Lidhja Demokratike të Kosovës ka pranuar humbjen në zgjedhjet e 28 dhjetorit, pasi rezultatet zgjedhore ishin dukshëm më të dobëta sesa pritjet e tyre.

“Trajtuam të gjitha çështjet politike dhe të ardhmen që na pret në vijim. Siç ju kam njoftuar edhe sonte, ju njoftoj se në konsultim kemi vendosur që të thërrasim kryesinë e LDK-së dhe pastaj Kuvendin e LDK-së, e kam obligim moral e politike që të marr përgjegjësinë dhe ta shtroj tutje organizimin politik të LDK-së, nëpërmjet ofrimit te Kuvendi i LDK-së dorëheqjen”, tha Abdixhiku.

Kosova zhvilloi më 28 Dhjetor zgjedhjet e dyta parlamentare, vetëm 9 muaj pas procesit të parë zgjedhor, të përsëritura si pasojë e dështimit të Lëvizjes Vetëvendosje për të formuar qeverinë dhe krizës institucionale që e çoi vendin drejt kolapsit politik.

Sipas të dhënave, Lëvizja Vetëvendosje kryesoi bindshëm me më shumë se 49.30% të votave; në vend të dytë u rendit Partia Demokratike e Kosovës (PDK) nën drejtimin e Bedri Hamzës, ndërsa e treta Lidhja Demokratike e Kosovës (LDK), e drejtuar nga Lumir Abdixhiku.

The post Mori rezultat të dobët në zgjedhjet e fundit, Lumir Abdixhiku ofron dorëheqjen në Kuvendin e LDK appeared first on Albeu.com.

Kryetari i LDK-së, Lumir Abdixhiku, ka njoftuar se PD do të ketë dy kandidatë në listën e LDK-së, ndërsa AKR tre kandidatë.

Ai e ka cilësuar këtë bashkim si një “bashkim të natyrshëm mes forcave që besojnë në shtet, në ligj, në zhvillim dhe në orientimin euroatlantik të Kosovës”.
“Në këto zgjedhje, LDK ndërton një front të përgjegjësisë. Një aleancë për qeverisje të mirë, për rikthimin e institucioneve, për zbardhjen e transparencës, për ekonominë, për meritat, për qytetarin dhe për Kosovën tonë të përbashkët,” ka thënë Abdixhiku.

Ai ka shtuar se bashkimi me PD-në dhe AKR-në reflekton vlerat e orientimit pro-perëndimor dhe synimin për një qeveri stabile dhe me vizion, si dhe për përshpejtimin e rrugës së Kosovës drejt Bashkimit Evropian, NATO-s dhe Organizatës së Kombeve të Bashkuara, duke forcuar partneritetin me Shtetet e Bashkuara.

“Ky bashkim është pjesë e përpjekjes më të madhe të LDK-së: të ndërtojmë një shumicë të re politike që e nxjerr vendin nga kriza, e hap zhvillimin, e kthen shpresën dhe e udhëheq Kosovën me maturi e dinjitet. Jemi duke u bashkuar. Jemi duke u forcuar. Jemi duke e ndërtuar fitoren. Kosova ka nevojë për përgjegjësi. Kosova ka nevojë për shpresë. Kosova ka nevojë për LDK-në,” ka përfunduar Abdixhiku

The post AKR dhe PD zyrtarisht në listën e LDK-së appeared first on Albeu.com.

“Ndonëse e hapa diskutimin, nuk zgjati shumë. Ishte një diskutim i shkurtër. Kryesia e LDK-së e konsideron se përderisa ka kryetar partie nuk ka nevojë të ketë kandidat tjetër për kryeministër, prandaj më nominoj”, tha Abdixhiku gjatë një konference për media më 24 nëntor.

Abdixhiku tha se mori autorizimin për përpilimin e listës zgjedhore, por nuk do ta bëjë renditjen e kandidatëve.

Ai paralajmëroi se LDK-ja do të garojë e vetme, por brenda listës do të lërë hapësirë për individë e parti të tjera, duke mos e përjashtuar as mundësinë që në të të bëjë pjesë Nisma Socialdemokrate e Fatmir Limajt.

