Afati është zgjatur deri më 23 gusht, pasi ministri Sveçla tha se ka interesim të madh për aplikim.

“Pas kësaj date, për të gjithë ata që nuk konvertojnë patentë shoferët, do të veprohet sipas legjislacionit përkatës në fuqi”, shkroi Sveçla në Facebook.

Sipas Sveçlës, deri më tani 5.588 qytetarë të komunitetit serb kanë aplikuar për t’i konvertuar këto dokumente dhe vetëm gjatë ditës së djeshme kanë qenë 273 aplikime.

Kosova nuk njeh dokumentet e lëshuara nga Serbia për qytetarët serbë në Kosovë.

Më herët, Policia e Kosovës i ka thënë Radios Evropa e Lirë se pasi të kalojë afati për konvertimin e patentë shoferëve, të gjithë drejtuesit e automjeteve që kanë këto dokumente të lëshuara nga Serbia, do të konsiderohen se janë duke e drejtuar veturën pa patentë shoferë.

Nga Policia kanë thënë se në përputhje me vendimet e Ministrisë së Punëve të Brendshme të Kosovës, ndaj këtyre individëve do të shqiptohen gjoba, me mundësi të konfiskimit të automjeteve.

Shuma e gjobave, sipas ligjit, është nga 500 deri në 1.500 euro.

Në fillim të majit, Qeveria e Kosovës kishte marrë vendimin për pajisjen e serbëve në Kosovë me patentë shoferë RKS-Republika e Kosovës.

Vendimi hyri në fuqi më 9 maj dhe ishte paraparë të përfundonte më 9 gusht.

Procesit të pajisjes me patentë shofer të Kosovës i ka paraprirë procesi i riregjistrimit të veturave me targa serbe në targa RKS (Republika e Kosovës), sidomos për ato me regjistrimin KM (Mitrovica e Kosovës).

Procesi i riregjistrimit të automjeteve, i cili ka zgjatur prej fundit të vitit 2022 deri në mesin e dhjetor të vitit 2023, ka nxitur një sërë krizash në veri të Kosovës: daljen e serbëve nga institucionet e Kosovës, protesta, barrikada, bojkot të zgjedhjeve, dhe gjithçka kulmoi me një sulm të armatosur të një grupi të organizuar të serbëve kundër Policisë së Kosovës.

Megjithatë, sot, në katër komunat me shumicë serbe në veri të Kosovës-Mitrovicë e Veriut, Leposaviq, Zveçan dhe Zubin Potok, nuk mund të shihen targat KM, me të cilat vlerësohej se ishin të regjistruara rreth 10 mijë makina.

Sipas të dhënave të Ministrisë së Brendshme të Kosovës, rreth 4.000 vetura i kanë konvertuar targat KM në RKS, ndërsa pjesa tjetër i ka regjistruar veturat e tyre në qytete të Serbisë.

The post Kosovë/ Zgjatet afati për konvertimin e lejes së drejtimit, ja data e fundit appeared first on Albeu.com.

DPSHTRR bën thirrje që drejtuesit të respektojnë normat e qarkullimit pasi do të humbasin të gjitha pikët dhe do të rikthehen në autoshkollë.

Njoftimi i plotë:

Nga 262 riregjistrime pas humbjes së të gjithë pikëve të Lejes së Drejtimit, vetëm 28 veta kanë rifituar Lejen e Drejtimit, ose 10.6%!

 1 kalues në Testin e rimarrjes së Leje Drejtimit, në seancën e 14-të të ritestimit që nga zbatimi i dispozitës së re shtrënguese me rikthim në Autoshkollë (6 Qershor 2022), nga 19 kandidatë për këtë seancë!

 S’KA SHPËTIM përveç RIEDUKIMIT për ata që ne i konsiderojmë kontigjent shkelësish të rëndë të rregullave të qarkullimit, përsëritës në sjellje që rrezikojnë ata vetë dhe të tjerët në rrugë, që me aktet e reja në fuqi për të rifituar të drejtën e patentës duhet të regjistrohen nga e para në Autoshkollë e t’i rinënshtrohen testit teori-praktikë!

Koka bën, koka pëson!

