Sipas raportimeve, Harper, 14 vjeç, është parë duke dërguar një letër në shtëpinë në Los Angeles ku Brooklyn jeton me bashkëshorten e tij, Nicola Peltz. Megjithatë, çifti nuk ka qenë në shtëpi në atë moment dhe nuk ka pasur përgjigje nga ana e tyre.

Burime për mediat thonë se Brooklyn dhe Nicola janë në dijeni për vizitën e Harper, por nuk kanë reaguar ndaj saj, duke e lënë situatën pa zgjidhje.

Sipas të njëjtave burime, veprimi është perceptuar nga çifti si i organizuar dhe i pakëndshëm, duke shtuar edhe më shumë tension në marrëdhëniet familjare që prej muajsh janë të acaruara.

Nga ana tjetër, përfaqësues të çiftit kanë deklaruar se prania e fotografëve gjatë dorëzimit të letrës tregon se situata mund të ketë qenë e inskenuar, ndërsa persona pranë familjes Beckham e kanë kundërshtuar këtë pretendim.

Marrëdhëniet brenda familjes Beckham kanë qenë të tensionuara për më shumë se një vit, ndërsa besohet se Harper ka qenë një nga figurat që mund të ndihmojë në pajtimin mes palëve.

The post Çfarë po ndodh me familjen Beckham? Letra që mbeti pa përgjigje! Brooklyn Beckham refuzon tentativën e Harper për… appeared first on Albeu.com.

Bëhet fjalë për një letër me dy faqe, të datës 27 nëntor 1995, të cilën Diana ia dërgoi një mbështetësi të saj, Michael Barratt, pas intervistës së famshme që ajo dha për emisionin Panorama. Në atë intervistë historike, princesha foli hapur për jetën e saj personale dhe martesën me King Charles III.

Në mesazhin e saj, Diana e falënderon Barratt për mbështetjen dhe shprehet se shpresonte që rrëfimi i saj publik të shërbente si frymëzim për gratë që po përballeshin me vështirësi në jetën personale. Ajo thekson gjithashtu rëndësinë e komunikimit të hapur dhe të sinqertë, një vlerë që dëshironte t’ua përcillte edhe djemve të saj, Prince William dhe Prince Harry.

Letra, e shkruar në letrën zyrtare të Kensington Palace, pritet të arrijë një vlerë prej 4 mijë deri në 5 mijë dollarë në ankandin që do të mbahet më 9 qershor.

Intervista e Dianës në “Panorama” mbetet një nga momentet më të rëndësishme në historinë moderne të monarkisë britanike. Aty ajo shqiptoi edhe frazën e famshme që bëri jehonë në mbarë botën: “Në këtë martesë ishim tre persona”, duke iu referuar marrëdhënies së bashkëshortit të saj me Camilla-n.

Përveç letrës, ankandi do të përfshijë edhe objekte të tjera të rralla që lidhen me Dianën dhe familjen mbretërore, përfshirë dokumente nga procesi i krijimit të figurës së saj prej dylli në Madame Tussauds.

Ndërkohë, interes të madh pritet të tërheqë edhe një automjet historik i lidhur me princeshën. Një Jaguar XJ40 Sovereign, i përdorur nga Diana në vitet e fundit të jetës së saj mbretërore dhe i lidhur me paraqitjen e saj ikonike me “revenge dress” në vitin 1994, do të nxirret gjithashtu në ankand.

The post Del në ankand letra e Dianës, pas intervistës që tronditi monarkinë britanike! appeared first on Albeu.com.

Ky ishte mesazhi që kompania, Shandong Shuntian Chemical Group, u dërgoi punonjësve të pamartuar së fundmi, në një njoftim që u përhap gjerësisht në mediat sociale.

Ai i udhëzoi ata të krijonin familje deri më 30 shtator, ose ndryshe: “Nëse nuk mund të martoheni dhe të krijoni familje, kompania do të ndërpresë kontratën tuaj të punës”.

Shandong Shuntian, nuk ishte kompania e parë që u përpoq të diktonte jetën personale të punonjësve të saj mes shqetësimeve në rritje për rënien e martesave dhe lindjeve në Kinë. Javë më parë, një rrjet i njohur supermarketesh, i kishte thënë stafit të tij që të mos kërkonte dhurata për fejesë, për të ulur koston e dasmave.

