Paolo Maldini dhe Leonardo kanë vendosur të japin dorëheqjen nga detyrat e tyre në Federatën Italiane të Futbollit (FIGC), vetëm pak javë pasi morën postet. Sipas Sky Sport Italia, vendimi lidhet me përplasjet e forta për përzgjedhjen e trajnerit të ri të Kombëtares së Italisë.

Të dy ishin emëruar më 11 korrik, pas disa javësh bisedimesh me drejtuesit e federatës mbi projektin për reformimin e futbollit italian.

Roli i drejtorit teknik të projektit Club Italia ishte ngritur nga presidenti i ri i FIGC-së, Giovanni Malagò. Qëllimi ishte që ekipit kombëtar t’i jepej më shumë pavarësi dhe të ndërtohej një organizim i ri.

Maldini dhe Leonardo ishin ngarkuar me krijimin e një identiteti të ri për futbollin italian, përmes bashkërendimit të punës ndërmjet kombëtareve të grupmoshave dhe akademive të të rinjve.

Vështirësitë për projektin nisën që në fazën e parë. Carlo Ancelotti dhe Pep Guardiola, të cilët përbënin objektivat kryesorë për pankinën e Italisë, nuk i pranuan ofertat për të drejtuar kombëtaren.

Më pas, Andrea Pirlo u shfaq si alternativa e radhës, por kandidatura e tij u hodh poshtë pasi u bë e ditur se ai mban rolin e ambasadorit global të kompanisë ruse të basteve Fonbet.

Kjo lidhje ngriti pikëpyetje etike dhe morale, si dhe pengesa ligjore, sepse në Itali ndalohet reklamimi i kompanive të basteve të këtij lloji.

Raportimet bëjnë të ditur se Giovanni Malagò e pengoi emërimin e Pirlos në krye të Italisë, edhe pse kandidatura e tij mbështetej nga Maldini dhe Leonardo.

Përplasjet mes palëve u përshkallëzuan më tej për shkak të mungesës së dakordësisë mbi emrin që duhej të merrte drejtimin e kombëtares, duke sjellë edhe prishjen e marrëdhënieve.

Për këtë arsye, Maldini dhe Leonardo kanë zgjedhur të lënë postet e tyre, ndërsa Sky Sport Italia raporton se komunikimi zyrtar pritet të bëhet publik gjatë mbrëmjes.

Kështu, mosmarrëveshjet për trajnerin e ardhshëm të Italisë po i japin fund angazhimit të tyre në FIGC vetëm 16 ditë pas emërimit dhe shumë më herët nga sa ishte parashikuar.

The post Vetëm 16 ditë pas emërimit, Maldini dhe Leonardo largohen nga postet në Kombëtaren e Italisë appeared first on Albeu.com.

Italia ka vendosur të hapë një kapitull të ri pas dështimit për t’u kualifikuar në Botëror, duke iu besuar figurave me përvojë misionin për ta rikthyer 4 herë kampionen e Botës aty ku i takon.

Vendimi tashmë është vulosur, pasi mungonte vetëm miratimi përfundimtar dhe ai ka mbërritur. Paolo Maldini pritet të rikthehet në Itali, konkretisht pranë Federatës italiane të Futbollit, ku do të marrë detyrën e drejtorit teknik.

Sipas ekspertit të merkatos, Fabrizio Romano, legjenda e Milanit ka dhënë pëlqimin për propozimin e presidentit Giovanni Malagos dhe së shpejti do të marrë këtë post të rëndësishëm. Bashkë me të, në strukturat drejtuese të “Azzurrëve” do të afrohet edhe Leonardo, i cili do të ketë rolin e këshilltarit.

The post Italia nis epokën e re, Maldini dhe Leonardo drejt roleve kyçe te “Azzurrët” appeared first on Albeu.com.

Vendimi i FIFA-s për ta pezulluar me kusht ndëshkimin e sulmuesit amerikan Folarin Balogun, pas kartonit të kuq që mori në fazën e 1/16 së finales së Kupës së Botës 2026 kundër Bosnje dhe Hercegovinës, ka ndezur polemika të forta në botën e futbollit.

Si pasojë e këtij vendimi, Balogun pritet të jetë i gatshëm për ndeshjen çerekfinale me Belgjikën, ndërsa reagimet kanë qenë të shumta dhe të ashpra.

Rudi Garcia, trajneri i Belgjikës, e cilësoi këtë zhvillim si një “shaka të 1 Prillit”, ndërsa në rrjetet sociale kanë qarkulluar edhe aludime se ndryshimi i vendimit mund të jetë ndikuar nga ndërhyrje në nivele të larta politike.