Konkluzioni: respektoni normat e qarkullimit rrugor sepse nëse do t’i humbni të gjitha pikët, do të riktheheni në Autoshkollë dhe më pas nën monitorim të rreptë do të rifitoni patentën vetëm nëse nuk keni mbi 3 gabime në pyetësorin e Normave të Sjelljes me 30 fjali si edhe nëse kaloni në testin e praktikës, të dyja testet nën e-Monitorim

Këtë kohë, angari e kosto mund t’ia shmangni vetes duke u sjellë korrekt në timon /albeu.com

The post “Koka bën, koka pëson!” DPSHTRR thirrje drejtuesve të automjeteve: Kujdes rregullat e qarkullimit, ose do riktheheni në Autoshkollë appeared first on Albeu.com.

Bëhet e ditur se pas blerjes së truallit, alokimit të fondit për investimin dhe projektim e prokurim, tashmë është lidhur edhe kontrata për për ndërtimin e këtij poligoni brenda muajit.

Ky investim, sipas njoftimit, është 100% nga vetëfinancimi si ent.

Objekti i ri brenda kësaj qendre do të kthehet në një hapësirë të teknologjisë të simulatorëve mbi drejtimin e mjetit, pikë takimi për aktivitete edukative me moshat e reja si edhe stacion trajnimesh profesionale të sektorit të Leje Drejtimit!

Projekti parashikon e-Monitorim ajror por edhe brenda në kabinë, live gjatë provimit, kompleks funksional ditën e natën, eficiencë energjitike e karikim mjetesh elektrike me energji diellore, parkime ndihmëse, sinjalistikë e mjete simulimi, instalime bashkëkohore dhe ambiente pritjeje!

Kjo vepër e re, me një sipërfaqe rreth 6000 m2 do të shërbejë edhe për Programe Edukative të Sigurisë Rrugore, orë Këndi Trafiku dhe Aktivitete Mësimore shtesë.

The post Gjithçka gati, brenda nëntorit poligoni i parë publik i testimit praktik për Leje Drejtimi appeared first on Albeu.com.

Gjithashtu, policisë janë goditur 4 raste të tentativës për të korruptuar punonjësit e Policisë, me qëllim shmangien e masës administrative për shkeljen e kryer.

Janë ndëshkuar me masë administrative 700 drejtues mjetesh, për përdorim të celularit gjatë drejtimit të mjetit. 336 drejtues mjetesh janë ndëshkuar për mosvendosje të rripit të sigurimit.

Për parakalime të gabuara, manovra të rrezikshme në rrugë, qarkullim me shpejtësi mbi normën e lejuar dhe shkelje të tjera të ndryshme, janë ndëshkuar 2576 drejtues mjetesh. Janë pezulluar 217 leje drejtimi, për drejtim mjeti, nën efektin e alkoolit apo në gjendje të dehur, si dhe për qarkullim me shpejtësi tej normave të lejuara. Janë vendosur 282 masa administrative, për mosvendosje të kaskës mbrojtëse nga drejtuesit e motomjeteve. Janë hequr 5 palë targa të çregjistruara apo që u kishte përfunduar afati i përdorimit në shtetin e origjinës, duke e çuar kështu në 392 numrin e targave të hequra që nga fillimi i këtij viti.

The post “Rrugorja ” në aksion, pezullohen 217 leje drejtimi, ndëshkohen 700 drejtues mjetesh (VIDEO) appeared first on Albeu.com.

Kylian Mbappe mund të mburret me makina të shtrenjta dhe luksoze në rrjetet e tij sociale, por ndryshe nga Cristiano Ronaldo, Karim Benzema, Ibrahimovic apo Aubameyang, ylli i PSG-së nuk njihet për asnjë Ferrari, Bugatti apo Lamborghini.

Arsyeja mund të jetë se francezi nuk i pëlqen makinat sportive, por ka një arsye tjetër më të rëndësishme pse futbollisti në modë nuk e shfaq kurrë makinën e tij në Instagram, shkruan albeu.com, marrë nga Marca.