Limaj në zgjedhjet e kaluara garoi në një listë me Aleancën për Ardhmërinë e Kosovës dhe arriti të fitonte tre ulëse në Kuvendin prej 120 anëtarësh.

“LDK-ja do të kujdeset që një pjesë të listës së vet ta hapë për partitë e tjera përfshirë edhe Limajn me deputetët e vet. Për këtë çështje do të zhvillohen bisedime në ditët në vijim, por le të themi se kemi gatishmëri. Siç kemi gatishmëri edhe për partitë e tjera që janë Demokristianët, Partinë e Drejtësisë, Aleancën e [Behgjet] Pacollit. Pra, ne jemi të hapur edhe për partitë ,edhe për individët. Pra, individë që duan të garojnë në listën e LDK-në”, shtoi Abdixhiku.

LDK-ja doli e treta në zgjedhjet paraprake parlamentare të 9 shkurtit duke fituar 18.27 për qind të votave. Në ato zgjedhje, Abdixhiku ishte po ashtu kandidat i kësaj partie për kryeministër.

Ai u bëri thirrje partive të tjera “për përbashkim”, duke thënë se ky “momentum i ri e vendos LDK-në në një pozicion përtej bazës së vetë”.

Abdixhiku tha se tani duhet “të punojmë që të mos ketë rezultat të njëjtë që më pas dërgon në bllokadë”, duke iu referuar zgjedhjeve të 9 shkurtit.

Në ato zgjedhje, Lëvizja Vetëvendosje e Albin Kurtit fitoi 42.30 për qind të votave. Por, kjo parti dështoi që dy herë të formonte një Qeveri, duke bërë që të hapej rruga për zgjedhje. LDK-ja kishte refuzuar ofertën e Kurtit për bashkëpunim në qeverisje./REL

The post Pas Albin Kurtit, është radha e LDK: Lumir Abdixhiu propozohet për kryeministër appeared first on Albeu.com.

Në këtë akuzë përfshihen dhe të gjithë ish-ministrat e Qeverisë së kaluar të cilët janë zgjedhur deputetë, për keqpërdorim të pozitës apo autoritetit zyrtar, në kundërshtim me Ligjin për Qeverinë.

Gjithashtu, këto kallëzime penale u dorëzuan nga deputetët Hykmete Bajrami dhe Doarsa Kica-Xhelili.

“Pas certifikimit të tyre si deputetë më 27 mars, këta zyrtarë kanë vazhduar të ushtrojnë funksione ekzekutive, duke marrë vendime të një natyre që ndalohet qartësisht nga neni 26 i Ligjit për Qeverinë, i cili kërkon dorëheqje të detyrueshme nga pozita qeveritare në rast të certifikimit si deputet.

Duke mos u larguar nga funksionet ekzekutive dhe duke vazhduar të përdorin burimet institucionale të shtetit, të dyshuarit kanë vepruar në kundërshtim me ligjin dhe kanë prodhuar pasoja konkrete institucionale, financiare dhe juridike.

Këto veprime përbëjnë shkelje të rëndë të parimeve të shtetit të së drejtës dhe konsumojnë elementet e veprës penale të nenit 414 të Kodit Penal të Kosovës, keqpërdorim i pozitës apo autoritetit zyrtar”, thuhet në njoftim.

The post LDK denoncon partinë e Albin Kurtit dhe gjithë ish-ministrat e Qeverisë, akuza për keqpërdorim të pozitës appeared first on Albeu.com.

Deputeti i PDK-së Hisen Berisha në një intervistë për një emision televiziv ka lëshuar akuza ndaj kryeministrit Albin Kurti duke nënvizuar se ai po realizon planin serb pas përplasjes me ndërkombëtarët.

Gjithashtu Berisha theksoi se Kurti po e rrënon Kosovën, ndërsa shtoi se vetëm në bashkëpunim me aleatët ndërkombëtarë vendi mund të bëjë para.

