Ditët e Armando Brojës te Burnley duket se po shkojnë drejt fundit, pasi largimi i sulmuesit nga skuadra konsiderohet praktikisht i vendosur.

Interesimi për shkodranin ka qenë konkret, me Lazion e Serie A që u përmend fillimisht si një prej destinacioneve të mundshme. Megjithatë, klubi italian mund të mos jetë i vetmi që ka nisur të shqyrtojë mundësinë e transferimit të 24-vjeçarit.

Korrespondenti i “The Athletic”, Roshane Thomas, raporton se West Ham ka nisur bisedimet me Burnleyn për të mësuar hollësitë e operacionit. Drejtuesit e klubit po vlerësojnë gjithashtu mundësinë e përfshirjes së Oliver Scarles, i cili është ofruar për ta bërë më të lehtë realizimin e lëvizjes.

Tashmë pritet të mësohet se cili do të jetë destinacioni i ardhshëm i Armando Brojës. Sulmuesi synon një kthesë të rëndësishme në karrierë, pasi transferimi i tij aktual ka rezultuar deri tani nën pritshmëri dhe e ka nxjerrë jashtë vëmendjes.

The post Lazio në garë, Armando Broja përfundon edhe në radarët e gjigantëve të Premier League appeared first on Albeu.com.

Gennaro Gattuso tregoi autoritetin e tij të enjten në mëngjes, kur urdhëroi Kenneth Taylor të largohej nga stërvitja e Lazios. Në pamjet e bëra publike, trajneri shihet teksa ndal seancën, i drejtohet me gjeste të zemëruara mesfushorit holandez dhe e dërgon në dhomën e zhveshjes.

Radio Laziale raporton se përpara këtij momenti kishte pasur një përplasje të fortë verbale mes Gattusos dhe lojtarit. Pas debatit, tekniku ndërpreu ushtrimet, iu afrua Taylorit dhe i kërkoi të largohej drejt dhomave të zhveshjes.

Taylor hoqi fanellën e stërvitjes dhe doli nga fusha, ndërsa arsyeja e saktë që çoi në konflikt nuk dihet ende.

Mesfushori holandez mbërriti te Lazio nga Ajax gjatë merkatos së janarit, në një transferim me vlerë rreth 17 milionë euro. Sipas Transfermarkt, ai është futbollisti më i vlefshëm i klubit, me një vlerësim prej 25 milionë eurosh.

Në 21 ndeshje me fanellën e Lazios, Taylor ka realizuar tre gola dhe ka kontribuar me dy asistime. Sezonin e kaluar ai e ndihmoi skuadrën të shkonte deri në finalen e Kupës së Italisë, ku Lazio u mund 2-0 nga Interi.

Gattuso u emërua në krye të Lazios nga drejtuesit e klubit në fund të qershorit, duke marrë vendin e Maurizio Sarrit.

Në dy angazhimet e tij të fundit, ai drejtoi Hajduk Splitin për një sezon, duke e mbyllur kampionatin në vendin e tretë pas Rijekës dhe Dinamos, si dhe kombëtaren e Italisë. Me përfaqësuesen italiane nuk siguroi dot kualifikimin në Kupën e Botës, pasi u mposht nga Bosnja dhe Hercegovina në play-off.

The post Gattuso vendos disiplinën te Lazio, përjashton nga stërvitja lojtarin më të çmuar të skuadrës appeared first on Albeu.com.

Armando Broja duket se po jeton orët e fundit si futbollist i Burnleyt. Sipas raportimeve të gazetës prestigjioze italiane “La Gazzetta dello Sport”, sulmuesi i përfaqësueses shqiptare tani ndodhet në shënjestër të klubit të Lazios.

I njëjti burim thekson se akordi mund të mbyllet shumë shpejt përmes një formule të leverdisshme: një huazim me të drejtë blerjeje, pa asnjë detyrim për ta ushtruar atë. Ky lloj operacioni me kosto të reduktuar justifikohet edhe nga minutazhi i kufizuar që i është dhënë shkodranit këtë sezon.

Në rast se transferimi konkretizohet me sukses, për Brojën do të shënonte një etapë të re dhe domethënëse në karrierë. Nga njëra anë, do t’i jepte mundësinë të lërë pas periudhën e vështirë që po kalon, dhe nga ana tjetër, do ta sfidonte në një ligë me karakteristika krejt të ndryshme nga ajo angleze. Në krye të skuadrës bardhekaltër do të gjente trajnerin Gennaro Gattuso, ndërsa në fushë do të përballej edhe me disa prej bashkëlojtarëve të tij të kombëtares.

The post E ardhmja e Armando Brojës në dyshim? Shtypi italian zbulon pistën e re për sulmuesin shqiptar appeared first on Albeu.com.

Elseid Hysaj ndodhet në prag të një kapitulli të ri në karrierë. Mbrojtësi i krahut, tashmë pa kontratë pas largimit nga Lazio, është objektivi kryesor i Lecces, e cila po përshpejton kontaktet për të siguruar shërbimet e tij.

