GJKKO ka lënë në fuqi pezullimin nga detyra për 5 zyrtarët e bashkisë dhe IMT-së.

Pas kalimit të dosjes hetimore te SAPK,  këtë të hënë Prokuroria e Posaçme kërkoi rivlerësim të masave që kishte caktuar Gjykata e Fierit.

Shumica e personave që u është ngritur akuza janë pa masë sigurie, përveç asaj të pezullimit nga detyra të 5 punonjësve të IMT dhe Bashkisë së Lushnjës, ndërsa i vetmi që u arrestua ishte Lenonard Gjini. Tashmë GJKKO ka urdhëruar lirimin e menjëhershëm të tij, me argumentin se nuk ka prova për arrestimin e tij.

Të paktën deri në këtë fazë nuk ka akuzë zyrtare ndaj deputetit nga ana e SPAK, apo ndonjë kërkesë të bërë publike drejtuar Kuvendit.

Prokuroria e Fierit pretendoi se ka elementë të veprës panele edhe nga deputeti socialist dhe për këtë arsye shpallën moskompetencën.

Lirohet nga burgu

1-Leonard Gjini, ndërtues

Të pezulluar nga detyra

1-Robert Kola kryeinspektori i IMT Lushnjë

2- Miklovan Petro jurist i IMT Lushnjë

3- Eugert Sina inspektor i IMT Lushnjë

4- Kudret Sula inspektor i IMT Lushnjë

5- Ilmi Uku inspektor i rajonit nr 5 Bashkia Lushnjë./albeu.com

The post Shpërthimi me dy viktima në Lushnjë, GJKKO liron nga burgu sipërmarrësin Leonard Gjini appeared first on Albeu.com.

Në njoftimin zyrtar, Prokuroria e Fierit njofton se materialet do të depozitohen në Prokurorinë e Posaçme, ku pritet të vijojnë hetimet ndaj deputetit socialist, Bujar Çela, i cili rezulton të jetë sipërmarresi i punimeve në magazinë.

Deputeti socialist akuzohet për veprat penale “Shkelja e rregullave të mbrojtjes në punë”, “Ndërtimi i paligjshëm”, dhe “Shkatërimi i pronës nga pakujdesia”.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, bazuar në nenet 28 pika 1, 75/a, gërma “c” e 84 të Kodit të Procedurës Penale, ka shpallur moskompetencën lëndore dhe i ka dërguar aktet e çështjes penale Prokurorisë së Posaçme Kundër Korrupsionit dhe Krimit të Organizuar, Tiranë, si prokuroria kompetente për shkak të subjektit, për të vijuar hetimet ndaj shtetasi B.Ç, deputet i Kuvendit të Shqipërisë”, thuhet në njoftim.

Leonard Gjini, është personi i vetëm i arrestuar një javë pas shpërthimit të bombulës , ku mbetën te vdekur babai dhe djali i tij, dhe u plagosën 7 të tjerë përfshirë dhe dëmet e mëdha materiale në banesat dhe bizneset pranë./albeu.com

The post Shpërthimi me dy viktima në Lushnjë, deputeti Bujar Çela do hetohet nga SPAK, akuzat që rëndojnë mbi të appeared first on Albeu.com.

32-vjeçari Gjini, është vënë në pranga me urdhër të prokurorit për shkelje të rregullave të mbrojtjes në punë me pasoja të rënda.

Sipas policisë, ai ka qenë i autorizuar për kryerjen e ndërtimit të kapanonin dhe ka lejuar kryerjen e punimeve, pa respektuar rregulloret përkatëse të sigurimit teknik dhe mbrojtjes në punë.

“Nga veprimet hetimore dyshohet se ky shtetas, me mosveprimet e tij, duke qenë i autorizuar për kryerjen e ndërtimit të kapanonit, sipas kontratës së sipërmarrjes, ka lejuar kryerjen e punimeve, pa respektuar rregulloret përkatëse të sigurimit teknik, të disiplinës teknike të mbrojtjes në punë dhe nuk ka marrë masa për zbatimin, duke sjellë pasoja të rënda. Si pasojë e shpërthimit në kapanonin me lëndë djegëse, në lagjen “Karbunarë e madhe”, më datë 01.03.2024, ndodhi një shpërthim nga i cili humbën jetën 2 shtetas dhe u dëmtuan 7 të tjerë të cilët janë jashtë rrezikut për jetën”, njoftoi policia.

Uniformat blu, po vijojnë hetimet për dokumentimin e plotë ligjor të rrethanave të kësaj ngjarjeje.

The post Shpërthimi tragjik në Lushnje, arrestohet sipërmarrësi appeared first on Albeu.com.