”Kosova është shtete i pavarur dhe duhet të veprojë si i tillë. Nëse do me ecë shpejt mund të nisesh vetëm, por vetëm mund të përballesh me sfida që nuk janë të pakta vetëm për ne. Nëse do të mbërrijë i sigurt duhet të ecësh me aleatët, pasi përballjen do ta kesh bashkë me ato dhe udhët, koordinim e ke me aleatët.

Vendimi i qeverisë është i drejtë në kuptimin e marrëveshjeve ndërkombëtare që ka Kosova, por metodologjia e punës është e gabuar. Pikërisht kjo metodologji e gabuar e ka sjellë qeverinë e Kosovës në të tilla përplasje që janë në disfavor me të.

Ky kryeministër për dallim ky është më shumë i karakterit populist. Ka krize identiteti. Për shkak të programit që ka ardhur në pushtet, nuk ka arritur të përmbushë asnjë objektiv të vetëm. Ka krizë identiteti dhe politike dhe mashtrimi. Po përpiqet që t’i përdorë për efekte elektorale qoftë dhe me kushtin për të humbur aleatët tanë. Humbja e kësaj aleance është shumë e rrezikshme për Kosovën. Po realizon synim serb pasi ky është synim serb, me humbjen e mbështetjes së aleatëve”,- tha Berisha.

Në një aksion të 30 gushtit, Kosova mbylli 5 komuna serbe paralele, një aksion që pritet të nxisë tensione të reja pasi qeveria e Kosovës është kritikuar nga perëndimi për “hapa të njëanshëm”.

Nga aksioni u mbyllën, komuna paralele e Qarkut të Mitrovicës së Kosovës, komuna paralele e Mitrovicës, ajo e Zveçanit, komuna paralele e Zubin Potokut dhe komuna paralele e Leposaviçit.

Policia e Kosovës, tha se operacioni në veri të vendit u zhvillua për të ndërprerë veprimtaritë në “pesë objekte të cilat janë shfrytëzuar në cilësi të komunave ilegale, e të cilat janë në kundërshtim me rendin juridik kushtetues”.

Më herët gjatë këtij viti, autoritetet mbyllën shtatë komuna të tjera paralele serbe në pjesë tjera të vendit.

The post Mbyllja e komunave serbe në veri të Kosovës, deputeti i LDK-së: Kurti po realizon planin serb appeared first on Albeu.com.

“Ka pasur përpjekje shumë të mbrapshta të institucioneve të Kosovës që kanë shku në Uashington te presidenti Clinton i kanë kërku që të mos e njohin UÇK-në”, tha Haliti.

Më pas, në studio gazetari Dukagjin Gorani pyeti se kush kanë qenë ata.

Emrat e tyre i tregoi gazetari Baton Haxhiu.

“Kanë qenë Ibrahim Rugova, Pajazit Nushi, Bujar Bukushi, Veton Surroi, Fehmi Agani”, ka thënë Haxhiu. /Gazeta Express

The post Xhavit Haliti tregon 5-shen e LDK-së që i kërkoi Klintonit të mos e njohë UÇK-në, Baton Haxhiu tregon emrat appeared first on Albeu.com.

Abdixhiku siguroi drejtimin e patisë më të vjetër në Kosovë edhe për katër vjet.

333 delegatët e LDK-së prezentë votuan unanimisht që Abixhiku ta drejtojë edhe më tutje partinë. S’pati asnjë votë kundër dhe asnjë abstenim.

Ai ishte kandidati i vetëm për kryetar të LDK-së në këto zgjedhje të brendshme.

The post Lumir Abdixhiku rizgjidhet kryetar i LDK, asnjë votë kundër appeared first on Albeu.com.

Ai tha se në bazë të matjeve të opinionit që kanë bërë, mbështetja qytetare është rritur nga viti në vit për këtë parti, jo vetëm në kryeqytete, por edhe në nivel vendi.

Ish-kryetari i Odes Ekonomike të Kosovës, tha se LDK-ja ka shifra inkurajuese për shkak të ndryshimeve dhe reformave që kanë bërë.

