Sakaq, pas këtij vendimi ka folur nëna e Learit mes lotësh.  Ajo thotë për emisionin “Me zemër të hapur” se djali i saj ka vdekur në duart e efektivëve, dhe se ata do dihej që t’i jepnin ndihmën e parë dhe ta dërgonin në spital, e më pas të vazhdonin me procedurat ligjore.

“Duhej ta çonin në spital, pastaj të bënte policia punën e saj. Këtu kanë bërë shkelje. Në momentin që e kanë kapur, nuk di gjë dhe kamera nuk diskutohet dhe çdo gjë pastrohet, por Leari ka dhënë jetë në duart e tyre. Dhe në spital e kanë sjellë të vdekur dhe i vunë kot një vigon fallco. Leari ka dhënë jetë në duart e tyre, të policisë. Te Leari është dhe një shenjë të brinja, nuk e di, a me shkelm apo… unë shpresoj shumë të Gjykata. Çfarë të them unë e shkreta, ajo që u bë u bë, por nuk ka siguri këtu. Se si puna e djalit tim mund t’i vijë radha tjetrit, që nuk ia uroj askujt. Po të kishin vepruar siç duhet sot Leari do ishte o me mua ose çfarë do bënte shteti. unë shkoj dy herë në javë te varri i djalit dhe i lutem Zotit të na takojë bashkë. T’i kishin dhënë ndihmën e shpejtë, se e kishin afër spitalin”, rrëfeu ajo mes lotësh.

The post Prokuroria pushoi çështjen, nëna e Learit flet mes lotësh: Dha shpirt në duart e policisë! Po t’i kishin dhënë ndihmën e parë do ishte gjallë appeared first on Albeu.com.

Sipas hetimeve ka rezultuar se vdekja ka ardhur nga mbidoza e lëndës narkotike.

Kërkesa e prokurorisë së bashku me rezultatet e hetimit është dorëzuar në gjykatë.

Tashmë do të jetë Gjykata ajo që do të vendosë nëse do ta pranojë apo jo kërkesën e Prokurorisë, bërë nga prokurori Albert Demirneli.

Kujtojmë se në aktekspertizën për Kurtin, 32 vjeç, në vitin 2022, rezultoi se ai kishte vdekur nga mbidoza, pasi gëlltiti qesen me kokainë, ekspertizë të cilën familjarët e kanë kundërshtuar.

Pjesë nga akti i ekspertimit:

“Në përgjigje të aktit të ekspertimit mjeko-ligjor, përcaktohet diagnoza Anatomo-Patologjike:

Mbidozim (Helimim) akut me lëndë narkotike e llojit kokainë. Ishemi akute Hypoksite e miokardit e shoqëruar me kontraktim dhe deformim të miofibrilive, edemë e shprehur e trurit, stazë vazale dhe ekstravazat kapilar, atelektazë dhe emfizemë kompesatore e mushkrisë, hepatit kronik persistent.

Shkaku i vdekjes se shtetasit Lear Kurti ka qenë helmimi (mbidozim) akut me lëndë narkotike të llojit kokainë, i komplikuar me shok toksik, me mekanizimin e ishemisë akute të miokardit që ka sjellë për pasojë asistolinë kardiake (Ndalim i menjëhershëm i zemrës)”./albeu.com 

The post Vdekja e Lear Kurtit, Prokuroria pushon çështjen: Efektivët nuk kanë kryer shkelje ligjore, vdiq nga mbidoza appeared first on Albeu.com.

Në një deklaratë për mediat, zëdhënësja e PD, Floriana Garo tha se vdekja e Lear Kurti lidhet direkt me veprimet e policisë ndaj tij dhe akuzoi Ardi Veliun se falsifikoi dhe manipuloi provat rreth vdekjes së të riut.

Deklarata e plotë:

Avokati i Popullit, në një raport për vdekjen e 32 vjecarit Lear Kurti, hedh poshtë pretendimet e Policisë dhe përligj qëndrimet e Partisë Demokratike, që e ka konsideruar që në fillim “krim shtetëror” vdekjen e të riut.
Avokati i Popullit konkludon:
Së pari, vdekja e Leart Kurtit lidhet direkt me veprimet e policise ndaj tij dhe së dyti, Ardi Veliu fshehu, falsifikoi dhe manipuloi rrethant e vdekjes së te riut Leart Kurti.
Në raport thuhet se vdekja e Kurtit mund të parandalohej nëse punonjësit e Policisë do të kishin kryer veprimet e duhura.
Po sipas Avokatit të Popullit, shoqërimi i të riut ka qenë në kundërshtim me dispozitat ligjore, pasi nuk mund të bëhet shoqërimi i një personi duke u mbështetur në dyshime të paarsyeshme.

