Sulmuesi i Lecces, Lameck Banda, është bërë protagonist i një prej ngjarjeve më të pazakonta të verës në futbollin italian, pasi nuk u paraqit në grumbullimin për fazën përgatitore dhe qëndroi pa kontakte me klubin për më shumë se dy javë.

Futbollisti i Kombëtares së Zambias duhej të udhëtonte drejt Italisë pas përfundimit të pushimeve verore. Në fillim, ai e kishte informuar Leccen se kthimi po vonohej për shkak të vështirësive në udhëtim dhe procedurave burokratike.

Me kalimin e kohës, megjithatë, çështja mori përmasa gjithnjë e më të pazakonta. Banda nuk u paraqit as në kontrollet mjekësore të programuara nga klubi dhe më pas ndërpreu plotësisht komunikimin me drejtuesit, pa kthyer përgjigje ndaj telefonatave dhe mesazheve.

Stefano Trinchera, drejtori sportiv i Lecces, konfirmoi publikisht se klubi nuk kishte mundur të vendoste kontakte me lojtarin. Ai paralajmëroi gjithashtu se futbollisti do të përballej me masa disiplinore për sjelljen e tij.

Paqartësitë u shtuan pasi Banda shpërndau në Instagram fotografi dhe video nga seancat stërvitore në një palestër në Zambi. Postimet dëshmuan se ai ishte në gjendje të mirë, por nuk shpjegonin arsyen e moskthimit në Itali dhe as kohën kur planifikonte të bashkohej me ekipin.

Raportimet që vijnë nga Zambia e lidhin mungesën e sulmuesit me një konflikt kontraktual mes tij dhe klubit italian.

Sipas këtyre raportimeve, Banda nuk dëshironte ta vazhdonte karrierën te Lecce. Ai mësohet se u habit kur zbuloi se marrëveshja e tij, e cila sipas bindjes së tij përfundonte në verën e vitit 2026, ishte zgjatur pa dijeninë e tij edhe për një vit.

Mediat në Itali raportojnë se kjo përplasje rreth kontratës ishte arsyeja që lojtari vendosi të qëndronte në Zambi dhe të mos merrte pjesë në fazën përgatitore. Për pasojë, Lecce mbeti për më shumë se dy javë pa asnjë komunikim me një prej futbollistëve të ekipit të parë.

Rasti nuk po trajtohet më vetëm si shkelje disiplinore. Lecce po vlerëson mundësinë për të nisur procedura ligjore kundër 25-vjeçarit për shkak të mosparaqitjes në detyrë.

Nuk dihet ende nëse Lameck Banda do të kthehet në Itali, ndërsa vazhdimësia e tij te Lecce është vënë seriozisht në dyshim në një nga historitë më të pazakonta të këtij afati kalimtar.

The post Dy javë pa kontakte, zbardhet shkaku që e mbajti Lameck Bandën larg Lecces appeared first on Albeu.com.

Lameck Banda, sulmuesi anësor nga Zambia, prej disa ditësh nuk është vënë në dispozicion të Lecces. Mediat italiane raportojnë se çështja, e cila në fillim u interpretua si një përpjekje për të imponuar transferimin në Arabinë Saudite, tashmë është kthyer në një mister për drejtuesit e klubit, bashkëlojtarët dhe njerëzit pranë tij.

I lindur në vitin 2001, Banda iu bashkua Lecces gjatë verës së vitit 2022. Periudhën më të mirë e regjistroi nën drejtimin e Eusebio Di Francescos, duke dhënë një kontribut të rëndësishëm për qëndrimin e skuadrës në ligë me pesë gola dhe katër asistime. Me këto paraqitje, ai tregoi se mund të synonte një klub më të madh dhe kushte më të mira kontraktuale.

Marrëveshja e tij përfundoi në qershorin e kaluar, por përmbante një klauzolë që i lejonte Lecces ta zgjaste në mënyrë të njëanshme deri në qershor 2027. Në kohën kur Pantaleo Corvino mbante ende detyrën e drejtorit sportiv, klubi tentoi disa herë të gjente një marrëveshje të re të pranueshme për të dyja palët, por negociatat nuk sollën rezultat. Për të shmangur rrezikun që futbollisti të largohej pa kompensim, Lecce aktivizoi klauzolën dhe e rinovoi kontratën edhe për një vit.

