Ngjarja ka ndodhur mbrëmjen e 26 shkurtit.

52-vjeçari Lefter (Krenar) Brisku kishte hyrë në shtëpinë e Shusharit dhe u pikas nga ky i fundit, i cili e rrahu për vdekje.

22-vjeçari mbërriti  në ambientet e Gjykatës së Rrethit Gjyqësor Berat nën masa të rrepta sigurie dhe seanca zgjati rreth 1 orë.

Mësohet se prokurori i çështjes Elidon Hysenaj ka kërkuar nga gjykata vlerësimin “të ligjshëm” të arrestimit të 22-vjeçarit, pas vdekjes së Briskut në Spitalin e Traumës në Tiranë dhe caktimin ndaj tij të masës së sigurisë “arrest me burg” pa afat.

Pasi ka dëgjuar edhe palën akuzuese por edhe atë mbrojtëse që e ka cilësuar ngjarjen e ndodhur në kushtet e një vetëmbrojtje të nevojshme, duke deklaruar se klienti i tij ishte trembur kur kishte parë hajdutin në shtëpi dhe ishte përleshur me të, gjyqtarja Albana Misja,e ka cilësuar “të ligjshëm” arrestimin e Bjorsi Shusharit dhe ka caktuar për të masën e sigurisë “arrest me burg” pa afat.

Avokati i të riut tha se klienti i tij ka vepruar në kushtet e vetëmbrojtës dhe se do ta apelojnë vendimin e Gjykatës, e cila caktoi sot masën e sigurisë “arrest me burg”.

“Ne deklaruam se ai ka konsumuar nenin 19 të Kodit Penal, atë të vrasjes në kushtet e mbrojtës së nevojshme të personit. Nga provat dhe faktet, plotësoheshin të gjitha kriteret që ai të marrë pafajësinë. Në rastin konkret u bë një debat i fortë mes akuzës dhe mbrojtjes së tij, për problemin nëse janë tejkaluar kufijtë e nevojshëm ose jo, dhe shkaku kryesor sipas nesh nuk ka qenë se klienti që unë mbroj e ka sulmuar me mjete të forta, të cilat përbëjnë tejkalim të masës së mbrojtjes së nevojshme, por për këtë arsye gjykata nuk e mori në konsideratë dhe për shkak se kemi një viktimë, dhe s’kemi arsye tjetër, dhe për këtë ka vendosur masën e sigurisë arrest me burg. Ne do ta apelojmë këtë vendim dhe jemi të bindur se vepra që ka kryer nuk përbën rrezikshmëri shoqërore”, tha avokati./Albeu.com/

The post Dhunoi për vdekje 52-vjeçarin pasi vodhi dy pula, burg për autorin në Berat, avokati: Do ta apelojmë vendimin appeared first on Albeu.com.

I vëllai, një javë pës dhunës humbi jetën në spitalin e Traumës, ndërsa zoti Shane thekson se ja ka lënë drejtësisë që ta zbardhë ngjarjen.

‘Ne e kemi marrë vesh nga ora 9 e mëngjesit, ngjarja kishte ndodhur në mesnatë. Policia nuk na ka dhënë asnjë njoftim. E kemi marrë vesh nga televizioni. E shoqja nuk dinte gjë fare. Të nesërmen kemi shkuar në Tiranë. E pamë nuk reagonte. Se çfarë goditje kishte ne nuk e dimë. Nuk e zbuluam shumë. Meqë këtë punë e ka marrë policia do ta zgjidhë ajo me drejtësinë. Presim të vijë ajo me spitalin. Drejtësisë ja kam lënë, në dorë të atyre është. Mund të ketë qenë i pirë, ndoshta atë natë edhe mund të pirë çik më shumë “, tha ai për report tv.

Ngjarja ka ndodhur mesnatën e 25 shkurtit në Kuçovë, kur 54 vjeçari Lefter Brisku tentoi të hynte në ambientet e pronës së familjes Shushari për të vjedhur dy pula.

Në atë moment është kapur nga i riu Bjorsi Shushari i cili e ka dhunuar brutalisht duke i shkaktuar fraktura të shumta në kokë të cilat më pas i shkaktuan edhe vdekjen.

Për ngjarjen, policia ka shoqëruar të riun që dhunoi barbarisht 54 vjeçarin. Ndaj tij rëndon vepra penale “Vrasja e kryer me kapërcim të kufijve të mbrojtjes së nevojshme”./Albeu.com.

The post U dhunua për vdekje pasi u kap duke vjedhur 2 pula, vëllai i viktimës në Kuçovë: Ta zgjidhë drejtësia! appeared first on Albeu.com.

Lefter Brisku, i njohur ndryshe edhe me emrin Krenar Brisku, ka ndërruar sot jetë, në ambientet e Spitalit të Traumës në Tiranë, ku qëndroi 7 ditë  dhe sipas familjarëve mësohet se nuk ka reaguar asnjë moment.

Familja Brisku në lagjen “11 Janari” në Kuçovë ka hapur pasditen e sotme dyert e mortit, në pritje të trupit të viktimës, ndërkohë që në banesën 2- katëshe të 20-vjeçarit Bjorsi Shushari (tashmë i shoqëruar nga policia pasi po procedohej fillimisht pas ngjarjes në gjendje të lirë),gjithçka është e mbyllur.

Familjarët e viktimës Lefter Brisku kërkojnë drejtësi për 52-vjeçarin, që sipas tyre u masakrua në mënyrë barbare nga i riu për dy pula.

The post EMRI/ U dhunua barbarisht pasi u kap duke vjedhur pula, ndërron jetë në spital 52-vjeçari nga Kuçova appeared first on Albeu.com.