Sipas mediave serbe, Petkoviç ka thënë se kjo është vërtetuar sot në Hoçën e Madhe, në jug të Ibrit, por edhe në Leposaviq, në veri të Ibrit, ku sipas tij policia serbe ka sulmuar dhe terrorizuar popullin serb në Kosovë.

Siç tha ai, përderisa fjalë për fjalë sulmonin dhe terrorizonin familjen Petroviç që prodhon verë në Hoçë të Madhe, gjatë asaj kohe policia ngacmonte fëmijët në kopshtin e Leposaviqit, duke pasur parasysh se, siç shtoi ai, ishte nën automjete të blinduara dhe armë ushtarake. Ai ka theksuar se kjo sjellje e Kurtit është absolutisht e papranueshme.

“E keni parë se çfarë ka ndodhur në Hoçën e Madhe, ku fjalë për fjalë e lidhën pronarin e kantinës Petroviq në një shtyllë. Si është sjellja e Aljbin Kurtit? Çfarë dëshiron t’i bëjë popullit serb? Natyrisht, ai dëshiron të dëbojë Populli serb nga zona e Kosovës”, tha Petkoviç.

Petkoviç theksoi se populli serb nuk do ta tolerojë më “mizorinë” e Kurtit, se ata hyjnë në kopshtet tona, derdhin verë e raki, hyjnë në shtëpitë e nikoqirëve dhe sillen në mënyrë të pamatur.

“Populli nuk do ta durojë më dhe thjesht bashkësia ndërkombëtare duhet të ndërmarrë hapat e nevojshëm njëherë e përgjithmonë për ta ndalur këtë çmenduri të Aljbin Kurtit”, ka përfunduar Petkoviç.

The post Situata e tensionuar në veri të Kosovës, Petkoviç: Kurti tregoi fytyrën e tij të urrejtjes ndaj serbëve appeared first on Albeu.com.

Shefi i diplomacisë serbe, Ivica Daçiq dje tha se Presidenti i Serbisë do të marrë vendim se a do të shkojë në Tiranë pas takimit me Miroslav Lajçak. Por Vuçiq e mohoi këtë. I pyetur se çka ndikoi që ta ndryshojë vendimin dhe nëse këtë e bëri pas bisedës me të dërguarin special të BE-së për dialogun Miroslav Lajçak, Vuçiq tha se nuk e ka diskutuar me Lajçakun.

Vuçiç ka thënë se e ka kaluar kohën duke u përgatitur se çka do të flasë nesër në Samitin e BE – Ballkani Perëndimor. “Gjithmonë përpiqem që të kujdesem për të gjitha por nganjëherë më rrëmbejnë emocionet dhe nuk e di si të reagojë dhe çfarë të bëjë”

“Unë nuk jam prej atyre që nuk e pranojnë gabimin apo se kam bërë një vlerësim të gabuar. Mendoj se kjo duhet korigjuar sa më parë. Mendoj se ka qenë vetëm një vlerësim taktikisht i gabuar, por jo gabim thelbësor apo strategjik” ka thënë Vuçiç.

Duke folur rreth takimit me Lajçak, Vuçiq ka thënë se për Serbinë Asociacioni i Komunave më shumicë Serbe është diçka që nuk mund të anashkalohet.

“Zgjidhni të gjitha çështjet botërore dhe pastaj kthehemi tek ASK. Jo, fillimisht Asoacioni i Komunave Serbe dhe pastaj do të diskutojmë për ato çështjet botërore”, tha presidenti i Serbisë. Ai ka paralajmëruar se këtë çështje do ta ngris nesër në Samit. /Express

The post Ofendoi Kurtin dhe anuloi udhëtimin në Tiranë, Vuçiç: Më rrëmbyen emocionet appeared first on Albeu.com.

