Laorent Shabani është pranë kalimit te Varbergs BoIS, duke u bërë lojtari më i ri i skuadrës suedeze. Sulmuesi 27-vjeçar ka zgjedhur të mbyllë bashkëpunimin me Ballkanin dhe të nisë një etapë të re në ligën e dytë të Suedisë.

Largimi i tij u konfirmua nga vetë klubi i Therandës, i cili bëri të ditur se ka arritur marrëveshje me Varbergs BoIS për shitjen e futbollistit.

Shabani iu bashkua Ballkanit në korrik të këtij viti, pas përfundimit të aventurës së tij në Superiore me Partizanin.

“Faleminderit, Laorent Shabani! FC Ballkani ka arritur marrëveshje me klubin suedez Varbergs BoIS për shitjen e Laorent Shabanit. Laorent, faleminderit për përkushtimin, profesionalizmin dhe kontributin e dhënë në fanellën e Ballkanit. Të urojmë shumë suksese në aventurën e re në Suedi dhe sa më shumë arritje në vazhdim të karrierës! Suksese në kapitullin e ri!”

The post Vetëm një muaj pas firmës, ish-futbollisti i Partizanit transferohet te klubi suedez appeared first on Albeu.com.