Një 63-vjeçar ka rënë nga ballkoni i shtëpisë së tij pas një sherri me qiramarrësit e katit të poshtëm.

Siç bëjnë me dije mediet greke, në katin e dytë të pallatit një familje ka bërë festë pagëzimi.

63-vjeçari, i cili jeton me bashkëshorten në katin e 3-të, është shqetësuar nga rrëmuja që ka vazhduar deri pas orës 11 të natës.

Sipas dëshmive fillimisht ata i janë lutur të ulnin muzikën e lartë, por lutjet e tyre kanë rënë në vesh të shurdhër.

Më pas, 63-vjeçari ka dalë në ballkon dhe dyshohet se ka tentuar të hedhë një send në ballkonin e katit të poshtëm.

Por, për arsye të panjohura, ai ra nga ballkoni dhe përfundoi mbi xhamin e përparmë të një makine.

Ai ka marrë lëndime të rënda. Efektivët e policisë që kanë mbërritur të parët në vendngjarje kanë liruar me vështirësi nga xhamat e thyer 63-vjeçarin  Ekuipazhi i EKAV-it, i cili ka mbërritur pak më vonë, e ka dërguar në Spitalin Universitar për të marrë ndihmë mjekësore./Albeu.com

The post Sherr me fqinjin e katit poshtë për muzikën e lartë, 63-vjeçari bie nga ballkoni appeared first on Albeu.com.

Siç thekson në njoftimin e saj, pavarësisht se kompania nuk është përgjegjëse për aksidentin, por për arsye të ndjeshmërisë së veçantë sociale dhe duke marrë parasysh Legjislacionin dhe Praktikën Evropiane në aksidente të ngjashme hekurudhore, ajo do të paguajë:

– familjarëve të pasagjerëve të ndjerë dëmshpërblim  prej 42.000 euro.

– për pasagjerët e lënduar, pavarësisht nga ashpërsia e dëmtimit, një dëmshpërblim prej 5000 euro nëse në datën e këtij njoftimi nuk janë shtruar në ndonjë spital apo klinikë dhe 10000 euro nëse në datën e këtij njoftimi ata ndodhen të shtruar në çdo spital apo klinikë me qëllim plotësimin e nevojave mjekësore.

Njëkohësisht familjeve të të vdekurve, të lënduarve dhe pasagjerëve të tjerë të trenit fatal do t’u jepet dëmshpërblim prej 300 euro për bagazhet e tyre.

Kujtojmë se nga përplasja e trenave humbën jetën 57 persona, mes tyre 6 shqiptarë./albeu.com/

The post Tragjedia në Larisa, kompania hekurudhore njofton dëmshpërblimet: 42 mijë euro për familjarët e viktimave appeared first on Albeu.com.

Drejtuesit e trenave kishin shprehur shqetësime dhe kishin paraqitur një raport muaj përpara tragjedisë së Tempes për sinjalizimin në shinat e trenit, sipas një raporti të ERT.

Që në muajin tetor, makinerët vunë në dukje boshllëqet e sigurisë që ekzistonin dhe në fakt një drejtues stacioni kishte hartuar dy telegrame, një në tetor dhe një në nëntor, në të cilat bënte raportet konkrete dhe kërkonte zgjidhjen e problemeve që ekzistonin.

Konkretisht, telegrami i parë ishte më 31 tetor 2022:

“Ju informojmë se të gjithë semaforët (hyrje dhe dalje) në burimet e reja janë plotësisht të fikur, duke sjellë si pasojë protestën e fortë të makinistëve.”

Dhe vazhdoi në telegramin specifik 26: “Duke qenë se të gjithë trenat kalojnë nëpër shinat e stacionit të Nei Poros, kërkojmë ndezjen e menjëhershme të tyre (dritën e kuqe) për paralajmërimin në kohë të drejtuesve të trenave se po i afrohen zonës së stacionit”.

U pasua nga i njëjti telegram i datës 16 nëntor me numër 90 në të cilin drejtuesi i stacionit që e kishte hartuar thoshte saktësisht të njëjtat gjëra dhe lajmëronte sërish përgjegjësit për mosfunksionimin e sinjaleve fotografike. /albeu.com

Si pasojë e përplasjes tragjike të trenave mbetën të vdekur 57 persona. Mes viktimave ishin edhe 6 shqiptarë.