Sikundër denoncohet edhe mosdërgimi i tij në spital.
Në këto rrethana, thekson raporti, punonjësit e Policisë kanë vepruar në kundërshtim me nenin 27 të Kushtetutës dhe nenit 5 të Konventës Europiane të të Drejtave të Njeriut.
Gjithashtu raporti thekson se mungesa e procedurave dhe dokumentimit të shoqërimit në komisariat të të riut përbën shkelje të rëndë disiplinore.
Avokati i Popullit ngre shqetësimin për mosvënien në dispozicion të materialeve filmike të shoqërimit të Lear Kurtit.
Sipas raportit, pamjet janë siguruar nga materialet e publikuara në një emision televiziv.
Partia Demokratike kujton publikun se përpjekjet për të manipuluar ngjarjen kanë qenë intensive dhe janë dirigjuar nga Ardi Veliu dhe ministri i familjes Çuçi.

Këto të dhëna të Avokatit të Popullit dëshmojnë qartë se 32-vjeçari humbi jetën pas abuzimit dhe paaftësisë policore. Për më shumë bien ndesh të dhënat e raportit hedhin poshtë përfundimet e Agjencisë së Mbikëqyrjes Policore, strofulla ku Ardi Veliu shtrembëron të vërtetat dhe përdhos edhe të vdekurit për t’i shërbyer shefave politikë të Rilindjes. Veliu i partisë konkludoi “se nuk ishin vërejtur veprime të kundraligjshme nga policët gjatë shoqërimit të 32-vjeçarit”.

Partia Demokratike, siç e ka theksuar që nga fillimi, e konsideron krim shtetëror vdekjen e të riut dhe inkurajon organet ligjzbatuese të cojnë para ligjit përgjegjësit kryesorë të fshehjes së të vërtetës dhe implikimit të Policisë në kundraligjshmëri, Ardi Veliu dhe Bledi Çuçi.
Lear Kurti është vetëm një prej të vrarëve dhe të dhunuarve, edhe pas vdekjes, nga Policia dhe pushteti. Klodian Rasha është shembulli më flagrant, më i dhimbshëm, më makabër i një policie që të vret pas shpine dhe të shpifet në sy të botës. Që është aty për të mbrojtur nga krimi dhe bëhet vetë sinonimi i kriminalitetit.

The post Vdekja e Lear Kurtit, PD: Ardi Veliu manipuloi provat, Avokatit të Popullit nuk i dhanë pamjet e kamerave appeared first on Albeu.com.

Kurti ndërroi jetë më 19 tetor të vitit të kaluar, kur po shoqërohej nga policia për në komisariatin nr.3.

Në raport thuhet se punonjësit e policisë kanë qenë të paqartë dhe nuk kanë marrë masa kur ky person është ndjerë keq, bën me dije gazetarja Klodiana Lala. Duke iu referuar raportit, policët ishin të paqartë por dhe kontradiktorë se pse ishte shoqëruar ky shtetas.

Vdekja e Lear Kurtit shkaktoi shumë debate dhe akuza ndaj Policisë së Shtetit. Sipas Prokurorisë së Tiranës, shkak i vdekjes së Kurtit është diagnoza Anatomo-Patologjike, e shkaktuar nga mbidozimi (helimim) akut me lëndë narkotike e llojit kokainë, por familjarët e tij kanë akuzuar policinë duke thënë se i riu është dhunuar.

The post Raporti i Avokatit të Popullit për vdekjen e Lear Kurtit: Policia nuk mori masa, ngjarja mund të ishte parandaluar appeared first on Albeu.com.

Megjithatë, sipas Karamuços, deklaratat e institucioneve kanë një besueshmëri të ulët.

“Mediat kanë nxjerrë raportin zyrtar mjeko-ligjor, toksikologjik, kur sipas tyre provohet se prania e drogës në organizëm ka sjellë ishemi dhe arrest kardiak. Nëse do t’i referohemi atë që kemi diskutuar, kamerat që kemi parë, informacionet që na erdhi në atë kohë dhe deklaratavave për shtyp të institucioneve, ka një dozë besueshmërie të ulët.

