laliga Archives - Albeu.com

Osasuna i rrëmben barazimin Barcelonës (VIDEO)

admin — Sun, 12 Dec 2021 17:06:56 +0000

Barcelona nuk ka arritur të ruaj rezultatin e fitores sot ndaj Osasunës pasi vendasit barazuan në minutat e fundit.

Nico ishte i pari që realizoi golin e avantazhit për Barcelonën në minutën e 12-të. Festa për Xavin zgjati shumë pak pasi Garcia barazoi në minutën e 14-të duke dërguar ekipet me një barazim në dhomat e zhveshjes.

Barça qarkulloi mirë topin por për të shënuar e pati të vështirë të shënonte. Në minutën e 49-të, Ezzalzouli kalon në avantazh katalanasit duke i dhënë epërsinë dhe besimin e duhur.

Por befasia vjen nga Osasuna ku në minutën e 86-të Avila barazon rezultatin në 2-2. Tashmë Barcelona ndodhet në vendin e tetë me 24 pikë./h.ll/albeu.com

The post Osasuna i rrëmben barazimin Barcelonës (VIDEO) appeared first on Albeu.com.

LaLiga Santander emëron lojtarin më të mirë të ligës për muajin nëntor (FOTO LAJM)

admin — Fri, 10 Dec 2021 17:50:56 +0000

Vinicius Junior është emëruar nga LaLiga Santander si lojtari më i mirë i ligës për muajin nëntor pas paraqitjeve të tij kundër Rayo Vallecano, Granada dhe Sevilla.

Sulmuesi brazilian u vlerësua më lart se lojtarët si Memphis Depay, Oscar Trejo dhe Antoine Griezmann dhe do të marrë çmimin para derbit mes Real Madrid dhe Atletico Madrid të dielën në Estadio Santiago Bernabeu.

Vinicius ka shënuar një total prej 12 golash deri më tani në 2021/22 dhe ka regjistruar gjithashtu shtatë asistime. Ai aktualisht është golashënuesi i dytë më i mirë i La Liga Santander (10) pas shokut të tij të skuadrës Karim Benzema (12)./h.ll/albeu.com

The post LaLiga Santander emëron lojtarin më të mirë të ligës për muajin nëntor (FOTO LAJM) appeared first on Albeu.com.

STATISTIKË/ Real Madridi nuk ka fituar asnjë penallti që nga “El Clasico”

E S — Mon, 15 Mar 2021 07:34:47 +0000

Real Madridi është një nga ekipet që ka fituar më pak penallti gjatë këtij sezoni.

“Los Blancos” kanë fituar më pak penallti në La Liga së bashku me Cadiz, Huesca, Elche dhe Osasuna dhe janë vetëm pesë skuadra në top pesë ligat evropiane që kanë pasur me pak: Bordeaux, Burnley, Genoa, Rennes dhe Armina Bielefeld.

Real Madrid nuk ka fituar penallti që nga 24 tetor në “Camp Nou”, derisa para saj ishte një muaj më herët ndaj Real Betisit.

Kjo nënkupton që janë 21 ndeshje radhazi pa penallti, rekord për klubin, që është interesante, ngase skuadra është mjaftë sulmuese dhe gjithmonë janë brenda zonës së 16-metërshit te kundërshtarët.

Mirëpo, kjo nuk është e gjitha. Real Madrid është duke iu afruar një numër rekord duke mos pasur penallti që nga hyrja në fuqi e VAR. Rayo Vallacano ka zhvilluar 28 ndeshje pa pasur penallti.

Skuadra që priti më se shumti për një penallti ishte Osasuna, që shkoi 72 ndeshje pa penallti, derisa përfundoi me 27 gusht 2016./albeu.com/

The post STATISTIKË/ Real Madridi nuk ka fituar asnjë penallti që nga “El Clasico” appeared first on Albeu.com.