Ushtruesja e detyrës së presidentes së Kosovës, Albulena Haxhiu, ka mirëpritur sot dorëzimin e Letrave Kredenciale nga Abdoulaye Fofana, ambasadori jorezident i Republikës së Guinesë në vendin tonë.

Bashkëbisedimi u përqendrua në gjendjen aktuale të raporteve dypalëshe, si dhe në perspektivat për thellimin e bashkëpunimit në sektorë me interes të ndërsjellë, sipas komunikatës së publikuar nga zyra e Haxhiut.

Ajo i shprehu ambasadorit Fofana përshëndetje të përzemërta dhe i dëshiroi suksese gjatë ushtrimit të mandatit të tij.

Po ashtu, Haxhiu rikonfirmoi angazhimin e palës kosovare për të punuar së bashku në drejtim të avancimit të mëtejshëm të marrëdhënieve ndërmjet Kosovës dhe Guinesë.

The post Haxhiu mirëpret ambasadorin e ri të Guinesë, dorëzohen letrat kredenciale appeared first on Albeu.com.

Xhevat Dajaku, vëllai i të ndjerit Besim Dajaku, ka reaguar ndaj një letre që po qarkullon në rrjet dhe të cilën e ka quajtur “Fletë Rrufe”.

Ai ka paralajmëruar se përmbajtja e saj përhap frikë, pasiguri, linçim dhe dhunë. Dajaku thekson se personat e dënuar duhet të përgjigjen për veprat e tyre dhe nuk duhet të identifikohen me UÇK-në apo Kosovën.

“Dikush e hedh idenë, dikush e shkruan, dikush e shpërndan dhe dikush e ekzekuton”, ka shkruar ai.

Në reagimin e tij, Dajaku e përshkruan letrën si një tekst që kalon dorë më dorë dhe kërkon linçim e gjak, ndërsa krijon frikë dhe pasiguri, një mënyrë veprimi që, sipas tij, u përket vetëm gjakatarëve komunistë.

Ai shprehet se formulimi i saj është bërë qëllimisht për t’i kërcënuar të gjithë ata që besojnë dhe shpresojnë te drejtësia. Sipas Dajakut, rreshtat e parë nuk lidhen me pjesën tjetër, pasi të dënuarit nuk janë gjaku i dëshmorëve, nuk janë UÇK-ja dhe nuk janë Kosova; ata nuk janë më shumë se veprat e tyre, ashtu si secili njeri vlerësohet nga veprat e veta.

Dajaku paralajmëron gjithashtu se një “Fletë Rrufe” e tillë mund t’i japë një të marri të drejtën të godasë një tjetër me shkop, plumb ose thikë, duke menduar se po bën heroizëm. Në këtë mënyrë, sipas tij, krijohet zinxhiri i krimit: njëri e hedh idenë, tjetri e shkruan, dikush e shpërndan dhe dikush e ekzekuton.

The post Xhevat Dajaku paralajmëron për letrën në qarkullim: Mund të ushqejë linçimin dhe dhunën appeared first on Albeu.com.

Ushtruesja e Detyrës së Presidentes së Republikës së Kosovës, Albulena Haxhiu, zhvilloi sot ceremoninë e pranimit të letrave kredenciale të ambasadores së re të Konfederatës Zvicerane në Kosovë, Anne-Lise Cattin Hennin.

Me këtë rast, Haxhiu i uroi ambasadores mirëseardhjen në Kosovë dhe mbarësi në detyrën e saj diplomatike. Ajo shprehu bindjen se mandati i Cattin Hennin do të kontribuojë në thellimin e mëtejshëm të raporteve mes dy vendeve.

“Kosova e çmon thellë miqësinë dhe mbështetjen e Zvicrës, e cila ka qenë pranë qytetarëve tanë në kohët më të vështira dhe vazhdon edhe sot përmes bashkëpunimit politik, ekonomik, zhvillimor dhe të sigurisë”, deklaroi U.D. Presidentja Haxhiu.

Gjatë takimit, ajo veçoi gjithashtu rëndësinë e mërgatës kosovare në Zvicër për forcimin e lidhjeve ndërmjet dy shteteve.