The post Përplasja e trenave në Greqi, shenjat që kishin paralajmëruar tragjedinë dhe ishin injoruar appeared first on Albeu.com.

Një 19-vjeçare që ndodhej në tren ka folur për atë që ka përjetuar, duke thënë se i vjen turp që është gjallë.

Studentja e Fizioterapisë po udhëtonte me të dashurin e saj dhe ishte në vagonin e dytë të trenit.

“I kërkoj falje të gjithë fëmijëve që humbën jetën, më vjen turp që mbijetova”, ka thënë ajo.

“Ne po ngjiteshim nga Teba në Selanik, ishim në restorant kur pati një shpërthim dhe një zhurmë, po shikoja drejt Athinës, gjithçka që ishte aty po vinte drejt nesh, një vagon tjetër ra mbi ne, erdhën fletët e metalit. Ne dolëm nga një vrimë në tokë”, tha 19-vjeçarja.

“Çfarë mund të them për fëmijët që ishin brenda. Më vjen turp dhe kërkoj falje që mbijetova”, tha ajo me zërin që i dridhej..

“Unë jam me fat që jetoj në këtë vend, më vjen turp që jetoj në këtë vend, askush nuk del dhe askush nuk flet. Asnjë falje nuk do ta ndryshojë këtë, ne të gjithë do të jemi vrasës nëse e gjithë kjo nuk ndryshon”, tha 19-vjeçarja.

Duke pranuar se ka tetë ditë pa fjetur, Vasiliki pyeti veten “si mund të flenë të gjithë?”

“Ata hedhin trëndafila në trena sikur të jemi në buzuki. Unë jam e gjallë-e vdekur për tetë ditë. Fajin e kemi të gjithë nga i pari tek i fundit dhe askush nuk del të thotë gjë, si do të kthehen këta, si do të shërohen këto familje”, tha e reja e revoltuar. /albeu.com

The post “I kërkoj falje atyre që humbën jetën”, trondit e mbijetuara nga tragjedia e trenave: Më vjen turp që jam gjallë appeared first on Albeu.com.

Deri më tani janë identifikuar 56 viktima dhe vetëm një rast me material biologjik, i marrë nga një i afërm i Erietës, nuk është përputhur.

Sipas shefit të shërbimit mjeko-ligjor në Larisa, Rubini Leontari, shërbimi nuk ka asnjë provë.

“Temperatura e zhvilluar, sipas informacioneve të Zjarrfikësve, në pikën ku ka shpërthyer flaka ka qenë rreth 1000-1100 gradë Celsius. Pra mund ta kuptoni që kushdo që është gjetur në atë pikë mund të mos gjendet”, tha kreu i shërbimit mjekoligjor duke folur për OPEN.

24 orë më parë dhe pas një ankese nga familja, zonja Leontari theksoi: “Deri më tani nuk kemi një trup që korrespondon me ADN-në e familjes. Nëse ai do të ndodhej në qendrën e zjarrit është e qartë se nuk mund të gjendej”.

23-vjeçarja Erietta

Prindërit e 23-vjeçares Erietta, studente nga Greqia e Veriut, ndodhen në një situatë dramatike.

Prindërit e vajzës së re që në momentin e parë janë nisur drejt Larisës dhe prej atëherë e deri më sot po tentojnë të gjejnë gjurmët e saj si në spital ashtu edhe në vendin e tragjedisë.

Megjithatë, deri më tani askush nuk mund t’u japë atyre ndonjë informacion për fëmijën e tyre.

Një mik i studentes së zhdukur duke folur për Star deklaroi se Erieta ishte në vagonin 2.

Analiza e ADN-së përfundoi

Ndërkohë, pasditen e së mërkurës, laboratorët e mjekësisë ligjore të Policisë Helenike përfunduan analizat laboratorike të mostrave të dhëna nga familjarët e viktimave të tragjedisë në Tempi.

“U identifikuan gjithsej 56 persona të vdekur, të cilat rezultuan nga analiza krahasuese e 58 materialeve biologjike të marra nga familjarët e viktimave apo sendet e tyre personale, si dhe 108 mostra të marra nga kufomat apo pjesët e trupit”, thekson selia e ELAS-it në njoftimin e saj./Albeu.com/

The post Thriller për Erietën e humbur pas përplasjes fatale të trenave, ADN-ja e të afërmve të saj ende nuk përputhet appeared first on Albeu.com.