“Nuk është çështje e gatishmërisë sonë është çështje që Kosova ka nevojë për një rrugë të re, për këtë ne e kemi diskutuar kur jemi pyetur që ka një tendencë që pushteti të na thotë që nuk e kemi të sinqerte kërkesën për zgjedhje apo po frikohemi se ata janë në shifra shumë të larta. Ne normalisht kemi nxjerr disa nga të dhënat që ne i marrim rregullisht dhe një ndër to është edhe kryeqyteti i Prishtinës, që për hir të së vërtetës është një indikator i rëndësishëm për shkak se kryeqyteti është një përcaktues pastaj edhe i trendëve politike, ekonomike, shoqërore në vend. Është inkurajuese që kemi do të thotë një rritje goxha të madhe nga viti në vit dhe besoj që kjo do të jetë e shprehur edhe në nivel vendi”, tha ai.

“Ne kemi shifra inkurajuese nga matjet e opinionit që i bëjmë edhe në raport me atë se çka ne po prezantojmë, por edhe në raport me ndryshimet dhe reformat në parti. Por edhe në raport me atë se njerëzit na shohin si alternativ të duhur të diçkaje që Kosova ka nevojë me jep kaheje, që nënkupton anëtarësim në NATO, rrugë të qartë për anëtarësim në Bashkimin Evropian, dalje nga status-koha dhe për më shumë zhvillim ekonomik”.

“Kosova ka ngecur në vitet e fundit fatkeqësisht dhe unë mendoj që këtu ka kapacitet, ka ide, ka program dhe ka besoj vullnet politik për me i dërguar krejt këto procese që kanë ngecur, ato që janë bllokuar të zhbllokohen dhe pjesën tjetër pastaj me i shty tutje. Absolutisht që po”, tha ai për EO.

The post LDK e gatshme për zgjedhje, anëtari i saj: Kemi rritje të përkrahjes appeared first on Albeu.com.

Kryeministri Albin Kurti ka refuzuar të takohet me Ramën pa mbledhje të dy qeverive, por Abdixhiku thotë se vetëm fakti se diskutohet pritja ose jo e tij, flet për “gjendjen në të cilën ka ardhur Kosova”.

“Natyrisht që kryeministri i Shqipërisë është i mirëpritur në Kosovë. Fakti që ne e diskutojmë pritjen ose jo të tij tregon shumë për gjendjen në të cilën ka ardhur Kosova. Kryeministri është i mirëseardhur gjithmonë në Kosovë”, tha Abidhxiku.

Kurti nuk u shpreh i gatshëm ta takojë Ramën dhe në një konferencë për media pas mbledhjes së sotme të Qeverisë e pranoi se raporti ndërmjet dy vendeve “po lëngon”.

“Unë jam në kontakt të drejtpërdrejtë me kryeministrin e Republikës së Shqipërisë, z. Edi Rama dhe e di që do të vijë në një vizitë në Prishtinë në kuadër të tourit ballkanik. Është thënë që ky tour ka të bëjë me përgatitjen e samitit të radhës të Procesit të Berlinit që mbahet në mes të muajit tetor dhe unë miqësisht i kam kërkuar kryeministrit Rama që meqenëse do të vijë dhe do të qëndrojë dy ditë e një natë në Prishtinë, ta mbajmë edhe mbledhjen e dy qeverive e cila u anulua paarsyeshëm ndonëse ishte paraparë muaj më parë”, tha Kurti.

Rama ka paralajmëruar vizita në të gjitha shtetet e rajonit për t’i takuar kryeministrat dhe presidentët pët t’i informuar për përgatitjet për Samitin e Procesit të Berlinit që mbahet në Tiranë këtë vit. Shefi i Qeverisë së Kosovës shprehu habinë se si ai do ta nisë “kaq herët” këtë ‘tour’ ballkanik.

Ai tha se i kishin bërë të gjitha përgatitjet për mbledhjen e anuluar të dy qeverive që ishte planifikuar të mbahej më 14 qershor dhe “13 marrëveshje kanë pasur të nënshkruhen tash kanë ngelur në sirtar”. Kurti tha se nga to “nuk përfitojnë kryeministrat, përfitojnë qytetarët”.

