Leeds United ka zyrtarizuar afrimin e portierit James Trafford nga Manchester City, në një transferim që përbën rekord për një portier anglez.

Gardiani 23-vjeçar ka firmosur një kontratë pesëvjeçare me skuadrën e Elland Road, duke u bërë njëkohësisht blerja më e shtrenjtë në historinë e klubit.

“Leeds United është i kënaqur të konfirmojë nënshkrimin e James Trafford, i cili u bashkua me të bardhët nga Manchester City në një marrëveshje pesëvjeçare për një tarifë të pazbuluar, rekord të klubit”, thuhet në njoftimin zyrtar.

Sipas The Athletic, Manchester City do të përfitojë 50 milionë euro nga shitja e portierit, ndërsa marrëveshja parashikon edhe bonuse.

Për më tepër, klubi nga Etihad ka mbajtur 20 për qind të të drejtave mbi çdo transferim të ardhshëm të Trafford, duke siguruar një përfitim të mundshëm të mëtejshëm financiar.

Shuma e paguar për Trafford tejkalon investimet që Leeds United ka bërë më parë për Georginio Rutter, i transferuar për 41.2 milionë euro, Tarik Muharemovic për 40 milionë euro, Rodrigo për 30 milionë euro, si dhe Daniel James dhe Brenden Aaronson, të dy për 29 milionë euro.

The post Manchester City arkëton 50 milionë euro për James Trafford dhe ruan 20 për qind të kartonit appeared first on Albeu.com.

Chelsea, skuadra nga kryeqyteti anglez, zë kreun e listës së shpenzimeve neto në Premier League gjatë pesë sezoneve të fundit, me një shumë totale prej 817 milionë sterlinash, ose 956.5 milionë euro.

Të dhënat, që përfshijnë periudhën 2022/23 deri në 2026/27, e pozicionojnë Tottenham Hotspur në vendin e dytë me 683 milionë funta (800 milionë euro) dhe Manchester United në të tretin me 682 milionë funta (798.5 milionë euro).

Në harkun e këtyre pesë sezoneve, Arsenal renditet i katërti me 555 milionë funta (650 milionë euro), Liverpooli zë vendin e pestë me 448 milionë funta (524.5 milionë euro), ndërsa Manchester City është i gjashti me 290 milionë funta (339.5 milionë euro).

Kryesimi i Chelseat vjen si pasojë e një serie afrimesh të profilit të lartë dhe tepër të kushtueshme nën administratën aktuale.

I fundit u realizua në verën e këtij viti, kur klubi finalizoi një marrëveshje rekord në Britani, me vlerë 137 milionë euro, për Morgan Rogers nga Aston Villa.

Në mesin e investimeve të tjera madhore spikasin ardhja prej 124 milionë eurosh e Enzo Fernandez nga Benfica, blerja 135 milionë euroshe e Moises Caicedo nga Brighton dhe transferimi rreth 105 milionë euro i Mykhailo Mudryk nga Shakhtar Donetsk.

Këto lëvizje, krahas disa shpenzimeve të tjera domethënëse, e kanë çuar shumën neto kumulative të klubit në majën e Premier League.

Më poshtë në tabelë, Newcastle ka investuar 320 milionë euro, Nottingham Forest 297 milionë euro, Ipswich Town 227 milionë euro dhe Bournemouth 213 milionë euro.

Crystal Palace me 174 milionë euro, Fulham me 153 milionë euro, Sunderland me 151 milionë euro, Brentford me 126 milionë euro, Everton me 110 milionë euro, Coventry me 78 milionë euro dhe Leeds United me 41 milionë euro plotësojnë pjesën e mesme dhe të ulët të renditjes.

Aston Villa shënon një shpenzim neto negativ prej –14 milionë eurosh, ndërsa Hull regjistron –20 milionë euro dhe Brighton –47 milionë euro.

Klasifikimi vë në dukje kontrastin e fortë në fuqinë financiare mes klubeve të Premier League.

Teksa Chelsea ka investuar pa ndërprerë shifra të mëdha për të rindërtuar e përforcuar ekipin, skuadrat e tjera janë përballur me kufizime më të ashpra të imponuara nga Rregullat e Fitimit dhe Qëndrueshmërisë.

Gatishmëria e “Bluve” për të paguar tarifa shtesë për lojtarë të rinj me potencial të lartë i ka veçuar ata gjatë kësaj periudhe pesëvjeçare, dhe këto shifra ofrojnë një panoramë të qartë të peizazhit financiar teksa klubet ecin përpara.