Pas samitit të Procesit të Berlinit që u mbajt më 3 nëntor, Bërnabiq u tha gazetarëve se ka pasur një bisedë të ndarë me shefin e diplomacisë së BE-së, Josep Borrell, dhe me të dërguarin e posaçëm të bllokut për dialogun Kosovë-Serbi, Mirosllav Lajçak. Me dy zyrtarët e BE-së, Bërnabiq tha se ka biseduar për çështjen e riregjistrimit të makinave në Kosovë që kanë targa të lëshuara nga Serbia.

“Kurti ka shkelur të gjitha marrëveshjet e arritura sa i përket targave, ato të vitit 2011 dhe 2016, por edhe atë të shtatorit të vitit 2021, dhe njëanshëm ka hequr nga përdorimi targat me status neutral [KS]. Ata thonë se pajtohen që targat KS duhet të ekzistojnë, por shtojnë se nuk mund të bëjnë asgjë për këtë temë, dhe kjo për mua është shkatërruese”, tha Bërnabiq.

Bërnabiq tha se gjatë një dreke pune, “kërkova nga përfaqësuesit e BE-së që të kuptojnë” se besueshmëria e bllokut evropian po vihet në pikëpyetje, për shkak se BE-ja, sipas saj, nuk po mund të sigurojë zbatimin e marrëveshjeve të Brukselit të arritura që nga viti 2013.

“BE-ja toleron Kurtin kur ai thotë se nuk do të zbatojë marrëveshjet e Brukselit. Në anën tjetër, ata na bëjnë presion ne që të nënshkruajmë marrëveshje të tjera, marrëveshjen finale. U thash atyre se BE-ja është garantuese e marrëveshjeve të Brukselit dhe ata duhet t’i zbatojnë ato, dhe më pas mund të vazhdojmë bisedimet. I pyeta se si mund të flasim për marrëveshje të tjera kur ata nuk mund të garantojnë zbatimin e marrëveshjes së parë për normalizim të raporteve të vitit 2013”, shtoi ajo.

Bërnabiq tha se gjatë qëndrimit në Berlin bisedoi edhe me kancelarin gjerman, Olaf Scholz, “për shumë gjëra”, por jo për propozimin franko-gjerman.

Kancelari gjerman, Olaf Scholz, gjatë një konference për media, më 3 nëntor konfirmoi se ka një propozim të Berlinit dhe Parisit, për Kosovën dhe Serbinë, që mediat kanë raportuar se synon zgjidhjen e mosmarrëveshjeve mes dy vendeve.

“Sa u përket Kosovës dhe Serbisë, atje duhet të gjendet një mirëkuptim. Ne dhe Qeveria franceze jemi duke u munduar që ta bëjmë të arritshme, të realizueshme dhe shpresoj që shumë shpejt të kemi një proces ku të dy qeveritë do të ecin përpara dhe do të arrijnë një marrëveshje”, tha Scholz.

Edhe kryeministri i Kosovës, Albin Kurti, ka refuzuar të japë detaje mbi planin franko-gjerman, duke insistuar se “është respekt ndaj ndërmjetësit të ruhet konfidencialiteti i bisedimeve konkrete”.

Presidenti i Serbisë, Aleksandar Vuçiq, më 8 tetor, tha se Franca dhe Gjermania kanë propozuar që Serbia të lejojë anëtarësimin e Kosovës në institucionet dhe organizatat ndërkombëtare, përfshirë Kombet e Bashkuara, në këmbim të anëtarësimit të shpejtë të Serbisë në Bashkimin Evropian.

Mediat në Kosovë kanë raportuar se propozimi nuk parasheh njohjen e Kosovës nga Serbia, por parasheh njohjen e Kosovës nga pesë anëtarët e Bashkimit Evropian që nuk e kanë bërë këtë – Spanja, Rumania, Qiproja, Greqia dhe Sllovakia.

Faktori ndërkombëtar po inkurajon Kosovën dhe Serbinë që të intensifikojnë bisedimet nën ndërmjetësimin e BE-së, që kanë për synim normalizimin e plotë të raporteve.