Megjithatë, historia e Kupës së Botës tregon se FIFA, në shumë raste të tjera, nuk ka bërë asnjë lëshim edhe kur në qendër kanë qenë yjet më të mëdhenj të futbollit.

Më poshtë janë 11 futbollistë të njohur që, pavarësisht përpjekjeve dhe apelimeve të federatave të tyre, u detyruan të mungonin në ndeshje vendimtare.

Leonardo (Brazili) – Botërori 1994

Braziliani u ndëshkua me karton të kuq në ndeshjen e 1/16 së finales kundër SHBA-së, pasi goditi me bërryl Tab Ramos dhe i shkaktoi frakturë në mollëz.

Federata braziliane mbrojti idenë se Leonardo thjesht po përpiqej të shkëputej nga kapja e kundërshtarit, por FIFA jo vetëm që e la në fuqi kartonin, por e dënoi edhe me katër ndeshje pezullim.

Për pasojë, ai mungoi në çerekfinale, në gjysmëfinale dhe në finalen e atij turneu.

Alessandro Costacurta (Italia) – Botërori 1994

Mbrojtësi i Italisë u ndëshkua me kartonin e dytë të verdhë në gjysmëfinalen ndaj Bullgarisë, pasi ndërhyri me faull ndaj Hristo Stoichkov.

Italianët kërkuan rishqyrtim të rastit, por FIFA nuk pranoi as ta marrë në konsideratë. Kështu, Costacurta e humbi finalen kundër Brazilit, ku Italia u mund pas penalltive.

Patrick Kluivert (Holanda) – Botërori 1998

Sulmuesi i Holandës u përjashtua me të kuq në takimin hapës përballë Belgjikës, pasi goditi me bërryl Lorenzo Staelens.

Federata holandeze argumentoi se futbollisti ishte provokuar rëndë, por FIFA vendosi ta pezullojë për tre ndeshje. Kluivert u kthye vetëm në çerekfinale, ku gjeti rrugën e rrjetës kundër Argjentinës.

Zinedine Zidane (Franca) – Botërori 1998

Francezi u ndëshkua pasi shkeli me dashje mbi Said Al-Owairan gjatë fazës së grupeve.

FIFA e la jashtë për dy ndeshje, çka bëri që Zidane të mungonte ndaj Danimarkës dhe Paraguait. Ai u rikthye në çerekfinale dhe më vonë realizoi dy herë në finalen me Brazilin.

Laurent Blanc (Franca) – Botërori 1998

Ky mbetet një nga kartonët e kuq më polemikë në historinë e Botërorëve. Blanc u përjashtua në gjysmëfinalen me Kroacinë pas një kontakti të lehtë me Slaven Bilic, i cili simuloi rëndë.

Edhe pse Franca protestoi dhe pamjet televizive ngritën dyshime të forta, FIFA nuk ndryshoi vendim dhe Blanc mbeti jashtë finales kundër Brazilit.

Ronaldinho (Brazili) – Botërori 2002

Në çerekfinalen e famshme me Anglinë, Ronaldinho dha asist, shënoi një gol spektakolar nga goditja e lirë dhe më pas mori karton të kuq pas një ndërhyrjeje ndaj Danny Mills.

Brazili kërkoi heqjen e pezullimit me argumentin se ndërhyrja nuk kishte qenë e qëllimshme, por FIFA mbajti të njëjtin qëndrim. Ronaldinho mungoi në gjysmëfinalen kundër Turqisë.

Michael Ballack (Gjermania) – Botërori 2002

Mesfushori gjerman u ndëshkua me karton të verdhë në gjysmëfinalen përballë Koresë së Jugut pas një faulli taktik, duke plotësuar limitin e kartonëve.

Ndonëse më pas shënoi golin e suksesit, Ballack nuk luajti në finalen me Brazilin.

Rasti i tij ndikoi më vonë që FIFA të ndryshonte rregulloren dhe t’i fshinte kartonët pas çerekfinaleve.

Deco (Portugalia) – Botërori 2006

Në sfidën famëkeqe Portugali-Holandë, të njohur si “Beteja e Nurembergut”, Deco u përjashtua pas kartonit të dytë të verdhë për vonesë loje.

Federata portugeze pretendoi se arbitri e kishte humbur kontrollin e ndeshjes, por FIFA e hodhi poshtë apelimin. Deco mungoi në çerekfinalen kundër Anglisë.

Luis Suarez (Uruguai) – Botërori 2010

Në çerekfinalen ndaj Ganës, Suarez ndali topin me dorë mbi vijën fatale në minutën e 120-të.

