“Krisja” e marrëdhënieve me Berishën, Kokalari njofton takimin për zyrtarizimin e Lëvizjes Konservatore Shqiptare

Xh — Sat, 10 Jun 2023 10:18:33 +0000

Ashtu sikurse kishte lajmëruar më herët, Evi Kokalari, ish-mbështetësja e Berishës, ka nisur punën për krijimin e lëvizjes Konservatore në Shqipëri. Ajo bën me dije se më 18 qershor do të zhvillohet takimi i parë zyrtar për krijimin e Lëvizjes. Kokalari tha se të ftuar do të jenë edhe përfaqësues të partive të djathta evropiane si dhe të Partisë Republikane në SHBA.

“Të djelën, në 18 Qershor, në orën 12:00 tek Hotel Rogner, Tiranë – fillojmë në mënyrë zyrtare Lëvizjen Konservatore Shqiptare. Kemi të ftuar nga Partitë e djathta europiane dhe nga Partia Republikane Amerikane. Hyrja e lirë por e limituar. Shihemi së shpejti”, shkruan Kokalari.

Siç njoftoi më herët, Kokalari ka qëllim të organizojë të djathën ashtu siç duhet, pa element të LSI dhe pa persona që kanë nevojë për karrige.

Kujtojmë se Kokalari, dikur një mbështetëse e zjarrtë e ish-kryeminsitrit Sali Berisha u distancua nga ky i fundit në momentin kur zyrtarizoi bashkëpunimin me LSI-në.

Ajo akuzoi Berishën se nuk mbajti fjalën e dhënë për të bërë reformimin e duhur brenda së djathtës dhe se nuk ndoqi parimet konservatore ashtu siç pati premtuar në fjalimet e tij në foltoret e organizuara në qytete të ndryshme të vendit.

/Albeu.com.

The post “Krisja” e marrëdhënieve me Berishën, Kokalari njofton takimin për zyrtarizimin e Lëvizjes Konservatore Shqiptare appeared first on Albeu.com.

“Do organizoj të djathën pa element të LSI-së”, Kokalari nis Lëvizjen Konservatore: Do ta çoj PD-në në fitore

Xh — Fri, 19 May 2023 07:04:43 +0000

Pas dështimit të opopzitës në zgjedhjet vendore të 14 majit, aktivistja Evi Kokalari ka njoftuar krijimin e Lëvizjes Konservatore në Shqipëri.

Fokusi, sipas Kokalarit është krijimi i strukturave në Tiranë, Durrës dhe disa rrethe të tjera. Më tej, Kokalari thekson se qëllimi i saj është të organizojë të djathën ashtu siç duhet, pa element të LSI dhe pa persona që kanë nevojë për karrige.

“Nëse mundem, do mbledhë shumë demokratë bashkë, dhe do t’ju jap atë që gjithmon ju ka munguar – meritokracinë”, shkruan Kokalari ndër të tjera.

Postimi i plotë:

Në 15 Qershor jam në Tiranë.

Lëvizja Konservatore zyrtarisht do filloj kur të jem aty, por organizatorët janë në terren tashti, kështu që më kontaktoni nëse doni të aktivizoheni.

Momentalisht fokusi është krijimi i strukturave në Tiranë, Durrës dhe disa rrethe të tjera.

Qëllimi im është të organizoj siç duhet të dhathtën Shqiptare, pa elementët e LSI, dhe të mbledhë individë që si unë s’kanë nevojë për një karrike, por janë seriozë dhe duan ndryshime serioze, që nga ndalimi i korrupsionin dhe deri tek shkatërrimi i kupolës 32 vjeçare.

Nëse mundem, do mbledhë shumë demokratë bashkë, dhe do t’ju jap atë që gjithmon ju ka munguar – meritokracinë.

E ndjej veten mëse të zonjën të ndërtoj të djathtën Shqiptare dhe ta çoj atë në fitore, dhe kjo mund të ndodhë dhe me PDnë, se di, por me të apo pa të, do të ndodhë!!

PDja mund të rrij aty ku është ose ti bashkohet çfarë po bëjmë ne. Ky është vendim individual i secilit nga ju. Berisha vetë, derën hapur do e ketë për sa kohë kupton që nuk mund të na çoj në fitore, sepse mbështetjen e duhur ja dhamë, dhe e shiti Foltoren, kështu që duhet në mënyrë absolute të lërë gjeneratën e re, me frymë të re ti jap oksigjen partisë, pa LSI dhe elementët e majtë. Por, duke ditur egon e tij, e shikoj të jetë qëndrestarë deri fund, dhe do refuzojë të ndryshoj se si funksionon PDja, dhe në këtë rast, përgjigja më e mirë do jetë izolimi politik, që ka filluar tashmë, me braktisjen e protestave, dhe zgjedhjeve.

Mos bëni asnjë gabim, Berishës po i ikën baza bashkë me militantët.

Di t’ju them dhe një gjë – seriozisht nuk jam njëri i karrikeve, prandaj ka një shans që të ndërtoj një te djathtë të fortë, dhe mos jem vetë kryetare, ama midis forcave të bashkuara në Shqipëri dhe jashtë saj, ju premtoj që regjimi post-komunist në Shqipëri do të marrë fund dhe mënyra e të bërit politikë në Shqipëri do të ndryshoj.

Kam aq besim tek vetja dhe tek ata që këto tre-katër muajtë e fundit kanë qënë gjithë kohën me mua. Shumë që më kanë kontaktuar këto kohë, janë figurave intelektuale dhe njerëz të bisnesit të vogël, që ju ka ardhur në majë të hundës, dhe këta janë ata që së bashku me diasporën, do sjellin ndryshimin.

Shihemi së shpejti.

/Albeu.com/

The post “Do organizoj të djathën pa element të LSI-së”, Kokalari nis Lëvizjen Konservatore: Do ta çoj PD-në në fitore appeared first on Albeu.com.

levizja konservatore Archives - Albeu.com

“Krisja” e marrëdhënieve me Berishën, Kokalari njofton takimin për zyrtarizimin e Lëvizjes Konservatore Shqiptare

“Do organizoj të djathën pa element të LSI-së”, Kokalari nis Lëvizjen Konservatore: Do ta çoj PD-në në fitore