“Një vend të veçantë në marrëdhëniet ndërmjet Kosovës dhe Zvicrës e ka mërgata jonë atje, e cila ka dhënë kontribut të çmuar në jetën ekonomike, shoqërore dhe kulturore të të dyja vendeve”, u shpreh U.D. Presidentja.

Në përmbyllje, U.D. Presidentja Haxhiu i garantoi ambasadores Cattin Hennin gatishmërinë për bashkëpunim të plotë, me synim avancimin e partneritetit mes Republikës së Kosovës dhe Konfederatës Zvicerane.

The post Haxhiu pret ambasadoren e re zvicerane, Cattin Hennin, dhe vlerëson marrëdhëniet Kosovë-Zvicër appeared first on Albeu.com.

Nga salla plenare e Kuvendit të Kosovës, deputetët e Partisë Demokratike të Kosovës kanë vendosur në tavolinat e deputetëve të Lëvizjes Vetëvendosje letra përmes të cilave kërkojnë respektimin e Kushtetutës dhe përmbylljen e konstituimit të Kuvendit të Republikës së Kosovës.

Ky veprim u ndërmor gjatë seancës së thirrur nga PDK-ja, e cila kërkon që seanca konstituive të mbahet çdo 48 orë, derisa të përfundojë procesi i konstituimit të Kuvendit.

Në këtë seancë nuk morën pjesë deputetët e LVV-së. PDK-ja përsëriti pretendimin se subjekti që siguroi shumicën në zgjedhjet e fundit nuk po pranon ta përmbushë përgjegjësinë kushtetuese për formimin e institucioneve.

Përmes letrës, PDK-ja u bën thirrje deputetëve të shumicës që mandatin e tyre ta ushtrojnë në përfaqësim të qytetarëve dhe jo në funksion të interesave apo urdhrave partiakë.

“Kushtetuta është mbi partinë, Republika është mbi liderin politik dhe mandati qytetar mbi urdhrin politik”, thuhet, ndër të tjera, në letër.

Partia Demokratike e Kosovës u kërkon gjithashtu deputetëve të shumicës të marrin përgjegjësi individuale për funksionalizimin e Kuvendit. Sipas saj, përmbushja e një detyrimi kushtetues nuk mund të varet nga përllogaritjet politike.

Në mesazh trajtohen edhe pasojat që bllokada e institucioneve po sjell për qytetarët, ndërkohë që familjet përballen me përgatitjet për vitin e ri shkollor, shpenzimet e dimrit, çmimet, tatimet dhe vështirësitë ekonomike.

“Qytetarët tanë nuk mund të presin pafundësisht. Për këto probleme duhet të punojnë institucionet dhe për këto nevoja duhet të flasë Kuvendi”, theksohet në letër.

Në përfundim, deputetëve u drejtohet kjo thirrje: “Respektoni betimin tuaj. Respektojeni mandatin tuaj. Respektojeni Kushtetutën. Konstituojeni Kuvendin. Bëjeni detyrën tuaj.”

PDK-ja ka bërë të ditur se do të vijojë të kërkojë zhvillimin e seancës konstituive në përputhje me afatet procedurale, deri në funksionalizimin e Kuvendit.

Paraprakisht, për të gjashtën ditë radhazi, deputetët e PDK-së kanë penguar hyrjen në objektin e Qeverisë së Kosovës, duke synuar të takojnë kryeministrin në detyrë, Albin Kurti.

The post Deputetët e PDK-së u vendosin letra kolegëve të LVV-së: Respektoni Kushtetutën dhe konstituoni Kuvendin appeared first on Albeu.com.

Lideri i LVV-së, Albin Kurti, i është drejtuar me letër kryetarit të Partisë Demokratike të Kosovës, Bedri Hamza, duke i propozuar që PDK-ja të marrë drejtimin e Kuvendit të Republikës së Kosovës.

Në letrën e tij, Kurti thekson se konstituimi i Kuvendit dhe zgjedhja e presidentit të ri duhet të realizohen me pjesëmarrjen e të gjithëve, në përputhje me kërkesat kushtetuese.

Kurti e ka falënderuar Hamzën për përgjigjen e dhënë gjatë ditës, ndërsa ka shprehur moskuptimin e tij për refuzimin e një takimi mes tyre. Sipas tij, çështjet që lidhen me institucionet e Republikës dhe interesin e qytetarëve duhet të diskutohen përmes komunikimit politik dhe kolegjial, drejtpërdrejt dhe jo vetëm përmes letrave zyrtare.

