Leon Goretzka ka shprehur gjatë orëve të fundit dëshirën për të kaluar te Barcelona, duke u mbështetur te raporti i veçantë që ka me ish-trajnerin e tij, Hansi Flick. Ylli gjerman po kërkon të përcaktojë skuadrën e ardhshme pas skadimit të kontratës me Bayern Munichun.

Në emisionin “La Pizarra de Quintana”, gazetari i besueshëm Matteo Moretto bëri të ditur se përfaqësuesit e afërt të mesfushorit kanë komunikuar drejtpërdrejt me drejtuesit e klubit katalanas.

Njerëzit e Goretzkës kanë treguar gatishmëri të plotë që ai të bëhet pjesë e projektit të Barcelonës. Kjo mundësi është paraqitur veçanërisht pas dëmtimit të Frenkie de Jongut, i cili ka këputur ligamentin kolateral medial në gjurin e djathtë.

Goretzka e sheh Hansi Flickun si avantazhin kryesor për realizimin e këtij transferimi. Gjatë periudhës 2019-2021 te Bayerni, mesfushori ishte një prej lojtarëve kryesorë të skuadrës së drejtuar nga trajneri gjerman, duke regjistruar 64 paraqitje, 15 gola dhe 18 asistime. Ai luajti rol të rëndësishëm në ekipin që dominoi futbollin evropian.

Kjo nuk është hera e parë në muajt e fundit që mesfushori gjerman ia ofron shërbimet Barcelonës. Pas një periudhe të gjatë me Bayern Munichun, ai synon të nisë një aventurë të re. Sezonin e kaluar, Goretzka luajti në 48 ndeshje dhe qëndroi në fushë për 2.349 minuta.

Në këtë periudhë, ai kontribuoi që Bayerni të fitonte të gjithë trofetë vendorë, ndërsa skuadra arriti gjithashtu deri në gjysmëfinalen e Ligës së Kampionëve.

Megjithëse Goretzka mund të transferohet si lojtar i lirë, pozicioni i Barcelonës është i prerë. Drejtori sportiv Deco nuk po e shqyrton aktualisht afrimin e tij dhe nuk ka ndërmend ta përforcojë repartin e mesfushës.

The post Goretzka i ofrohet Barcelonës, Deco merr një vendim të papritur appeared first on Albeu.com.

Gjermania i dha fund rrugëtimit të saj në Kupën e Botës në fazën e 1/16-tës, pasi u mposht nga Paraguai. Ndeshja u mbyll 1-1 pas kohës shtesë, ndërsa kualifikimi u vendos nga penalltitë, ku paraguajanët dolën fitues. Sipas Bild, në kampin gjerman pati tension gjatë përzgjedhjes së lojtarit që do të merrte përsipër gjuajtjen e gjashtë.

Në fund, barra i mbeti qendërmbrojtësit Jonathan Tah. Edhe pse bëhet fjalë për një futbollist me përvojë, ai nuk kishte ekzekutuar asnjëherë penallti gjatë karrierës së tij dhe dështoi në atë moment vendimtar. E përditshmja gjermane shkruan se brenda skuadrës pati vështirësi për të gjetur lojtarë të gatshëm për ta marrë këtë përgjegjësi.

Sipas zgjedhjeve të Nagelsmann, penalltitë më herët ishin goditur nga Kai Havertz (nuk shënoi), kapiteni Joshua Kimmich (shënoi), Jamal Musiala (shënoi), Nick Woltemade (nuk shënoi) dhe Nadiem Amiri (shënoi). Pas kësaj serie, duhej vendosur se kush do të ishte ekzekutuesi i radhës.

Në fushë në atë çast ndodheshin ende Leon Goretzka, Waldemar Anton, Nathaniel Brown, Malick Thiaw dhe portieri Manuel Neuer. Megjithatë, raportimi thotë se, për shkak të presionit të madh, lojtarët e përmendur ngurruan të merrnin përsipër gjuajtjen, ndaj topi përfundoi te Tah, i cili më pas gaboi.

Me këtë humbje, Gjermania u eliminua për herë të parë në historinë e saj nga Kupa e Botës pas një serie penalltish.

Kjo mungesë e lojtarëve të gatshëm për t’u paraqitur me siguri në momentet vendimtare solli ndër mend “Finale Dahoam” të Bayernit në vitin 2012. Në atë finale të Ligës së Kampionëve, të humbur në shtëpi ndaj Chelseat, disa futbollistë nuk morën përsipër përgjegjësinë për të gjuajtur.

Si pasojë, portieri Neuer u detyrua të ekzekutonte penalltinë e tretë dhe arriti të shënonte. Në fund, momenti tragjik i takoi Bastian Schweinsteiger, i cili gaboi në serinë e pestë dhe i hapi rrugën Chelseat drejt fitimit të Ligës së Kampionëve.

The post Bild: Katër emra të Gjermanisë shmangën penalltinë vendimtare kundër Paraguait appeared first on Albeu.com.

