerikan, qëllimi i armëpushimit është krijimi i kushteve për një marrëveshje më të gjerë paqeje mes dy vendeve.

Ai rikujtoi gjithashtu se delegacione nga Izraeli dhe Libani janë takuar në Washington, D.C. për herë të parë pas 34 vitesh, në praninë e sekretarit amerikan të Shtetit Marco Rubio.

Trump shtoi se i ka ngarkuar zëvendëspresidentit të SHBA-së J. D. Vance dhe sekretarit të Shtetit Marco Rubio, në bashkëpunim me kreun e Shefave të Shtabit të Përbashkët Dan Caine, të punojnë së bashku me të dyja palët për arritjen e një paqeje të përhershme.

Siç u shpreh ai: “Ishte nder për mua të zgjidhja 9 luftëra në të gjithë botën dhe kjo do të jetë e dhjeta, kështu që le ta bëjmë.”

The post Trump njofton armëpushim 10-ditor mes Izraelit dhe Libanit, synohet marrëveshje më e gjerë paqeje appeared first on Albeu.com.

Ministria e Shëndetësisë e Libanit tha se që kur luftimet rifilluan më 2 mars pas një sulmi të Hezbollahut në Izrael, sulmet izraelite kanë vrarë 2,055 njerëz, duke përfshirë 167 që nga e premtja. Dymbëdhjetë ushtarë izraelitë dhe dy civilë janë vrarë nga Hezbollahu gjatë së njëjtës periudhë, thonë autoritetet izraelite.

Mediat shkruajnë se luftimet kanë vazhduar pavarësisht një armëpushimi midis SHBA-së dhe Iranit, për të cilin Izraeli thotë se nuk vlen për fushatën e tij në Liban. Zyrtarët libanezë, izraelitë dhe amerikanë do të zhvillojnë bisedime në Uashington të martën.

Zyra e presidentit libanez ka deklaruar se diskutimet do të përqendroheshin në kushtet për një armëpushim dhe se negociatat formale mund të pasojnë nëse arrihet një marrëveshje.

Hezbollah, megjithatë, e ka refuzuar nismën dhe ka mbajtur protesta në qendër të Bejrutit, ku mbështetësit valëvitën flamuj të Hezbollahut dhe fotografi të udhëheqësit të ndjerë të grupit, Hassan Nasrallah, i cili u vra nga Izraeli në vitin 2024.

Ambasada e Izraelit në Uashington ka thënë se ka refuzuar të diskutojë një armëpushim me Hezbollahun dhe se bisedimet do të përbëjnë fillimin e negociatave formale të paqes.

The post Lindja e Mesme nuk gjen qetësi/ Izraeli rrit sulmet ndaj Libanit ndërsa bisedimet për armëpushim po afrohen appeared first on Albeu.com.

Autoritetet kanë konfirmuar se të paktën 9 persona kanë humbur jetën dhe 13 të tjerë janë plagosur si pasojë e goditjes së ndodhur gjatë së dielës. Ekipet e emergjencës kanë mbërritur menjëherë në zonë dhe po vijojnë kërkimet mes rrënojave, ndërsa disa prej të plagosurve ndodhen në gjendje të rëndë shëndetësore.

Situata e sigurisë në jug të Libanit mbetet e tensionuar për shkak të përplasjeve të vazhdueshme pranë kufirit. Banorët e zonës raportojnë për frikë të shtuar dhe lëvizje të kufizuara, ndërsa disa familje janë detyruar të largohen nga shtëpitë e tyre për arsye sigurie.

Sipas të dhënave të publikuara nga autoritetet shëndetësore libaneze, që nga 2 marsi e deri më tani, numri i viktimave në vend ka arritur në të paktën 2,055 persona, ndërsa 6,588 të tjerë janë plagosur si pasojë e përshkallëzimit të luftimeve dhe sulmeve të ndryshme.

Autoritetet paralajmërojnë se bilanci mund të rritet edhe më tej në ditët në vijim, nëse nuk arrihet një ulje e intensitetit të përplasjeve në zonat kufitare. Ndërkohë, situata mbetet nën monitorim të vazhdueshëm nga strukturat vendore, teksa komuniteti ndërkombëtar ka shprehur shqetësim për përshkallëzimin e konfliktit në rajon.

The post Sulm ajror në jug të Libanit: 9 të vdekur dhe 13 të plagosur në Tefahta appeared first on Albeu.com.

Sot, gjashtë persona humbën jetën pas një sulmi ajror në qytetin Maaroub, në rajonin e Tyre. Në një tjetër goditje në qytetin Qana, u raportuan edhe pesë viktima.

Gjatë natës, ushtria izraelite kreu sulme edhe në qytetin Tefakhta, ku mbetën të vrarë 13 persona.

Sulmet kanë prekur edhe zona të tjera në jug të Libanit, përfshirë Kafrën, Harisin dhe Ratsafin, duke rritur bilancin e viktimave dhe dëmeve materiale.

Sipas Ministrisë së Shëndetësisë në Liban, që nga fillimi i përplasjes mes Hezbollahut dhe Izraelit më 2 mars, numri i viktimave ka arritur në mbi 2,000 persona.

Mes tyre ka gra, fëmijë dhe punonjës të shëndetësisë, ndërsa mijëra të tjerë janë plagosur.

Ndërkohë, ka edhe përpjekje për uljen e tensioneve. Zyrtarë nga Libani, Izraeli dhe SHBA pritet të takohen javën e ardhshme në Uashington për të diskutuar një armëpushim dhe mundësinë e nisjes së negociatave.

The post Goditje të njëpasnjëshme nga Izraeli në jug të Libanit! Mbi 2 mijë viktima dhe qytete të shkatërruara appeared first on Albeu.com.