Sotir Micka, duke folur për ANT1, u ka bërë apel gazetarëve duke thënë që të mos shqetësojnë partnerin e saj që i mbijetoi tragjedisë.

Askush nuk ka ardhur për ndihmë, madje as psikolog, ka theksuar ai.

“Kanë kaluar orë e ditë dhe unë jam më mirë. Problemin më të madh e ka nëna e saj dhe vajza ime tjetër”, tha fillimisht babai i Evgjenisë dhe vazhdoi duke thënë se askush nuk ka ardhur për të ndihmuar.

“Asnjë psikolog. Asgjë, askush. Të vetmit që na ndihmuan dhe i falënderojmë shumë, ishin disa zonja psikologe, kur shkuam për të marrë trupin”, tha ai.

“Kam dëgjuar shumë, disa të vërteta, disa gënjeshtra. Po mundohem t’i sqaroj. Patjetër që ishte faji i dikujt. Por gabimi njerëzor doli i rregullueshëm. Unë nuk kam celular, nuk kam dua të flas me këdo, personalisht askush nuk më ka kërkuar të më them asgjë”, theksoi ai.

Siç rrëfeu ai, vajza e tij mori diplomën në fillim të dhjetorit dhe kishte vetëm ëndrra në jetën e saj.

Në lidhje me partnerin e Evgjenisë, babai i saj tha se ai po kalon traumën e tij dhe u lut që të mos shqetësohet familjen e tij.

“Vajza ime po shkon… Tani çfarë t’ju them tjetër… Mos e shqetësoni familjen tjetër. Gjithçka që shihni në foto, ishte Evgjenia. Ata morën fëmijën tim bashkë me gjithçka tjetër. Askush nuk duhet të mohojë përgjegjësinë”, theksoi ai. /albeu.com

The post “Vajza ime kishte ëndrra”, flet babai i shqiptares që vdiq në aksidentin e trenave: Askush nuk duhet të mohojë përgjegjësinë appeared first on Albeu.com.

“Populli grek kërkon një sqarim të menjëhershëm lidhur me incidentet kriminale të lidhura me këtë aksident tragjik”, shkroi Mitsotakis në letrën dërguar gjykatës.

“Ju kërkoj që t’i jepni prioritet këtyre rasteve, dhe nëse është e duhur, të kryeni hetimet më të thella për të kuptuar se çfarë ndodhi” dhe nëse “ka pasur gabime në sistemin e sektorit të hekurudhave” që mund të përbëjnë vepra penale, tha ai.

Në mesin e viktimave të aksidentit me trena në Larisa të Greqisë, janë konfirmuar edhe katër shtetas shqiptarë ose me origjinë shqiptare.

Me Qeverisë greke që po kërkon të rizgjidhet në zgjedhjet e prillit, ky vendim i Mitsotakis po shihet i domosdoshëm që të ulë zemërimin e publikut, pasi hetime të tilla në Greqi mund të marrin disa vite kohë.

Përplasja e trenave të pasagjerëve ndodhi në Greqi të martën e kaluar dhe në bordin e tyre ishin mbi 350 pasagjerë, shumica prej të cilëve studentë.

Ky aksident nxiti protesta masive në disa pjesë të shtetit dhe protestuesit u përleshën me policinë. Më 5 mars, në Athinë mbi 12.000 persona protestuan.

Bashkimi Evropian i ka ofruar ndihmë teknike Greqisë për modernizimin e hekurudhave.

Autoritetet greke fillimisht ia lanë fajin “gabimit njerëzor” për këtë aksident, përkatësisht fajësuan shefin e stacionit që ishte në ndërrim në kohën e përplasjes së trenave.

Por, sindikatat e punëtorëve të hekurudhave kanë thënë se vazhdimisht kanë paralajmëruar operatorin e trenave, Hellenic Train, lidhur me problemet e sigurisë dhe kanë fajësuar Qeverinë se nuk ka keqmenaxhuar rrjetin e hekurudhave nuk ka ndërmarrë reforma për të ofruar më shumë siguri, gjë që sipas tyre ka çuar në aksidentin fatal. /REL

The post Aksidenti tragjik i trenave në Larisa, Mitsotakis kërkon përshpejtimin e rasteve gjyqësore appeared first on Albeu.com.