Janë të mbivendosura në disa dritë hije përfshirë këtu dhe mjekësinë ligjore sepse ka një deklaratë që nuk ka shenja dhune ndërkohë që në foto tregohet se ka një hematomë të madhe. Ai prononcim fillestar ka kompromentuar besueshmërinë e atij institucioni dhe kjo analizë nuk shkarkon policinë nga përgjegjësia e veprimeve arbitare.

Drejtuesi i AMP duhet të nxjerrë kamerat. E dyta, nëse ka një të drejtë familjare që mund ta ushtrojnë është ajo e ri-ispektimit. Nëse ka dyshime është e drejta e tyre. Policia nuk mund të shkarkohet nga përgjegjëisa e tjetër e mosdhënies së ndihmës.”, tha Karamuço. /

The post Autopsia e Lear Kurtit, Karamuço: E dyshimtë, kamerat e bllokuara nga AMP dhe çfarë mund të bëjnë familjarët appeared first on Albeu.com.

Ka dalë ekpsertiza mjeko-ligjorë e Lear Kurtit, i cili ndërroi mesnatën e 19 tetorit në duart e policisë në Tiranë në Komisariatin numër 3.

Sipas ekpertizës, Kurti ka ndërrruar jetë nga mbidozimi akut me lëndë narkotike të llojit kokainë.

Njoftimi:

Prokuroria e Rrethit Gjyqësor Tiranë, ka administruar aktin e ekspertimit mjeko-ligjor nr 494/22 datë 14.11.2022, në lidhje me shkaqet e vdekjes së shtetasit Lear Kurti.

Në përgjigje të aktit të ekspertimit mjeko-ligjor, përcaktohet diagnoza Anatomo-Patologjike:

Mbidozim (Helimim) akut me lëndë narkotike e llojit kokainë. Ishemi akute Hypoksite e miokardit e shoqëruar me kontraktim dhe deformim të miofibrilive, edemë e shprehur e trurit, stazë vazale dhe ekstravazat kapilar, atelektazë dhe emfizemë kompesatore e mushkrisë, hepatit kronik persistent.

Shkaku i vdekjes se shtetasit Lear Kurti ka qenë helmimi (mbidozim) akut me lëndë narkotike të llojit kokainë, i komplikuar me shok toksik, me mekanizimin e ishemisë akute të miokardit që ka sjellë për pasojë asistolinë kardiake (Ndalim i menjëhershëm i zemrës)

The post Vdekja e Lear Kurtit, del ekspertiza: Ja çfarë ia shkaktoi vdekjen të riut appeared first on Albeu.com.

Motra nga babai, Silvi ka folur sot në emisionin “Me zemër të hapur” në Neës24 për marrëdhënien e tyre dhe bisedat që siç thotë ajo kohët e fundit ishin të gjata.

Si e mësove vdekjen e Learit?

E mësova në lajme. Më thanë “e ke parë vëllain?” Pastaj fola me shokët e Learit dhe më thanë ka vdekur. Fola më pas me Mirën (e ëma e Learit) dhe familjen.

Kush ka qenë komunikimi yt i fundit përpara 19 tetorit?

Para një jave.

Çfarë keni diskutuar?

Kishim diskutuar për fëmijët, për punën. Bëmë një bisedë si çdo ditë. Folëm si po kalonim. Unë kam dy goca dhe ai është daja.

Si ka qenë marrëdhënia e tij me mbesat?

Shumë e mirë. Ne flisnim me kamera. Leari ishte shumë i dashur, ishte shumë i gëzuar për vajzat e mia. Fliste gjithmonë në kamera.

Edhe para një jave kur folët, kryefjalë e bisedës ishin mbesat?

Po, si gjithmonë.

Si ka qenë fëmijëria juaj?

Ne kemi një histori shumë të veçantë dhe shumë të komplikuar. Kam folur me Learin kur doli “FB” dhe “Instagram”. Isha 14-15 vjeç dhe Leari kishte shumë qejf të kishte afër familjen e tij. Ngaqë ishte i vetëm, kishte shumë dëshirë të fliste me mua. E mora vesh kur isha 14 vjeç. Më pas ishte një kohë e gjatë që nuk flisnim pasi isha në shkollë. Para disa muajsh kemi folur shumë, ditë për ditë. Mund të flisnim 2-3 orë në ditë.