The post Kurti refuzoi ta takojë, Abdixhiku: Rama gjithmonë i mirëpritur në Kosovë appeared first on Albeu.com.

“Reagimet e shteteve mike, kundër institucioneve të Kosovës, reagimet e SHBA-së, Gjermanisë, Francës, BE-së e vet NATO-s, dëshmojnë pozicionin e rëndë diplomatik e strategjik në të cilin gjendet Kosova. Në një pozicion të tillë Kosova nuk është gjendur asnjëherë më pare”, thotë reagimi i LDK-së.

Kjo parti ka shprehur shqetësim karshi Qeverisë të Kosovës dhe ka kritikuar mungesën e koordinimit me aleatët ndërkombëtarë, dhe i ka bërë asaj thirrje që të zgjedh “të ardhmen euroatlantike të zgjedhë maturinë politike para popullizmit afatshkurtër”.

“Në vend të euforisë së grupeve partiake të zgjedhë rrugëtimin e vendosur euroatlantik të shtetit bashkë me aleatët”, ka thënë LDK-ja dhe ka nënvizuar se “devijimi nga një ecje e tillë është devijim nga vet rrugëtimi euroatlantik, siç dhe është shërbim ndaj vetë kundërshtarit të shtetit tonë”.

Kjo parti, e treta më e madhja në Kosovë, ka thënë se nuk do të lejojë me “asnjë çmim, asnjë politikan e asnjë Qeveri, të rrezikojë themelet e shtetësisë”.

Më herët gjatë ditës, ambasadori amerikan në Kosovë, Jeffrey Hovenier, tha se Qeveria e Kosovës nuk është koordinuar me Shtetet e Bashkuara për veprimet e ndërmarra në veri dhe, për këtë arsye, ka pësuar pasojën e parë: “stërvitjet Defender Europe 2023 kanë marrë fund” për të”.

Hovenier i bëri komentet në një takim me një grup gazetarësh në Prishtinë.

Ai iu referua vendimit të Qeverisë së Kosovës për t’i instaluar me forcë kryetarët shqiptarë të komunave me shumicë serbe në veri të vendit – Zveçan, Zubin Potok dhe Leposaviq – përkundër rezistencës së vazhdueshme të banorëve lokalë, që rezultoi në dhunë.

“Kur kemi marrë vesh, kemi reaguar ashpër kundër. Vendimi [i Qeverisë] ka pasur ndikim negativ në reputacionin e Kosovës dhe i ka kthyer mbrapsht përpjekjet për normalizimin e marrëdhënieve mes Kosovës dhe Serbisë”, tha Hovenier.

Ai citoi sekretarin amerikan të Shtetit, Antony Blinken, i cili paralajmëroi se këto veprime do të ndikojnë në marrëdhëniet SHBA-Kosovë, dhe tha se anulimi i pjesëmarrjes së Kosovës në stërvitjet “Defender Europe 2023” është pasoja e parë për Qeverinë e Kosovës në këtë drejtim.

Që nga 26 maji, në veri të Kosovës janë rritur tensionet, pasi po atë ditë, krerët e rinj të Zveçanit, Leposaviqit dhe Zubin Potokut u futën në ndërtesat komunale nën përcjelljen e Policisë së Kosovës.

Bashkësia ndërkombëtare ka dënuar ashpër “hyrjen me forcë” të krerëve të rinj komunalë dhe ka kërkuar nga autoritetet e Kosovës të shtensionojnë menjëherë situatën.

Shefi i diplomacisë së Bashkimit Evropian, Josep Borrell, më 30 maj kërkoi nga Kosova që të pezullojë operacionet policore rreth ndërtesave komunale në veri, në mënyrë që, sipas tij, të ulen tensionet në këtë pjesë.

Paraprakisht, Qeveria e Kosovë ka mbrojtur vendimin e saj për të çuar kryetarët e rinj në ndërtesat komunale, teksa për dhunën në Zveçan ka fajësuar Beogradin për “dirigjim të turmës ekstremiste”./rel

The post LDK: Kosova ndodhet në pozicion të rëndë diplomatik e strategjik appeared first on Albeu.com.