Nga një reagim fillestar ndaj projektit të Zvërnecit, kjo nismë është kthyer në një valë qytetare me shtrirje kombëtare, që synon jo vetëm ekzekutivin, por gjithë establishmentin politik. Përditë, turma ka marshuar në bulevardin “Dëshmorët e Kombit”, duke shpalosur fjalime, slogane dhe emblema që tashmë janë bërë shenja dalluese e kësaj lëvizjeje.

Gjatë tubimit të mbrëmshëm, pjesëmarrësit rikonfirmuan vendosmërinë e tyre. Folësit bënë të ditur se qëndresa do të shtrihet pa ndërprerje përgjatë gjithë stinës së verës, deri në shtator, dhe u bënë thirrje si banorëve ashtu dhe mërgatës të qëndrojnë pranë sheshit.

Edhe në ditën e 44-t, brohoritjet “Rama në burg, Berisha në burg”, “Revolucion” dhe “Shqipëri e re” ishin dominuese. Në podium dolën aktivistë, zëra nga diaspora dhe qytetarë të thjeshtë, të cilët theksuan nevojën e vijimit të rezistencës deri në plotësimin e platformës së protestës.

Sipas organizatorëve, tubimet do të mbahen çdo ditë, pa asnjë ditë pushim, gjatë gjithë verës – një periudhë që ata e konsiderojnë si etapat më vendimtare të lëvizjes. Ata synojnë që trysnia mbi qeverinë jo vetëm të ruhet, por edhe të shtohet deri në fillim të vjeshtës.

Duke mbartur këtë frymë, dita e 45-të e protestës nis sot, teksa qytetarët do të rigrupohen para Kryeministrisë për të vazhduar atë që e shohin si një qëndresë të hapur, pa afat, deri në rënien e kabinetit.

The post Sot protesta e 45-të përballë Kryeministrisë: Qytetarët kërkojnë largimin e Ramës appeared first on Albeu.com.

Pas fjalimeve të mbajtura para godinës së Kryeministrisë, tubuesit u nisën në një marshim nëpër rrugët e kryeqytetit, duke shprehur kundërshtimin e tyre ndaj qeverisë dhe klasës politike.

Gjatë marshimit u dëgjuan thirrje si “Ju erdhi fundi”, “Revolucion”, “Nesër më shumë”, “Arrestoni Ramën”, “Rama në burg, Berisha në burg” dhe “Shqipëria kërkon revolucion”.

Protestuesit deklaruan se do të vazhdojnë pa u tërhequr deri në largimin e kryeministrit Edi Rama, ndërsa marshimi vazhdoi për disa orë në rrugët kryesore të Tiranës.

The post Protesta e 43-të kundër qeverisë, qytetarët kërkojnë largimin e Ramës: “Ju erdhi fundi” appeared first on Albeu.com.

Sipas një raportimi të publikuar nga media amerikane Fox News, demonstruesit kërkojnë dorëheqjen jo vetëm të Ramës, por edhe të kreut të opozitës Sali Berisha, duke i konsideruar të dy kampet kryesore politike përgjegjëse për korrupsionin e akumuluar në më shumë se tre dekada pas rënies së komunizmit.

Protesta për largimin e Ramës kanë vijuar në disa qytete, me pjesëmarrje të përsëritur qytetare dhe kërkesa që, sipas raportimit, shkojnë përtej rotacionit politik të zakonshëm.

Një nga elementët që ka nxitur debat, sipas artikullit, është plani për ndërtimin e dy resorteve luksoze në bregdetin shqiptar nga investitorë të lidhur me biznesmenin amerikan Jared Kushner.

Projekti, me një vlerë prej disa miliardë dollarësh, parashikon zhvillimin e rreth 10 mijë dhomave hoteliere dhe vilave turistike në ishullin e Sazanit dhe në zonën e Zvërnecit.