Të dy urdhrat u kritikuan gjerësisht, për shumë nga të njëjtat arsye që njerëzit refuzojnë të krijojnë familje në radhë të parë. Përveç kostos ekonomike për të pasur fëmijë, shumë të rinj kinezë përmendin një dëshirë për autonomi personale. Ata refuzojnë idenë tradicionale se familjet e tyre duhet të drejtojnë jetën e tyre dhe sigurisht që nuk janë të prirur t’i lënë punëdhënësit e tyre të thonë fjalën e tyre.

Vitin e kaluar, 6.1 milionë çifte kineze u martuan – një rënie prej 20 për qind nga një vit më parë, dhe më e pakta që kur qeveria filloi të publikonte statistika në vitin 1986. Popullsia e Kinës ka rënë për tre vjet rresht.

Autoritetet janë përpjekur t’i kthejnë këto tendenca. Zyrtarët kanë vizituar gratë në shtëpi për të pyetur nëse planifikojnë të mbeten shtatzënë. Qeveria gjithashtu, botoi një propagandë që pretendonte se shtatzënia mund t’i bëjë gratë më të zgjuara dhe bëri thirrje për krijimin e një “atmosfere sociale miqësore për fertilitetin”, përfshirë në vendet e punës.

Disa kompani duken të etura për ta zbatuar propagandën.

Njoftimi nga kompania kimike, e cila filloi të qarkullonte në internet muajin e kaluar, u drejtohej punonjësve të pamartuar midis moshës 28 dhe 58-vjeç, përfshirë punëtorët e divorcuar.

“Të mos i përgjigjesh thirrjes së vendit, të mos martohesh dhe të kesh fëmijë, është pabesi”, thuhej në memo.

Me rritjen e talljeve në internet, kompania u tërhoq shpejt. E kontaktuar me telefon, një grua në selinë e saj tha se njoftimi ishte tërhequr dhe se qeveria lokale kishte urdhëruar kompaninë t’i nënshtrohej “korrigjimit”.

Ajo nuk pranoi t’u përgjigjej pyetjeve të tjera. Zyrtarët lokalë të punës nuk mund të kontaktoheshin për koment.

Megjithatë, ka pasur sugjerime se qeveria mund të ushtrojë presion më të drejtpërdrejtë mbi punonjësit e saj.

Vitin e kaluar, një draftdokument nga Komisioni Shëndetësor i Quanzhou, një qytet në Kinën jugore, u përhap në internet. Ai u bënte thirrje punonjësve të agjencive qeveritare që “të merrnin drejtimin në zbatimin e politikës së tre fëmijëve”.

Dokumenti nuk specifikonte se çfarë nënkuptohej me zbatimin. Por komentuesit tërhoqën paralele me një letër të hapur të famshme nga autoritetet qendrore që shihet se ka nisur politikën e një fëmije në vitin 1980.

Ajo letër i nxiti anëtarët e partisë që të “merrnin drejtimin” për të pasur një fëmijë. Një zonjë që iu përgjigj telefonit në Komisionin Shëndetësor të Quanzhou konfirmoi ekzistencën e draftit.

Por ajo tha se qyteti po priste udhëzimet e nivelit më të lartë, përpara se të publikonin udhëzimet përfundimtare.

The post Letra e çuditshme për punonjësit nga kompania: Martohuni deri më 30 shtator, ose do të pushoheni nga puna appeared first on Albeu.com.

Berisha u shpreh fillimisht se ka lënë në SPAK një letër në të cilën, sipas tij, ka shkruar se i drejtohet kreut të prokurorisë se politika e Xhorxh Soros, ka dështuar në SHBA dhe se e njëjta gjë do të ndodhë edhe në Shqipëri.

“Pasi u paraqita, i lashë Altin Lalës letrën që vijon: Kreut të kësaj organizate kriminale, Altin Dumani, që zbaton politikën e Shqipërisë pa opozitës të monstrës Xhorxh Soros dhe kukullës së tij në Tiranë. Por kjo politikë dështoi në SHBA dhe të njëjtin fat do ketë në Shqipëri. Firmosur, Sali Berisha. Kjo është kopja”, – tha Berisha.