Keni kujtime të bukura edhe pse jeni njohur shumë vonë me njeri-tjetrin?

Po, po shumë.

The post “Flisnim gjatë bashkë”, flet motra e Lear Kurtit: Historia jonë shumë e komplikuar, ja biseda e fundit me vëllain appeared first on Albeu.com.

Jeta e të riut u vu në fokus të policisë dhe opinionit publik për të mbërritur deri te shkaku i vdekjes së tij.

Por ndërkohë sot në emisionin “Me zemër të hapur” të gazetares Evis Ahmeti ka folur motra nga babai e Learti, e cila ndodhet jashtë vendit. Silvi tregon shumë gjëra mbi jetën e vëllait dhe për marrëdhënien me babain që ka ndërruar jetë.

Si kanë qenë raportet e Learit me babain?

Më ka thënë që nuk kishte shumë raporte me të atin, por ishte babai i tij dhe e donte. Learin nuk e shikonte ditë për ditë. Leari jetonte me Fatmirin. Babai nuk jeton më.

Flisnit shpesh me babain në lidhje me Learin?

Jo aq shumë. Ne nuk kemi jetuar me babin. Kam jetuar kur isha shumë e vogël dhe nuk e mbaj mend.

Çfarë ndodhi me babain tuaj?

Nuk e di. Familja ime më ka thënë që babi jot ka vdekur. Unë e kam lexuar në një gazetë që e kishte vrarë dikush. Nuk mund t’u them shumë gjëra për babin.

Ke folur me Learin për vdekjen e babait?

Po, por as ai nuk e dinte.

Çfarë të thanë shokët e Learit?

Më thanë që Leari ka humbur jetën.

Kur flisnit gjatë, çfarë shqetësimesh kishte Leari? Punonte?

Leari ishte shumë i zgjuar, lexonte shumë libra. Kishte gjetur një punë në Francë dhe do vinte në Francë.

Keni dijeni që kishte një problem ligjor?

Jo nuk kemi folur. Më tha që i kishte ofruar dikush punë në ndërtim jashtë Shqipërisë.

Ka qenë përdorues i lëndëve narkotike?

Unë nuk jetoja me Learin, e shihja vetëm në kamera. Nuk e kam parë kurrë në ndonjë gjendje të keqe siç janë njerëzit që marrin narkotikë.

Sa kohë ka që ka ndërruar jetë babai juaj?

Unë isha 16 vjeç, tani jam 27./BW

The post “Leari ishte i zgjuar, lexonte shumë libra”, flet motra e 32-vjeçarit: S’e kam parë kurrë në ndonjë gjendje të keqe siç janë njerëzit që marrin drogë appeared first on Albeu.com.

Mjekët janë pyetur për gati 4 orë nga akuza. Në deklarimet e tyre 6 mjekët e turnit të natës kur ndërroi Lear Kurti kanë deklaruar që ai ka qenë pa shenja jete.

Ketë fakt ata e kanë shënuar edhe në kartelën mjekësore. Gjithashtu mjekët janë shprehur se ata kanë bërë të pamundurën për ta rikthyer në jetë 32-vjeccarin por pa ia arritur.

Ndërkohë lëte të hënë grupi hetimor po merret për zbardhjen e kësaj ngjarjeje po bën kqyrjen e kamerave te sigurisë së spitalit.

The post Vdekja e Lear Kurtit/ Prokuroria përfundon marrjen në pyetje të mjekëve të “Traumës”, ekzaminohen pamjet e kamerave appeared first on Albeu.com.

Deputeti demokrat Ervin Salianji ka kërkuar të shtyhet mbledhja, pasi sipas tij i pranishëm është një vrasës, referuar ish-drejtorit të Policisë së Shtetit.

Salianji bëri thirrje që Veliu të dalë para drejtësisë, ndërsa kryetari i Komisionit, Nasip Naço bëri thirrje për qetësi dhe më pas i dha fjalën Veliut.

Pas kësaj opozita braktisi mbledhjen dhe Salianji dhe Flamur Noka u larguan nga salla, duke bërë thirrje që Ardi Veliu të përgjigjet për vdekjen e Lear Kurtit.

The post Ardi Veliu në mbledhjen e Komisionit të Sigurisë, opozita largohet: Të përgjigjet për vdekjen e Lear Kurtit appeared first on Albeu.com.