“Lojërat e mia të para Olimpike, slalomi gjigant sot dhe çfarë dite ka qenë.

Kam marrë kaq shumë dashuri nga njerëz të afërt me mua, dhe kjo mbështetje më dha forcë të jashtëzakonshme. Më çoi në portën e fillimit sot me vetëdije të plotë se kush jam dhe çfarë jam e aftë të bëj.

Sot jam krenare për atë që bëra. Lëshimi i parë, sinqerisht, më habiti edhe mua: E dija që po skijoja mirë, por nuk e prisja të isha kaq i shpejtë. Ia vërtetova vetes se mund ta bëj.

Lëshimi i dytë nuk shkoi ashtu siç doja, por gjithmonë do t’i mbaj emocionet e sotme në zemrën time. Kalimi i vijës së finishit pas lëshimit të parë dhe dëgjimi i ulërimës së turmës ishte thjesht e pabesueshme. Në atë moment e kuptova vërtet se sa shumë njerëz po më mbështesin, po më mbështesin dhe po kujdesen për mua, dhe do të jem përjetësisht mirënjohës.

Siç thotë gjithmonë dikush i dashur për mua, “mbani mend, njësoj si në shtëpi”. Unë u rrita në dëborë dhe këtu më takon mua.

Një ditë e veçantë, një ditë ku mësova kaq shumë. Tani fokusi zhvendoset te slalomi, mezi pres të garoj përsëri. Duhet të them, e dua këtë ndjesi olimpike dhe jam i emocionuar që do të kthehem në pistë pas dy ditësh”, ka shkruar në rrjetet sociale skiatorja që përfaqëson Shqipërinë në Milano Cortina 2026.

The post Lara Colturi: Krenare për atë që bëra, mezi pres garën e ardhshme appeared first on Albeu.com.

Shqipëria përfaqësohet në këto Lojëra Olimpike nga 4 skiatorë: Lara Colturi, Denni Xhepa, Lisa Brunga dhe Semire Dauti.

Në fokus të garave do të jetë Lara Colturi, e cila renditet e pesta në botë dhe ka pretendime të mëdha për të fituar medalje olimpike.

Gara kryesore e saj do të zhvillohet më 15 dhe 18 shkurt, ku ajo do të garojë për të sjellë një medalje për Shqipërinë.

Në kuadër të përurimit të Lojërave Olimpike, do të organizohen tre ceremoni: një në Milano, një tjetër në Kortina, ku Lara Colturi do të mbajë flamurin shqiptar, dhe një e tretë në Borno.

The post Nisin sot Lojërat Olimpike Milano-Cortina 2026, kush e përfaqëson Shqipërinë appeared first on Albeu.com.

Në Flachau, pistën austriake ndodh gjithçka. 35 skiatore nuk arrijnë të përfundojnë garën, nga 75 që ishin në listën fillestare në disiplinën slalom. Në kushte aspak të mira atmosferike, me mjegull, me një shikueshmëri të diferencuar, të cilat ndikuan në performancën e skiatoreve në pistën austriake në Flachau ka përfunduar të martën në mbrëmje gara e slalomit në Kupën e Botës në ski.

Duke sfiduar vështirësitë e natyrës, Lara Colturi arrin të shkëlqejë, sidomos në lëshimin e dytë, që me kohën fantastike 53“77 ishte e para, më e mira nga të gjitha, mbretëresha e këtij raundi duke lënë pas edhe Mikaela Shifrin. Por një gabim në lëshimin e parë, i kushtoi podiumin skiatores shqiptare, që e detyroi të renditej në vendin e 16-të. Në përfundim Lara Colturi renditet në vendin e 8-të.

Në podiumin e garës në Flachau, në shkallën më të lartë të tij ngjitet Milkaela shifrin, që i çon në 60 numrin e fitoreve në slalom, një shifër e jashtëzakonshme në historinë e këtij sporti. E dyta në podiumin e Flachau është Paula Molzen e SHAB dhe në të tretin Katarina Trupe e Austrisë.

The post Lara Colturi e 8-ta në Flachau, shkëlqen në lëshimin e dytë appeared first on Albeu.com.

Gonxhja theksoi se Colturi dhuroi një paraqitje të jashtëzakonshme, duke siguruar vendin e dytë dhe duke ndjekur nga shumë pranë kampionen amerikane Mikaela Shiffrin, e cila triumfoi për të nëntën herë në këtë pistë.

“Lara Colturi fiton vendin e dytë në Botërorin e Slalomit të Skive në Finlandë!!
Shqipëria shkëlqen në pistë me një performancë spektakolare, me një diferencë minimale ndaj kampiones Shiffrin, e cila fitoi për herë të nëntë slalomin në Levi të Finlandës!

E gjithë kjo në një ditë të veçantë për Larën, e cila sot feston edhe ditëlindjen e saj të 19-të!”, u shpreh ministri.