Megjithatë, trysnia do të bjerë mbi trajnerin e ri Xabi Alonso dhe grupin e tij për të justifikuar shpenzimet, sidomos pasi ata e mbyllën sezonin e kaluar në vendin e dhjetë.

The post Publikohet klasifikimi i shpenzimeve neto të Premier League për pesë vitet e fundit appeared first on Albeu.com.

Illan Meslier është zyrtarisht lojtar i Arsenalit, me klubin londinez që ka konfirmuar afrimin e portierit francez si futbollist i lirë.

26-vjeçari i bashkohet “Topçinjve” pasi kaloi shtatë vite te Leeds United, periudhë në të cilën zhvilloi 215 ndeshje në të gjitha kompeticionet dhe e mbajti portën të paprekur në 70 prej tyre.

Gjatë kohës së tij në “Elland Road”, Meslier numëroi 107 paraqitje në Ligën Premier, duke ndërtuar një eksperiencë të rëndësishme në nivelin më të lartë të futbollit anglez.

Karrierën e tij portieri francez e filloi te Lorient, ndërsa në vitin 2019 u transferua te Leeds në formë huazimi.

Pas ngjitjes së klubit në Ligën Premier, kalimi i tij u kthye në një marrëveshje të përhershme.

Raportimet bëjnë të ditur se, në fazën fillestare, Meslier pritet të jetë portieri i tretë në ekipin e Mikel Artetas, edhe pse kjo mund të ndryshojë nëse Kepa Arrizabalaga vendos të largohet nga “Emirates Stadium”.

Arsenali ka bërë të ditur gjithashtu se Meslier do të veshë fanellën me numrin 30 dhe se do t’u bashkohet shokëve të skuadrës në përgatitjet parasezonale te qendra stërvitore Sobha Realty Training Centre.

The post Arsenal zyrtarizon afrimin e portierit francez Illan Meslier appeared first on Albeu.com.

Illan Meslier është shumë pranë kalimit te Arsenali, me portierin francez që pritet t’i bashkohet skuadrës londineze si lojtar i lirë, pas mbylljes së kontratës së tij me Leeds United.

Sipas “The Athletic”, 26-vjeçari do të zhvendoset në “Emirates Stadium” nëse përfundon me sukses vizitat mjekësore. Në këtë mënyrë, ai do të bëhet afrimi i dytë i përhershëm i Arsenalit gjatë kësaj vere, pas aktivizimit të klauzolës për blerjen definitive të Piero Hincapies nga Bayer Leverkuseni.

Gjatë shtatë viteve te Leeds United, Meslier ishte për gjashtë sezone portieri i parë i ekipit dhe kontribuoi në sigurimin e dy promovimeve për klubin. Në bilancin e tij figurojnë gjithashtu mbi 100 ndeshje në Ligën Premier.

Megjithatë, edicioni 2025/26 rezultoi zhgënjyes për portierin francez. Karl Darlow mori fanellën e titullarit, ndërsa Meslier nuk luajti asnjë minutë me ekipin e parë, duke u aktivizuar vetëm me skuadrën U21 të Leedsit.

Për sezonin e ardhshëm, David Raya pritet të vazhdojë si portieri kryesor i Arsenalit, por afrimi i Meslier i shton Mikel Artetas më shumë opsione në repartin e portës.

Sipas raportimeve, transferimi i Meslier mund të krijojë mundësinë për huazimin e portierit të ri anglez Tommy Setford, i cili vlerësohet si një talent premtues, por për të cilin klubi mendon se i duhen më shumë minuta në një nivel më konkurrues.

Në të njëjtën kohë, Kepa Arrizabalaga mbetet aktualisht zëvendësuesi i Rayas, por megjithëse ka ende dy vite kontratë, raportohet se ai mund të largohet për të gjetur një ekip ku të ketë rolin e portierit titullar.

Në fillim, Meslier pritet të jetë alternativa e tretë në portë, por nëse Kepa largohet, ai mund të avancojë si portieri i dytë i Arsenalit për sezonin 2026/27.

Ndonëse rrjedha e karrierës së tij nuk mori drejtimin që pritej pas shpërthimit te Leeds United, te Arsenali mendojnë se eksperienca e francezit dhe fakti që ai mund të merret pa dëmshpërblim e bëjnë këtë transferim një lëvizje me vlerë për skuadrën e Mikel Artetas.

The post Arsenali drejt afrimit të Illan Meslier, Arteta përgatit një tjetër goditje në merkato appeared first on Albeu.com.

Të parët që shënuan ishin mysafirët, që realizuan në minutën e tetë nëpërmjet Joseph.

