Goli i vetëm i takimit u realizua në minutën e 26-të nga sulmuesi danez Gustav Isaksen, i cili i dha avantazhin skuadrës së tij që në pjesën e parë.

Pavarësisht dominimit të Milanit në pjesën më të madhe të ndeshjes dhe përpjekjeve të vazhdueshme për të gjetur golin e barazimit, kuqezinjtë nuk arritën të konkretizonin rastet e krijuara.

Falë kësaj fitoreje, Lazio ngjitet në kuotën e 40 pikëve dhe renditet në vendin e nëntë në tabelën e kampionatit.

Ndërkohë, Milani mbetet me 60 pikë në vendin e dytë të renditjes, duke mos shfrytëzuar ndalesën e Interit.

The post VIDEO/ Lazio i shkakton humbje të hidhur Milanit të Allegrit në Seria A appeared first on Albeu.com.

Pas 10 vitesh në kryeqytet, Strakosha zgjodhi të largohej drejt Anglisë, por për fat të keq gjërat nuk shkuan si duhet në ishull.

Rikthimi i tij në Athinë, tek AEK rezultoi një lëvizje e gjetur pasi më fund gardiani kuqezi është rikthyer të luajë në nivele të larta.

Një intervistë për mediat në Itali, Strakosha u rikthye pas në kohë duke falënderuar fillimisht Simone Inzaghin, trajneri i cili i dhuroi debutimin në Serie A:

“Inzaghi është një trajner që të largon presionin, e falënderoj gjithnjë, ishte ai që më dhuroi debutimin. Te Lazio kam kaluar 10 vite të bukura, por e dija që nuk do të qëndroja gjithmonë aty, e kisha të qartë që një ditë do të rikthehesha në shtëpinë time, në Athinë.

Të largohesha nga shtëpia në moshën 16 vjeçare nuk ishte e lehtë, por më ndihmoi shumë të rritesha si person.

Pas Lazio-s kalova në Premier League, por ai dëmtim më bëri të humbas afro 1 vit karrierë, më pas kisha dyshime nëse do të rikthehesha edhe një herë si më parë. Tani tek AEK Athina janë rikthyer të jem i lumtur, kjo shihet edhe në fushë.

Athina është shtëpia ime, unë kam lindur këtu, por zgjodha Shqipërinë për familjen time”, u shpreh ndër të tjera Strakosha.

The post Strakosha “rrëfehet” në Itali: Te Lazio vitet më të bukura të karrierës, AEK shtëpia ime appeared first on Albeu.com.

Takimi i 136-të në Serie A mes këtyre rivalëve të përjetshëm u hap në një atmosferë po aq të nxehtë sa temperaturat në kryeqytetin italian.

Në çerekun e parë të lojës pati ndërhyrje të ashpra dhe shumë pak rrezik përpara portës, me ish-lojtarin e Romës, Pedro, që pati rastin e parë duke gjuajtur mbi traversë nga jashtë zonës, përpara se të shërbente për Nuno Tavares, i cili po ashtu përfundoi pa saktësi.

Roma nuk po gjente ritmin, dhe pasi Mile Svilar devijoi mbi traversë një gjuajtje të Mattia Zaccagni, Andrea Romagnoli goditi me kokë pak mbi portë nga goditja e këndit që pasoi.

Megjithatë, ishte Curva Sud që shpërtheu në festë në minutën e 38-të, kur verdhekuqtë kaluan në avantazh kundër ecurisë së lojës.

Devyne Rensch i mori topin Tavares brenda zonës, duke i lejuar Matías Soulé të pasonte për Lorenzo Pellegrini, i cili goditi menjëherë saktë në cepin e poshtëm të portës.

Tashmë ekipi i Gasperinit kishte momentumin, dhe ishte afër dyfishimit në shtesën e pjesës së parë, kur një kros i Angeliño u devijua nga Evan Ferguson, por Ivan Provedel reagoi më shpejt dhe e ndali Rensch që po depërtonte nga shtylla e dytë.

Roma e nisi pjesën e dytë ashtu si e mbylli të parën, duke sulmuar drejt tifozëve të saj të zjarrtë. Angeliño u shfaq në shtyllën e dytë dhe goditi gjysmë-vole, por Provedel e devijoi topin në rrjetën anësore.

Skuadra e Maurizio Sarrit pati një mundësi të artë për barazim 10 minuta pas rifillimit, kur Danilo Cataldi dërgoi një top të ë Boulaye Dia, por sulmuesi senegalez humbi krejtësisht qetësinë përballë Svilari-t.

Me kalimin e minutave, Roma e gjeti veten nën presion gjithnjë e më të madh, teksa Curva Nord shtynte Biancocelestët.

Kjo energji gati sa nuk solli barazimin në 15 minutat e fundit, kur Valentín Castellanos gjuajti pak jashtë portës nga brenda zonës, me një tentativë që dukej se u devijua nga këmbët e Gianluca Mancini, megjithatë arbitri akordoi vetëm goditje nga porta.

Ky momentum i skuadrës “vendase” mori një goditje të rëndë në minutën e 85-të, kur zëvendësuesi i pjesës së parë Reda Belahyane mori karton të kuq direkt për një ndërhyrje të ashpër me takë mbi Manu Koné.

Pavarësisht inferioritetit numerik, Svilar u detyrua të bënte një pritje vendimtare ndaj një goditjeje të vonshme të Castellanos, ndërsa Cataldi kishte nisur festën përpara kohe kur gjuajtja e tij me rrotullim goditi kryqëzimin e shtyllës me traversën.

