“Të dy emrat do të përdoren njëkohësisht për një vit, ndërsa ‘majmuni’ do të hiqet gradualisht,” tha agjencia globale.

Simptomat e lisë së majmunit ndryshojnë, por përfshijnë skuqje, ethe, të dridhura, nyje limfatike të fryra, rraskapitje dhe dhimbje koke.

Lezionet e vetme gjenitale dhe plagët në gojë ose anus janë identifikuar gjithashtu si simptoma të virusit nga një bashkëpunim ndërkombëtar i mjekëve në 16 vende.

Disa nga simptomat ishin aq të rënda saqë kërkonin që pacientët të shtroheshin në spital.

Në shtator, një lloj i dytë i lisë së majmunit u zbulua në Mbretërinë e Bashkuar pasi një person që kishte udhëtuar në Afrikën Perëndimore u diagnostikua.

Në tetor, eksperti kryesor i sëmundjeve infektive, profesor Neil Ferguson tha se Mbretëria e Bashkuar dukej se po fitonte betejën kundër sëmundjes pasi numri i rasteve po binte./albeu.com

The post Lija e majmunit merr emër të ri nga OBSH, si do të quhet tani sëmundja appeared first on Albeu.com.

Sipas mediave të huaja, Lia e Majmunëve mund të shkaktojë, ndër të tjera, probleme me zemrën, siç na tregon rasti i një 31-vjeçari në Portugali, i cili zhvilloi infarkt akut të miokardit rreth një javë pas simptomave të para të lisë së majmunëve.

Lija e majmunëve shkaktohet nga një virus që i përket së njëjtës familje me linë. Ai u zbulua për herë të parë në Europë në maj të vitit 2022, ndërsa janë raportuar raste edhe në SHBA dhe vende të tjera jo-endemike (afrikane) ndërkombëtarisht, me numrin e përgjithshëm që vazhdon të shënojë rritje.

Miokardit është një inflamacion i muskujve të zemrës i shkaktuar zakonisht nga një infeksion viral. Ky pacient u paraqit në spital pesë ditë pas fillimit të simptomave të tij, të cilat përfshinin lodhje, ethe dhe skuqje të shumta në fytyrë, duar dhe organe gjenitale.

Tre ditë më vonë, pacienti pati një rëndesë të madhe në gjoks dhe në krahun  tij të majtë dhe u shtrua në njësin e kujdesit intensiv.

Sipas analizave, ai kishte miokardit. Pacienti doli një javë më vonë nga spitali, pasi u shërua plotësisht.

“Ky rast nxjerr në pah zemrën si një ndërlikim të mundshëm që lidhet me infeksionin e lisë së majmunit”, tha Pinho, duke vënë në dukje nevojën për studime të mëtejshme.

Megjithatë, shumica e rasteve të lisë së majmunëve janë të lehta dhe simptomat mund të zgjasin dy deri në katër javë.

The post Lia e majmunëve mund të shkaktojë infarkt? Çfarë na tregon rasti i një 31-vjeçari appeared first on Albeu.com.

Lajmin e bëri të ditur Instituti për Shëndet Publik (IJZ), i cili thekson se pacienti është shtetas malazez dhe është në gjendje të mirë aktualisht.

Sipas Vijesti, laboratori i Departamentit të Diagnostifikimit Molekular të IJZ zbuloi në bashkëpunim me Institutin e Virologjisë vaksinat dhe serumet “Torlak” dhe konfirmoi rastin e parë të lisë së majmunit. Mali i Zi i është bashkuar listës së 79 vendeve ku është regjistruar kjo sëmundje.

IJZ njoftoi se janë marrë të gjitha masat e nevojshme për pacientin dhe kontaktet e tij, me qëllim parandalimin dhe frenimin e përhapjes së sëmundjes infektive. Janë njoftuar të gjitha institucionet kompetente në përputhje me protokollet kombëtare dhe ndërkombëtare.

IJZ apelon qytetarët që t’u përmbahen masave parandaluese higjieno-epidemiologjike dhe të respektojnë rekomandimet e institucioneve shëndetësore.

Lija e majmunit zakonisht fillon me ethe, dhimbje muskujsh, lodhje dhe dhimbje koke, dhimbje të fytit dhe kollë. Gjithashtu, mund të ketë rritje të nyjeve limfatike (limfadenopati). Në një periudhë prej një deri në tre ditë (ndonjëherë më gjatë) pas fillimit të temperaturës, pacienti zhvillon fruthin, i cili shpesh fillon në fytyrë (në 95 për qind të rasteve). Skuqja kalon nëpër faza të makulave, papulave, vezikulave, pustulave dhe kores që përfundimisht bien. Zakonisht sëmundja zgjat nga dy deri në katër javë.

