Triumfi 1-0 i Spanjës ndaj Argjentinës në finalen e Botërorit 2026 dukej se i zbehu mundësitë e Leo Messit për Topin e Artë. Megjithatë, reagimi i fundit i publikuar nga faqja zyrtare e çmimit prestigjioz individual ka hapur sërish diskutimin.

Në njoftim theksohet se suksesi në Kupën e Botës nuk e siguron automatikisht edhe Topin e Artë. Sipas të dhënave të paraqitura, nga viti 1995 vetëm 4 prej 7 fituesve të Botërorit kanë arritur të marrin edhe këtë trofe individual, shifër që përkthehet në 57%.

Faqja zyrtare sqaron se fitimi i Kupës së Botës mund të ndikojë pozitivisht, por nuk përbën garanci. Për të merituar Topin e Artë, një futbollist duhet të ketë qenë më i miri gjatë gjithë sezonit dhe jo vetëm lojtari më i spikatur i Botërorit.

Pas këtij qëndrimi, Harry Kane dhe Michael Olise shihen si kandidatë kryesorë për çmimin. Në garë nuk përjashtohen as yjet e PSG-së, Kvicha Kvaratskhelia dhe Ousmane Dembele.

The post Faqja zyrtare e Topit të Artë u përgjigjet spanjollëve: Botërori nuk është vendimtar, që prej vitit 1995… appeared first on Albeu.com.

Arlind Nora, një emër i njohur për ndjekësit e kampionatit shqiptar, është rikthyer në vëmendje, këtë herë si komentues i Botërorit “Amerikë 2026”. Ish-sulmuesi gjirokastrit reagoi në Instagram pas videos virale ku gazetari Altin Sulçe diskutonte për Leo Messin dhe Argjentinën, duke vlerësuar në mënyrë të tërthortë arritjet e jashtëzakonshme të yllit botëror.

Gjatë debatit në studio, Sulçe deklaroi: “Të të them një gjë unë ty? Messi kë kishte sponsor personal? Adidasin. Saktë! Federata e Argjentinës kë ka sponsor? Adidas. Saktë! FIFA kë ka sponsor? Adidasin. Mbaroi. Vazhdojmë dhe një tjetër. Shiko njëçik dhe këtë. Në Shqipëri, në Zvicër, në Angli, në Gjermani në të gjitha ndeshjet. Po ti a e mban mend me Spanjën që nuk e dha penallti (i referohet rastit të prekjes me dorë). Po na habisni, po na tregoni. Çfarë po na tregoni”.

Reagimi i Norës erdhi menjëherë dhe me nota ironie. Në komentin e tij, ai shkroi: “Çfarë emisioni i frikshëm, si i di të gjitha këto gjëra wow. Ikni mor futini ndonjë teke”. Ndërkohë, Sulçe duket se e përfundoi replikën në distancë vetëm me një emoji zemre.

Në Botërorin që përfundoi me triumfin e Spanjës, Messi kishte një mbështetës të veçantë te ish-sulmuesi i Superiores. Nora nuk hezitoi t’i etiketonte panelistët për shkak të qëndrimeve të shprehura prej tyre.

Gjatë karrierës së tij, Arlind Nora veshi fanellat e disa klubeve të kampionatit shqiptar, ndërsa paraqitjet më të spikatura i regjistroi me Lushnjen dhe Laçin. Sulmuesi nga Gjirokastra ishte mes futbollistëve më të mirë në periudhën 2005-2010 dhe luajti gjithashtu për Elbasanin, Vllazninë, Luftëtarin, Shkumbinin dhe Besën. Karrierën e mbylli pikërisht te bluzinjtë e Gjirokastrës, ku vendosi të varte këpucët në gozhdë.

The post Arlind Nora ironizon debatin për Messin: “Çfarë emisioni i frikshëm, futini ndonjë teke” appeared first on Albeu.com.

Lionel Messi ka thyer heshtjen pas humbjes 1-0 ndaj Spanjës në finalen e Botërorit 2026. “Pleshti”, i cili zhvilloi një Kupë Bote të shkëlqyer duke realizuar 8 gola dhe dhuruar 4 asiste, iu drejtua tifozëve argjentinas përmes një postimi në rrjetet sociale.

Messi shkroi se dhimbja është e thellë dhe se do të nevojitet kohë për t’u shëruar, por theksoi se dëshiron të kujtojë edhe momentet e bukura. Ai përmendi ndeshjet që Argjentina arriti t’i përmbyste duke dhënë gjithçka në fushë, të cilat, sipas tij, do të mbeten përgjithmonë në kujtesën e të gjithëve.

Kapiteni argjentinas vlerësoi gjithashtu përkrahjen e një vendi të tërë, duke nënvizuar se ajo, së bashku me punën dhe përpjekjet e pandërprera të grupit, e çoi sërish skuadrën mes më të mirave në botë.