Çështja e zgjatjes së marrëveshjes kaloi pa shumë vëmendje deri në javën e dytë të korrikut, kur futbollistët u thirrën në qendrën BioLab në Cutrofiano për kontrollet e zakonshme mjekësore para nisjes së sezonit.

Në vizita u paraqitën të gjithë lojtarët, me përjashtim të Bandas. Ndërkohë, ai kishte hapur bisedimet me klubin saudit Al-Fateh, i cili raportohet se i kishte propozuar një kontratë fitimprurëse shumëvjeçare. Megjithatë, shuma e ofruar Lecces ishte jashtëzakonisht e ulët.

Edhe pse klubi italian ishte i gatshëm të diskutonte largimin e tij në rast se futbollisti nuk ndihej i kënaqur, pikërisht në atë moment nisën problemet. Të pyetur për vendndodhjen e Bandas, agjentët shpjeguan se ai po përballej me probleme me pasaportën dhe se duhej të zgjidhte disa pengesa burokratike.

Pothuajse në të njëjtën periudhë, sulmuesi publikoi në Instagram një video ku shihej duke luajtur futboll me miqtë në një fushë me dhe. Postimi qëndroi i dukshëm vetëm për pak minuta, pasi më pas u fshi prej tij.

Më 15 korrik, Lecce u nis drejt Austrisë për fazën stërvitore. Gjatë dy javëve pasuese, presidenti Saverio Sticchi Damiani dhe drejtori sportiv Trinchero folën publikisht për situatën, ndërsa klubi njoftoi përmes një deklarate se kishte filluar procedurat disiplinore për mbrojtjen e interesave të veta.

Më 23 korrik u krijua për pak kohë përshtypja se situata mund të zgjidhej. Banda u fotografua në aeroportin e Lusakës dhe dukej se po përgatitej të udhëtonte drejt Italisë, por ai nuk mbërriti asnjëherë. Që prej atij momenti nuk ka pasur më lajme për të dhe askush nuk e di se ku ndodhet apo me çfarë po merret.

“Cilido qoftë qëllimi i tij, ai ka zgjedhur qasjen më të keqe të mundshme”, deklaroi presidenti Sticchi Damiani.

Zhvillimet kanë befasuar veçanërisht drejtuesit e Lecces, pasi klubi ruan marrëdhënie të mira me përfaqësuesit e Bandas. Edhe vetë agjentët pretendojnë se nuk e dinë se çfarë kërkon 25-vjeçari.

The post Lecce i rinovoi kontratën, por Lameck Banda humbet gjurmët dhe askush nuk di ku ndodhet appeared first on Albeu.com.

Elseid Hysaj mund të vazhdojë karrierën e tij në kampionatin italian. Sipas informacioneve të fundit të publikuara nga gazetari i njohur i transferimeve, Gianluca Di Marzio, skuadra e Lecces ka nisur lëvizjet për të afruar mbrojtësin e përfaqësueses shqiptare.

Aktualisht pa kontratë, pas aventurave të mëparshme me Napolin dhe Lazion, Hysaj është kthyer në një objektiv të prekshëm për ekipin nga Pulia. Sipas burimeve, komunikimi midis palëve është intensiv dhe negociatat po ecin përpara, me synimin për të finalizuar marrëveshjen sa më shpejt.

Nëse kalimi përfundon me sukses, Lecce do të përfitonte një lojtar me një përvojë të pasur në nivelet më të larta të futbollit italian, duke forcuar në mënyrë të ndjeshme repartin e mbrojtjes për sezonin e ardhshëm.

The post Lecce synon sërish një shqiptar, pas largimit të Ramadanit, tani në shënjestër është mbrojtësi i kombëtares appeared first on Albeu.com.

Mesfushori i Kombëtares së Shqipërisë, Ylber Ramadani, i ka dhënë fund qëndrimit te Lecce dhe ka hapur një faqe të re në karrierë, duke firmosur me klubin turk ARCA Çorum FK.

