Sfida u dominua nga Kombëtarja jonë, me golin që erdhi vetëm në minutën e 25’, pas një realizimi perfekt të Asllanit nga pika e bardhë e penalltisë.

Kuqezinjtë iu afruan disa herë golit të dytë me Bajramin, Manajn e Gjimshitin, por pa gjetur siç duhet kuadratin.

Në minutat e fundit u pa një përgjumje nga ana e kuqezinjve, me letonezët që iu afruan disa herë barazimit, por falë ndërhyrjeve të sakta të Strakoshës dhe Manajt, porta jonë ngeli e paprekur.

Kështu Shqipëria ngjitet në vendin e dytë të Grupit K, kjo edhe falë fitores 0-5 të Anglisë ndaj Servbisë, me kuqezinjtë që i mbyllin ndeshjet e shtatorit në zonën “Play Off”.

Rezultati:

Shqipëria 1-0 Letoni

Asllani (P) 25′

VIDEO E GOLIT

The post VIDEO/Shpërthen festa në “Air Albania”, Shqipëria ngjitet e dyta pas fitores me Letoninë appeared first on Albeu.com.

Mesfushori Kristjan Asllani nga pika e bardhë e penalltisë çoi topin në rrjetë duke elektrizuar stadiumin “Air Albania”.

The post Mbyllet pjesa e parë në “Air Albania”/ Shqipëria ‘mban’ rezultatin 1-0 ndaj Letonisë appeared first on Albeu.com.

Çdo rezultat përveç fitores thuajse nxjerr Shqipërinë jashtë loje për një nga dy vendet e para në grup dhe do të duhen mrekulli në ndeshjet e mbetura. Kësisoj, trajneri Silvinjo ka orientuar kuqezinjtë me forca të shumta në repartin e avancuar.

Ashtu siç pritej, në ndeshjen me Letoninë ka një ndryshim radikal në krahasim me rreshtimin ndaj Gjibraltarit. Duke filluar nga porta e deri në sulm ka ndryshime futbollistësh.

Bie në sy se Hysaj ka ruajtur vendin në të djathtën e prapavijës e cila pastaj ka ndryshuar plotësisht me Strakoshën në portë dhe dyshen Ajeti-Gjimshiti në qendër e Mitajn nga e majta.

Në mesfushë është kthyer treshja tashmë e zakonshme titullare me Shehun, Asllanin e Laçin. Në sulm, Bajrami kthehet majtas e Broja në të djathtën, kurse Manaj është titullar në qendër.

The post Kuqezinjtë duan fitoren me çdo kusht, nis dueli delikat në “Air Albania” appeared first on Albeu.com.

Sfida e kualifikuesve të Botërorin 2026 është një “finale” e parakohshme për kuqezinjtë e drejtuar nga Silvinjo, duke pasur parasysh situatën në grup.

FORMACIONET ZYRTARE

The post Ndeshja Shqipëri-Letoni/ Publikohen formacionet zyrtare appeared first on Albeu.com.

Njoftimi është dhënë nga Federata Shqiptare e Futbollit, nëpërmjet një postimi në rrjetet sociale.

Stadiumi nuk do të jetë i mbushur në kapacitet të plotë, për shkak të dënimit të dhënë nga FIFA.
Pas ndeshjes me Serbinë në Tiranë, FSHF-ja u dënua me një gjobë prej 161,500 franga zvicerane dhe detyrimin që ndeshja e radhës në shtëpi ndaj Letonisë të luhet me të paktën 20% të kapacitetit të stadiumit të mbyllur për publikun, për shkak të sjelljeve të përsëritura të papërshtatshme dhe diskriminuese të një pjese të tifozëve shqiptarë.

The post Shqipëri-Letoni, “avullojnë” të gjitha biletat appeared first on Albeu.com.

Në konferencë, trajneri Sylvinho foli për tema të ndryshme, ndërsa dukej mjaft optimist për 3 pikët.

“Ndeshje kyçe. Rrugëtimin dhe ndeshjet për të shkuar drejt kupës së botës janë të vështira sepse janë ndeshje të ndryshme. Nuk e kam vendosur se kush do jetë 11 dhe se kush do filloj nesër, por do kemi ndryshime si në aspektin difensiv dhe atë ofensiv. Kemi tani stërvitjen e fundit dhe formacionin do ta caktoj nesër. Luajmë për fitore.”, tha ai.

The post Luajmë për fitore/ Sylvinho: Letonia është skuadër e fortë, do ketë ndryshime në formacion appeared first on Albeu.com.

“Sigurisht që ekipi është përgatitur mirë, kemi pasur kohë, jemi pozitiv,. nuk do të jetë e lehtë. Kemi presion, dhe përqëndrimi do të jetë i lartë. Do të marrim tre pikë për të vazhduar rrugetimin tonë.