Lideri demokrat dënoi edhe protestën e militantëve të Erion Veliajt para Gjykatës së Posaçme, duke e konsideruar si një akt puçist, banditesk të narkoqeverisë dhe narkobashkisë.

“Por unë sot do të dënoj me forcën më të madhe aktin puçist, banditesk të narkoqeverisë dhe narkobashkisë Rama, të cilët morën peng për orë të tëra gjykatës dhe prokurorë të çështjes Veliaj. Rikthyen në Tiranë skenat e viteve ’80, kur Eskobari sulmoi gjykatën dhe aty pati viktima të tëra. Pas 40 e sa vitesh, Ediskobari kreu të njëjtin akt ndaj gjykatës dhe prokurorisë. Në historinë e botës ka pra vetëm dy raste, ka rastin Eskobar dhe rastin Ediskobar. Në historinë e botës ka me qindra raste protestash opozitare apo grupe interesi para gjykatave dhe prokurorive në çdo kryeqytet të botës. Por protestë shtetërore, protestë e organeve shtetërore, ajo përbën një grusht shteti brenda shtetit. Dhe e garantoj Edi Ramën dhe Erion Veliajn se ky krim antikushtetues do u regjistrohet atyre dhe do ndëshkohen në mënyrë shembullore që kujt të mos i shkojë mendja në pushtet të sulmojë pushtetin tjetër”, – deklaroi Berisha.

Kujtojmë se vendimi i Gjykatës së Posaçme të Apelit për t’i caktuar Berishës “detyrim paraqitje”, u mor pas shqyrtimit të ankimimit të bërë nga dy prokurorët e SPAK, Arben Kraja dhe Enkeleda Millonai, të cilët kërkonin rikthimin e “arrestit në shtëpi” për liderin demokrat.

Gjyqtari i Apelit nuk pranoi kërkesën e SPAK, por gjithashtu prishi edhe vendimin e GJKKO-së të marrë nga gjyqtarja Flojera Davidhi më 27 Nëntor, e cila i revokoi të gjitha masat e sigurisë ndaj Berishës.

Lideri i opozitës e ka cilësuar vendimin e Apelit si një sulm politik ndaj tij, të porositur nga kryeministri Edi Rama, në prag të fushatës zgjedhore.

Për dosjen “Partizani”, Berisha është marrë i pandehur për akuzën e veprës penale “Korrupsion pasiv i funksionarëve të lartë shtetërore ose të zgjedhurve vendorë”, kryer në bashkëpunim.

Sipas SPAK-ut, Berisha në kohën kur ka qenë kryeministër, ka vendosur në funksion të interesave të dhëndrit të tij Jamarbër  bazën ligjore, si edhe ka ushtruar presion mbi vartësit për të nxitur plotësimin sa më të shpejtë të procedurave të kthimit të pronës dhe privatizimit të godinave të degraduara të ish-klubit sportiv “Partizani”.

Sali Berisha, ndodhej në izolim që prej 30 Dhjetorit të vitit 2023, kur Gjykata e Posaçme vendosi t’i caktonte masën e sigurisë “arrest shtëpie”, pasi lideri demokrat nuk zbatoi masën e mëparshme “Detyrim paraqitje”, duke e konsideruar si antikushtetuese.

Pas këtij vendimi, avokatët e Berishës, kishin bërë një sërë ankimimesh për t’i revokuar masën “Arrest shtëpie”, por kërkesat e tyre ishin rrëzuar si në Shkallën e Parë, po ashtu edhe në Apelin e Posaçëm.

The post Berisha flet pas daljes nga SPAK, kryetari i PD lexon letrën që la në ambientet e prokurorisë appeared first on Albeu.com.

Robert Nolfe: Ne ishim dy artistë që po përpiqeshim të mbanim marrëdhënien tonë por në një pikë të martesës, pas disa vitesh që përpiqeshim, nuk po funksiononte dhe vendosëm të ndaheshim siç ndodh edhe sot zakonisht.