Por, Blutë u këndellën shpejtë, duke shënuar me anë të Nicolas Jackson në minutën e 15-të, me Moise Caicedon që ishte asistuesi.

Në minutën e 37-të, Mykhaylo Mudryk realizoi për 2-1, ndërsa u asistua prej Raheem Sterling.

Me kaq edhe përfundoi pjesa e parë, derisa në të dytën ishte një dramë e vërtetë.

Joseph shënoi sërish për Leeds United, tani për rezultatin 2-2, ndërsa Anthony ishte përsëri asistuesi në minutën e 59-të.

Chelsea u mundua deri në fund që të rikthente epërsinë dhe këtë e arriti me anë të Conor Gallagher që realizoi në minutën e 90+1-të. /Telegrafi/

The post Chelsea eliminon me shumë mund Leeds-in dhe kalon në çerekfinale të FA Cup appeared first on Albeu.com.

Sipas mediave turke “Takvim”, bëhet me dije se Leeds United ka shfaqur interes për 27-vjeçarin. Anglezët që luajnë në Championship shikojnë te Rashica lojtarin e duhur për t’i besuar repartin e avancuar.

Leeds i ka ofruar 7 milionë euro Besiktas për të lënë të lirë lojtarin “dardan”, i cili ka kontratë të vlefshme me turqit deri në qershor të vitit 2027. Kujtojmë se Rashica u bë pjesë e Besiktas në verën e kaluar, ndërsa pavarësisht ofertës së anglezve duket e vështirë që drejtuesit turq të heqin dorë kollaj nga shërbimet e tij.

The post 7 milionë euro në tavolinë, skuadra angleze i kërkon Besiktas-it lojtarin shqiptar appeared first on Albeu.com.

26-vjeçari është një titullar i padiskutueshëm me klubin dhe po ashtu ka një vend titullari në kombëren e “Tre Luanëve”.

“El Nacional” raporton se “The Reds” janë të gatshëm të shpezojnë 35 milion euro për mesfushorin i cili ka kontratë me skuadrën aktuale deri në vitin 2024.

Mësohet se skuadra e Leeds nuk preferon ta shesë lojtarin e tyre të rivalët e Premier League, ndaj kalimi në Madrid fiton më shumë forcë.

“Los Blancos” e shohin Phillips si një lojtar që mund të shtojë konkurencën ne mesfushë me Casemiron. r.t/albeu.com

The post Titullar me Leeds dhe kombëtaren e Anglisë, Liverpooli dhe Reali në garë për Phillips appeared first on Albeu.com.

“Topçinjtë” mposhte Leeds United në shtëpinë e këtyre të fundit me rezultatin e thellë 1-4.

Me Aubameyang të dënuar, Martinelli ka shpërthyer duke bërë që mungesa e ish-kapitenit mos të ndjehet. Braziliani shënoi dy gola, fillimisht në të 16’ dhe më pas në të 28’, duke e nisur ndeshjen në mënyrë fantastike.

Teksa pjesa e parë po shkonte drejt fundit, Saka do të shënonte edhe golin e 3, saktësisht në minutën e 42 për t’i vendosur “kapakun” takimit.

Në pjesën e dytë vendasit ngjallin një “fije” shprese pasi Raphinha kthen në gol një penallti në minutën e 75, por vetëm kaq. Miqtë do të shënonin edhe golin e 4 me Smith Rowe në minutën e 84 për të vulosur gjithçka.

Me këtë fitore Arsenali ngjitet në zonën Champions, pasi pozicionohet në vendin e 4 me 32 pikë, por me një ndeshje më shumë se rivalët direkt, ndërsa Leeds pozicionohet në vendin e 16 me 16 pikë. /albeu.com

The post Arsenali nis ngjitjen, mposht bindshëm Leeds United (VIDEO) appeared first on Albeu.com.

The post Liverpool siguron fitoren e tretë në Premier League, kalon lehtë Leeds United (VIDEO) appeared first on Albeu.com.

Mesfushori kishte marrë krahun e djathtë me shpejtësi, por vrulli i pritet nga Struijk i cili i ndërhyn ashpër duke i thyer këmbën yllit të dhe “The Reds” i cili del nga fusha me barrela.

Salah ishte lojtari i parë që pa këmbën e shokut të skuadrës dhe i alarmuar bërtiste që arbitri të ndalonte ndeshjen.

Më pas të gjithë e panë dhe u shokuan, pamjet ishin te tmerrshme. Lojtari i Leeds doli nga fusha pasi u ndëshkuar me karton të kuq.

The post Ylli i Liverpoolit pëson dëmtim horror gjatë ndeshjes me Leeds United (VIDEO) appeared first on Albeu.com.