Ai pranoi se në këtë moment është e vështirë të kuptohet plotësisht rëndësia e asaj që u arrit, por kujtoi se kjo skuadër siguroi dy finale të njëpasnjëshme në Kupën e Botës. Messi falënderoi nga zemra të gjithë për përshëndetjet dhe mesazhet, duke shtuar se Argjentina u bashkua edhe një herë si vend për të ndarë krenarinë e madhe të të qenit argjentinas. Në fund, ai përgëzoi Spanjën për fitimin e kampionatit.

The post Shënoi 8 gola dhe dha 4 asiste në Botëror, Messi flet pas disfatës në finale: Krenarë për dy finalet radhazi appeared first on Albeu.com.

Vizita e tij në stadium u shoqërua me një mesazh për ndërtimin dhe ringritjen e Camp Nou, por kjo nuk ishte e vetmja pjesë e axhendës së tij, pasi mbrëmja rezervoi edhe një moment që u bë viral në rrjetet sociale.

Një video e publikuar nga kalimtarë të rastit tregon një çift të dashuruarish që po filmonin një video të qetë dhe romantike në rrugët e Barcelonës. Teksa ata po fokusonin kamerën te vetja, papritur pas shpinës së tyre shfaqet Lionel Messi, i shoqëruar nga truproja e tij. Çifti mbeti i ngrirë për një moment, duke e kuptuar se personi që po kalonte pranë tyre nuk ishte askush tjetër veçse kampioni botëror.

Reagimi i tyre ishte i menjëhershëm: i riu, i habitur dhe i emocionuar, e ktheu kokën dhe ndoqi me sy Messin, ndërsa vajza ndaloi së foluri, duke harruar për një moment videon dhe intimitetin e momentit. Messi, si zakonisht i qetë dhe modest, vazhdoi rrugën pa bërë asnjë gjest të veçantë, por prania e tij bastoi të gjithë skenën.

Videoja ka shpërthyer në rrjetet sociale, shoqëruar me komente të shumta nga fansa që e përshkruajnë Messin si “njeriun që edhe kur kalon rastësisht, të lë pa fjalë”. Disa përdorues madje kanë shkruar me humor: “Imagjino të dalësh bukur në video me të dashurin tënd… dhe Messi të vjedhë gjithë skenën!”

Edhe pse Messi mund të ketë qenë aty për arsye personale apo profesionale, rikthimi i tij në qytetin që e adhuron, qoftë edhe për disa momente, mjaftoi për të krijuar një tjetër episod të paharrueshëm për fansat e tij dhe të futbollit në tërësi.

The post Leo Messi përfshihet në momentin e lumtur të një çifti në Barcelonë, videoja që po bën xhiron e rrjetit appeared first on Albeu.com.

Rodrigo De Pol i dha një top të mirë Mesit, ky i fundit futet në zonë dhe godet me të majtën vrastare, duke e dërguar topin në këndin e sipërm të djathtë. Portieri i Nashville nuk mund të bëjë asgjë për ta pritur goditjen e argjentinasit. (SHIKONI GOLIN)

Por ky gol nuk mjaftoi për Inter Majemin pasi më herët kishte pësuar dy gola në minutën e 9-të nga Surridge me penallti dhe në të 45-ën nga Bauer.

The post VIDEO/ Lionel Mesi realizon një supergol në minutën e 90-të appeared first on Albeu.com.

Jordi Alba hapi siparin e golave, me anësorin spanjoll që mori një asist të pastër nga Leo Messi duke bërë që stadiumi të shpërthente në festë në minutën e 12-të.

“Pleshti” argjentinas provoi në disa momente të gjente golin e avantazhit, por ishte i pafat, madje duke goditur edhe shtyllën pingule.

Më në fund, pas disa përpjekje, Jordi Alba i kthehu nderin, ku në minutën e 41-të futi një top të bukur në qendër, aty ku Messi devijojë saktë duke dyfishuar shifrat.

Me fillimin e pjesës së dytë, në minutën e 52-të, Inter Miami realizoi edhe golin e tretë me Fray. Seattle ngushtoi shifrat në minutën e 69-të, por vetëm kaq, një gol që vlen thjesht për statistika.

The post Gol dhe asist/ Messi udhëheq Inter Miami, “thyen” 3-1 Seattle Sounders (VIDEO) appeared first on Albeu.com.

Në fillim të ndeshjes së raundit të dytë të Kupës së Ligës, një garë midis ekipeve të MLS dhe atyre meksikane, organizatori 38-vjeçar u përplas me mbrojtësin e Necaxas, Alexis Pena.

Pak çaste më vonë, Messi u ul në tokë përpara se të merrte trajtim për kofshën e djathtë ose ijën.

