Në një deklaratë të përbashkët, ministrat e mbrojtjes të të tre vendeve thanë se dërgesa e tankeve më të vjetër Leopard 1 ishte pjesë e një përpjekjeje për të mbështetur Ukrainën në betejën e saj për t’i bërë ballë agresionit rus.

“Furnizimet do të rrisin ndjeshëm potencialin ushtarak të Ukrainës për rivendosjen e integritetit të tyre territorial të shkelur”, thuhej në deklaratë.

Dorëzimi i tankeve Leopard 1 do të ndodhë brenda muajve të ardhshëm dhe do të përfshijë mbështetje logjistike dhe trajnim. /albeu.com

The post Gjermania, Holanda dhe Danimarka do t’i dërgojnë 100 tanke Leopard 1 Ukrainës appeared first on Albeu.com.

Süddeutsche Zeitung kishte raportuar se qeveria gjermane miratoi planet e prodhuesit gjerman të armëve Rheinmetall për të shitur 88 leopardë më të vjetër në Ukrainë për një kosto totale prej më shumë se 100 milionë euro.

Dorëzimi i tankeve më të vjetër Leopard 1 nga rezervat industriale mund të bëhet sapo të riparohen tanket, shkruan gazeta. Megjithatë, ka ende probleme në marrjen e municionit të nevojshëm 105 milimetrash.

Ky hap vjen pasi qeveria gjermane njoftoi se do të dërgonte 14 tanke kryesore luftarake Leopard 2 nga rezervat e Bundesëehr-it në Ukrainë.

Berlini po konsideron gjithashtu blerjen e 15 tankeve Gepard që i kishte shitur Katarit, raportoi gazeta gjermane. Disa zyrtarë gjermanë kanë diskutuar me ministrinë e jashtme të Katarit blerjen e mundshme të tankeve Gepard që Doha kishte blerë për të siguruar stadiumet e Kupës së Botës.

“Gepardët e kanë provuar veten shumë mirë në luftën në Ukrainë. Nëse mund të merrnim më shumë nga partnerët këtu, kjo do t’i ndihmonte padyshim ukrainasit”, mësohet të ketë thënë ministri gjerman të mbrojtjes, Boris Pistorius. /albeu.com

The post Më shumë armë për Ukrainën, Gjermania hap rrugën edhe për Leopard 1: Cili është hapi i radhës appeared first on Albeu.com.