Ndryshe nga ndeshja e parë? Sigurisht që kemi parë ndeshjet, jo vetëm ato, por edhe ndeshjen e fundit që luajti me Serbinë. Ajo që luajtëm atje nuk ishte e mirë, sigurisht që kemi gabuar, sidomos në futbollin e sotëm nuk është më aq e thjeshtë si para disa vitesh ku fitoje thjesht. Duket edhe në ndeshjet e këtyre eliminatoreve, pashe Holandën dje me Lituaninë që fitoi 3-2. Por nesër besoj se do të jetë ndryshe, na duhen tre pikët që të kemi shanse për kualifikim, e kemi vetë në dorë ende dhe ajo që është gjëja e rëndësishme.

Mesazhi është që do japim 100% që të realizojmë apo kemi në dorë ëndrrën siç kemi kaluar për dy Europianë. Kualifikimi në Botëror do të ishte historik dhe gjë e mirë për Shqipërinë. Mesazhi është që nesër do jemi gati, do japim gjithçka për ato tre pikë, do japim maksimumin dhe ta shijojnë edhe tifozët”, tha Gjimshiti.

The post “Ky është shansi i fundit për të shkuar në Botëror”/ Gjimshiti para sfidës me Letoninë: Gabuam në ndeshjen e parë, do japim 100% për tri pikët appeared first on Albeu.com.

Përmes një postimi në rrjetet sociale, Rama thekson se stërvitja “Exercise OAK Resolve” në mbështetje të Brigadës Shumëkombëshe të NATO-s shpreh angazhimin me forcat aleate dhe forcon kapacitetet operacionale të njësive tona në mjediset ndërkombëtare.

“Efektivët e Kontingjentit të XVII EOD të Forcave të Armatosura në stërvitjen “Exercise OAK Resolve” në Letoni në mbështetje të Brigadës Shumëkombëshe të NATO-s me detyra reale për asgjësimin e mjeteve të pashpërthyera (UXO) dhe hapjen e shtigjeve për lëvizjen e trupave.

Angazhim që rrit ndërveprueshmërinë me forcat aleate dhe forcon kapacitetet operacionale të njësive tona në mjediset ndërkombëtare”,-shkruan Rama.

The post Efektivët e FA-ve në Letoni, Rama ndan PAMJET: Stërvitje me NATO-n, angazhim me aleatët appeared first on Albeu.com.

Pas një seance të lehtë në Spanjë, vetëm pak orë nga fitorja minimale në miqësoren kundër Gjibraltarit, kjo e shtunë pati më shumë ngarkesë, ndërsa afron dueli më I rëndësishëm, ai ndaj Letonisë.

Punë na bën vetëm fitorja në sfidën eliminatore te Kupës së Botës, aq më tepër që Serbia fitoi 1-0 në Rigë, dhe pritet që trajneri Silvinjo të bëjë ndryshime në formacion.

Në formacion mund të kthehen Mitaj, Broja apo ndoshta edhe Ajeti, ndërsa duhet parë krahu I djathtë I mbrojtjes, me Hysajn ose Balliun.

Dy lojtarët e parë që dolën para kamerave ishin Mirlind Daku dhe Julian Shehu.

Sulmuesi që luan në Rusi beson që këtë herë ndaj letonëve do të jetë ndryshe. Mesfushori që aktivizohet në Poloni, gjithashtu ka besim tek fitorja.

The post Kombëtarja përgatitet në Tiranë/ Ekipi përfaqësues kthehet nga Spanja, punon për Letoninë appeared first on Albeu.com.

Futbollistët kuqezi folën për objektivat e këtij takimi, ndërsa komentuan gjithashtu fitoren 0-1 në miqësoren e fundit ndaj Gjibraltarit.

Juljan Shehu, theksoi se ndeshja e radhës ndaj Letonisë, është shumë e rëndësishme dhe objektivi kryesor është të marrim tre pikët.

“Objektivi për ndeshjen me Gjibraltar ishte që të provoheshin lojtarët e rinj, disa mënyra loje. Besoj se zhvilluam një ndeshje të mirë. Lojtarëve që iu dha mundësia të luanin, besoj se luajtën mirë dhe treguan vlerat e tyre si futbollistë të ekipit kombëtar. Ishte ndeshje pozitive”, tha Shehu.

“Ndeshja e ardhshme është më e rëndësishmja. Gjendja në skuadër është shumë e mirë, kemi entuziazëm dhe duhet ta fitojmë këtë ndeshje. Ky është edhe objektivi kryesor, që të marrim tre pikët”, theksoi ai.