Ai u përjashtua dhe nuk luajti në gjysmëfinalen përballë Holandës. FIFA nuk e fali pezullimin dhe madje mori në shqyrtim edhe mundësinë e një dënimi më të rëndë.

Thiago Silva (Brazili) – Botërori 2014

Kapiteni i Brazilit mori kartonin e dytë të verdhë në turne pas një pengimi të panevojshëm ndaj portierit David Ospina.

Federata Braziliane kërkoi anulimin e ndëshkimit, duke theksuar se kontakti ishte minimal, por FIFA e refuzoi kërkesën. Thiago Silva mungoi në gjysmëfinalen historike me Gjermaninë, ku Brazili u mund 7-1.

Jerome Boateng (Gjermania) – Botërori 2018

Boateng u përjashtua me kartonin e dytë të verdhë në fitoren dramatike ndaj Suedisë.

Gjermania apeloi duke argumentuar se kartoni i dytë ishte i ashpër, por FIFA nuk e ndryshoi vendimin. Pa Boateng, kampionët në fuqi u eliminuan pas humbjes 2-0 ndaj Koresë së Jugut.

Rasti i Garrinchës, përjashtimi historik

Përpara Balogun, historia kishte regjistruar vetëm një precedent të ngjashëm.

Në Botërorin e vitit 1962, Garrincha u përjashtua në gjysmëfinalen kundër Kilit. Në atë kohë, kartonët e kuq nuk përdoreshin fizikisht dhe pezullimet përcaktoheshin nga komisioni disiplinor.

Brazili ndërmori një fushatë të madhe për ta shpëtuar yllin e vet. Politikanë, tifozë kilianë dhe figura të tjera kërkuan faljen e tij, ndërsa raporti vendimtar i gjyqtarit anësor nuk mbërriti asnjëherë në komision.

Për shkak të mungesës së provave të plota, FIFA vendosi ta lejonte Garrinchën të luante në finale.

Për më shumë se gjashtë dekada, ky mbeti i vetmi rast kur një karton i kuq u fal para një finaleje të Kupës së Botës.

Vendimi më i fundit për Folarin Balogun e ka rikthyer sërish në qendër të vëmendjes këtë precedent historik dhe ka hapur debat të gjerë mbi mënyrën se si FIFA i zbaton rregullat disiplinore në turneun më të madh të futbollit.

The post Nga Zidane te Suarez, 11 emra të mëdhenj që munguan në duele vendimtare, në të kundërt të Balogun appeared first on Albeu.com.

I njohur për rolet e tij në filma si Titanic, Inception, The Revenant dhe The Wolf of Wall Street, DiCaprio ka treguar gjithmonë një pasion të rrallë për artin e tij, duke sjellë në ekran personazhe komplekse dhe të paharrueshme. Përveç suksesit në Hollywood, ai është edhe një aktivist i zjarrtë për mbrojtjen e mjedisit dhe ndryshimeve klimatike, duke përdorur famën e tij për të ngritur zërin për çështjet më të rëndësishme globale.

Gjatë karrierës, Leonardo ka ndarë shpesh edhe mendimet e tij mbi jetën, për suksesin dhe për sfidat: “Nëse mund të bësh atë që bën më mirë dhe të jesh i lumtur, je më përpara në jetë se shumica e njerëzve” dhe “Trashëgimia e një njeriu përcaktohet nga mënyra se si përfundon historia.” Fjalët e tij reflektojnë filozofinë e jetës së një njeriu që ka kaluar përmes dështimeve, sfidave dhe triumfeve të mëdha.

Leo vazhdon të frymëzojë miliona njerëz jo vetëm si aktor, por edhe si një model për këmbëngulje, pasion dhe përgjegjësi sociale. Sot, teksa feston 51 vjet jetë, ai mbetet një nga ikonat më të rëndësishme të Hollywood-it dhe një nga zërat më të fuqishëm për mbrojtjen e planetit.

Gëzuar ditëlindjen, Leonardo DiCaprio!

The post Leonardo DiCaprio feston 51-vjetorin: një jetë pasioni dhe suksesi në ekran dhe përtej tij appeared first on Albeu.com.

Modelja në një nga fotot ka pozuar e zhveshur, pa reçipeta, duke i lënë hapësirë imagjinatës.

Në një foto tjetër bukuroshja seksi  u shfaq me një korse të zi me dantella dhe çorape të ngjashme. Ndërsa më pas e kompletoi ‘look’-un me një pallto të bardhë gëzofi dhe me taka të larta.

