Në një letër drejtuar drejtueses politike të PS-së për Qarkun e Shkodrës, Partisë Socialiste dhe Partisë Demokratike në Shkodër, si edhe kryebashkiakut Bardh Spahia, banorët theksojnë se kanë blerë këto objekte në vitin 1997, por nuk disponojnë asnjë lloj dokumenti, pavarësisht se kanë paguar të gjitha taksat e bashkisë.

Ata thonë se në të gjitha fushatat elektorale u është premtuar zgjidhja por gjithçka ka mbetur në fjalë.

Kërkesa e banorëve të Ish-Divizionit Ushtarak në Shkodër:

Drejtuar:

Ministres së Shtetit për Marrëdhëniet me Parlamentin, Elisa Spiropali/ Drejtuese Politike e PS për Qarkun e Shkodrës

Partisë Socialiste, Shkodër

Partisë Demokratike, Shkodër Kryebashkiakut Bardh Spahia / Kandidat i PD për Bashkinë Shkodër

Deputetit, Benet Beci, / Kandidat i PS për Bashkinë Shkodër

Jemi 132 familje që banojmë prej 26 vitesh, në territorin e Ish-Divizionit Ushtarak në Shkodër. Si të gjithë shqiptarët, edhe ne, erdhëm nga zona të ndryshme të veriut, për një jetë më të mirë dhe kemi blerë objektet dhe tokat e zëna forcërisht në vitin 1997, nga persona të tjerë. Shumica prej tyre (godinave) ishin të shkatërruara dhe tëdjegura Godinat i përshtatëm për banim dhe kemi harxhuar të gjitha kursimet e jetës për t’i bërë të jetueshme.

Në total jemi 132 familje. 26 familje jetojmë në ndërtesën dykatëshe të Ish-Komandës së Divizionit, 45 familje jetojmë në ish-fjetore dhe magazina të Ish-Divizionit, 20 familje kanë ndërtuar shtëpi të reja në tokat e lira përmes banesave ekzistuese. Po në këtë territor, 41 familje ushtarakësh u strehuan nga qeveria në objektet që u ndërtuan për kosovarët, në vitin 1999.

Prej 26 vitesh, asnjë familje, nuk ka asnjë lloj dokumenti pavarësisht se kemi paguar të gjitha taksat e bashkisë: ujë drita e çdo detyrim tjetër. Në të gjitha fushatat na është premtuar nga deputet e kandidat bashkie, por gjithçka ka mbetur në kuadrin e fjalëve.

Ne, tani dy muaj përpara zgjedhjeve kemi vendosur unanimisht që asnjë nga familjet tona dhe as të afërmit tanë, nuk do të marrim pjesë në votimet e 14 Majit. Do të vazhdojmë dhe rrugën e protestave dhe të gjitha format e kundërshtimeve derisa të na jepet zgjidhja për të na privatizuar dhe legalizuar shtëpitë tona. Theksojmë se kemi 26 vite që jetojmë këtu dhe Kushtetuta e Shqipërisë thotë qartë:

Neni 169

Personi që ka poseduar qetësisht e pa ndërprerje, duke u sjellë sikur të ishte pronar për njëzetë vjet në një pronë të paluajtshme, bëhet pronar i saj.

Ne kërkojmë dokumentet për shtëpitë tona, sepse jemi shqiptarë dhe meritojmë të drejtat që na jep Kushtetuta e vendit tonë. Përndyshe më 14 Maj në qendrat e votimit 263 263/1 dhe në qendrat e votimit 316 316/1dhe 316 /2 nuk do të ketë votues të asnjë spektri politik.

Presim të na zgjidhet problemi ynë jetik.

Faleminderit!

Banoret e 132 familjeve të Ish-Divizionit, Shkodër/Albeu.com/

The post Banorët e ish-Divizionit në Shkodër protestojnë për legalizimet: Do të bojkotojmë zgjedhjet appeared first on Albeu.com.

Sipas “SOS Ohër”, në brezin e bregut të liqenit prej 50 metrash, për momentin nuk lejohet ndërtimi, e as legalizimi. Ata thonë se është duke u përgatitur një plan urbanistik për bregun e liqenit, i cili do të përcaktojë kufijtë e zonës së brezit të bregut të liqenit, dhe në përputhje me atë kushtet e planifikimit.

“Çdo veprim që synon urbanizimin më të madh në zonat më të ndjeshme rreth liqenit, mund të konsiderohet vetëm në kundërshtim me Planin e Menaxhimit. Edhe më e rëndësishmja, një legalizim i tillë është në kundërshtim me rekomandimet e UNESCO-s”, thonë nga SOS Ohër.

Por, autoritetet vendore nuk shohin asgjë të diskutueshme në legalizimin e këtyre objekteve. Legalizimi i objekteve ishte në rend dite në seancën e djeshme, por me kërkesë të këshilltarëve të LSDM-së, seanca u ndërpre.

“Për të gjitha rastet, që janë në Galiçica kemi një mendim pozitiv edhe nga Parku Kombëtar “Galiçica” dhe Ministria e Mjedisit. Komisionet gjetën në vendngjarje objekte të ndërtuara pa leje dhe arkitektët konstatuan se ato janë jashtë zonës 50 metra. Lëndët që u dorëzohen këshilltarëve janë në përputhje me Ligjin dhe Planin e Menaxhimit të Trashëgimisë Kulturore”, deklaroi Aleksandar Kiteski-Sekretar i Komunës së Ohrit.

Nga SOS Ohri, i bëjnë thirrje kryetarit dhe këshillit komunal që proceset t’i zhvillojnë në drejtim të mbrojtjes, e jo në drejtim të legalizimit të objekteve të paligjshme.

“Legalizimi në afërsi të Liqenit të Ohrit dhe në Parkun Kombëtar Galiçica është veprim drejtpërdrejt në kundërshtim me parimet e mbrojtjes së Rajonit të Ohrit, statusi UNESCO i cili varet pikërisht si rezultat i praktikave të tilla”, theksuan nga SOS Ohër.

UNESCO bëri thirrje për ndalimin e menjëhershëm të ndërtimeve të paligjshme. Për shkak të mosrespektimit të rekomandimeve, vendi mori edhe dy vjet afat para se Rajoni i Ohrit të vendoset në Listën e Trashëgimisë Botërore në Rrezik./Alsat.mk

The post Pushteti vendor në Ohër dëshiron të legalizojë objektet e ndërtuara pa leje appeared first on Albeu.com.

PD shkruan se sot Rama ka nxjerrë mes katër rrugëve shqiptarët dhe s’i bëhet vonë për ta.

Postimi i PD:

Edi Rama i ka mashtruar shqiptarët para çdo pale zgjedhjesh se do t’u legalizonte shtëpitë. U ka marrë votat e më pas u ka vënë rruspat për projekte korruptive si ai i 5 majit, ku një prej ndërtuesve është trafikant droge, për të cilin Partia Demokratike ka kallzuar penalisht Erjon Veliajn.

Sot Edi Rama po i nxjerr në mes të katër rrugëve qindra qytetarë të Tiranës duke u çuar dëm mundin dhe sakrificën e një jete.

Edi Ramës nuk i bëhet vonë për shqiptarët

Edi Rama është i korruptuar.

Qeveria e tij është e korruptuar.

Me këta në krye, Shqipëria nuk mund të ketë zhvillim.

Shqiptarët duhet ta braktisin të shkuarën dhe të korruptuarit!/albeu.com

The post PD nxjerr videon: Ramës nuk i bëhet vonë për shqiptarët, i nxjerr mes katër rrugëve appeared first on Albeu.com.