Kritikat për ndeshjet e fundit dhe ndryshimet që duhet të bëjë skuadra në lojë:

“Besoj se nuk kemi zhvilluar ndeshje të këqija, por më e rëndësishmja është që të kemi rezultate, për të cilat ne luajmë 90 minuta. Besoj se në këto ndeshje, bashkë me lojën e mirë, të kemi edhe rezultate. Ndaj Letonisë, duam të marrim tre pikët dhe gjithçka është më e lehtë pastaj”,

“Nuk besoj se është çështje përqëndrimi. Çdo ekip, qoftë Letonia, qofshin ekipe të tjera që në letër janë më të dobëta se ne, edhe ato luajnë futboll dhe nuk është e lehtë të fitosh kundër tyre, sidomos në fushat e tyre. Në këtë ndeshje do të bëjmë akoma më shumë për të marrë tre pikët”, tha Shehu.

Për mungesën e golave në kombëtare:

“Klubi nuk është njëlloj me kombëtaren. Tek ekipi, pozicioni im natyral është mesfushor difensiv. Por që në varësi të taktikave të trajnereve, ndonjëherë edhe lojtarët ndërrojnë pozicionet. Kjo nuk është e përcaktuar gjithmonë. Ka trajnerë që më kërkojnë të luaj pak më përpara, ka trajnerë që më kërkojnë të luaj pak më mbrapa. Te kombëtarja, trajneri ka vendosur që unë të luaj si mesfushor difensiv dhe unë duhet të bëj më të mirën në atë pozicion dhe në detyrat që më jep trajneri”, përfundoi Shehu.

Komentet e Mirlind Dakut për sfidën ndaj Letonisë dhe miqësoren me Gjibraltarin

Mirlind Daku, komentoi ndeshjen miqësore ndaj Gjibraltarit dhe foli për sfidën e radhës kualifikuese ndaj Letonisë, duke theksuar se objektivi është fitorja në “Air Albania”.

“Ishte një ndeshje ku kemi pasur shumë testime të lojtarëve të rinj që kanë ardhur dhe ishte hera e parë që kemi luajtur bashkë. Sa i përket aspektit sulmues, kishim disa raste, por nuk ishte ai përqendrimi maksimal duke marrë parasysh që ndeshjet miqësore janë vetëm për të parë ekipin si vendoset dhe skemat që i përgatisim. Besoj që ndeshjet miqësore janë normalisht për t’u fituar dhe për të parë ekipin në lojë se çfarë duhet për t’u përmirësuar”, tha Daku.

“Në ndeshjen e parë kundër Letonisë kemi pasur shumë raste, por ndoshta vinim pas një ndeshje këtu në ‘Air Albania’ kundër Serbisë me shumë volum dhe intensitet, por prapë ishim pak agresivë te pjesa e finalizimeve, por rastet nuk mungonin. Kjo është ajo që nuk duhet të brengosemi, pasi kemi pasur raste dhe mund të fitonim, por shpresoj që në ndeshjen e radhës të fitojmë, pasi kemi mësuar nga gabimet që kemi bërë”.

Si është gjendja e skuadrës?

“Forcën duhet ta gjejmë dhe besoj që shumë shpejt dhe duke filluar nga ndeshja e Letonisë që është shumë e rëndësishme për të vazhduar rrjedhën e ndeshjeve që kemi me shumë intensitet dhe duhet patjetër të gjejmë forcën dhe të japim maksimumin për t’i fituar këto ndeshje, për të qenë më të qetë, sepse ndeshjet më të vështira që i ka ndonjë skuadër janë kur luan kundër këtyre ekipeve që në letër nuk kanë çfarë të humbin dhe futen në fushë për çdo gjë. Prandaj duhet të gjejmë forcën, të jemi të bashkuar dhe të luftojmë deri në fund për qëllimet tona që i kemi”, u shpreh Daku.

Si ka qenë paraqitja e skuadrës deri më tani në këto kualifikuese?

“Besoj e keni parë dhe po i referohem ndeshjes me Serbinë që kemi qenë shumë të përgatitur dhe më të mirë në atë ndeshje se kundërshtari. Besoj që vetëm kundër Anglisë që kemi luajtur atje, të gjitha ndeshjet e tjera i kemi dominuar dhe duhet edhe këto ndeshje të bëjmë një hap më shumë deri te ëndrra që kemi, për të siguruar Kupën e Botës. Edhe pse kanë mbetur shumë pak ndeshje, por është një rrugë shumë e gjatë, sepse duhet shumë punë dhe angazhim për të arritur deri atje, sepse kemi kundërshtarë shumë të fortë, por besoj te ky grup dhe te gjithë ne që me mund, sakrificë dhe angazhim do ja dalim”,

Shqipëria do të luajë të martën në ora 20:45 në stadiumin ‘Air Albania’ ndeshjen ndaj Letonisë, e vlefshme për kualifikueset e Botërorit 2026.

The post Shehu: Ndeshja me Letoninë është shumë e rëndësishme, Daku: Të japim maksimumin appeared first on Albeu.com.