Ata kishin bllokuar qarkullimin e mejeteve për të zhvilluar garën.

Policia ka identifikuar dhe proceduar penalisht dhe administrativisht njërin nga drejtuesit e mjeteve, i cili ishte organizatori i garës dhe shpallin alert mjetin tjetër.

Gjithashtu, shërbimet e Policisë kanë gjetur dhe automjetin në pronësi të E. K., i cili e kishte dërguar atë në një servis, për ta çmontuar.

Njoftimi i policisë:

Lezhë

Penguan qarkullimin e mjeteve të transportit rrugor, për të realizuar gara sportive, prishën rendin dhe qetësinë publike, organizuan grumbullime dhe më pas postuan video në rrjete sociale, shërbimet e Policisë identifikojnë dhe procedojnë penalisht dhe administrativisht njërin nga drejtuesit e mjeteve, i cili ishte organizatori i garës dhe shpallin alert mjetin tjetër.

Gjithashtu, shërbimet e Policisë kanë gjetur dhe automjetin në pronësi të E. K., i cili e kishte dërguar atë në një servis, për ta çmontuar.

Në lidhje me një video të publikuar në rrjetet sociale, ku shfaqeshin drejtues mjetesh që kishin ndaluar mjetet e tyre, me qëllim për të realizuar gara sportive, në aksin rrugor Lezhë-Mamurras, tek “Mbikalimi i Patokut”, duke penguar lëvizjen e lirë të mjeteve të tjera, duke prishur rendin e qetësinë publike dhe duke organizuar grumbullime të njerëzve, shërbimet e Policisë Rrugore Lezhë, falë veprime të shpejta hetimore kanë bërë të mundur identifikimin e njërit prej drejtuesve të mjeteve.

Në vijim të veprimeve hetimore, filloi procedimi penal për shtetasin E. K., 35 vjeç, banues në Tiranë, për veprat penale “Pengimi i qarkullimit të mjeteve të transportit”, “Prishja e rendit dhe qetësisë publike”, “Organizimi dhe pjesëmarrja në grumbullime” dhe ” “Kundërshtimi i punonjësit të Policisë”.

Gjithashtu, nga shërbimet e Policisë i është vendosur masa administrative 150.000 lekë.

Drejtoria Vendore e Policisë Lezhë fton qytetarët që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke u siguruar reagim të shpejtë e të paanshëm, kundrejt atyre që shkelin ligjin dhe cenojnë jetën e qytetarëve./albeu.com

The post Çmenduri! Bllokuan autostradën për të bërë gara me makina, si e pësojnë dy shoferët (VIDEO) appeared first on Albeu.com.

Një divorc i ndodhur mes një çifti është bërë shkak i vrasjes së Ylli Menës, të riut me origjinë nga Puka me banim në fshatin Barbullojë të Lezhës, ngjarje e ndodhur në shtator të vitit 2019 në Ishull-Lezhë.

Prokuroria ka mbyllur hetimet në lidhje me ngjarjen dhe ka dërguar për gjykim dosjen me 1 person të pandehur. Ai është shtetasi Albert Kaça 32-vjeç, i cili rezulton të jetë ish-kunati i viktimës Ylli Mena.

Ndaj 32-vjeçarit nga Mamurrasi është ngritur akuza e “Vrasjes së kryer brenda rrethit familjar”, vepër kjo që parashikon një dënim nga 35 vite burgim, deri në burgim të përjetshëm.

Sipas dosjes hetimore është provuar se Ylli Mena është përplasur me automjet për vdekje me dashje nga ish-kunati i tij, pasi ata kishin pasur konflikte mes njëri-tjetrit dhe gjatë viti 2019 marrëdhënia mes tyre ishte përkeqësuar edhe më shumë, kjo për faktin se viktima kishte vendosur ta divorconte motrën e autorit të ngjarjes.

27-vjeçari Ylli Mena u përplas nga një automjet, teksa po lëvizte me biçikletë në Ishull-Lezhë. Ai mbeti i plagosur rëndë dhe ndërroi jetë disa orë pas ngjarjes në Spitalin e Traumës në Tiranë. Fillimisht, u raportua për aksident, por më pas gjithçka u zbardh dhe rezultoi se aksidenti kishte qenë i qëllimshëm.

The post Përplasi qëllimisht kunatin pasi i ndau motrën, i riu rrezikon 35 vite burg appeared first on Albeu.com.