Përderisa Kosova synon që dialogu të përmbyllet me një marrëveshje që do të përfshinte edhe njohjen reciproke, Serbia kërkon një “zgjidhje kompromisi”, pa saktësuar se për çfarë kompromisi bëhet fjalë. REL

The post Bërnabiç e pakënaqur nga BE: Po lejon Kurtin që të mos zbatojë marrëveshjet appeared first on Albeu.com.

Kurti në Gjilan është parë përkrahë kryetarit të komunës, Alban Hyseni e donatorit për ndërtimin e kësaj qendre të Mjekësisë Familjare, ambasadorit të Katarit në Shqipëri, Ali bin Hamad Al-Marri.

Kryeministri Kurti ka deklaruar se lagjia “Arbëria” në Gjilan ka pasur nevojë për një qendër të tillë.

Me rastin e përurimit të gurthemelit të qendrës së mjekësisë familjare në lagjen Arbëria, një lagje që moti ka pasur nevojë për një qendër të mjekësisë familjare, për shëndetin publik, për pacientët por gjithashtu edhe për mjekët e infermierët që do të shërbejnë e do të kujdesën këtu”, tha

Ndërkohë, ai ka falënderuar ambasadorin e Katarit duke shpresuar që herë tjetër të shihen për inaugurim.

“Më lejoni që përzemërsisht të falënderojë shkëlqesinë e tij, ambasadorin e Katarit në Shqipëri Alibin Hamad Al-mari dhe gjithashtu “Katar Charity” për mbështetjen, donacionin, për mundësimin e këtij gurthemeli shpresojë që me shkëlqesinë e tij Ali bin Hamad Al-Marri i do të vimë sërish këtu që ta inaugurojmë edhe hapjen e qendrës së mjekësisë familjare pas ndërtimit, pra të vimë gjithmonë për gëzime e të mos kemi nevojë të vimë për shërbimet e këtu…”, tha kryeminsitri.

“Kjo qendër shëndetësorë është dhuratë nga populli i Katarit për popullin mik të Kosovës, Marrëdhëniet mes nesh janë solide dhe të shkëlqyera dhe bëjmë gjitha përpjekjet që këto marrëdhënia t’i zhvillojmë edhe më tej…”, u shpreh në anën tjetër ambasadori i Katarit.

I pari i qeverisë disa fjalë i pati edhe për kryetarin e komunës që vije nga partia e tij.

“E falënderojë edhe kryetarin Alban Hyseni për punën përgatitore që të vimë deri në këtë ditë kur do ta vëmë gurthemelin drejt ndërtimit të qendrës së mjekësisë familjare në lagjen Arbëria në Gjilan”, tha ai.

Kjo qendër e Mjekësisë Familjare në lagjen Dardania në Gjilan, sipas Kurtit do t’i ketë 373 metra kator, e ku do të ofrohen kujdesi i mjekëve dhe infermierëve. /Insajderi

The post Si rrallëherë, Kurti shfaqet me lopatë në duar appeared first on Albeu.com.

Deputetët e partive opozitare kanë akuzuar Qeverinë e Kosovës për keqmenaxhim të situatës me energji elektrike dhe i kanë kundërshtuar propozimet për rritje të çmimit të energjisë.

Ata ia kanë ndërprerë fjalën zëvendëskryeministrit Besnik Bislimi, pasi ky i fundit u ka thënë deputetëve se po manipulojnë me shifrat për rritje të çmimit.

Shefi i Grupit Parlamentar të Partisë Demokratike të Kosovës, Abelard Tahiri, ka thënë se në proces do të kenë një mocion procedural që lidhet me këtë çështje dhe ka ftuar partitë tjera në Kuvend që ta mbështesin.

Arben Gashi, shef i Grupit Parlamentar të Lidhjes Demokratike të Kosovës, e ka akuzuar kryeministrin Kurti se është i paftë ta menaxhojë situatën.