I paaftë për të vazhduar ndeshjen, ai u zëvendësua në minutën e 11-të, duke u drejtuar vetëm për në dhomën e zhveshjes.

“Ai ndjeu pak shqetësim.

Por nuk do ta dimë deri nesër (të dielën) se sa serioz është dëmtimi i tij”, tha trajneri i Miamit, Javier Mascherano, pas fitores 5-4 të ekipit të tij në penallti (2-2 pas kohës së rregullt).

“Ndoshta ka diçka. Ndoshta jo shumë serioze, sepse ai nuk po vuante vërtet.

Por ai ndjeu pak dhimbje”, shtoi ish-shoku i skuadrës së Messit te FC Barça.

Në fazën e grupeve të Kupës së Ligës, ndeshjet nuk mund të përfundojnë në barazim.

Në rast barazimi pas kohës së rregullt, një gjuajtje penalltish do të përcaktojë drejtpërdrejt ekipet (pa kohë shtesë).

Fituesi merr dy pikë, ekipi humbës një pikë.

The post Alarm te Inter Miami/ Leo Messi lë fushën i dëmtuar pas 11 minutash lojë appeared first on Albeu.com.

Sulmuesi shqiptar ka treguar se çfarë është në gjendje të bëjë dhe se mund të jetë vendimtar me fanellën e kësaj skuadre, duke shpresuar që të vazhdojë ta bëjë një gjë të tillë sa më rregullisht në vijim.

Kjo paraqitje e tij i ka siguruar për herë të parë praninë në ekipin e kësaj jave në MLS.

Sulmuesi shqiptar nuk ishte në formacionin titullar të kësaj përzgjedhje, por ishte vendosur në stolin e rezervave në ekipin me 20 lojtarë që zgjidhet çdo javë nga ekspertët e MLS.

Një stol rezervash luksi, pasi përkrah Uzunit ishte edhe vetë Lionel Mesi.

The post E vendosin përkrah Mesit, Uzuni zgjidhet në ekipin e javës në MLS pas golit të parë appeared first on Albeu.com.

Në Ceremoninë e çmimeve Globe Soçer Dubai, kampioni portugez ishte protagonist i një sulmi të vërtetë frontal kundër ligës së lartë franceze: “Liga Pro Saudite është më e mirë se Ligue 1. Provoni të bëni një sprint në 38, 39 ose 40 gradë dhe pastaj do të shihni. Në Francë ekziston vetëm PSG”.

Krahas mesazhit të konkurrencës së futbollit saudit, ku CR7 luan që nga viti 2023 me fanellën e Al-Nassr, në prapavijë është rivaliteti historik me Lionel Messin, sot tek Inter Miami por nga viti 2021 deri në 2023, argjentinasi luante për Paris Saint Germain.

Dhe pikërisht me imazhin e Messit, Ligue 1, përmes profilit të saj X spanjoll replikon me Ronaldon me foton e kampionit argjentinas me Kupën e Botës të fituar në Katar.

“Leo Messi duke luajtur në 38 gradë”, thuhet në mbishkrimin e bashkangjitur me foton e fenometin argjentinas.

The post Ligue 1 replikon me Ronaldon, duke publikuar një foto të Messit appeared first on Albeu.com.

Lionel Mesi ishte i pranishëm në një event të “Adidas”, në të cilin disa nga të pranishmit mundën t’i bënin disa pyetje në lidhje me tema të ndryshme. Njëri prej tyre donte të dinte se cilët ishin futbollistët e rinj të tij të preferuar dhe, konkretisht, nëse do të zgjidhte dikë që i pëlqente veçanërisht. Argjentinasi ka qenë i qartë duke zgjedhur mes të gjithë yjeve të rinj, sulmuesin 17-vjeçar të Barcelonës dhe kombëtares spanjolle, Lamin Jamal.

“Mendoj se në qarkullim ka lojtarë të mëdhenj që kanë një të ardhme spektakolare”, filloi ylli nga Rozario, i cili u pyet gjithashtu nga të pranishmit në event nëse kishte ndonjë lojtar nga kjo valë e re që i kujtonte veten kur ishte i ri.

Lojtari aktual i Inter Majamit përfundoi duke u shprehur për Lamin Jamalin si të përzgjedhurin e tij.

“Nëse më duhet të zgjedh me dikë, do të qëndroj me Jamal për shkak të asaj që ai ka bërë deri më tani në moshën e tij dhe për shkak të së ardhmes që e pret përpara. Kjo varet nga ai, edhe nga shumë gjëra të tjera natyrisht, sepse futbolli është i tillë. Por ai është e tashmja dhe e ardhmja e futbollit”, përfundoi ai, mes duartrokitjeve të të pranishmëve.

The post Lionel Mesi zgjedh pasardhësin e tij: Jamal, e tashmja dhe e ardhmja appeared first on Albeu.com.