The post Lia e Majmunit i afrohet Shqipërisë, zbulohet rasti i parë në këtë shtet appeared first on Albeu.com.

Sipas Shtëpisë Bardhë programi do të lejojë që shpërndarja e vaksinave të fillojë menjëherë tek subjektet dhe komunitetet më të rrezikuara për të frenuar përhapjen e sëmundjes.

Shtëpia e Bardhë thotë se do të shpërndajë rreth 300,000 doza të vaksinës së lisë së majmunit në institucionet mjekësore në të gjithë Shtetet e Bashkuara gjatë javëve të ardhshme.

Strategjia e saj përfshin gjithashtu testime të zgjeruara për të zbuluar menjëherë rastet.

Më shumë se 300 prej rasteve kanë ndodhur në Shtetet e Bashkuara.

Organizata Botërore e Shëndetësisë thotë se virusi i lisë së majmunit mund të transmetohet nga një person te tjetri përmes kontaktit të ngushtë.

Sakaq një zyrtar i lartë i Shtëpisë së Bardhë tha: “Ne e dimë se si përhapet lija e majmunëve. Megjithatë, administrata do të vazhdojë të ndërmarrë veprime agresive kundër virusit në mënyrë që të përmbajë infeksionet”.

The post Lia e majmunit, Shtëpia e Bardhë: Ja strategjia për të parandaluar përhapjen e sëmundjes appeared first on Albeu.com.

Sipas mediave vendase, rasti është diagnostikuar dhe trajtuar sipas procedurës, thuhet në deklaratë, duke shtuar se diagnostifikimi laboratorik është kryer në Institutin e Virologjisë, Vaksinave dhe Serumeve.

Në përputhje me Rregulloret dhe Protokollet Ndërkombëtare të Shëndetësisë, rasti i parë i konfirmuar u raportua në institucionet ndërkombëtare shëndetësore.

Institucioni u bën apel qytetarëve që për ruajtjen e shëndetit të zbatojnë të gjitha masat parandaluese dhe të respektojnë rekomandimet e institucioneve shëndetësore./albeu.com

The post Konfirmohet rasti i parë i lisë së majmunit në Serbi appeared first on Albeu.com.

Pacientët janë në gjendje të mirë klinike dhe mbeten në izolim.

“Rreziku i sëmundjes mbetet i ulët për popullatën e përgjithshme dhe janë marrë të gjitha masat e nevojshme për të kufizuar përhapjen e sëmundjes”, kanë deklaruar autoritetet greke./albeu.com

The post Dy raste me lijën e majmunëve në Greqi, izolohen pacientët, ja si është gjendja e tyre appeared first on Albeu.com.

Deri më tani lia e majmunit është regjistruar në 15 shtete anëtare të Bashkimit Evropian, ku më së rëndi është goditur Spanja, Portugalia, Gjermania dhe Franca.
Blerja e vaksinave do të kryhet përmes një mekanizmi të veçantë që e ka vendosur Bashkimi Evropian, si përgjigje ndaj pandemisë së coronavirusit.

Vaksina që prodhon Bavarian Nordic në Evropë quhet Imvanex, kurse në SHBA – Junneos që është prodhuar për të parandaluar përhapjen e lisë.

Kjo vaksinë është treguar efikase edhe kundër listë së majmunit në mbi 85 për qind të pacientëve.

Ajo akoma nuk është miratuar në Evropë për përdorim kundër lisë së majmunit, por është përdorur në Britani të Madhe, e në SHBA është miratuar për përdorim për dy lloje të lisë.

The post BE blen 110 mijë doza të vaksinës kundër lisë së majmunit appeared first on Albeu.com.

Në vendin tonë ende nuk është raportuar asnjë rast, por mëngjesin e sotëm Komiteti Kombëtar Teknik-Këshillues i Imunizimit në Institutin e Shëndetit Publik është mbledhur për masat paraprake rreth këtij virusi.

Ministrja e Shëndetësisë, Ogerta Manastirliu mori pjesë në tkaim, ku foli për planin e masave në për këtë situatë.