Mbappe nuk ka leje drejtimi

Pavarësisht se është 23 vjeç sulmuesi i Paris Saint-Germain ende “nuk ka pasur kohë” të marrë lejen e drejtimit dhe është i vetmi futbollist i klubit francez që vjen me një shofer në stërvitje. Është e zakonshme ta shohësh atë të shoqëruar nga një shofer dhe ai vetë ngarkon foto në llogarinë e tij në Instagram duke dalë nga pjesa e pasme e një Volkswagen ID.4 , një Volkswagen Multivan ose një Volkswagen Tiguan.

Mbappe udhëton gjithmonë me një shofer privat

Pas mbërritjes së Mbappe në PSG në 2017, disa muaj pas ditëlindjes së tij të 18-të, klubi francez i dha atij një truprojë, një shërbëtor dhe gjithashtu një shofer privat që e çon atë kudo. Përveç kësaj, klubi aplikoi për një patentë drejtimi, por Mbappe nuk ka treguar asnjë nxitim për të marrë patentën e tij.

Gjëja “e keqe” e të qenit i pasur dhe i famshëm

Në një intervistë me “Bleacher Report” në dhjetor 2017, Kylian pranoi se marrja e patentës së tij nuk ishte kurrë një nga prioritetet e tij, megjithëse rrëfen se suksesi dhe fama e kanë penguar të bëjë gjëra të thjeshta që të rinjtë e tjerë të moshës së tij bëjnë si marrja e një patentë shoferi dhe drejtimin e makinave të tyre.

“Është një nga anët negative të të qenit i suksesshëm kaq herët. Më kanë munguar gjërat e thjeshta si të kesh patentë shoferi. Mendoj se të gjithë e kanë. Për shumë njerëz, patenta e shoferit është një domosdoshmëri, por për mua nuk ishte. Patenta është zakonisht sinonim i autonomisë, por autonominë e kam pasur shumë shpejt, sepse sa herë që kam pasur shoferë në dispozicion, nuk ka qenë kurrë prioritet (të marr patentën time),” shpjegoi Mbappe.

Parisi apo Madridi?

Mbappe mund të ndryshojë qytet dhe do të duhet të vonojë planet e tij për të marrë një leje drejtimi në Madrid, një qytet që ai mezi e njeh. Ai do të duhej të shkonte në Ciudad Deportiva de Valdebebas me një shofer, megjithëse do të ndryshonte markën e makinës, pasi sponsori zyrtar i Real Madridit nuk është Volkswagen, por Audi. /albeu.com/

 

View this post on Instagram

 

A post shared by Kylian Mbappé (@k.mbappe)

The post Kylian Mbappe, më shumë se 5 vjet për të marrë lejen e drejtimit për një arsye të thjeshtë appeared first on Albeu.com.

Bëhet me dije se janë arrestuar në flagrancë shtetasit A. H., 51 vjeç, banues në Dimal dhe S. S., 22 vjeç, banues në Kuçovë, pasi u kapën nga shërbimet e Policisë duke drejtuar motomjetet e tyre, pa leje drejtimi dhe pa dokumentacionin përkatës.

Gjithashtu u proceduan penalisht dhe 3 shtetas të tjerë, për veprën penale “Drejtim i mjetit në mënyrë të parregullt”.

Nga specialistët e Seksionit për Krimet u bë arrestimi në flagrancë i shtetasit A. T., banues në Perondi, pasi ka ushtruar dhunë fizike ndaj bashkëshortes së tij dhe babait të saj.

Materialet i kaluan Prokurorisë së Rrethit Gjyqësor Berat, për veprime të mëtejshme.

Njoftimi i plotë i policisë:

Berat

Arrestohen në flagrancë 2 shtetas dhe procedohen penalisht 3 të tjerë, për veprën penale “Drejtimi i mjetit në mënyrë të parregullt”.

Në pranga dhe 1 shtetas tjetër, për veprën penale “Dhuna në familje”.

Policia Rrugore e Beratit ka intensifikuar kontrollet në të gjitha akset rrugore të qarkut, me qëllim evidentimin dhe ndëshkimin e drejtuesve të mjeteve dhe motomjeteve që shkelin rregullat e Kodit Rrugor dhe bëhen rrezik për aksidente.

