Ndërkohë, në pamje duket droga e fshehur në mikrovalë dhe paratë që policia ka sekuestruar.

Në kuadër të operacionit ‘Sammogia’, të iniciuar nga policia Italiane, është sekuestruar 26.5 kg kokainë dhe 11 kg kanabis. Ndërkohë, 22 persona janë në hetim, ndërsa arrestimet përveç Vlorës, janë kryer edhe në Itali dhe Gjermani.

Në pranga në Vlorë kanë rënë dy vëllezërit Ledian dhe Florjan Muho, 33 dhe 38 vjeç, si edhe 52-vjeçari Landi Kalemaj. Për të tre, Gjykata e Bolonjas ka caktuar masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale.

“Pjesëtarë të një organizate kriminale në Itali, për trafikim narkotikësh, lokalizohen në Vlorë, kapen dhe vihen në pranga 3 shtetas. Gjatë operacionit ndërkombëtar “Sammogia”, në total, në Shqipëri, Itali dhe Gjermani, u arrestuan 13 shtetas”, njoftoi Policia e Shtetit.

Nga hetimet u konstatua se korrierët shqiptarë, për llogari të organizatës, shpërndanin çdo javë kokainë në Itali, duke ua dorëzuar blerësve e bashkatdhetarëve të tyre.

The post VIDEO/ Dalin pamjet nga operacioni me 3 shqiptarë të arrestuar, ku e fshihnin drogën appeared first on Albeu.com.

Operacioni është kryer nga forcat operacionale të drejtorisë së përgjithshme.

Në kuadër të operacionit “Sammogia” në vendin tonë janë arrestuar 3 persona.

Policia bën me dije se të arrestuarit janë Landi Kalemaj, 52 vjeç, Floriant Muho, 38 vjeç dhe Ledjon Muho, 33 vjeç.

Në total, janë arrestuar 13 persona. Për tre shqiptarët ishte caktuar masa e sigurisë “arrest në burg” nga gjykata italiane.

“Për të tre këta shtetas, Gjykata e Bolonjas ka caktuar masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale”, njofton policia.

Interpol Tirana dhe homologët në Itali vijojnë bashkëpunimi për të kryer ekstradimin e këtyre shtetasve në Itali./albeu.com

The post Operacion ndërkombëtar antidrogë mes Shqipërisë, Italisë dhe Gjermanisë, 3 të arrestuar appeared first on Albeu.com.