Pasi i dha lamtumirën kryeqytetasve italianë në fund të sezonit, 32-vjeçari shqiptar tashmë konsiderohet lojtar i lirë. Kontrata e tij pesëvjeçare me Lazion përfundoi, duke i dhënë mundësinë të zgjedhë radhën e ardhshme pa asnjë pengesë financiare për klubin e ri.

Gjatë eksperiencës së tij në Romë, Hysaj grumbulloi 131 prezenca në të gjitha kompeticionet. Në këto ndeshje, ai arriti të gjejë rrjetën dy herë dhe të shërbejë katër asistime për shokët e skuadrës. Sezoni i fundit ishte më i vakët sa i përket minutazhit, me vetëm pesë ndeshje të luajtura në elitën e futbollit italian.

Tashmë, bisedimet po ecin dhe klubi nga Pulia synon ta konkretizojë marrëveshjen brenda pak ditësh. Përforcimi i repartit të prapavijës është prioritet për drejtuesit verdhekuq përpara nisjes së sezonit të ri, dhe përvoja e mbrojtësit të Kombëtares shqiptare shihet si një aset i rëndësishëm.

Ndërkohë, nëse transferimi mbyllet me sukses, Hysaj do të ketë si bashkëlojtar te Lecce një tjetër talent shqiptar, mesfushorin Medon Berisha.

The post Hysaj pranë kalimit te Lecce, vijon aventurën në Serie A appeared first on Albeu.com.

Elseid Hysaj mund të vazhdojë karrierën e tij në kampionatin italian. Sipas informacioneve të fundit të publikuara nga gazetari i njohur i transferimeve, Gianluca Di Marzio, skuadra e Lecces ka nisur lëvizjet për të afruar mbrojtësin e përfaqësueses shqiptare.

Aktualisht pa kontratë, pas aventurave të mëparshme me Napolin dhe Lazion, Hysaj është kthyer në një objektiv të prekshëm për ekipin nga Pulia. Sipas burimeve, komunikimi midis palëve është intensiv dhe negociatat po ecin përpara, me synimin për të finalizuar marrëveshjen sa më shpejt.

Nëse kalimi përfundon me sukses, Lecce do të përfitonte një lojtar me një përvojë të pasur në nivelet më të larta të futbollit italian, duke forcuar në mënyrë të ndjeshme repartin e mbrojtjes për sezonin e ardhshëm.

The post Lecce synon sërish një shqiptar, pas largimit të Ramadanit, tani në shënjestër është mbrojtësi i kombëtares appeared first on Albeu.com.

Goli i vetëm i takimit u realizua në minutën e 26-të nga sulmuesi danez Gustav Isaksen, i cili i dha avantazhin skuadrës së tij që në pjesën e parë.

Pavarësisht dominimit të Milanit në pjesën më të madhe të ndeshjes dhe përpjekjeve të vazhdueshme për të gjetur golin e barazimit, kuqezinjtë nuk arritën të konkretizonin rastet e krijuara.

Falë kësaj fitoreje, Lazio ngjitet në kuotën e 40 pikëve dhe renditet në vendin e nëntë në tabelën e kampionatit.

Ndërkohë, Milani mbetet me 60 pikë në vendin e dytë të renditjes, duke mos shfrytëzuar ndalesën e Interit.

The post VIDEO/ Lazio i shkakton humbje të hidhur Milanit të Allegrit në Seria A appeared first on Albeu.com.

Pas 10 vitesh në kryeqytet, Strakosha zgjodhi të largohej drejt Anglisë, por për fat të keq gjërat nuk shkuan si duhet në ishull.

Rikthimi i tij në Athinë, tek AEK rezultoi një lëvizje e gjetur pasi më fund gardiani kuqezi është rikthyer të luajë në nivele të larta.

Një intervistë për mediat në Itali, Strakosha u rikthye pas në kohë duke falënderuar fillimisht Simone Inzaghin, trajneri i cili i dhuroi debutimin në Serie A:

“Inzaghi është një trajner që të largon presionin, e falënderoj gjithnjë, ishte ai që më dhuroi debutimin. Te Lazio kam kaluar 10 vite të bukura, por e dija që nuk do të qëndroja gjithmonë aty, e kisha të qartë që një ditë do të rikthehesha në shtëpinë time, në Athinë.

Të largohesha nga shtëpia në moshën 16 vjeçare nuk ishte e lehtë, por më ndihmoi shumë të rritesha si person.

Pas Lazio-s kalova në Premier League, por ai dëmtim më bëri të humbas afro 1 vit karrierë, më pas kisha dyshime nëse do të rikthehesha edhe një herë si më parë. Tani tek AEK Athina janë rikthyer të jem i lumtur, kjo shihet edhe në fushë.

Athina është shtëpia ime, unë kam lindur këtu, por zgjodha Shqipërinë për familjen time”, u shpreh ndër të tjera Strakosha.

