Sulmuesi polak ka zbarkuar në tokën gjermane, ndërsa sot do ta nisë edhe zyrtarisht sezonin e ri nën drejtimin e trajnerit Julian Nagelsmann. Sipas “Sky Deutschland”, ish-futbollisti i Borussia Dortmundit është duke kryer vizitat mjekësore dhe më pas t’i nis stërvitjet.

Sidoqoftë, ende mbetet në opsion largimi i tij nga “Allianz Arena”. Dy herë lojtari më i mirë në botë, i shpallur nga FIFA e ka mendjen tek Barcelona.

Gjiganti katalunas është i gatshëm ta rrisë ofertën për Lewan.

“Blaugrana” do t’ia prezantojnë Bayernit një ofertë të majme prej 50 milionë eurosh plus bonuse për veteranin e sulmit.

Bayerni, nga ana e tij, me shitjen eventuale të Lewandowskit do t’i siguronte paratë për ta blerë qendërmbrojtësin e Juventusit, Matthijs de Ligt.

Lewandowski ka kontratë me Bayernin deri në vitin 2023, por e dëshiron largimin nga Bavaria qysh këtë verë.

The post Lajme të reja nga Munich, Lewandowski i bashkohet ekipit të Bayernit në stërvitje appeared first on Albeu.com.