Ai ka thënë se e respekton vendimin e PDK-së për të qëndruar në opozitë, por ka nënvizuar se edhe formimi i Kuvendit, edhe zgjedhja e presidentit ose presidentes së re duhet të bëhen bashkë nga të gjitha palët, ashtu siç përcakton Kushtetuta, për të cilën deputetët e rinj u betuan dje.

Kurti i është referuar gjithashtu përfundimit të letrës së Hamzës, ku thuhet se PDK-ja do të kontribuojë në konstituimin e Kuvendit të Republikës së Kosovës. Sipas tij, në këtë fazë, kontributi i PDK-së lidhet me propozimin e emrit për nënkryetar nga kjo parti, i cili mund të zgjidhet vetëm pasi edhe deputetët e LVV-së të votojnë pro tij ose saj.

Lideri i LVV-së ka vlerësuar se PDK-ja mund të japë një kontribut më të madh në procesin e zgjedhjes së presidentit ose presidentes së re. Ai ka argumentuar se kjo do të shmangte mbajtjen e një palë zgjedhjeve të tjera, të cilat i konsideron të panevojshme, të paarsyeshme dhe të dëmshme për buxhetin e shtetit dhe ekonominë e vendit.

Pasi Hamza ka refuzuar takimin, Kurti ka përsëritur ofertën e tij për PDK-në. Ai ka deklaruar se, në këmbim të qëndrimit të deputetëve të saj në sallë dhe pjesëmarrjes në votimin për presidentin ose presidenten e re të Republikës, LVV-ja është e gatshme të bëjë rokadën mes pozitës së nënkryetarit ose nënkryetares së Kuvendit që i takon PDK-së dhe postit të kryetarit ose kryetares së Kuvendit, që do të drejtohej nga LVV-ja.

Sipas Kurtit, një marrëveshje e tillë do të përbënte kontribut të PDK-së dhe njëkohësisht do t’i siguronte kësaj partie drejtimin e njërit prej tri posteve të larta politike shtetërore në Republikën e Kosovës.

The post Kurti i propozon Hamzës marrëveshje për postin e Kryetarit të Kuvendit: PDK-së i ofrohet një nga tri pozitat e larta shtetërore appeared first on Albeu.com.

Në kuadër të këtij ankandi, do të emetohen obligacione me afat maturimi 5-vjeçar, në vlerë prej 25 milionë euro.

Obligacionet konsiderohen një formë e sigurt investimi, e mbuluar nga Ligji për Borxhin Shtetëror dhe Garancitë Shtetërore. Interesi, i cili përcaktohet nga tregu, garantohet gjatë gjithë periudhës 5-vjeçare dhe nuk i nënshtrohet tatimit.

Për informacione më të hollësishme lidhur me pjesëmarrjen në ankandet për blerjen e letrave me vlerë, të interesuarit mund t’i drejtohen cilësdo nga Bankat Komerciale që veprojnë në Republikën e Kosovës.

The post Ankandi i katërt i letrave me vlerë zhvillohet më 30 qershor appeared first on Albeu.com.

Në letrën e siguruar nga Telegrafi, Haxhiu ngre shqetësim për faktin se këto raste nuk janë proceduar ende, duke rikujtuar se legjislacioni në fuqi përcakton që, pas dorëheqjes së një gjyqtari, KGJK-ja ia propozon Presidentit lirimin e tij nga funksioni.

“Përmes kësaj letre, më lejoni të shpreh shqetësimin tim për mosmiratimin e dorëheqjeve të gjyqtarëve të komunitetit serb, të paraqitura në vitin 2022”, thuhet në letrën e Haxhiut.

Sipas saj, shqyrtimi dhe marrja e vendimit për këto dorëheqje i takojnë KGJK-së, por deri më tani ky institucion nuk i ka ndërmarrë hapat e nevojshëm për t’i përmbyllur procedurat përkatëse.

Haxhiu vlerëson se zvarritja e këtyre pozitave në status pezull për një kohë kaq të gjatë po ndikon drejtpërdrejt në funksionimin e sistemit të drejtësisë.