Lara Colturi arriti një rezultat fantastik në etapën e Kupës së Botës për ski në Levi të Finlandës. Skiatorja e cila përfaqëson Shqipërinë, festoi në mënyrën më të mirë të mundshme 19-vjetorin e saj, duke siguruar vendin e dytë në sllallomin për femra në këtë etapë të Kupës së Botës.

Ajo ka qenë e jashtëzakonshme në të dy raundet, duke siguruar kohën e dytë në zbritjen e parë dhe duke bërë të njëjtën gjë edhe në të dytën, për të mbajtur larg ndjekëset. E vetmja që e kaloi dhe mori fitoren e kësaj etape, ishte amerikania Mikaela Shifrin, e cila regjistroi kohë të jashtëzakonshme për të mbajtur pas Kolturin, që duket se në të ardhmen d të jetë sfidantja për titullin.

The post Lara Colturi fitoi vendin e dytë në Botërorin e skive, ministri Gonxhja: Shqipëria shkëlqeu në pistë me një performancë spektakolare appeared first on Albeu.com.

Ky vendim u arrit pas këmbënguljes së ASF dhe mirëkuptimit të familjes Colturi, dhe tashmë të dyja palët po punojnë intensivisht për finalizimin e detajeve financiare dhe teknike të kontratës.

I urojmë një sezon 2025-2026 të jashtëzakonshëm!

The post Lara Colturi do të vazhdojë të përfaqësojë ngjyrat kuq e zi edhe sezonin e ardhshëm appeared first on Albeu.com.

Kërkesa e skiatores 18-vjeçare është dorëzuar në Komitetin Olimpik Ndërkombëtar, por akoma nuk ka miratim. Kjo kërkesë ka kohë deri më datë 1 maj për t’u shqyrtuar dhe për të marrë vendim.

Një nga shkaqet e kërkesës për këtë transferim nga Colturi, është mungesa e fondeve në Shqipëri. Kujtojmë që 18-vjeçarja është pjesë e Shqipërisë prej 4 vitesh, ku nuk kanë munguar performancat e mira.

Kujtojmë që në Kupën e Botës që lamë pas, Lara Colturi siguroi 3 herë podiumin, duke mbajtur lart flamurin kuqezi. Ndërkohë që në renditjen finalen u pozicionua e 7-ta.

The post Shkak mungesa e fondeve, skiatorja Lara Colturi kërkon largimin nga Shqipëria appeared first on Albeu.com.

Në etapën e zhvilluar në Sestriere të Italisë, në disiplinën e Slallomit Gjigant u rendit e 7-ta. Konkretisht, në zbritjen e parë ajo zuri vendin e 9-të dhe në të dytin vendin e 5-të.

Me kohën e përbashkët të dy zbritjeve, ajo ishte vetëm 2 sekonda larg kohës së arritur nga Federica Brinjone e Italisë, e cila zuri vendin e parë.

Në përfundim të garës, Lara Colturit, i shtohen edhe 36 pikë në renditjen e kësaj Kupe Bote.

Ndërkohë, që sfida vijon në slallomin gjigant ku do të synojë të fitojë terren.

Në garën në Austri, Colturi nuk arriti të përmbyllë garën. Në ditën e parë ajo ishte me viroz ccka bëri që të mos ishte në treshen e fituesve. Ndërsa në të dytën u rrëzua në piste, duke bërë të skualifikohej nga gara.

Deri më tani ajo ka ngritur dy herë flamurin kuq e zi, duke marrë vendin e dytë e duke e renditur për herë të parë në histori Shqipërinë në konkurrentët kryesor në ski.

Garat e Kupës së Botës, u shërbejnë skiatoreve për të marrë sa më shumë pikë për të siguruar edhe kualifikimin për në Lojërat Olimpike Dimërore, Milano-Cortina që do të zhvillohen në muajin janar të vitit 2026.

The post Lara Colturi në garë për Botërorin, fiton terren për t’u kualifikuar në Lojërat Olimpike appeared first on Albeu.com.

Një event i rëndësishëm ku për Shqipërinë do të marrë pjesë skiatorja Lara Colturi.

Ajo pritet të garojë në garat e sllallomit dhe atij të sllallomit gjigant, që janë edhe dy disiplinat e saj të preferuara. Këto gara do të zhvillohen pas datës 10 shkurt.

Ndërkohë, në renditjen aktuale të Kupës së Botës për femra në ski, Lara Colturi klasifikohet në vendin e tetë, me 408 pikë.

Këto pikë i ka grumbulluar pikërisht në dy disiplina: 198 në sllallomin gjigant dhe 210 në sllallom.

Paraqitjet e mira të këtij sezoni, ku është ngjitur edhe dy herë në podium e disa herë ka qenë në “top-10” më të mirat, lënë të shpresosh për një rezultat pozitiv edhe në këtë event për skiatoren 18-vjeçare shqiptare.