Mes tyre ishte edhe 21-vjeçarja Klaudia Lata, e cila po udhëtonte me të dashurin e saj.

Ky i fundit ka treguar minutat para përplasjes fatale dhe komunikimin që pati mes partneres së tij para së aksidenti të ndodhte.

“I thashë se do të kërkoj vende për 10 minuta. Ajo më pa në sy dhe më tha “shko tani”. U habita nga mënyra e të folurit të saj dhe pa u menduar u ngrita. E pashë që më buzëqeshi, i buzëqesha dhe bëra 15 hapa. Më pas ndjeva një zhurmë, u hodha disa metra mbrapa në shpinë”, tha i riu për Alhpa.

“As nuk e kuptova se çfarë kishte ndodhur, ndjeva vetëm një masë hekurash që më vinin dhe më binin sipër. Fatmirësisht nuk u lëndova. U zgjova nga tymi. Aktualisht kam probleme me frymëmarrjen. Filluan të më godasin disa këmbë nëpër hekura. Në një moment mbylla sytë dhe thashë se do të digjem i gjallë”, shtoi ai.

“Në të njëjtën kohë po mendoja për Klaudian. Nuk e kuptova se çfarë kishte ndodhur sepse gjithçka ishte e errët. Unë thjesht isha i tronditur. Disa bërtisnin se po digjeshim”, shtoi partneri i së resë shqiptare.

Klaudia Lata ishte mes 6 shqiptarëve që humbën jetën nga përplasja fatale e trenave në Tempe, Larisa të Greqisë.

Numri tital i vitkimave ishte 57, ndërkohë që Shqipëria mbajti të dilën ditë zie për tragjedinë në shtetin fqinj. /albeu.com

The post “Më buzëqeshi”, partneri i së resë shqiptare tregon momentet para përplasjes fatale: Më pa në sy dhe më tha “ik” appeared first on Albeu.com.

Mediat fqinje shkruajnë se Klaudia ka lindur në Larisa, ku ka marrë nënshtetësinë greke. Prindërit e saj kanë një dyqan mishi në të njëjtin qytet.

Ajo vetë ishte një studente e shkëlqyer dhe vazhdonte Degën e Mjekësisë në Shkollën Ushtarake të Korpusit Oficer dhe ka studiuar në Fakultetin e Mjekësisë të AUTH-së.

Studentja shkoi në Patra dhe hipi në tren për t’u kthyer në shkollën e saj.

Prindërit e saj, të cilët jetojnë në një fshat të Larisës, i kërkuan asaj të kalonte edhe pranë tyre.

Megjithatë, ajo nuk pranoi, për të shkuar më shpejt në Selanik. Siç u shpjegoi, donte të pushonte edhe disa orë, për të filluar leximin. Por fati kishte plane të tjera.

Klaudia kishte dy vëllezër e motra, motrën e saj Xheni dhe Elvisin. /albeu.com

The post “Prindërit i kërkuan që t’i takonte”, 21-vjeçarja shqiptare viktimë e përplasjes së trenave, mediat greke: Studente e shkëlqyer appeared first on Albeu.com.

Babai i tij ka treguar se 26-vjeçari kishte hipur në tren për të shkuar në Athinë për t’i propozuar të dashurës së tij dhe që atëherë nuk ka asnjë shenjë nga ai.

“Dimitris kërkon drejtësi. Dhe shoku i tij Sotiris dhe të gjithë fëmijët. Ne do ta çojmë deri në fund, që përgjegjësitë t’i caktohen jo vetëm shefit të stacionit, por të gjithë të përfshirëve”, tha Pavlos Aslanidis.

Aslanidis po ashtu theksoi se deri më tani nuk është bërë asnjë identifikim i ADN-së dhe se nga Policia është njoftuar se të dielën do të ketë diçka përfundimtare.

“Cili nga politikanët do të shkojë në burg për të gjitha këto veprime tragjike, kriminale, vrasëse”, tha avokati i tij Andreas Theodoropoulos. /albeu.com

The post Përplasja fatale e trenave, u nis për t’i propozuar të dashurës, asnjë gjurmë nga i riu grek appeared first on Albeu.com.