“Mbajtja pezull e këtyre pozitave për një periudhë kaq të gjatë cenon sigurinë juridike, pengon funksionimin e plotë të sistemit të drejtësisë dhe ndikon në efikasitetin e institucioneve përgjegjëse”, theksohet në letër.

Në përmbyllje, Haxhiu i kërkon KGJK-së që, në përputhje me Kushtetutën dhe ligjet në fuqi, të ndërmarrë veprimet e domosdoshme ligjore për të garantuar funksionimin e rregullt, efektiv dhe gjithëpërfshirës të sistemit të drejtësisë në Kosovë.

The post Haxhiu i kërkon KGJK-së të procedojë pa zvarritje dorëheqjet e gjyqtarëve serbë të dorëzuara më 2022 appeared first on Albeu.com.

Sipas raportimeve, Harper, 14 vjeç, është parë duke dërguar një letër në shtëpinë në Los Angeles ku Brooklyn jeton me bashkëshorten e tij, Nicola Peltz. Megjithatë, çifti nuk ka qenë në shtëpi në atë moment dhe nuk ka pasur përgjigje nga ana e tyre.

Burime për mediat thonë se Brooklyn dhe Nicola janë në dijeni për vizitën e Harper, por nuk kanë reaguar ndaj saj, duke e lënë situatën pa zgjidhje.

Sipas të njëjtave burime, veprimi është perceptuar nga çifti si i organizuar dhe i pakëndshëm, duke shtuar edhe më shumë tension në marrëdhëniet familjare që prej muajsh janë të acaruara.

Nga ana tjetër, përfaqësues të çiftit kanë deklaruar se prania e fotografëve gjatë dorëzimit të letrës tregon se situata mund të ketë qenë e inskenuar, ndërsa persona pranë familjes Beckham e kanë kundërshtuar këtë pretendim.

Marrëdhëniet brenda familjes Beckham kanë qenë të tensionuara për më shumë se një vit, ndërsa besohet se Harper ka qenë një nga figurat që mund të ndihmojë në pajtimin mes palëve.

The post Çfarë po ndodh me familjen Beckham? Letra që mbeti pa përgjigje! Brooklyn Beckham refuzon tentativën e Harper për… appeared first on Albeu.com.

Bëhet fjalë për një letër me dy faqe, të datës 27 nëntor 1995, të cilën Diana ia dërgoi një mbështetësi të saj, Michael Barratt, pas intervistës së famshme që ajo dha për emisionin Panorama. Në atë intervistë historike, princesha foli hapur për jetën e saj personale dhe martesën me King Charles III.

Në mesazhin e saj, Diana e falënderon Barratt për mbështetjen dhe shprehet se shpresonte që rrëfimi i saj publik të shërbente si frymëzim për gratë që po përballeshin me vështirësi në jetën personale. Ajo thekson gjithashtu rëndësinë e komunikimit të hapur dhe të sinqertë, një vlerë që dëshironte t’ua përcillte edhe djemve të saj, Prince William dhe Prince Harry.

Letra, e shkruar në letrën zyrtare të Kensington Palace, pritet të arrijë një vlerë prej 4 mijë deri në 5 mijë dollarë në ankandin që do të mbahet më 9 qershor.

Intervista e Dianës në “Panorama” mbetet një nga momentet më të rëndësishme në historinë moderne të monarkisë britanike. Aty ajo shqiptoi edhe frazën e famshme që bëri jehonë në mbarë botën: “Në këtë martesë ishim tre persona”, duke iu referuar marrëdhënies së bashkëshortit të saj me Camilla-n.

Përveç letrës, ankandi do të përfshijë edhe objekte të tjera të rralla që lidhen me Dianën dhe familjen mbretërore, përfshirë dokumente nga procesi i krijimit të figurës së saj prej dylli në Madame Tussauds.

Ndërkohë, interes të madh pritet të tërheqë edhe një automjet historik i lidhur me princeshën. Një Jaguar XJ40 Sovereign, i përdorur nga Diana në vitet e fundit të jetës së saj mbretërore dhe i lidhur me paraqitjen e saj ikonike me “revenge dress” në vitin 1994, do të nxirret gjithashtu në ankand.

The post Del në ankand letra e Dianës, pas intervistës që tronditi monarkinë britanike! appeared first on Albeu.com.

