Como po vlerëson afrimin e Liam Delap për të shtuar alternativat në repartin e avancuar. “Calciomercato” raporton se sulmuesi anglez i është ofruar klubit italian, i cili po shqyrton mundësinë e huazimit të tij në Itali, ku do të kishte më shumë hapësira për të luajtur.

Futbollisti nën kontratë me Chelsea-n shihet si një opsion për skuadrën lombarde, e cila synon ta bashkojë në sulm me Douvikas. Paralelisht, Como po rivlerëson edhe interesimin për Moise Kean, por Fiorentina kërkon një shumë të konsiderueshme për ta lënë të largohet.

Në këto rrethana, klubi mund t’i japë përparësi huazimit të Delap, në vend që të investojë rreth 40 milionë euro për transferimin përfundimtar të Kean.

The post Como synon përforcimin e radhës, sulmuesi i Chelsea-t në radar appeared first on Albeu.com.

Chelsea po vijon aktivitetin intensiv në merkaton e verës, por pas afrimit të tetë futbollistëve të rinj nën drejtimin e Xabi Alonsos, klubi londinez po përgatitet të largojë 11 lojtarë. Nga këto transferime, drejtuesit synojnë të përfitojnë rreth 573 milionë euro.

Sipas Mirror, kjo lëvizje synon të rikthejë ekuilibrin në skuadër pas shpenzimeve të mëdha të kryera gjatë kësaj vere.

Nën drejtimin e Xabi Alonsos, Chelsea ka afruar Morgan Rogers, për të cilin pagoi rreth 136 milionë euro, si dhe Maxence Lacroix, Danny Welbeck, Jordan Henderson, Valentín Barco, Geovany Quenda, Marc Ballestra dhe Emmanuel Emega.

Numri i madh i futbollistëve në dispozicion ka krijuar mbingarkesë në organikë dhe, për këtë arsye, klubi është gati të shqyrtojë ofertat për disa prej emrave të njohur.

Trevoh Chalobah duket pranë një kalimi te Como, në një marrëveshje që pritet të kushtojë rreth 36 milionë euro. Në shitje janë vendosur gjithashtu Axel Disasi, për 29 milionë euro, dhe Benoit Badiashile, vlera e të cilit është caktuar në 35 milionë euro. Ndërkohë, Malo Gusto mund të largohet në rast se për të mbërrin një ofertë prej 87 milionë eurosh.

Një tjetër emër i përfshirë në këto spekulime është Enzo Fernandez. Për mesfushorin argjentinas, i transferuar nga Benfica në janar të vitit 2023, Chelsea kërkon rreth 139 milionë euro.

As Pedro Neto nuk shihet si i paprekshëm nga drejtuesit e klubit. Portugezi mund të shitet nëse një ekip tjetër ofron afërsisht 81 milionë euro.

Reparti i sulmit pritet të pësojë gjithashtu ndryshime, pasi ardhja e Danny Welbeck ka rritur konkurrencën për vendet në formacion dhe ka vendosur disa sulmues në listën e largimeve.

Liam Delap konsiderohet një prej kandidatëve kryesorë për t’u larguar, pas një sezoni zhgënjyes. Në të njëjtën kohë, Nicolas Jackson, i vlerësuar me 75 milionë euro, ka tërhequr interesimin e Aston Villas pas huazimit të tij te Bayern Munich.

Chelsea është i gatshëm të dëgjojë oferta edhe për Marc Guiu, kartoni i të cilit vlerësohet me 29 milionë euro, si dhe për Emmanuel Emegha, që ka një vlerë prej 23 milionë eurosh.

Lista plotësohet nga David Datro Fofana, për të cilin klubi kërkon rreth 3.5 milionë euro.

Nëse të gjitha këto largime realizohen sipas vlerësimeve aktuale, Chelsea mund të arkëtojë afro 573 milionë euro. Këto të ardhura do të ndihmonin në financimin e projektit të ri të Xabi Alonsos dhe në reduktimin e ndjeshëm të numrit të lojtarëve në skuadër.

The post Chelsea përgatit një valë largimesh, 11 lojtarë në listën e shitjeve appeared first on Albeu.com.

Lajmi u konfirmua sot në mbrëmje (4 qershor), duke i dhënë fund spekulimeve të javëve të fundit rreth të ardhmes së 22-vjeçarit.

Delap, i cili ka nënshkruar një kontratë deri në qershor 2031, u bashkua me klubin londinez pas aktivizimit të klauzolës së lirimit në kontratën e tij me Ipswich Town, ekip i cili ka rënë nga Liga Premier në sezonin e fundit.

Liam Delap, welcome to our house. 🏡 pic.twitter.com/EO3GIT0mlv

— Chelsea FC (@ChelseaFC) June 4, 2025

I riu anglez, i cili ka qenë pjesë e kombëtares U21 të Anglisë me 12 paraqitje, zgjodhi Chelsean pavarësisht interesimit nga më shumë se gjashtë klube të tjera gjatë merkatos së verës.

Në një deklaratë për mediat e Chelseat, Delap u shpreh i emocionuar për hapin e ri në karrierën e tij: “Jam shumë i lumtur që jam këtu. Kur fola me klubin, të gjithë më thanë se qëllimi është të kthehemi në majën e futbollit, dhe unë besoj se ky ekip ka cilësinë dhe lojtarët për ta bërë këtë. Dua të fitoj trofe dhe të kontribuoj për suksesin e Chelseat”.

“Liam Delap, i biri i ish-mesfushorit të Stoke dhe Southampton, Rory Delap, ka impresionuar gjatë karrierës së tij të hershme. Ai ka kaluar nëpër akademitë e Derby County dhe Manchester City, ku debutoi në ekipin e parë në vitin 2020, duke shënuar në Kupën EFL kundër Bournemouth”, thuhet në njoftimin e Bluve.

It's official. ✍️

— Chelsea FC (@ChelseaFC) June 4, 2025

“Gjatë kohës së tij te Ipswich Town, ai shënoi 12 gola në Ligën Premier gjatë sezonit 2024-25, një rekord mbresëlënës për një debutues në ligën elitare angleze”.

Ky transferim nënvizon strategjinë e Chelseat për të investuar në talente të rinj, me synimin për të ndërtuar një skuadër afatgjatë dhe konkurruese.

The post Zyrtare/ Liam Delap tashmë lojtar i Chelsea appeared first on Albeu.com.