lia Archives - Albeu.com

Ndërron jetë personi i dytë nga lia e majmunëve në SHBA

E S — Tue, 13 Sep 2022 14:22:00 +0000

Shtetet e Bashkuara të Amerikës kanë raportuar vdekjen e dytë nga lia e majmunëve. CNN raporton se një burrë mosha e të cilit nuk bëhet e ditur që qëndronte i shtruar në spital në Los Angeles prej disa ditësh, ka humbur jetën.

Departamenti dhe Qendrat Amerikane për Kontrollin dhe Parandalimin e Sëmundjeve (CDC) përcaktuan se vdekja ishte për shkak të lisë së majmunëve.

Është vdekja e dytë e një personi të diagnostikuar me këtë sëmundje në Shtetet e Bashkuara. Teksasi muajin e kaluar raportoi vdekjen e parë në një person me imunitet të dobët, i cili u diagnostikua me linë e majmunëve. Megjithatë, ai rast është ende nën hetim për të parë se çfarë roli ka luajtur lija e majmunëve në vdekjen.

Lija e majmunëve mund të shkaktojë skuqje, ethe, dhimbje trupi dhe të dridhura, por relativisht pak njerëz kërkojnë shtrimin në spital dhe vetëm një pjesë e vogël e vdekjeve në mbarë botën kanë qenë të lidhura drejtpërdrejt me sëmundjen./albeu.com

The post Ndërron jetë personi i dytë nga lia e majmunëve në SHBA appeared first on Albeu.com.

Lija e majmunëve, OBSH paralajmëron: Mbi 5000 raste të infektuar deri më tani

E S — Tue, 05 Jul 2022 13:42:43 +0000

Organizata Botërore e Shëndetësisë tha të martën se 5,322 raste të konfirmuara nga laboratori të lisë së majmunëve ishin raportuar tek ajo në shpërthimin aktual, 85 për qind e të cilave janë në Evropë.

Megjithëse numri i rasteve po rritet me shpejtësi, agjencia shëndetësore e Kombeve të Bashkuara nuk ka caktuar një datë që komiteti i saj i urgjencës për linë e majmunëve të mblidhet për një takim të dytë.

“Nga 1 janari deri më 30 qershor të këtij viti, ne kemi 5,322 raste të konfirmuara nga laboratori dhe një vdekje”, u tha gazetarëve në Gjenevë zëdhënësja e OBSH-së Fadela Chaib.

Numri është rritur me 56 për qind në tetë ditë. Shifra e mëparshme e dhënë nga OBSH, për periudhën deri më 22 qershor, ishte 3,413 raste. Një rritje e rasteve të lisë së majmunëve është raportuar që nga fillimi i majit jashtë vendeve të Afrikës Perëndimore dhe Qendrore, ku sëmundja ka qenë prej kohësh endemike. Chaib tha se infeksionet tani ishin raportuar në 53 vende.

“Tetëdhjetë e pesë për qind e rasteve janë në Evropë, e ndjekur nga rajoni i Afrikës, Amerika, Mesdheu Lindor dhe Paqësori”, tha ajo.

Sipas OBSH-së, shumica e infeksioneve të lisë së majmunëve deri më tani janë vërejtur tek meshkujt që kryejnë marrëdhënie seksuale me meshkuj, në moshë të re dhe kryesisht në zonat urbane. Simptomat fillestare normale të lisë së majmunit përfshijnë temperaturë të lartë, ënjtje të nyjeve limfatike dhe skuqje të ngjashme me linë e dhenve.

Më 23 qershor, agjencia shëndetësore e OKB-së mblodhi një komitet urgjent ekspertësh për të vendosur nëse lija e majmunëve përbën një të ashtuquajtur Emergjencë të Shëndetit Publik të Shqetësimit Ndërkombëtar (PHEIC) – alarmi më i lartë që mund të japë OBSH.

Por shumica gjeti se situata nuk e kishte kaluar ende atë prag. Megjithatë, ata pranuan natyrën emergjente të shpërthimit dhe thanë se kontrollimi i përhapjes së tij të mëtejshme kërkonte përpjekje intensive për reagim. Komisioni mund të mblidhet në çdo kohë, në varësi të situatës në ndryshim.

Komiteti i urgjencës prej 16 anëtarësh i OBSH-së për linë e majmunëve kryesohet nga Jean-Marie Okwo-Bele nga Republika Demokratike e Kongos, i cili është një ish-drejtor i Departamentit të Vaksinave dhe Imunizimit të OBSH-së.

The post Lija e majmunëve, OBSH paralajmëron: Mbi 5000 raste të infektuar deri më tani appeared first on Albeu.com.

Lia e majmunit, Shtëpia e Bardhë: Ja strategjia për të parandaluar përhapjen e sëmundjes

E S — Wed, 29 Jun 2022 10:06:36 +0000

Administrata amerikane, ka njoftuar fillimin e fazës së parë të një programi vaksinimi për të luftuar përhapjen e lisë së majmunëve.

Sipas Shtëpisë Bardhë programi do të lejojë që shpërndarja e vaksinave të fillojë menjëherë tek subjektet dhe komunitetet më të rrezikuara për të frenuar përhapjen e sëmundjes.

Shtëpia e Bardhë thotë se do të shpërndajë rreth 300,000 doza të vaksinës së lisë së majmunit në institucionet mjekësore në të gjithë Shtetet e Bashkuara gjatë javëve të ardhshme.

Strategjia e saj përfshin gjithashtu testime të zgjeruara për të zbuluar menjëherë rastet.

Qendrat amerikane për Kontrollin dhe Parandalimin e Sëmundjeve thonë se që nga e marta, 4769 raste të lisë së majmunëve janë konfirmuar në 49 vende dhe rajone ku sëmundja nuk është endemike.

Më shumë se 300 prej rasteve kanë ndodhur në Shtetet e Bashkuara.

Organizata Botërore e Shëndetësisë thotë se virusi i lisë së majmunit mund të transmetohet nga një person te tjetri përmes kontaktit të ngushtë.

Sakaq një zyrtar i lartë i Shtëpisë së Bardhë tha: “Ne e dimë se si përhapet lija e majmunëve. Megjithatë, administrata do të vazhdojë të ndërmarrë veprime agresive kundër virusit në mënyrë që të përmbajë infeksionet”.

The post Lia e majmunit, Shtëpia e Bardhë: Ja strategjia për të parandaluar përhapjen e sëmundjes appeared first on Albeu.com.

Dy raste me lijën e majmunëve në Greqi, izolohen pacientët, ja si është gjendja e tyre

E S — Thu, 16 Jun 2022 19:23:00 +0000

Greqia ka regjistruar dy të infektuar me lijën e majmunëve. Siç shkruan “Zougla”, analiza gjenomike e dy kampioneve ka përfunduar dhe ato i përkasin llojit të Afrikës Perëndimore. Pacientët janë në gjendje të mirë klinike dhe mbeten në izolim. “Rreziku i sëmundjes mbetet i ulët për popullatën e përgjithshme dhe janë marrë të gjitha masat [...]