Ishulli i Sazanit, një ish-bazë ushtarake e vjetër, dhe zona e Zvërnecit, pranë peizazhit të mbrojtur Vjosë–Nartë, janë bërë objekt debatesh për ndikimin e mundshëm në mjedis dhe biodiversitet, përfshirë specie të mbrojtura si flamingot, foka mesdhetare dhe breshkat e detit.

Ish-ambasadori shqiptar në SHBA dhe OKB, Agim Nesho, citohet nga Fox News duke thënë se protestat nuk drejtohen kundër investitorëve të huaj apo familjes së presidentit amerikan, por kundër mënyrës së qeverisjes në vend.

“Investitorët po sjellin rreth 4 miliardë dollarë në Shqipëri, duke krijuar vende pune dhe mundësi për të rinjtë. Problemi nuk janë investitorët, por mënyra si është menaxhuar vendi nga qeveria aktuale”, u shpreh Nesho.

Ai shtoi gjithashtu pretendimin se, zgjedhjet parlamentare të fundit nuk janë njohur nga Shtetet e Bashkuara dhe se qeveria aktuale ka konsoliduar një shumicë të fortë politike.

Ndërkohë, gazetari Eric Czuleger, i cili jeton prej vitesh në Shqipëri dhe ndjek zhvillimet politike, ka deklaruar se fillimisht qeveria i minimizoi protestat, ndërsa më pas i ka cilësuar ato si pjesë e një “lufte hibride” të ndikuar nga aktorë të jashtëm.

Nga ana e saj, qeveria shqiptare ka mbrojtur projektet turistike, duke theksuar se ishulli i Sazanit mbetet pronë shtetërore dhe nuk shitet, ndërsa toka në Zvërnec është private.

Në një reagim për Fox News, autoritetet kanë deklaruar se çdo projekt do t’i nënshtrohet një vlerësimi të plotë të ndikimit mjedisor dhe kanë mohuar ndryshimin e statusit të zonave të mbrojtura për t’i hapur rrugë investimeve.

Megjithatë, sipas raportimit, Parlamenti Europian ka kërkuar ndalimin e ndërtimeve në zonat e mbrojtura në Shqipëri dhe vendosjen e një moratoriumi për lejet e reja të ndërtimit në këto territore.

Një nga përfaqësuesit e projektit në Sazan, Asher Abehsera, ka deklaruar se synimi është zhvillimi i një destinacioni turistik me standarde ndërkombëtare, duke theksuar balancën mes zhvillimit ekonomik dhe mbrojtjes së mjedisit.

Ndërsa protestat vazhdojnë, organizatorët kërkojnë dorëheqjen e qeverisë dhe zgjedhje të reja, ndërsa artisti Florjan Binaj i ka cilësuar demonstratat si ndër më të mëdhatë që nga viti 1991, duke konfirmuar pjesëmarrjen e tij të vazhdueshme.

Sipas protestuesve të cituar nga Fox News, korrupsioni i perceptuar dhe mungesa e llogaridhënies mbeten arsyet kryesore të pakënaqësisë, ndërsa kërkohet një proces i ri zgjedhor nën monitorim ndërkombëtar.

The post Protestat masive në Shqipëri, Fox News: Qytetarët kërkojnë dorëheqjen e kryeministrit mes akuzave për korrupsion dhe krizë politike appeared first on Albeu.com.

Ditëm e djeshme, marshimi historik u mbyll me një ‘uragan’, pjesëmarrje dhe varg kilometrik qytetarësh që hodhën thirrje e parulla kundër qeverisë dhe kërkuan dorëheqjen e kryeministrit Edi Rama.

Ndryshe nga ditët e tjera, protesta e 15 u shtri deri në rrugën e Rinasit, ku mijëra qytetarë marshuan paqësisht përgjatë autostradës Tiranë-Durrës me thirrjet “Rama jepe dorëheqjen”.

Protesta madhështore e ditës së djeshme (14 qershor) zgjati deri në orët e para të mëngjesit.

The post Sot protesta e 16-të, mijëra qytetarë kërkojnë largimin e kryeministrit: Rama jep dorëheqjen appeared first on Albeu.com.