“Qytetarët e Kosovës po përballen me një krizë të jashtëzakonshme dhe me një kërcënim nga Qeveria për rritje të çmimit të energjisë përreth 300 për qind”.

Deputeti i Aleancës për Ardhmërinë e Kosovës, Besnik Tahiri, tha se janë mbi 200 mijë familje që shpenzojnë mbi 800 kilovat.

Sipas tij, Kosova po bëhet një nga shtetet me çmimin më të lartë të energjisë.

Shefja e Grupit Parlamentar të Lëvizjes Vetëvendosje, Mimoza Kusari- Lila, ka thënë se për situatën e krijuar edhe me çështjen e energjisë elektrike fajtore janë qeveritë e kaluara.

“Nuk është Lëvizja Vetëvendosje që solli këtë gjendje, janë veprimet apo mosveprimet e partive që ishin në pushtet, të cilat e sollën faturën që sot po ballafaqohemi të gjithë”, ka thënë Kusari Lila.

Kurti: Kemi paguar 2.5 milionë euro për import të energjisë

Kryeministri i Kosovës, Albin Kurti, ka bërë të ditur se totali i gjenerimit të energjisë elektrike, me kapacitet vendor më 19 janar ka qenë 727 megavat, ndërkaq konsumi ka arritur deri në 1,317 megavat.

Sipas Kurtit, importi ka qenë mbi 10 gigavat orë.

Kurti ka thënë se çmimi bazë për megavat në orë ka qenë 227 euro, ndërkaq çmimi maksimal 245 euro.

“Nëse marrim përafërsisht 240 euro një megavat orë që e kemi blerë, në mënyrë që të ketë furnizim të qëndrueshëm, në kushtet kur konsumojmë shumë më tepër se gjenerojmë, kur e shumëzojmë, del se dje, më 19 janar, kemi paguar për import të energjisë, 2.5 milionë euro”, ka deklaruar Kurti.

“Ku t’i marrim 2.5 milionë euro? Asnjëri nuk dëshiron që energjia të jetë e shtrenjtë”, ka thënë Kurti.

Propozimi i Zyrës së Rregullatorit për Energji në Kosovë, për ngritje të tarifave të energjisë së shpenzuar elektrike i ka ndarë konsumatorët në pesë kategori: A, B, C, D, E.

Siç shpjegohet në Raportin Konsultativ të ZRRE-së, rritja e çmimit të energjisë prek vetëm dy kategori të amvisërive, D dhe E, përkatësisht ata qytetarë që shpenzojnë mbi 800, përkatësisht mbi 1000 kilovatë.

Për kategorinë D, që shpenzon 800 kilovatë orë energji elektrike në muaj, fatura pritet të rritet për 12 euro e 31 centë.

Për qytetarët në kategorinë E, që shpenzojnë 1000 kilovatë orë energji elektrike në muaj, fatura pritet të rritet për 24 euro e 62 centë.

Që rritja e faturave të energjisë elektrike të mos jetë aq e lartë dhe të mos bëhet e papërballueshme për një kategori të qytetarëve, Qeveria e Kosovës ka ndarë një shumë prej 75 milionë eurosh në formë subvencionimi.

Këto subvencione vlejnë edhe për bizneset, për të cilat – edhe pas propozimit të ZRRE-së nëse miratohet – nuk do të ketë rritje të tarifave të energjisë elektrike.

ZRRE-ja ka dalë me propozimin për rritje të faturave më 17 janar, pasi çmimet e energjisë elektrike janë rritur edhe në tregjet evropiane, duke i ndikuar kështu edhe çmimet e importeve të Kosovës.

Faturat me rritje, në rast se propozimi i ZRRE-së kalon, do të fillojnë nga data 1 shkurt 2022 dhe shqyrtimi i rregullt i tyre pritet të bëhet në muajin mars të vitit 2023./REL

The post Opozita e Kosovës kërkon anulimin e propozimit për rritjen e çmimit të rrymës appeared first on Albeu.com.