Tashmë është zyrtare që Ramadani do të luajë në Superligën e Turqisë, pasi ka kompletuar transferimin te ARCA Çorum FK.

Lajmi është konfirmuar nga vetë klubi turk nëpërmjet kanaleve të tij zyrtare, ku bëhet e ditur se është arritur marrëveshja me US Lecce për kalimin përfundimtar të mesfushorit shqiptar.

“Klubi ynë ka arritur një marrëveshje me US Lecce në lidhje me transferimin përfundimtar të futbollistit profesionist Ylber Ramadani dhe është nënshkruar një kontratë 2+1-vjeçare me lojtarin”.

“Me besimin se ai do të ketë një karrierë të suksesshme nën fanellën e ARCA Çorum FK, e mirëpresim Ylber Ramadanin dhe i urojmë suksese të shkëlqyera në udhëtimin e tij të ri”, thuhet në njoftimin e klubit.

Ky transferim shënon një etapë të re për Ramadanin, i cili pas përvojës në futbollin italian me Leccen, do të vazhdojë rrugëtimin e tij në elitën e futbollit turk, aty ku pritet të ketë rol të rëndësishëm në repartin e mesfushës te skuadra e re.

Sipas raportimeve, klubi turk ka paguar 1 milion euro për transferimin e mesfushorit ferizajas.

The post Ylber Ramadani zyrtarizohet te ARCA Çorum FK në Superligën e Turqisë appeared first on Albeu.com.

Ylber Ramadani duket se do të jetë futbollisti i radhës shqiptar që do të vazhdojë karrierën në Superligën turke. Sipas raportimit të gazetarit italian Gianluca Di Marzio, mesfushori i Kombëtares është drejt kalimit te Corum FK, skuadër që siguroi ngjitjen në elitë për sezonin e ardhshëm.

Klubi që mban kartonin e lojtarit, Lecce, mësohet se ka dhënë pëlqimin për ofertën e ardhur nga ekipi turk. Kështu, pas tre sezonesh në Serie A, Ramadani është gati të nisë një eksperiencë të re në karrierën e tij.

Në kampionatin turk, futbollisti kuqezi do të bëhet pjesë e një grupi të njohur lojtarësh shqiptarë. Aktualisht aty aktivizohen edhe Qazim Laçi te Rizespor, Ernest Muçi te Trabzonspor, Rey Manaj te Sivasspor (mund të largohet), Taulant Seferi dhe Arlind Ajeti te Bodrum FK, si dhe Arbnor Muja te Samsunspor.

The post Ylber Ramadani ndahet nga Serie A, mesfushori kuqezi pritet të transferohet te Corum FK në Turqi appeared first on Albeu.com.

I pranishëm në emisionin “Kampionët” në TV Klan, ish-trajneri i Partizanit, Skënder Gega, foli edhe për Ylber Ramadanin. Meqë të dy ndodheshin në panel, Gega shprehu hapur vlerësimin e tij për mesfushorin e Kombëtares shqiptare, duke nënvizuar se nuk pati mundësinë të punonte me të te Partizani.

“Për Ramadanin, fjalët janë të pakta. Ky është një person dhe një lojtar që gjithmonë ka folur pak. E kanë paragjykuar. Ka ardhur nga pjesa tjetër e Shqipërisë që është Kosova, se nuk themi dot kosovar, por shqiptar i Kosovës. Ka ardhur në Tiranë me përpjekje, me sakrifica. Ka gjetur rrugën e tij, falë punës. Edhe me Kombëtaren, sidomos në elimintoret, ka qenë i jashtëzakonshëm.

Për çdo trajner, mënyra se si luan, është i domosdoshëm, pasi është njeri që mban balancat brenda fushës, me aq sa njoh edhe jashtë fushe. I vuri vulën në Itali, sepse atje nuk ka mik. Unë nuk kam pasur fatin që të jem me të, pasi vitin që shkova unë, Ramadani u largua nga Partizani. Por, kam dëgjuar fjalët më të mira, kam qenë gjithmonë mbështetës i tij”, ka thënë Skënder Gega.