Si rezultat i këtyre kontrolleve, gjatë 24 orëve të fundit janë arrestuar në flagrancë shtetasit A. H., 51 vjeç, banues në Dimal dhe S. S., 22 vjeç, banues në Kuçovë, pasi u kapën nga shërbimet e Policisë duke drejtuar motomjetet e tyre, pa leje drejtimi dhe pa dokumentacionin përkatës. Gjithashtu u proceduan penalisht dhe 3 shtetas të tjerë, për veprën penale “Drejtim i mjetit në mënyrë të parregullt”.

Nga specialistët e Seksionit për Krimet u bë arrestimi në flagrancë i shtetasit A. T., banues në Perondi, pasi ka ushtruar dhunë fizike ndaj bashkëshortes së tij dhe babait të saj.

Materialet i kaluan Prokurorisë së Rrethit Gjyqësor Berat, për veprime të mëtejshme.

The post Dhunë në familje dhe drejtim i mjetit pa patentë, e pësojnë keq 6 beratasit appeared first on Albeu.com.

Në zbatim të detyrave të caktuara në Planin Operacional “Respekto rregullat, shpëto jetë”,  Policia Rrugore në të gjithë vendin ka intensifikuar kontrollet parandaluese në zonat me risk të lartë për ngjarjet rrugore me pasoja të rënda për jetën dhe shëndetin e qytetarëve, me fokus shkeljet dhe mjetet që janë rrezik potencial për t’u përfshirë në këto ngjarje rrugore.

Nga kontrollet e dedikuara në rrugët urbane dhe interurbane në të gjithë vendin, përgjatë një jave janë arrestuar në flagrancë 68 drejtues mjetesh dhe motomjetesh, nga të cilët 33 për drejtim mjeti pa leje drejtimi dhe 35 për drejtim mjeti në gjendje të dehur;

Janë pezulluar 398 leje drejtimi, nga të cilat 298 për shpejtësi mbi normat e lejuara, 84 për drejtim mjeti nën efektin e alkoolit si dhe 16 për shkelje të tjera;

Janë ndëshkuar me masë administrative 5585 drejtues mjetesh, për shkelje që sjellin pasoja në jetën dhe shëndetin e përdoruesve të rrugës, konkretisht:

2458 për parakalime të gabuara, 1444 për përdorim të aparatit celular gjatë drejtimit të mjetit,   590 drejtues mjetesh për mosvendosje të rripit të sigurimit, 512 drejtues motomjetesh për mospërdorim të kaskës mbrojtëse, 581 për shpejtësi tej normave të lejuara e sjellje agresive në rrugë etj.

Janë ndëshkuar me masë administrative 678 drejtues mjetesh, për përdorim të aparatit celular gjatë drejtimit të mjeteve.

Nisur nga ngarkesa e shtuar e trafikut gjatë fundjavës, kryesisht në akset rrugore interurbane dhe urbane, me destinacion zonat bregdetare të vendit, Policia Rrugore apleon për të gjithë përdoruesit e rrugës që të respektojnë rregullat e qarkullimit rrugor, të mos nxitojnë për të arritur në destinacion duke kryer parakalime të gabuara e manovra të rrezikshme në rrugë, të mos përdorin celularin gjatë drejtimit të mjetit, të mos drejtojnë mjetin nën efektin e alkoolit apo në gjendje të dehur, të vendosin rripin e sigurimit dhe kaskën mbrojtëse.

Njësia Operacionale e Policisë Rrugore, në bashkëpunim me Komisariatin e Policisë Rrugore Tiranë dhe Sektorët e Policisë Rrugore në qarqe do jenë të angazhuara me të gjitha kapacitetet njerëzore dhe teknike për të evidentuar dhe dokumentuar shkeljet e rregullave të qarkullimit rrugor, me qëllim disiplinimin e lëvizjes dhe parandalimin e aksidenteve rrugore.

Ftojmë qytetarët që të denoncojnë në numrin 112 dhe në Komisariatin Dixhital, çdo shkelje të Kodit Rrugor, duke iu garantuar anonimat të plotë dhe një reagim të shpejtë dhe profesional!

The post Policia intensifikon kontrollet, në një javë arreston 68 shoferë dhe pezullon 389 patenta appeared first on Albeu.com.