Sipas raportimeve, kur policia dhe ambulanca mbërritën në vendngjarje, brenda automjetit të tipit “Volkswagen” nuk u gjetën as shoferi dhe as pasagjerë. Rrethanat e aksidentit janë ende të paqarta, dhe mjeti ka dalë nga rruga kryesore duke përfunduar në kanal.

Aktualisht, policia po kryen hetimet e nevojshme për të zbardhur ngjarjen dhe për të nxjerrë makinën nga kanali, si dhe për të identifikuar pronarin e saj dhe ndonjë të dëmtuar të mundshëm.

The post E TMERRSHME/ Makina del nga rruga dhe përfundon në Lanë, policia nuk gjen askënd brenda appeared first on Albeu.com.

Personi i aksidentuar me motor, po ndiqej nga efektiv policie pasi ishte në kërkim nga Krimi Ekonomik i Policisë së Tiranës pasi akuzohet për mashtrim.

Janë të paktën 12 raste ku qytetarët e kishin denoncuar për këtë vepër penale. I riu pikaste të moshuar të ndryshëm ku i prezantohej si zyrtar i Bashkisë së Tiranës. Me premtimin se kanë përfituar grante nga bashkia, ai kishte arritur që ti merrte të moshuarve nga 200 deri në 800 mijë lekë të vjetra.

Raportohet se i riu ka marrë lëndime të lehta dhe ndodhet jashtë rrezikut për jetën, është arrestuar menjëherë në vendngjarje dhe është dërguar në spital për mjekim.

The post E pazakontë në Tiranë, drejtuesi i mjetit përfundon në Lanë teksa largohej nga policia appeared first on Albeu.com.

Në mënyrë të përsëritur, pronarët e këtyre kompanive kërkojnë subvencione nga Bashkia e Tiranës apo qeveria, pra nga taksat e qytetarëve duke synuar mbulimin e humbjeve të tyre jo duke përmirësuar shërbimin dhe rritjen e numrit të udhëtarëve (lexo biletat e shitura), por duke marrë para të thata në dorë nga taksat që paguajnë kryeqytetasit.

Lexo edhe: Babëzia e transportit urban, duan sërish para nga taksat e kryeqytetasve, por shërbimin e kanë përtokë

Kërkesa më e fundit ka ardhur këto ditë, sërish ndaj Bashkisë së Tiranës ku pronarët e kompanive të autobusëve urbanë thonë se janë futur në kolaps se japkan disa abone falas për studentët, ndërkohë që të gjithë janë dëshmitarë se sa sfiduese është gjetja e një aboneje të tillë në Tiranë.

Kërkesa të ngjashme janë bërë shpesh gjatë dy viteve të fundit nga këto kompani, të cilat nga ana tjetër nuk është se kanë ndërmend të rrisin cilësinë e shërbimit apo sigurinë e qytetarëve. Përkundrazi, muajt e fundit kanë ndodhur një mori incidentesh që konfirmojnë se hipja nëpër autobusët urbanë të Tiranës është kthyer në një aventurë me risk të lartë.

Pak ditë më parë, policia kapi një shofer të dehur në një autobus urban në Laprakë, ndërsa nuk janë shuar ende shenjat e aksidentit të frikshëm të autobusit të Unazës, në pronësi të kompanisë CFO Pharma, i cili mori para disa makina përballë zonës së quajtur “Tajvani” në Tiranë, ndërsa la edhe disa të plagosur.

Aksidenti ishte i frikshëm, ndërsa deri më tani nuk dihet nëse mbajti dikush përgjegjësi apo jo.

Një aksident i ngjashëm ndodhi në prill të vitit të shkuar, ku sërish një autobus i CFO Pharma hodhi qytetarët në Lanë.

Aksidente me autobusët janë një rregull në transportin urban të Tiranës, por për fat të mirë deri më tani nuk ka patur viktima, ndërsa është e udhës që kryebashkiaku Veliaj të mos lejojë ultimatum të tilla nga pronarët e autobusëve, por t’u japë një ultimatum për përmirësimin e shërbimit dhe sigurisë dhe t’u heqë licencën kur bëhet fjalë për aksidente si ai të “Tajvani” apo tjetri në Lanë. /albeu.com

The post Veliaj duhet t’u heqë licencën se rrezikojnë jetën e qytetarëve, por kompanitë e urbanëve marrin guximin dhe duan sërish para nga taksat e kryeqytetasve appeared first on Albeu.com.

Autobusi i Unazës “Green Line” i mbushur plot me pasagjerë është përplasur me një makinë benz, shkak dyshohet shpejtësia e lartë e autobusit me pasagjerë.

Pas përplasjes autobusi ka humbur drejtimin dhe ka marrë para benzin duke përfunduar të dy në Lanë, ndërkohë që ka patur dhe 6 persona të lënduar, dy pasagjerë të benzit dhe 4 në autobus.

Autobusët e flotës “Green Line”, të cilët kryejnë transportin e qytetarëve të Tiranës përgjatë Unazës së Vogël, u prezantuan javën e shkuar.

Sipas ekstrakteve në QKB, kjo kompani është regjistruar në emër të “CFO Farma” e cila është në pronësi të biznesmenit Nadir Çausholli.

Kujtojmë që autobusët e Unazës dhe shoferët e tyre janë denoncuar shpesh në media, për shkak se ecin me shpejtësi të lartë, por jo pak herë disa nga drejtuesit e këtyre mjeteve janë kapur edhe me sasi të lartë alkooli, duke vënë në rrezik jo vetëm pasagjerët por edhe qytetarët dhe mjetet e tjera në rrugë. /abcnews.al/

View this post on Instagram

A post shared by Albeu.com (@albeucom)

The post U prezantuan vetëm 1 javë më parë, autobusi “Green Line” për pak shkaktoi katastrofë, përfundoi në Lanë plot me pasagjerë appeared first on Albeu.com.

Nga përplasja me autobusin makina ka përfunduar poshte autobusit i cili vinte nga Vasil Shanto.

Si pasojë e aksidentit janë dëmtuar dhe janë paraqitur në spital dhe ndodhen jashtë rrezikut për jetën pasagjerët e automjetit që u përplas me autobusin.

Tiranë/Informacion paraprak

Më datë 29.04.2022, rreth orës 20:10, në afërsi të Kinema Agimi, një autobus është përplasur me një automjet, dhe si pasojë drejtuesi i autobusit ka humbur kontrollin mbi drejtimin e tij, dhe ka rënë në Lumin Lana.

Si pasojë e aksidentit janë dëmtuar dhe janë paraqitur në spital dhe ndodhen jashtë rrezikut për jetën dy pasagjerët e automjetit që u përplas me autobusin.

Grupi hetimor ndodhet në vendngjarje dhe po punon për sqarimin e rrethanave të aksidentit.

Në foto Makina poshtë dhe rrota e autobusit që e ka shtypur. /albeu.com/

 

View this post on Instagram

 

A post shared by Albeu.com (@albeucom)

The post Autobusi plot me njerëz përfundon në Lanë, dy pasagjerë në spital (VIDEO) appeared first on Albeu.com.