38-vjeçari u arrestua tre ditë më parë nga Policia e Sarandës, pas një survejimi disa mujor  për veprën penale trafikim i lëndëve narkotike.

Prokurori i çështjes Lorenc Mërkuri kërkoi si masë sigurie “Arrest me burg”, ndërkohë që dhe gjyqtari Alban Veçani pranoi kërkesën e Prokurorisë.

Sipas burimeve, pasi gjyqi u zhvillua me dyer të mbyllura, shtetasi Lavdosh Metaj nuk ka pranuar veprën për të cilën akuzohet, duke pretenduar se lënda narkotike e gjetur në shtëpinë e tij ishin për përdorim vetjak.

Avokati mbrojtës Gjergji Imeraj kërkoi në seancën gjyqësore masën e sigurisë arrest shtepie ose garanci pasurore. Kërkesa këto që nuk u pranuan nga Gjykata e Shkallës së Parë Sarandë.

Avokati mbrojtës, në prononcimin pas përfundimit të seancës gjyqësore u shpreh se vendimi i marrë do të apelohet./albeu.com

The post Akuzohet për trafikim të lëndëve narkotike, gjykata lë pas hekurave efektivin e “Shqiponjave” të Sarandës appeared first on Albeu.com.

Metaj akuzohet se është i përfshirë në trafikun e lëndëve narkotike.

38-vjeçari mësohet se është me origjinë nga Fieri por prej disa kohësh banonte në Sarandë ku edhe ushtronte profesionin e tij si efektiv i forcave “Shqiponja”.
Nga pamjet që ai vetë ka publikuar në profilin e tij në rrjetet sociale, kuptohet se është i apasionuar, pas makinave luksoze, jetës së natës dhe udhëtimeve në vende turistike.

Ndërkohë në disa foto të tjera, Lavdosh Metaj, shihet nën shoqërinë e dy reperëve të njohur Stresi dhe Don Phenom.

The post Makina të shtrenjta, jetë luksi dhe krah Stresit: Ky është polici i arrestuar për drogë në Sarandë (FOTO LAJM) appeared first on Albeu.com.