Lasgush Poradeci u lind në një familje me tradita atdhetare. Në moshën 10-vjeçare prindërit e dërguan për të vazhduar studimet në Manastir dhe më vonë në Athinë, ku mbaroi liceun.

Më 1921, ai shkoi në Rumani për të ndjekur studimet e larta. Duke qenë pa bursë dhe pa asnjë ndihmë, ai u detyrua të punonte dhe njëkohësisht të studionte. Në Bukuresht ai u lidh me Lëvizjen Atdhetare të Kolonisë Shqiptare, u miqësua me Asdrenin e atdhetarë të tjerë shqiptarë dhe u zgjodh edhe sekretar i përgjithshëm i Kolonisë. Në verën e vitit 1924, Qeveria e Fan Nolit i dha bursë dhe kështu arriti t’i përfundojë studimet e larta në Grac (Austri) në Fakultetin e Filologjisë Romano-Gjermane.

Lasgush Poradeci e jetoi Rilindjen në periudhën e shpërthimit të kryengritjeve të mëdha për liri. Në veprën e këtij liriku të madh të letërsisë sonë jetoi shqetësimi atdhetar i mbrojtjes së kombit dhe të traditës së Rilindjes, ashtu sikurse edhe dëshira për triumfin e pikëpamjeve demokratike, shqetësimi për një emancipim të përgjithshëm kulturor e shpirtëror të shoqërisë shqiptare. Lasgushi filloi të shkruante poezi dhe i botoi ato nga fillimi i viteve ’20.

Në vitin 1933, u botua vëllimi i tij i parë “Vallja e yjeve”, dhe më 1937 u botua vëllimi i dytë “Ylli i zemrës”. Përpos dy vëllimeve, Poradeci botoi tregime në prozë ndër të përkohshmet e viteve ’30-’40, veçanërisht tek ‘’Përpjekja shqiptare” e Branko Merxhanit.

Pas Luftës së Dytë Botërore, Lasgush Poradeci e vazhdoi veprimtarinë krijuese, por u mor edhe me përkthime. Ai shkroi, veç të tjerash, poemat “Eksursioni teologjik i Sokratit”, “Mbi ta”, “Kamadeva”, baladat për Muharrem e Reshit Çollakun. Gjithashtu, përktheu disa nga kryeveprat e letërsisë botërore, si “Eugjen Onjegin” të Pushkinit, lirikat e Lermontovit, të Bllokut, Poemat e Hajnes, të Majakovskit e Mickieviçit, lirikat e Gëtes dhe Hajnes, poezi të Lanaut, Brehtit, Hygos, Mysesë, Bajronit, Shellit, Bërnsit, Emineskut etj.

Më 12 nëntor 1987, Lasgush Poradeci vdiq, duke lënë pas një krijimtari të bukur, e cila kishte fituar zemrën e lexuesit dhe kishte tërhequr vëmendjen e disa studiuesve të shquar të kulturës sonë, si Eqrem Çabej, Skënder Luarasi, Mitrush Kuteli, Sabri Hamiti, Ismail Kadare etj.

Në nder të figurës së tij, më 27 dhjetor të vitit 2006, në qytetin e Pogradecit u vendos shtatorja e Lasgush Poradecit, realizuar nga skulptori Mumtaz Dhrami.

The post Sot 36-vjetori i vdekjes së Lasgush Poradecit, poetit të lirisë, dashurisë e liqenit appeared first on Albeu.com.

Përmes një postimi në faqen e saj në Facebook, ajo ka vënë në dukje se përqark varrit të të atit, Lasgushit, është kthyer në vendgrumbullim mbetjesh.

“Bashkisë së Pogradecit t’i vijë turp me grumbullin dhe kazanin e plehrave që gjithmonë qëndron plot mbi kokën e varrit të Lasgush Poradecit”, shkruan ajo në postimin e saj.

Janë këto disa prej vargjeve të poezisë së njohur “Dremit liqeri” të mjeshtrit të lirikës Lasgush Poradeci, pa ditur që 35 vite pas vdekjes së tij, qyteti që dashuroi aq shumë, do të lejonte degradimin e banesës së fundit.

“Tashi po shuhet nënë mal

Qytet’i  ngrysur në zi.

Po ndizen yjtë dal-nga-dal

Plot bukuri ! Plot fshehtësi !”/albeu.com/

The post “Grumbulli i plehrave qëndron plot”, vajza e Lasgush Poradecit denoncon skandalin me varrin e të atit (FOTO LAJM) appeared first on Albeu.com.