Komiteti ka rekomanduar vaksionë e lisë për kontaktet e afërta dhe personelin shëndetësor në rast se do të shfaqen raste të lisë së majmunit.

“Komiteti i Ekspertëve të Vaksinimt ka marrë vendim, në trajtën e një rekomandimi, për të mundësuar që përsa i përket kontakteve të afërta të rasteve, të cilat mund të diagnostikohen me linë e majmunit, të mundet të përdoret vaksina e lisë.

Një vaksinë, e cila ka një efikasitet, sikurse edhe studimet tregojnë, rreth 85% përsa i përket mbrojtjes nga lia e majmunëve. Vlerësohet nga ekspertët tanë që do të jetë një sasi, e cila për këtë fazë do t’i dedikohet kontakteve shumë të afërta apo edhe personelit mjekësor, që mund të jenë në përballje këtë sëmundje”, tha Manastirliu.

Në kuadër të masave të marra, Manastirliu tha po bëhen përgatitjet për diagnostikimin e lisë së majmunit në laboratorin e ISHP, ndërkohë që bëri me dije se aktualisht po bashkëpunohet me laboratorët e referencës.

“Ne jemi duke u përgatitur me Institutin e Shëndetit Publik që, nëpërmjet metodës PCR, të mund të kemi edhe në Shqipëri pikërisht mostrat primer, të cilat mund të evidentojnë edhe në vendin tonë, në këtë laborator të ISHP-së, diagnostikimin e lisë së majmunit. Aktualisht ne jemi duke bashkëpunuar me laboratorët e referencës në Londër dhe në Hollandë, për të patur mundësinë që mostrat të cilat mund të jenë të dyshuara, të mundet të referohen menjëherë, ashtu sikurse bëjmë edhe me rastet e ndryshme të varianteve të Covid19”, bëri me dije Manastirliu.

Edhe pse Shqipëria është një vend me risk të ulët përsa i përket lisë së majmunit, Manastirliu theksoi se ka një survejancë të shtuar aktive.

“Ashtu siç ekspertët referojnë, jemi një vend që ka një risk të ulët. Por ne, ashtu sikurse kemi vendosur në dispozicion për të gjithë sëmundjet infektive, survejancën aktive në të gjithë vendin, edhe për sa i përket lisë së majmunit ne kemi vendosur një survejancë të shtuar aktive, përsa i përket gjithë rrjetit sentinel. Janë kryer të gjithë trajnimet e nevojshme në personelin mjekësor në kujdesin parësor, në Njësitë Vendore të Kujdesit Shëndetësor, për të mundësuar evidentimin në kohë të rasteve, të cilat më pas, nëpërmjet laboratorëve të referencës, vlerësohen dhe shihen nëse do të ketë raste me linë e majmunit” tha Manastirliu.

Shefja e Depatamentit të Epidemiologjisë dhe Sëmundjeve Infektive në ISHP, prof. Silva Bino, nënvizoi se sëmundja e lisë së majmunit ka një risk të ulët për popullatën e përgjithshme dhe vaksinimi ka efikasitet për grupet në risk.

“Për çështjen e lisë së majmunit, Komiteti Ekspertëve për vaksinimin është mbledhur, ka shqyrtuar situatën aktuale në botë, riskun për populltaën, normalisht risku për popullatën e përgjithshme është i ulët, jo vetëm tek ne po në gjithë vendet e Bashkimit Europian. Përveç masave të tjera si izolimi dhe masave të tjera për një sëmundje të transmetohet nëpërmjet kontaktit apo skpërklave të mëdha, Komiteti ka vendosur masën e përdorimit të vaksinës. Lija e majmunit nuk ka një vaksinë specifike, por mendohet që vaksina, e cila është përdorur për variolën apo lijën e zezë siç edhe njihet në popullatë është një vaksinë e cila ka 85% efikasitet në parandalimin e sëmundjes, ose në parandalimin e formave të rënda të sëmundjes. Për këtë arsye u diskutua që për grupet në risk të kemi mundësi vaksinimin”,- theksoi Bino.

Komiteti Kombëtar Teknik -Këshillues i Imunizmit përbëhet nga ekspertë të fushës, drejtohet nga prof. Eduard Kakarriqi, me përbërje anëtarë prof. Gjeorgina Kuli-Lito, prof. Najada Çomo, prof. Genc Sulcebe, prof. Aida Bushati.

The post Sa rrezikohet Shqipëria nga lija e majmunit? Manastirliu mbledh ekspertët appeared first on Albeu.com.