Kështu, klubi ka vendosur që përveç largimit të drejtuesve që i shkaktuan këtë dëm të rëndë në imazh dhe në financa, të fillojë gjithçka nga e para. Ventspils ka dërguar një shkresë në Federatën Letoneze, duke i bërë të ditur tërheqjen zyrtarisht nga gara në kampionatin e këtij viti, duke e braktisur atë. Sipas klubit, pa inventivin europian dhe të ardhurat që siguron me pjesëmarrjen në Europë, ka mangësi në sponsorizime dhe si rrjedhojë, nuk e përballon dot edicionin.

Kështu, skuadra jo vetëm nuk do të marrë pjesë në gara, por edhe do të shpërbehet plotësisht duke u kthyer mes amatorëve. Një mënyrë e kundërt për të interpretuar gjërat në krahasim me Skënderbeun, i cili në një situatë të ngjashme, vendosi që të qëndronte në elitë e të mos shpërbëhej, duke preferuar të ruajë emrin, edhe pse për klubin dëmi i shkaktuar nga vendimi i UEFA-s ishte i pariparueshëm.

The post E pësoi nga UEFA si Skënderbeu për trukimet, klubi letonez braktis kampionatin dhe shpërbëhet appeared first on Albeu.com.