Megjithëse numri i rasteve po rritet me shpejtësi, agjencia shëndetësore e Kombeve të Bashkuara nuk ka caktuar një datë që komiteti i saj i urgjencës për linë e majmunëve të mblidhet për një takim të dytë.

“Nga 1 janari deri më 30 qershor të këtij viti, ne kemi 5,322 raste të konfirmuara nga laboratori dhe një vdekje”, u tha gazetarëve në Gjenevë zëdhënësja e OBSH-së Fadela Chaib.

Numri është rritur me 56 për qind në tetë ditë. Shifra e mëparshme e dhënë nga OBSH, për periudhën deri më 22 qershor, ishte 3,413 raste. Një rritje e rasteve të lisë së majmunëve është raportuar që nga fillimi i majit jashtë vendeve të Afrikës Perëndimore dhe Qendrore, ku sëmundja ka qenë prej kohësh endemike. Chaib tha se infeksionet tani ishin raportuar në 53 vende.

“Tetëdhjetë e pesë për qind e rasteve janë në Evropë, e ndjekur nga rajoni i Afrikës, Amerika, Mesdheu Lindor dhe Paqësori”, tha ajo.

Sipas OBSH-së, shumica e infeksioneve të lisë së majmunëve deri më tani janë vërejtur tek meshkujt që kryejnë marrëdhënie seksuale me meshkuj, në moshë të re dhe kryesisht në zonat urbane. Simptomat fillestare normale të lisë së majmunit përfshijnë temperaturë të lartë, ënjtje të nyjeve limfatike dhe skuqje të ngjashme me linë e dhenve.

Më 23 qershor, agjencia shëndetësore e OKB-së mblodhi një komitet urgjent ekspertësh për të vendosur nëse lija e majmunëve përbën një të ashtuquajtur Emergjencë të Shëndetit Publik të Shqetësimit Ndërkombëtar (PHEIC) – alarmi më i lartë që mund të japë OBSH.

Por shumica gjeti se situata nuk e kishte kaluar ende atë prag. Megjithatë, ata pranuan natyrën emergjente të shpërthimit dhe thanë se kontrollimi i përhapjes së tij të mëtejshme kërkonte përpjekje intensive për reagim. Komisioni mund të mblidhet në çdo kohë, në varësi të situatës në ndryshim.

Komiteti i urgjencës prej 16 anëtarësh i OBSH-së për linë e majmunëve kryesohet nga Jean-Marie Okwo-Bele nga Republika Demokratike e Kongos, i cili është një ish-drejtor i Departamentit të Vaksinave dhe Imunizimit të OBSH-së.

The post Lija e majmunëve, OBSH paralajmëron: Mbi 5000 raste të infektuar deri më tani appeared first on Albeu.com.

“Jam shumë i shqetësuar për shpërthimin e lisë së majmunëve, ky është qartë një kërcënim shëndetësor në zhvillim që kolegët e mi dhe unë në Sekretariatin e OBSH-së po e ndjekim jashtëzakonisht nga afër,” tha Tedros.

OBSH tha në një deklaratë se pse kishte disa pikëpamje të ndryshme brenda komitetit, ata përfundimisht ranë dakord me konsensus se në këtë fazë shpërthimi nuk është një Emergjencë e Shëndetit Publik me shqetësim ndërkombëtar (PHEIC).

Etiketa “emergjente globale” aktualisht vlen vetëm për pandeminë e koronavirusit, teksa agjencia e OKB-së është tërhequr nga aplikimi i saj për shpërthimin e lisë së majmunëve pas këshillave nga një takim i ekspertëve ndërkombëtarë.

“Ka pasur më shumë se 3200 raste të konfirmuara të lisë së majmunëve dhe një vdekje e raportuar në gjashtë javët e fundit nga 48 vende ku zakonisht nuk përhapet,” sipas OBSH-së./albeu.com

The post OBSH: Lia e majmunëve shqetësuese, por jo emergjencë globale appeared first on Albeu.com.

Ministria e Shëndetësisë atje njofton se pacienti është në gjendje stabël dhe aktualisht ndodhet në izolim në Klinikën Infektive.

Sipas burimeve, atij i është marrë mostra e lëkurës, e cila do të dërgohet për analiza ne Holandë.

Deri në përgjigjet përfundimtare dhe më pas të përcaktimit të diagnozës, institucionet shëndetësore po vazhdojnë mbikqyrjen epidemiologjike e pacientit dhe gjurmimin e kontakteve.

Kujtojmë se deri më tani në mbarë botën janë regjistruar rreth 700 raste të lisë së majmunëve./albeu.com/

The post Rasti i parë i lisë e majmunëve në Kosovë? appeared first on Albeu.com.

“Teksa hyjmë në periudhën e verës në rajonin evropian, me festa masive, festivale dhe ndenja të ndryshme, jam i shqetësuar se përhapja për mund të rritet ndonëse rastet e identifikuara tani janë në mesin e atyre që janë përfshirë në aktivitet seksual dhe simptomat janë të panjohura për shumë njerëz”, ka thënë drejtori i OBSH-ë për Evropën, Hans Kluge përmes një deklarate.

Më shumë se 100 raste të infeksionit viral janë konfirmuar në Belgjikë, Francë, Gjermani, Itali, Portugali, Spanjë, Suedi, Holandë dhe Britani.

Disa raste janë identifikuar edhe në Shtetet e Bashkuara, Kanada dhe Australi.

Lia e majmunëve, më e zakonshme në perëndim dhe qendër të Afrikës, shkakton sëmurje të lehtë, të karakterizuar me temperaturë dhe gunga në trup.

I identifikuar fillimisht në majmunë, sëmundja përhapet në raste të kontaktit shumë të afërt dhe rrallë ka dalë jashtë Afrikës.

Shkencëtarët nuk presin shpërthim sikurse të koronavirusit, sepse ky virus nuk përhapet lehtë sikurse SARS-COV-2.

OBSH ka thënë se rastet e fundit janë të pazakonshme, sepse pothuajse të gjithë individët e prekur nga virusi, nuk kanë pasur histori të udhëtimit në zonat ku lia e majmunëve është endemike, por edhe për shkakun se rastet janë duke u identifikuar te burrat që kryejnë marrëdhënie seksuale me burra.

Në Britani, ku janë konfirmuar 20 raste, shërbimet shëndetësore kanë thënë se shumica e të infektuarve janë burra homoseksualë apo biseksualë.

Edhe 14 rastet e identifikuara në Portugali kanë qenë të lidhura me burra që kryejnë marrëdhënie seksuale me burra tjerë.

Fabian Leendertz nga Instituti Robert Koch në Gjermani e ka përshkruar shpërthimi si epidemi, mirëpo ka thënë se ajo do të izolohet përmes gjurmimit të kontakteve dhe trajtimit me ilaçe.

Lia e majmunëve zakonisht raportohet në Afrikën Qendrore dhe atë Perëndimore.

Ajo konsiderohet endemi në Republikën Demokratike të Kongos, ku është identifikuar për herë të parë në njerëz më 1970. /REL

The post Paralajmëron OBSH: Kujdes gjatë muajve të verës, mund të rriten rastet e lisë së majmunëve appeared first on Albeu.com.