Parashqevia u trishtua pas vdekjes së papritur të të atit dhe besoj se kjo e preku tej mase. Dëshiroj të shmang shumë detaje dhe kërkoj që të gjithë të jenë mirëkuptues në një çështje familjare ku ka dhe fëmijë. Por gjatë procesit të ndarjes ajo vetëm mori një pozicion ekstrem dhe nuk pranonte asnjë propozim të bërë nga gjykatësi. Në media janë thënë shumë gjëra të cilat nuk janë të vërteta, dhe në fakt asaj i është dhënë mundësia për vizita por janë refuzuar.

Gjatë gjithë kohës, vëmendja ime ishte mirëqenia e djalit tim, dhe mora mjaft këshilla nga të caktuarit e gjykatës. Në atë kohë kam qenë në kontakt me familjen e saj në Shqipëri duke i informuar për situatën, por e di që ishte njësoj e vështirë për të gjithë. Pas divorcit, ashtu si shumë të tjerë ne humbëm lidhjet me Parashqevinë. Do të thosha se nuk është e lehtë për një burrë t’i jepet kujdestaria, dhe unë nuk u nisa për këtë fillimisht, por në fund kjo është ajo që ndodhi. Kjo me vendosi në një sfidë personale si një baba i vetëm që punonte për një farë periudhe.

Ishte emocionuese të shihje buzëqeshjen e saj në videot e tua, Elton, dhe unë besoj se ka një dritare ku të lëmë pas të gjitha këto dhe të shohim përpara. Biri ynë nuk është më fëmijë, por një djalë i ri i mirë që merr vendimet e veta. Jam i lumtur të të them se ai pranoi të flas me të dhe dhe po kujdesemi që ai të rilidhet me të me shpresën se do të jetë më e mira për të gjithë.

Atyre që më kanë dërguar mesazhe kërcënuese mua dhe familjes sime i bëj thirrje të fokusojnë energjitë në pasion dhe vlerësim, nëse zgjedhin të shprehen me dritë pozitive për këtë thesar kombëtar të gjetur së fundmi.

Dëshiroj personalisht të të them faleminderit Elton që e bëre të mundur gjithë këtë.

The post Zbulohet letra e ish-bashkëshortit të Parashqevi Simakut për Elton Ilirjanin: Iu propozua të vinte për vizitë, por… appeared first on Albeu.com.

Në vitin 2014, ajo vizitoi Qendrën Përkujtimore në Potoçare me ish-bashkëshortin e saj Brad Pitt.

Në vitin 2015, në 20 vjetorin e gjenocidit, aktorja shkruante se nuk do ta harronte kurrë atë moment kur kaloi në Potoçare.

Kjo është ajo që Jolie kishte shkruar në letrën e saj:

“Hapësira e ftohtë dhe e zbrazët, muret, historitë dhe kujtimet, lënë një gjurmë të pashlyeshme tmerri që depërton deri në kocka. Kjo e bën shikuesin të pyesë veten se si dikush mund të mbijetojë humbjen e familjeve të tyre në rrethana kaq të liga.

Megjithatë, si një kontrast i fortë me atë të keqe, pata mundësinë të takoj një mirësi të tillë – nënat e Srebrenicës dhe dinjitetin dhe mënyrën se si e përballojnë humbjen e tyre. Vendimi i tyre për të mos iu dorëzuar urrejtjes dhe hakmarrjes është një forcë e mendjes që më la pa fjalë.

Dhimbja e të mbijetuarve të luftës në Bosnje nuk do të largohet kurrë. Madje, atë e zmadhojnë ata që mohojnë pandjeshëm historinë. Për këtë arsye, është më e rëndësishme që të gjithë ne, si miq të popullit të Bosnjës, të sigurohemi që kujtimi i Srebrenicës të mos shuhet kurrë.

Ne duhet të qëndrojmë në Bosnje sot dhe në të ardhmen, në nderim të atyre që humbën jetën, por edhe në solidaritet me ata që vazhdojnë të vajtojnë për ta”.

The post Në përvjetorin e Masakrës së Srebrenicës, kujtohet letra e famshme e Angelina Joliet që kishte shkruar gjatë vizitës në Bosnjë appeared first on Albeu.com.

Letra e saj është bërë virale këto ditë, kur ka shpërthyer skandali i Spitalit Onkologjik.