Ky ishte mesazhi që kompania, Shandong Shuntian Chemical Group, u dërgoi punonjësve të pamartuar së fundmi, në një njoftim që u përhap gjerësisht në mediat sociale.

Ai i udhëzoi ata të krijonin familje deri më 30 shtator, ose ndryshe: “Nëse nuk mund të martoheni dhe të krijoni familje, kompania do të ndërpresë kontratën tuaj të punës”.

Shandong Shuntian, nuk ishte kompania e parë që u përpoq të diktonte jetën personale të punonjësve të saj mes shqetësimeve në rritje për rënien e martesave dhe lindjeve në Kinë. Javë më parë, një rrjet i njohur supermarketesh, i kishte thënë stafit të tij që të mos kërkonte dhurata për fejesë, për të ulur koston e dasmave.

Të dy urdhrat u kritikuan gjerësisht, për shumë nga të njëjtat arsye që njerëzit refuzojnë të krijojnë familje në radhë të parë. Përveç kostos ekonomike për të pasur fëmijë, shumë të rinj kinezë përmendin një dëshirë për autonomi personale. Ata refuzojnë idenë tradicionale se familjet e tyre duhet të drejtojnë jetën e tyre dhe sigurisht që nuk janë të prirur t’i lënë punëdhënësit e tyre të thonë fjalën e tyre.

Vitin e kaluar, 6.1 milionë çifte kineze u martuan – një rënie prej 20 për qind nga një vit më parë, dhe më e pakta që kur qeveria filloi të publikonte statistika në vitin 1986. Popullsia e Kinës ka rënë për tre vjet rresht.

Autoritetet janë përpjekur t’i kthejnë këto tendenca. Zyrtarët kanë vizituar gratë në shtëpi për të pyetur nëse planifikojnë të mbeten shtatzënë. Qeveria gjithashtu, botoi një propagandë që pretendonte se shtatzënia mund t’i bëjë gratë më të zgjuara dhe bëri thirrje për krijimin e një “atmosfere sociale miqësore për fertilitetin”, përfshirë në vendet e punës.

Disa kompani duken të etura për ta zbatuar propagandën.

Njoftimi nga kompania kimike, e cila filloi të qarkullonte në internet muajin e kaluar, u drejtohej punonjësve të pamartuar midis moshës 28 dhe 58-vjeç, përfshirë punëtorët e divorcuar.

“Të mos i përgjigjesh thirrjes së vendit, të mos martohesh dhe të kesh fëmijë, është pabesi”, thuhej në memo.

Me rritjen e talljeve në internet, kompania u tërhoq shpejt. E kontaktuar me telefon, një grua në selinë e saj tha se njoftimi ishte tërhequr dhe se qeveria lokale kishte urdhëruar kompaninë t’i nënshtrohej “korrigjimit”.

Ajo nuk pranoi t’u përgjigjej pyetjeve të tjera. Zyrtarët lokalë të punës nuk mund të kontaktoheshin për koment.

Megjithatë, ka pasur sugjerime se qeveria mund të ushtrojë presion më të drejtpërdrejtë mbi punonjësit e saj.

Vitin e kaluar, një draftdokument nga Komisioni Shëndetësor i Quanzhou, një qytet në Kinën jugore, u përhap në internet. Ai u bënte thirrje punonjësve të agjencive qeveritare që “të merrnin drejtimin në zbatimin e politikës së tre fëmijëve”.

Dokumenti nuk specifikonte se çfarë nënkuptohej me zbatimin. Por komentuesit tërhoqën paralele me një letër të hapur të famshme nga autoritetet qendrore që shihet se ka nisur politikën e një fëmije në vitin 1980.

Ajo letër i nxiti anëtarët e partisë që të “merrnin drejtimin” për të pasur një fëmijë. Një zonjë që iu përgjigj telefonit në Komisionin Shëndetësor të Quanzhou konfirmoi ekzistencën e draftit.

Por ajo tha se qyteti po priste udhëzimet e nivelit më të lartë, përpara se të publikonin udhëzimet përfundimtare.

The post Letra e çuditshme për punonjësit nga kompania: Martohuni deri më 30 shtator, ose do të pushoheni nga puna appeared first on Albeu.com.