The post Skënder Gega vlerëson Ylber Ramadanin: Kam dëgjuar vetëm fjalë të mira për të appeared first on Albeu.com.

Berisha foli për DAZN për rezultatin e kësaj ndeshjeje, duke mos e fshehur keqardhjen e tij.

“Rezultati na lë një shije të hidhur, besuam deri në fund dhe donim të qëndronim në ndeshje deri në minutën e fundit. Përsa i përket golit, në goditjet e dënimit, trajneri më kërkon gjithmonë të marr iniciativën”,-u shpreh Medon Berisha

Medon Berisha, më pas shprehu vendosmërinë e tij për ndeshjet e ardhshme të skuadrës së Lecces, ndërkohë që foli edhe për paraqitjet e futbollistëve që u aktivizuan si zëvendësues në përballjen me Udinesen.

“Duhet të hyjmë me të njëjtin shpirt luftarak. Mund ta përballojmë çdo skuadër nëse luajmë me këtë qëndrim’-vijoi Medon Berisha-Po, grupi është i bashkuar. Ata që hynë, si N’Dri dhe Banda, na ndihmuan shumë dhe bënë mirë. Duhet të bazohemi nga pjesa e dytë dhe nga ajo që treguam aty”.

Vlen të theksojmë se Medon berisha u vlerësua me një notë të lartë, 8.1 nga portali i specializuar i statistikave ‘Sofa Score’.

The post Shënoi supergol me goditje dënimi, Medon Berisha: Trajneri më kërkon të marr iniciativën appeared first on Albeu.com.

Bardhezinjtë kaluan në avantazh në minutën e dytë pas golit të Kopmajners, ndërkohë që në minutën e 33-të, ishte talenti turk Kenan Jilldiz, i cili dyfishoi shifrat. Pjesa e parë u mbyll me rezultatin 2 me 0.

Në fragmentin e dytë të lojës ishin miqtë ata që shënuan me Bashiroton në minutën e 87-të, por vetë kaq, pasi festa ishte e gjitha për Juventusin, që arriti të arkivonte 3 pikë të rëndësishme.

Ky ishte triumfi i 15-të në 32 javë për skuadrën e Tudor, që është ngjitur përkohësisht në vendin e tretë, ndërkohë Leçe mban vendin e 17-të me 26 pikë.

FT JUVENTUS-LEÇE 2-1

Kopmajners 2′, Jilldiz 34′ / Bashiroto 87′

GOLI I BASHIROTOS: VIDEO 

GOLI I JILLDIZ: VIDEO 

GOLI I KOPMAJNERS: VIDEO 

The post VIDEO/ Juventusi fiton ndaj Leçes! appeared first on Albeu.com.

Kuqezinjtë e Fonseca-s, pas 38 minutash me një ritëm të ngadaltë, e thyen ngërçin me Morata-n e më pas në pesë minuta mposhtën Lecce-n e Gotti-t: Hernandez dhe Pulisic firmosën për 3-0 që në pjesën e parë, duke e bërë formalitet pjesën e dytë. Bartesaghi u përjashtua nga loja në minutën e 80-të.

Milani ngjitet kështu në kuotën e 11 pikëve, ndërsa Lecce mbetet me 5 pikë.

The post Milani i dhuron vetes një natë në vend të parë appeared first on Albeu.com.

Nga sa vihet re, Ylber Ramadani nuk është grumbulluar për këtë sfidë.

Nuk dihen ende arsyet e këtij vendimi, në një ndeshje të rëndësishme për puljezët.

Kjo është lista e lojtarëve të thirrur nga trajneri i Leces, Luka Goti, në kuadër të ndeshjes që do të luhet kundër Sasuolos:

Portierë: Falcone, Samooja, Brancolini.

Mbrojtës: Baschirotto, Dorgu, Gallo, Gendrey, Pongracic, Touba, Venuti.

Mesfushorët: Berisha, Gonzalez, Blin, Oudin, Rafia.

Sulmues: Krstoviç, Burnete, Piccoli, Pieroti, Sansone.

The post Ndeshja me Sassuolon në transfertë, trajneri i Leçes nuk grumbullon Ylber Ramadanin appeared first on Albeu.com.