INA KASIMATI – LETRA AKUZË (gusht 2023)

(Mësuese Ina u nda nga jeta në 23.03.2024)

Unë kur u diagnostikova me kancer gjiri para 4 vitesh, operacionin e bëra te Spitali Onkologjik në QSUT. Jam operuar (unë dhe shumë pacientë) në një krevat me tre këmbë dhe m’u hoqën të gjitha limfonodulat pasi kështu ishte aparatura.

Më pas shefja e terapisë, Dr.Dhurata nuk më dha terapinë sipas protokollit dhe vetëm kur shkova në Itali për vizitë, e mësova këtë gjë. Kur u ktheva dhe ia thashë Dr.Dhuratës, ajo më tregoi listën e pacientëve që prisnin prej disa muajsh të merrnin Zoladexin. I shkruajta atëherë Drejtorit të përgjithshëm z.Enkelejd Joti. Asnjë përgjigje.

I shkruajta ministres, znj.Manastirliu. Asnjë përgjigje. Pastaj një shoqe më sugjeroi t’i shkruaja kryeministrit. M’u duk absurde, por e bëra. Dhe për gjysmë ore drejtori i spitalit më shkruajti një sms (të lante gojën) Znj.Kasimati, ju e keni marré ilaçin në farmacinë e spitalit… (qesharake)

E kundërshtova dhe i shkruajta që nuk e kam marrë ilaçin dhe as që e dija ku ishte farmacia e spitalit. Pas disa ditësh më telefonuan dhe u futa në listë për ilaçin. Pas tre vitesh (d.m.th vitin e kaluar) kur m’u përsërit sëmundja dhe u bë publike thirrja për të më ndihmuar financiarisht të ikja jashtë dhe qindra shqiptarë filluan të më mbështesnin, më mori në telefon ministrja znj.Manastirliu dhe më pyeti për shëndetin.

I thashë dua të iki në një spital jashtë, pasi Spitali Onkologjik për mua ishte kthyer në një tmerr që tek dera e hyrjes ku të shtynte polici dhe koordinatori. Ndërsa në dhomën e vogël të onkologes ku shkoja çdo tre muaj për ironi pas Covid-it ishin dy mjekë, që thjesht mbushnin kartelën dhe ikja bëja terapinë.

Asnjë krevat në dhomë, as stetoskop, as privatësi të komunikoje me doktorin, tek dera prisje në këmbë në radhë…

Nuk e di nëse keni shkuar në Spitalin Onkologjik, në katin e parë ku janë vendosur foto nga Shqipëria turistike me një diçiturë në anglisht të një firme farmaceutike: Bëje tani, atë që pacienti ka nevojë më pas.

Aty ishte edhe një fotografi nga një kishë në Voskopojë ku në oborr ishte një varr… Kur e kam parë jam tmerruar. I bëra foto. Ia dërgova drejtorit, e postova edhe në faqen time në FB dhe më pas u hoq …

Para se të nisesha në Francë, falë mbështetjes së shqiptarëve dhe jo të shtetit, unë prisja përgjigjen e biopsisë, por nuk e mora pasi në spital mungonin kitet …

Ndërkohë në ato korridore spitali kam takuar familjarë të pacientëve aty, të shqetësuar për mungesë të ilaçeve, kimioterapisë… Për të mos folur për skanerin që ngelet si një gjë e rrallë që të bëhet dhe jo si një procedurë rutinë për të të ndjekur në ecurinë e trajtimit mjekësor apo analizat, ilaçet… Një pacient që derdh sigurimet shëndetësore nuk ka pse t’i shkruajë drejtorit, ministrit, kryeministrit…

Është turp!

Në cilin vend të Europës ndodh kjo? Shërbimi shëndetësor duhet të jetë një normalitet nëse trajtohesh/ operohesh në spitalin publik dhe nëse nuk bëhet aty, skena e sigurimeve shëndetësore e merr përsipër mbështetjen e pagesës për pacientin…

Pse pasi bëhesh publik dhe kërkon ndihmë, ministrja të merr në telefon dhe ”lan moralin” që shteti e dha ndihmën… Jam kurioze të di në rastin e aktorit Fuga çfarë mbështetje i ka dhënë shteti, kur ai është një pagues i sigurimit shëndetësor? Po Pr.Petrela çfarë ka bërë konkretisht kur ai është doktor në spitalin publik dhe neurokirurgu më i mirë?

