Dashur pa dashur, një pjesë e mirë e jona nuk shpenzojnë kohë mjaftueshëm teksa lajnë dhëmbët ndërkohë që shumica e dentistëve rekomandojnë larjen e tyre për 2-3 minuta.

Që herën tjetër ta keni më të thjeshtë, hiqni dorë nga furçat me dizenjime të ngarkuara që pretendojnë se ndihmojnë në larjen e dhëmbëve dhe zgjidhni diçka profesionale. Do të habiteni kur të mësoni se furçat më të mira janë më të thjeshtat.

Duhet të kujtoni gjithashtu se larja për dy minuta nuk është efektive nëse nuk përdorni teknikën e duhur.

Filloni me sipërfaqet e jashtme të dhëmbëve tuaj, nga mishi i dhëmbëve në të gjithë sipërfaqen. Përsëriteni me sipërfaqet e brendshme. Përdorni majën e furçës kur pastroni pjesën e brëndshme pas dhëmbëve të parë. Pastaj lani sipërfaqet përtypëse të dhëmbëve të sipërm dhe të poshtëm.

Mos harroni gjuhën. Gjuha mund të grumbullojë grimcat e vogla të ushqimit dhe baktereve. Pastrimi i saj do të zhdukë çdo mundësi për erën e pakëndshme.

The post Ky është gabimi më i shpeshtë që bëni, sa herë lani dhëmbët appeared first on Albeu.com.

Nëse pyet veten a është zakon i mirë apo i keq i larjes së dhëmbëve vetëm një herë në ditë dhe nëse herë pas here fle gjumë pa i larë dhëmbët, ja cila është e vërteta sipas specialistëve.

Të lësh mënjanë larjen e dhëmbëve në darkë është një JO e madhe. Një dentist madje thotë se të shkosh në shtrat pa i larë dhëmbët është si të shkosh në shtrat me m… në gojë.

Kjo është një analogji ekstreme, por tregon se në darkë ke në gojë një shumicë të konsiderueshme bakteresh që janë grumbulluar aty nga ushqimi i ditës. Këto baktere krijojnë edhe shtresa njëra pas tjetrës duke sjellë më pas probleme me dhëmbët dhe mishrat.

Mbeturinat që krijohen nga ushqimet përmbajnë shumë acid, i cili, siç dihet prish smaltin e dhëmbëve dhe çon deri në prishjen e rrënjëve dhe dëmtime të tjera.

“Shoqata Dentare Amerikane” rekomandon pastrimin e dhëmbëve të paktën dy herë në ditë dhe njëra prej këtyre herëve është para se të flesh.

Larja e dhëmbëve eliminon bakteret dhe pengon shumë rreziqe që vijnë nga grumbullimi i tyre.

Dentistët rekomandojnë larjen e dhëmbëve kur zgjohesh dhe para se të flesh.

Nëse e ke zakon të keq të flesh pa i larë dhëmbët ose je dembele, provo të mbash një fill dentar afër shtratit, ose një furçë dhëmbësh (të thatë, pa pastë). Është më mirë se asgjë.

The post Nëse nuk i lani dhëmbët para gjumit, mësoni diçka të keqe që po ju ndodh appeared first on Albeu.com.