The post Strakosha “rrëfehet” në Itali: Te Lazio vitet më të bukura të karrierës, AEK shtëpia ime appeared first on Albeu.com.

Takimi i 136-të në Serie A mes këtyre rivalëve të përjetshëm u hap në një atmosferë po aq të nxehtë sa temperaturat në kryeqytetin italian.

Në çerekun e parë të lojës pati ndërhyrje të ashpra dhe shumë pak rrezik përpara portës, me ish-lojtarin e Romës, Pedro, që pati rastin e parë duke gjuajtur mbi traversë nga jashtë zonës, përpara se të shërbente për Nuno Tavares, i cili po ashtu përfundoi pa saktësi.

Roma nuk po gjente ritmin, dhe pasi Mile Svilar devijoi mbi traversë një gjuajtje të Mattia Zaccagni, Andrea Romagnoli goditi me kokë pak mbi portë nga goditja e këndit që pasoi.

Megjithatë, ishte Curva Sud që shpërtheu në festë në minutën e 38-të, kur verdhekuqtë kaluan në avantazh kundër ecurisë së lojës.

Devyne Rensch i mori topin Tavares brenda zonës, duke i lejuar Matías Soulé të pasonte për Lorenzo Pellegrini, i cili goditi menjëherë saktë në cepin e poshtëm të portës.

Tashmë ekipi i Gasperinit kishte momentumin, dhe ishte afër dyfishimit në shtesën e pjesës së parë, kur një kros i Angeliño u devijua nga Evan Ferguson, por Ivan Provedel reagoi më shpejt dhe e ndali Rensch që po depërtonte nga shtylla e dytë.

Roma e nisi pjesën e dytë ashtu si e mbylli të parën, duke sulmuar drejt tifozëve të saj të zjarrtë. Angeliño u shfaq në shtyllën e dytë dhe goditi gjysmë-vole, por Provedel e devijoi topin në rrjetën anësore.

Skuadra e Maurizio Sarrit pati një mundësi të artë për barazim 10 minuta pas rifillimit, kur Danilo Cataldi dërgoi një top të ë Boulaye Dia, por sulmuesi senegalez humbi krejtësisht qetësinë përballë Svilari-t.

Me kalimin e minutave, Roma e gjeti veten nën presion gjithnjë e më të madh, teksa Curva Nord shtynte Biancocelestët.

Kjo energji gati sa nuk solli barazimin në 15 minutat e fundit, kur Valentín Castellanos gjuajti pak jashtë portës nga brenda zonës, me një tentativë që dukej se u devijua nga këmbët e Gianluca Mancini, megjithatë arbitri akordoi vetëm goditje nga porta.

Ky momentum i skuadrës “vendase” mori një goditje të rëndë në minutën e 85-të, kur zëvendësuesi i pjesës së parë Reda Belahyane mori karton të kuq direkt për një ndërhyrje të ashpër me takë mbi Manu Koné.

Pavarësisht inferioritetit numerik, Svilar u detyrua të bënte një pritje vendimtare ndaj një goditjeje të vonshme të Castellanos, ndërsa Cataldi kishte nisur festën përpara kohe kur gjuajtja e tij me rrotullim goditi kryqëzimin e shtyllës me traversën.

Në fund, Roma rezistoi për fitoren e tretë në katër përballje kundër rivalëve të kryeqytetit, ndërsa Matteo Guendouzi u ndëshkua me të kuq pas përfundimit të ndeshjes për shkak të protestave të tepërta.

The post Roma “mbizotëron” në derbin e kryeqytetit të Italisë appeared first on Albeu.com.

Në Olimpico, skuadra e Baronit iu afrua më mirë ndeshjes, duke u afruar me golin në pjesën e parë me rastet e Romagnolit dhe Isaksen (dy) të neutralizuar nga ndërhyrjet e Svilar.

Romagnoli e nisi derbin me një goditje me kokë menjëherë pas pushimit, duke mposhtur Mancinin, por goditja nga distanca e Soulé nën traversë në minutën e 69-të rivendosi barazpeshën.

Edhe një herë Svilar me dy pritje të tjera vendimtare ndaj Guendouzi dhe Dia vulosi barazimin që i penalizon të dy skuadrat për sa i përket kualifikimit në Champions League.

The post Lazio e Roma, barazimi që largon zonën Champions appeared first on Albeu.com.

Në Geëiss Stadium, bardhekaltërit, pas një pjese të parë të bllokuar, pa mundësi, gjetën rinisjen e duhur në minutën e 54-të me Isaksen pas një ngatërresë në mbulim midis Hien dhe Kolasinac.

Reagimi i Atalantës ndalet ndaj pritjeve të Mandas dhe për zikaltërit, tashmë vetëm tri pikë përpara Lacios në vendin e gjashtë, është humbja e tretë radhazi në kampionat.

The post Lazio në trenin Champions, humbja e tretë radhazi për Atalantën appeared first on Albeu.com.