Arrestimi i SPAK vjen  pas hetimit të dosjes së inceneratorëve të denoncuar nga LSI, PD dhe Nisma Thurje.

Burimet për albeu.com bëjnë me dije se në pranga bashkë me ish-ministrin janë vënë dhe dy persona të tjerë, identiteti i të cilëve ende nuk dihet.

Rikujtojmë se Koka akuzohet për dy vepra të rënda penale si “pastrim parash” dhe “shpërdorim detyre”.

Nuk dihet se për cilin incenerator bëhet fjalë konkretisht, teksa detaje të reja priten të mësohen në vijim nga operacioni i SPAK.

Rikujtojmë se në qershor të këtij viti biznesi Lefter Kokës, kantina e pijeve “Gjergj Kastrioti” në lagjen numër 14 në Durrës, është sulmuar me tritol.

Ngjarja e cila u tentua të mbulohej shkaktoi habi për shkak se për herë të parë në vend u shënua një sulm me dron të mbushur me eksplozivë, raporton albeu.com.

Shpërthimi ndodhi mbi tarracën e godinës 3-katëshe të biznesit, por fatmirësisht nuk pati persona të lënduar, por vetëm dëme materiale.

Në atë kohë Policia vuri në pranga shtetasin Gentjan Metaj,i cili dyshohet si autor i krimit të ndodhur mbi tarancën e kompleksit të biznesit.

Ky sulm u argumentua në media si një sulm biznesi por koha e këtij “paralajmërimi” ishte gjatë akuzave të rënda të bërë në drejtim të tij nga LSI dhe Presidenti Meta.

Për këtë ngjarje të rëndë, ish-ministri sot në pranga nuk bëri asnjë reagim publik për mediat. /albeu.com/

The post Sot në pranga për pastrim parash, si u sulmua me dron “tritoli” biznesi i Lefter Kokës appeared first on Albeu.com.

Rikujtojmë se Koka i cili ka mbajtur detyrën e ministrit të Mjedisit, i ardhur nga LSI por në qeverinë e Ramës kandidoi në zgjedhjet e 25 Prillit për deputet në qarkun e Durrësit.

Nga këto zgjedhje, Koka doli fitues por hoqi dorë nga mandati i fituar vetëm 9 ditë para se të betohej për t’u futur në Kuvend. Asokohe, ish-ministri deklaroi se ka ardhur koha që të tërhiqet nga politika por të tërhiqet si fitues.

Duke falenderuar të gjithë ata që e votuan, Koka sqaroi se me vendimin e tij për të mos e marrë mandatin e deputetit është njohur edhe Komisioni Qendror i Zgjedhjeve.

Denoncimet në emër të Kokës janë bërë edhe para zgjedhjeve të 25 Prillit por nuk dihet nëse ai kishte indicie për këtë arrestim dhe këtë dosje të bujshme për të cilën priten arrestime të tjera në ditët në vijim.

POSTIMI I PLOTË:

2 dekada më parë me përgjegjësi të lartë publike, mora përsipër të garoja për të qenë zëri qytetarëve durrsakë. Në këtë rrugëtim plot sfida, suksese e padiskutim dhe dështime, pata fatin të dëshmoj fuqinë e besimit, si dhe dinjitetin e njerëzve që punojnë çdo ditë me ndershmëri dhe përkushtim për një të ardhme më të mirë.

Në morinë e sfidave me të cilat ky rrugëtim të përball është gjithmonë e vështirë të ndalesh një moment dhe të vlerësosh se kur është koha e duhur për të mbyllur një cikël. Sot është dita që rrugëtimin tim politik, ta vijojnë ata mijëra bashkëpunëtorë të mitë, që më bënë fitues për vite me rradhë dhe që mbase nuk kam mundur asnjëherë t’i falenderoj sa duhet.

Sot, e ardhmja u përket atyre! Me këtë vendim timin, është njohur institucionalisht si Komisioni Qendror i Zgjedhjeve ashtu edhe Kuvendi i Shqipërisë. Së fundmi, mirënjohje të madhe për mundësinë , besimin dhe privilegjin e jashtëzakonshëm që më është dhënë t’i shërbej me përkushtim qytetit, vendit dhe njerëzve që dua! Shqipëria është padyshim sot një vend më i mirë se dje, është vendi plot dritë shprese që na përket të gjithëve.

Vijon… /albeu.com/

The post E priste arrestimin? Si hoqi dorë nga mandati i PS-së Lefter Koka 9 ditë para betimit në Kuvend appeared first on Albeu.com.