Ministrja në detyrë e Drejtësisë, Donika Gërvalla, u shpreh optimiste për punën e legjislaturës së XI-të të Kuvendit të Kosovës, e cila pritet të konstituohet sot.

Ajo tha se synimi është që vendi të kapërcejë situatën aktuale, e cila, sipas saj, nuk i pëlqen askujt dhe veçanërisht qytetarëve të Kosovës.

“Në këtë ditë kaq të bukur për demokracinë në vendin tonë, pas zgjedhjeve demokratike, zgjedhjeve parlamentare, sot do të shkojmë të konstituojmë kuvendin dhe të përpiqemi të dalim nga një situatë që s’i pëlqen askujt, aq më pak qytetarëve të Kosovës. Jam plot optimizëm që kjo legjislaturë do të jetë legjislaturë e zhvillimit të madh ekonomik, e reformës së thellë në fushën e drejtësisë dhe zhvillimeve të mira për vendin tonë, për qytetarët tanë dhe të gjithë në përgjithësi”, deklaroi Gërvalla, raporton KosovaPress.

Kuvendi i Kosovës do të zhvillojë sot mbledhjen për konstituimin e legjislaturës së XI-të.

The post Gërvalla: Legjislatura e XI-të pritet të sjellë zhvillim ekonomik dhe reformë të thellë në drejtësi appeared first on Albeu.com.

Pas seancës së paradites, deputetët iu drejtuan sërish Kuvendit për të bërë betimin mbi Kushtetutë.

Vasil Llajo lexoi formulën e betimit, ndërsa të gjithë deputetët, njëri pas tjetrit, u ngritën në këmbë dhe e shqiptuan atë, duke konfirmuar zyrtarisht detyrimin e tyre për të respektuar dhe mbrojtur Kushtetutën dhe ligjet e vendit.

PD mban 1 minutë heshtje në nder të Azem Hajdarit, mazhoranca nuk i bashkohet

Ndërkaq, dy deputetë, Tom Doshi dhe Sabina Jorgo hoqën dorë nga mandati i deputetit.

Kryesuesi i seancës, Llajo, tha se deputetët që nuk kanë mundur të bëjnë betimin këtë të premte, kanë mundësi që këtë të drejtë ta ushtrojnë në një moment të dytë.

Tashmë, pas betimi, deputetët do të votojnë për Niko Peleshin, i propozuar në Asamblenë Kombëtare të Partisë Socialiste për kryetar të Kuvendit. Votimi është i fshehtë.

The post Legjislatura e re parlamentare, betohen deputetët e Kuvendit appeared first on Albeu.com.