The post Ndërroi jetë prej kancerit/ Letra tronditëse e aktivistes Ina Kasimati që tregon kushtet e turpshme të Onkologjikut appeared first on Albeu.com.

Letra po shitet si pjesë e një ankandi të artefakteve që i përkasin bashkëthemeluesit të Microsoft, Paul Allen, i cili vdiq në vitin 2018 në moshën 65-vjeçare. Koleksioni i tij personal do të dalë në shitje në Nju-Jork, në shtator. Do të ketë një sërë artikujsh që pasqyrojnë jetën e tij dhe ndikimin në informatikë, por letra e Ajnshtajnit pritet të marrë vëmendjen kryesore.

Letra është vlerësuar së mund të shitet midis 4 dhe 6 milionë dollarë. Ajo në fakt u shkrua nga fizikani hungarez, Leo Szilard, me ndihmën e shkencëtarëve të tjerë, por u nënshkrua nga Ajnshtajni sepse statusi i tij asokohe vlerësohej si një nga figurat më të mëdha shkencore, çka do të tërhiqte vëmendjen e presidentit.

E datës 2 gusht 1939, vetëm disa javë para shpalljes së Luftës së Dytë Botërore, në letër citohej: “Është e imagjinueshme – edhe pse shumë më pak e sigurt – që mund të ndërtohen bomba jashtëzakonisht të fuqishme të një lloji të ri”.

Mirëpo Ajnshtajni raportohet se më vonë është penduar për letrën për shkak të ndikimit të saj për ta kthyer Amerikës të vetmin vend, në atë kohë, që prodhonte armë bërthamore. “Sikur ta dija se gjermanët nuk do të arrinin të prodhonin një bombë atomike, nuk do të kisha ngritur kurrë asnjë gisht”, tha ai në vitin 1947.

The post Letra e famshme e Ajnshtajnit, del në ankand me shifrën marramendëse appeared first on Albeu.com.

Gazetari Enver Doçi, raporton se në një letër që Hoxhaj i ka dërguar thekson se transferimi i tij në këtë burg është i padrejtë, pasi fillimisht e kanë tranferuar nga burgu i Peqinit për në Reç të Shkodrës, por aty e kanë mbajtur vetëm 24 orë dhe më pas e kanë transferuar në Burrel.

I dënuari me burgim të përjetshëm, thotë se ky transferim është i padrejtë dhe se argumenti i dhënë nuk qëndron pasi atje nuk i rrezikohet jeta, siç është një ndër arsyet e transferimit.

Në letrën e tij, Valmir Hoxhaj, akuzon strukturat drejtuese të burgut të Reçit, që sipas tij, kanë shkelur ligjin disa herë duke futur brenda burgut sende të paligjshme dhe kjo nuk do të ishte e lehtë më pas.

Ai i bën thirrje Ministrisë së Drejtësisë, Drejtorisë së Përgjithshme të Burgjeve dhe Avokatit të Popullit të reagojnë dhe ta rikthejnë në burgun e Reçit, ku ka edhe vëllain si dhe familjen, pasi deklaron se nënën e ka të sëmurë, në të kundërt – thotë ai, do të vijojë grevën e urisë deri në vetëflijim.

The post Burrel/ I burgosuri futet në grevë urie, letra e të dënuarit me burgim të përjetshëm appeared first on Albeu.com.

Duke u shfaqur në episodin e së premtes në The Graham Norton Show, aktores 34-vjeçare të “Fifty Shades Of Grey” iu bashkua Sterling K Brown, i cili zbuloi se fansat e tij po e lavdërojnë atë pasi i kanë ndryshuar jetën.

Duke folur për serialin në të cilin ai ishte pjesë, “This is Us”, aktori tha: “ Njerëzit ende vijnë tek unë për të më përqafuar dhe për të më thënë se shfaqja ka ndryshuar jetën e tyre. Nuk e dija se do të kishte një ndikim të tillë. Ishte vërtet e mrekullueshme”.

Johnson u përgjigj me humor: “Kjo nuk më ndodh kurrë. Unë marr vetëm letra nga burrat në burg dhe gjëra shumë të çuditshme me postë!’

/albeu.com

The post Aktorja e “50 Hijet e Greit” zbulon se merr letra nga burgu appeared first on Albeu.com.