Vittoria dhe Leonardo di Caprio u lidhën në gusht të 2023-it. Para lidhjes me aktorin ajo ka qenë  e martuar me DJ Matteo Milleri.

The post FOTOT/ E dashura e Leonardo DiCaprios nuk i lë vend imagjinatës appeared first on Albeu.com.

Të zhgënjyer nga Leonardo, udhëheqësit e PSG-së po mendojnë ta largojnë dhe të afrojnë drejtorin e famshëm sportiv, Paratici.

Paratici është aktualisht drejtor menaxheri i merkatos te klubi i Tottenham, ku njihet mirë në botën e futbollit për afrimet e bujshme që realizon./ h.ll/albeu.com

The post PSG po mendon revolucion, piketon drejtorin sportiv nëse ikën Leonardo appeared first on Albeu.com.

“Sa mundësi ka për të vazhduar kontratën me ne? Nuk mund ta them saktësisht, por ne kemi një mundësi. Për sa kohë që nuk ka nënshkrim me një klub tjetër, ne do të provojmë gjithçka për të mbajtur Kylian Mbappe.

Gjëja e fundit që do të vendosim në kontratën e Mbappe do të jetë shuma e pagës së tij. Ne duam të vendosim Mbappen në pozicionin më të mirë për t’u bërë lojtari më i mirë i mundshëm. Kylian ka një vlerë kaq të madhe sa mendoj se ai është i qetë për këtë. Shifra që do t’i ofrojmë Mbappes do t’i duhet dy minuta për ta shënuar në fletë”, është shprehur drejtori i PSG-së për “L’Equipe”./ h.ll/albeu.com

The post Leonardo: Do bëjmë maksimumin për të mbajtur Mbappen appeared first on Albeu.com.

Në dhomat e zhveshjes është futur presidenti i PSG-së Nasser Al-Khelaifi bashkë me Leonardon dhe kanë diskutuar me gjyqtarin Orsato duke i ushtruar presion psikologjik, thotë “Radio Marca”.

Eprorëve të PSG-së nuk u ka pëlqyer drejtimi i ndeshjes nga Orsato dhe kanë shkuar për t’i kërkuar llogari.

Lajmi duket befasues duke patur parasysh se në pjesën e parë nuk ka patur gjykime të diskutueshme./h.ll/albeu.com

The post “Radio Marca” shkruan se presidenti dhe drejtori i klubit të PSG-së, kanë ushtruar presion mbi gjyqtarin appeared first on Albeu.com.

Al Khelaïfi është i mërzitur me drejtimin e brazilianit, i cili përveç rinovimit të Neymar dhe atij të radhës për Marquinhos, ka probleme të mëdha në komunikimin me pjesën tjetër të yjeve, si dhe vendosjen e futbollistëve të papërdorur nga Pochettino. Duket se i pari që do të largohet do të jetë trajneri sapo të ketë ndonjë pengesë, por me përfundimin e sezonit do të përfundonin edhe ditët e sekretarit teknik të Leonardos.

Sipas informacioneve që kemi, nga burime pranë sheikut, në vend të ish-futbollistit po kërkohet një drejtor sportiv me peshë në futbollin europian.

Ideja do të ishte ta shtonin atë sapo Zidane të mbërrijë në stol për të planifikuar fushatën e ardhshme krah për krah dhe për të punuar për përforcimet e radhës.

The post Leonardo me litarin në “qafë” te PSG appeared first on Albeu.com.

Sulmuesi anësor është në qendër të merkatos nga katalanasit dhe kështu agjenti i tij ka ardhur për të vlerësuar situatën aktuale.

Por kur ka mbërritur në Barcelonë, Sissoko është fotografuar nga gazetarët e “El Chiringuito” me telefonin në dorë. Një detaj mjaft interesant është zbuluar në momentin që ai mbante telefonin në dorë.

Duket qartë që agjentin e Dembele-së ishte duke e telefonuar drejtori sportiv i PSG-së, Leonardo.

A do të jetë PSG klubi i cili do të transferojë anësorin francez? Këtë do ta shohim së shpejti./ h.ll/albeu.com

? PRIMICIA #JUGONES ?

? El AGENTE DE DEMBELÉ recibió la llamada de “LEONARDO PSG” nada más llegar a Barcelona. ¿Se va a París? pic.twitter.com/fJ7lZ2Sdqw

— El Chiringuito TV (@elchiringuitotv) January 26, 2022

The post Dembele te PSG? Telefoni i agjentit të tij zbulon diçka (FOTO LAJM) appeared first on Albeu.com.