E përditshmja e njohur gjermane “BILD” ka drejtuar kritika ndaj mesfushorit Leon Goretzka, pasi ai nuk pranoi ta ekzekutonte penalltinë e gjashtë, të cilën më pas e humbi Jonathan Tah.

Eliminimi i Gjermanisë nga Kampionati Botëror 2026 erdhi pas një disfate të rëndë ndaj Paraguait, me ndeshjen që u mbyll 1-1 pas kohës së rregullt dhe vazhdimeve, ndërsa fati i takimit u vendos nga penalltitë.

Sipas detajeve të publikuara nga BILD, kapiteni Joshua Kimmich i ishte drejtuar dy herë Goretzkas me kërkesën që ta merrte përsipër goditjen e gjashtë, por mesfushori e refuzoi këtë përgjegjësi.

“Kimmich e pyeti Goretzkan dy herë ta godiste penalltinë e gjashtë, që doli të jetë vendimtare. Goretzka refuzoi shkaku i frikës. Në fund, Tah e merr dhe e humb. Kjo ishte penalltia e tij e parë profesionale”, shkruan mediumi gjerman.

Manuel Neuer ishte shumë pranë rolit të heroit, pasi arriti të ndalte dy penallti radhazi, por futbollistët gjermanë nuk ia dolën t’i shfrytëzonin ato.

Në këtë mënyrë, Gjermania i jep fund aventurës në Botërorin 2026 që në raundin e 32-të, ndërsa mbetet e paqartë nëse drejtuesit do të vazhdojnë t’i besojnë përzgjedhësit Julian Nagelsmann edhe në vitet që vijnë.

The post BILD sulmon Goretzkan: Nuk pranoi penalltinë vendimtare nga frika appeared first on Albeu.com.

Bëhet fjalë për një transferim që do të kompletohej me kosto zero në verë. Goretzka nuk ka pranuar rinovimin, për këtë nuk do të jetë çudi nëse destinacioni i radhës është Italia.

Kontributi i 30-vjeçarit është parë vetëm në Gjermani. Nga viti 2018, është pjesë e bavarezëve dhe rinovimi me shumë gjasa nuk do ndodhë.

Klube të tjera si Barcelona, Arsenali, Napoli dhe Totenhem, janë shfaqur po ashtu pas tij ndër të tjerë.

E ardhmja do të vendoset në verë, sepse nuk duket që rinovimi do të vijë gjatë kësaj kohe.

The post Igli Tare i surprizon të gjithë, projekton lëvizjen e madhe për Milanin në merkato appeared first on Albeu.com.

Futbollisti me kontratën e re pritet të mbetet pjesë e ‘Bavarezëve’ deri në vitin 2026.

Goretzka është shprehur i lumtur me vazhdimin e kontatës:

“Me FC Bayern ne kemi fituar gjithçka që duhet fituar në tre vitet e fundit. Por është edhe më bukur sesa të fitosh një titull për të konfirmuar dhe përsëritur këto suksese”.

“Ekipi, klubi dhe mjedisi nuk janë vetëm shumë profesionistë, por edhe të njohur. Kjo përzierje është një nga garantuesit e suksesit të këtij klubi. Jam shumë i lumtur që kam mundur të zgjas kontratën time herët deri në vitin 2026”, tha Leon Goretzka.

Mesfushori u transferua te gjiganti gjerman në vitin 2018 nga Schalke 04, dhe që nga ajo kohë ka realizuar 25 gola në 118 ndeshje me klubin. 

?⚪ @leongoretzka_ verlängert Vertrag. ✍️

? https://t.co/d3FSQ7sBHw pic.twitter.com/LwIQQHTwXr

— FC Bayern München (@FCBayern) September 16, 2021

The post ZYRTARE/ Leon Goretzka nuk lëviz, rinovon kontratën me Bayern Munich appeared first on Albeu.com.

Sipas raportimeve Real Madrid besohet të jetë duke e monitoruar nga afër këtë situatë pasi ata mund të nënshkruajnë me gjermanin si një lojtarë i lirë, ashtu si ata kanë bërë me David Alaba .

Po ashtu në garë për mesfushorin është edhe Manchester United.

The post Real Madrid dhe Man United në garë për mesfushorin e Bayern Munchen appeared first on Albeu.com.

25 vjeçari u dëmtua në kofshë gjatë një ndeshjeje në kampionat dhe u pretendua se do të mungonte rreth tre javë.

Ditën e sotme është shtuar frika se mesfushori nuk do të arrijë të rikuperohet në kohë duke bërë që ai të humbiste ndeshjen e parë që do të zhvillohet në 15 qershor ndaj Francës.

Fat për “panzerat” pasi me formatin e ri, kombëtaret kanë të drejtë të thërrasin  26 lojtarë në EURO 2020 dhe kjo ndoshta do t’i japë mundësinë Goretzkas  të jetë pjesë e skuadrës. /albeu.com/

The post “Tremb” Goretzka, në dyshim pjesëmarrja në Kampionatin Evropian appeared first on Albeu.com.