The post Skiatorja Lara Colturi garon në dy disiplina në Botërorin e Austrisë appeared first on Albeu.com.

Skiatorja kuqezi, realizoi dy zbritje të shkëlqyera në pistën e resortit turistik Kranjska Gora në Slloveni, duke lënë prapa thuajse të gjitha rivalet.

Në garën e Sllallomit gjigand, ajo dha kohën 1 minutë, 56 sekonda e 28 të qindat duke u mundur vetëm nga skiatorja suedeze, Sara Hektor.

Kjo është hera e dytë që Colturi del e dyta në garat e Kupës së Botës për këtë vit, ndërsa këtë të diel pritet të marrë pjesë në garën e sllallomit po në Slloveni.

Objektivi i saj është të hyrë në 10 më të mirat në renditjen e Kupës së Botës.

The post Lara Colturi renditet e dyta në Kupën e Botës në ski appeared first on Albeu.com.

Lajmi që Lara la Italinë për Shqipërinë mesa duket i mërziti pak bashkëatdhetarët e saj, sepse sipas tyre, ata e kanë shumë të vështirë ta konsiderojnë atë shqiptare.

Të qenurit vajzë e një nëne kampione olimpike si Daniela Ceccarelli, e cila është konsideruar si sportistja më e mirë e brezit të saj, mesa duket ka bërë që Lara të ecë në hapat e saj.

Lara ka mbërritur në Tiranë dhe mes shumë emocionesh dhe pa hequr asnjë moment vëmëndjen nga flamuri kuq e zi, qëndron fort krah nënës së saj dhe duke folur me sytë që I shkëlqejnë flet për eksperiencën e paharruar. Në një intervistë për gazetaren Bora Shahini, ylli I ri I botës së skisë është shprehur se:

“Pata një eksperiencë shumë të bukur në Amerikën e Jugut dhe jam shumë e lumtur që e kam bërë, që kam zbuluar vende të reja edhe sepse nuk kisha shkuar më parë dhe kam arritur disa objektiva mund të themi që i kisha vënë vetes dhe jam shumë e lumtur që jam kthyer me buzëqeshje që më lexohej në fytyrë. Po, për fat të keq kjo ishte gara ime e parë në Kupën e Botës, nuk është bërë për shkak të kohës së keqe dhe tani të mendojmë vetëm për të tashmen … tani mund të ecim përpara… gara tjetër do të jetë në Levi, Finlandë, do të nisemi atje që në 8 nëntor për në Levi dhe do të qëndrojmë aty për dy javë sa për të parë dhe për t’u ambientuar me vendin dhe më pas do të bëhet gara dhe do të kthehemi sërish në shtëpi”.

Shtëpia e saj e re sportive tashmë është Shqipëria, vendi që I besoi flamurin dhe prezantimin e kombit në botën e skisë. Por si lindën bisedat për një përfaqësim të tillë?

“Gjithçka filloi me mamin dhe Elvisin (Elvis Toci presidenti i federates se Skive)që u takuan në një garë të Kupës së Botës besoj dhe më pas, pasi mamaja pa që Elvisi ishte një njeri me shumë ambicie dhe kishte shumë projekte në mendje, kështu që i pëlqeu shumë kjo dhe në fakt, më pas ishte, u bë trajnerja teknike e Grupit Federal të Shqipërisë dhe më pas dalëngadalë, e pamë që na pëlqeu ky realitet dhe për këtë arsye vendosëm që edhe unë të bëhesha pjesë e kësaj familjeje të re dhe kështu pjesa tjetër erdhi vetë”.

Mediat italiane shprehën pakënaqësinë se përse duhet të largohej një yll si Lara Colturi. Por a ka humbur miq Lara për një “tradhti” profesionale? A janë ndikuar ata nga lajmet në media se Lara I braktisi?

“Në fakt nuk kam folur shumë me miqtë e mi, sepse u nisa menjëherë për në Amerikën e Jugut, kështu që nuk mund t’i takoja të gjithë fizikisht, por vazhdoj të mbaj kontakte me ta përmes rrjeteve sociale, Instagramit, Whatsapp-it e gjëra të ndryshme dhe për ata është dicka normale, domethënë asgjë nuk ndryshon, për ata jam gjithmonë mikesha e tyre. Pra, për ta absolutisht asgjë nuk ka ndryshuar dhe për këtë arsye marrëdhëniet janë gjithmonë të njëjta.”

Lara tashmë ka shënjuar rekord si sikatorja më e re në Kupën e botës dhe kjo ndodh duke mbajtur mbi shpatulla flamurin shqiptar.

The post La Italinë për Shqipërinë, skiatorja 15-vjeçare fenomeni i Kupës së Botës (FOTO LAJM) appeared first on Albeu.com.