Në fund, Roma rezistoi për fitoren e tretë në katër përballje kundër rivalëve të kryeqytetit, ndërsa Matteo Guendouzi u ndëshkua me të kuq pas përfundimit të ndeshjes për shkak të protestave të tepërta.

The post Roma “mbizotëron” në derbin e kryeqytetit të Italisë appeared first on Albeu.com.

Në Olimpico, skuadra e Baronit iu afrua më mirë ndeshjes, duke u afruar me golin në pjesën e parë me rastet e Romagnolit dhe Isaksen (dy) të neutralizuar nga ndërhyrjet e Svilar.

Romagnoli e nisi derbin me një goditje me kokë menjëherë pas pushimit, duke mposhtur Mancinin, por goditja nga distanca e Soulé nën traversë në minutën e 69-të rivendosi barazpeshën.

Edhe një herë Svilar me dy pritje të tjera vendimtare ndaj Guendouzi dhe Dia vulosi barazimin që i penalizon të dy skuadrat për sa i përket kualifikimit në Champions League.

The post Lazio e Roma, barazimi që largon zonën Champions appeared first on Albeu.com.

Në Geëiss Stadium, bardhekaltërit, pas një pjese të parë të bllokuar, pa mundësi, gjetën rinisjen e duhur në minutën e 54-të me Isaksen pas një ngatërresë në mbulim midis Hien dhe Kolasinac.

Reagimi i Atalantës ndalet ndaj pritjeve të Mandas dhe për zikaltërit, tashmë vetëm tri pikë përpara Lacios në vendin e gjashtë, është humbja e tretë radhazi në kampionat.

The post Lazio në trenin Champions, humbja e tretë radhazi për Atalantën appeared first on Albeu.com.

Sipas lajmeve të fundit që vijnë nga kampi bardhekaltër, pritet që trajneri Baroni ti japë një fanellë titullari mbrojtësit shqiptar Elseid Hysaj në transfertën e sotme në “Bentegodi”.

Një lajm i mirë për mbrojtësin kuqezi, që pritet që të rikthehet si titullar në një ndeshje në Serinë A pas 8 muajsh.

Një shenjë që Hysaj është projektuar titullar jepet edhe në rrjetet sociale të Lazios, që në posterin e ndeshjes së sotme ka si protagonist pikërisht mbrojtësin shqiptar.

The post Lazio, Hysaj rikthehet titullar pas një kohe të gjatë appeared first on Albeu.com.

Një ndeshje e bukur në Gewiss Stadium, e zhbllokuar pas 16′ me golin e Retegui, me një gjuajtje me këmbën e majtë nën traversë.

Në minutën e 27-të Politano, gjithashtu me këmbën e majtë shumë të fortë, gjeti golin e barazimit, më pas në minutën e 40-të McTominay e përmbysi sfidën.

Në pjesën e dytë skuadra e Gasperinit doli në fushë me “thikë mes dhëmbëve” dhe në minutën e 56-të gjeti golin e barazimit me Lookman.

Skuadra e Contes vuan, por gjen fitoren e tri pikëve në minutën e 78-të me një goditje të bukur me kokë të Lukakut.

The post Napoli mposht Atalantën, vendos Lukaku appeared first on Albeu.com.

Klubi bardhekaltër është në kërkim të një futbollisti teknik, dinamik, të aftë për të interpretuar më së miri detajet taktike dhe lojën e trajnerit të Lazios.

Një nga kandidaturat është edhe mesfushori shqiptar Medon Berisha, aktualisht pjesë e Leçes në kampionatin italian.

The post Lazio kërkon të përforcojë mesfushën, në shënjestër Medon Berisha appeared first on Albeu.com.

Nëse gjatë verës Lacio bëri gjithçka për të larguar Hysajn, të cilin e konsideronte si një “peshë” për arkat e klubit, tani gjërat kanë ndryshuar.

Hysaj, edhe pse numëron zero minuta në Serie A dhe Kupën e Italisë pasi është jashtë listës së Baronit, nuk mund të largohet nga kryeqyteti nëse klubi në këmbim nuk merr një shifër të konsiderueshme eurosh.

Janë pikërisht pretendimet financiare të Lacios ato që do të mbajnë edhe për gjashtë muaj Hysajn në Romë. Sipas medieve italiane vetë lojtari është bindur të largohet nga Lacio, por Lotito kërkon para në këmbim të kartonit të shkodranit.

The post Hysaj pranon të largohet, por Lacio e pengon duke kërkuar para për kartonin appeared first on Albeu.com.

Mediat italiane janë të sigurta në këtë pikë, Hysaj është lënë i lirë nga drejtuesit e klubit të largohet gjatë kësaj vere, pavarësisht se futbollisti kuqezi ka një kontratë të vlefshme deri në 2025, drejtuesit e Lazio-s e kanë lënë të lirë, kjo për një arsye të thjeshtë, kërkojnë të kursejnë pagën e tij sezonale.

Kujtojmë që Hysaj përfiton te Lazio 2,8 milionë euro në sezon.

Agjenti i tij, Mario Guiffredi, zhvilloi një takim të martën me drejtuesit e klubit kryeqytetas, me këta të fundit që ia bënë të qartë edhe një herë vendimin e tyre.

Pas mbledhjes, Guiffredi, u mjaftua vetëm me disa fjalë:

“Për momentin nuk ka asgjë të re”, duke lënë të kuptohet se për Hysajn nuk ka një pistë konkrete. Nëse Hysaj qëndron në kryeqytet do ta këtë të vështirë të gjejë hapësira, pasi Lazio afroi gjatë verës Nuno Taveres.

The post Lazio largon Elseid Hysajn, zbulohen motivet (FOTO) appeared first on Albeu.com.