Roja bregdetare italiane e ndihmuar nga një peshkarexhë, tha se kishte arritur të shpëtonte 42 persona, mes të cilave ishte dhe fëmija që vdiq më vonë, njoftonte ministri i brendshëm italian Antonio Tajani.

Kombësia e fëmijës nuk është publikuar.

Të mbijetuarit tregojnë se tetë njerëz janë të humbur, duke bërë që kërkimet të vijojnë me mjete lundrimi dhe helikopterë. Zyrtarët thanë se mes të humburve janë dy të mitur.

Lampedusa ka parë një rritje të mbërritjeve të barkave të emigrantëve ditët e fundit, teksa 11 mjete erdhën vetëm të hënën, mes të cilave një peshkarexhë me më shumë se 500 njerëz nga Maroku, Pakistani, Siria Iraku e Bangladeshi, çka tregon se trafiku i emigrantëve është mjaft i organizuar.

Vetëm këtë vit rreth 150,000 emigrantë kanë mbërritur në Itali, në krahasim me 94,000 në të njëjtën periudhë të vitit 2022, sipas të dhënave të fundit italiane.

Më 6 nëntor qeveria njoftoi planet e hapjes së qendrave të pritjes në Shqipëri, çka kryeministrja Giorgia Meloni, e quante ‘marrëveshje historike’ me Tiranën.

Marrëveshja përfshin krijimin e qendrave të strehimit me rreth 3,000 azilkërkues që mblidhen ne det dhe nuk mbërrijnë në tokën italiane, shkruan rrjeti britanik The Guardian.

Tajani shtoi se së shpejti do të prezantojë ligjin për marrëveshjen me Tiranën, duke thënë se “emigrantët do të marrin të njëjtin trajtim sipas rregullave italiane dhe evropiane”.

Komisionerja e BE, Ylva Johansson, tha se marrëveshja nuk shkel rregullat e BE pasi është jashtë jurisdiksionit të BE.

The post Vdes fëmija, tetë të zhdukur pas fundosjes së barkës së emigrantëve në brigjet e Lampedusa appeared first on Albeu.com.

Por si duket kjo përgjigje nuk dihet. Plani 10-pikësh nuk përmban shumë pika të reja, dhe ajo që është e re nuk mund të vendoset vetëm nga presidentja e KE. Ursula von der Leyen është e varur nga shtetet anëtare. Për shembull propozimi, që refugjatët të shpërndahen nga Lampeduza në vende të tjera të BE. “Ne do të mbështesim më fort shpërndarjen e refugjatëve dhe kërkojmë nga vendet anëtare të praktikojnë mekanizmin vullnetar të solidaritetit e të pranojnë refugjatë nga Italia”, kërkoi von der Leyen.

Të forcohen kontrollet e Frontex

Por realisht nuk duken mirë punët me mekanizmin e solidaritetit. Edhe Gjermania e ndali këtë program përkohësisht dhe nuk merr më refugjatë nga Italia. Arsyeja: Qeveria e Romës refuzon të mbajë premtimin e saj, të marrë mbrapsht ata azilkërkues që kanë hyrë ilegalisht nga Italia në Gjermani. Më shumë se 12.400 raste të tilla ka pasur vetëm e kaluar. Vetëm 10 raste pranoi Italia.

Ministrja e Brendshme e Gjermanisë, Nancy Faeser përpiqet të gjejë një zgjidhje të përbashkët me homologët nga Franca dhe Spanja. Për mediat gjermane, ajo tha se po përpiqemi për të një aksion tër përbashkët për të ndihmuar nga ana humanitare Italinë dhe të kontrollojmë më mirë migracionin. “Në këtë kuptim është gjëja e duhur që të së bashku me këto vende të kërkojmë zgjidhje.”

Konkretisht von der Leyen premtoi zgjerimin e misionit të marinës. Agjencia Europiane e Mbrojtjes së Kufijve, Frontex do duhet të mbikqyrë më fort se deri tani kufijtë e jashtëm të BE, një ide që mbështetet edhe nga Gjermania. Ministrja gjermane e Punëve të Brendshme, Faeser tha se “ne nuk do mund të kemi rrugë tjetër. Ndryshe nuk do ta vemë dot nën kontroll gjendjen e migracionit.” / DW

The post Kriza e refugjatëve, cili është plani i Europës për lehtësimin e situatës? appeared first on Albeu.com.

Për të shpëtuar 38 emigrantë, mes tyre 11 gra dhe 1 i mitur, ishin ushtarët
e Autoritetit Portual dhe Guardia di Finanza.

Nuk raportohet për persona të humbur në det. Varka ishte nisur nga Tunizia.

Ky ishte zbarkimi i tretë në Lampedusa në një kohë shumë të shkurtër. 45 emigrantë të tjerë, duke përfshirë 10 gra dhe 5 të mitur lundruan nga Sfax, Tunizi në orën 5 të mëngjesit ditën e djeshme./Albeu.com/

The post Mbytet varka me 38 emigrantë, mes tyre një i mitur appeared first on Albeu.com.