Pas hekurave ka përfunduar Artur Ibraj 36 vjeç lindur ne Patos dhe banues në Fier. Akuza që rëndon mbi të është përndjekja e një të miture të cilës i ka shkaktuar gjendje frike dhe ankthi duke i shkuar nga pas pa dëshirën e saj prej kohësh.

Kanë qenë familjarët e të miturës ata që e kanë referuar rastin në emisionin “Piranjat” në Abc. Ky është një nga ato raste që emisioni i ka trajtuar jashtë kamerave, krahas atyre ku pedofilët janë publikuar me zë dhe figurë.

“Më datë 21.05.2022, në orën 20:00 Komisariati Policisë Fier në bashkëpunim me emisionin investigativ “Piranjat” të televizionit ABC News, bëri të mundur arrestimin në flagrancë të shtetasit Artur Ibraj 36 vjeç, lindur në Patos dhe banues në Fier lagia 8 Shkurti, për veprën penale “Perndjekja”, pasi me anë të veprimeve të përsëritura me qëllim për ti shkaktuar një gjendje të vazhdueshme dhe te rende ankthi apo frike për sigurinë vetjake dhe familjare ka përndjekur në mënyre te vazhdueshme dhe pa deshirën e saj shtetasen e mitur me inicialet E.H”, thotë policia.

Pedofilia vijon të jetë një gangrenë e madhe në Shoqërinë shqiptar, aq sa ky fenomen duket sikur nuk ka fund. Në emisionin “Piranjat” në Abc të moderuar nga Florian Binaj dhe Arilena Ara, janë trajtuar disa raste të këtij fenomeni të frikshëm ku burra në moshë kërkojnë të kryejnë marrëdhënie me të mitura. Pas Fazliut nga Prizreni, Kristianit nga Lezha, në mesin atyre që kanë rënë në gjurmët e Piranjave janë Nertili nga Fieri, polic Shkëlqimi dhe Ardiani nga Korça.

Është e njëjta skemë, e njëjta sjellje, i njëjti vulgaritet që shfaqin të gjithë pedofilët. Por pedofilët nuk janë dhe aq të “dashur”, pasi ka dhe nga ata agresivë apo prepotentë siç është rasti i Nertilit nga Fieri, i cili sapo takon “Keisin” kërkon të vërë pikat mbi “i”. Emisioni “Piranjat” ka adresuar te autoritetet edhe raste të tjera jashtë kamerave dhe së shpejti pritet të ketë më shumë pedofilë të arrestuar./abcnews.al

The post Tmerroi të miturën në Patos, “Piranjat” çojnë në pranga pedofilin e radhës appeared first on Albeu.com.

“Vjet në dhjetor, në bashkëpunim me Qeverinë shpallëm se sfida jonë për vitin 2022 do të jetë digjitalizimi.

Kemi bërë të mundur që gjatë vitit 2021 të 1,5 milion shërbimet e ofruara nga Kadastra, të jenë në format digjital. Por mbrapa këtij veprimi, mbetet fakti që pjesa dërrmuese e dokumentacionit ekzistues të Kadastrës është ende në letër, gjë që sforcon maksimalisht stafin tonë në dhënien e shërbimit.

Për këtë arsye, në dhjetor Qeveria miratoi financimin e projektit për digjitalizimin e arkivit te Kadastrës. Bëhet fjalë për një arkiv me rreth 50 milionë dokumente që do t’i nënshtrohen këtij procesi delikat.

Nga njëra anë po bashkëpunojmë me AKSHI-n për ngritjen e të gjithë infrastrukturës së nevojshme që do të mundësojë këtë operacion.

Nga ana tjetër, ky operacion do të ketë nevojë për një trup punonjesish që do t’a realizojnë atë. Kjo bëhet me qëllim që trupa ekzistuese e punonjësve te vijojë me dhënien e shërbimeve qytetarëve pa ulur ritmin e punës.

Dje Kryeministri miratoi strukturën e re të Kadastrës, e cila parashikon edhe ngritjen e Qendrës së Kadastrës Digjitale, strukturë që do të jetësojë projektin e Digjitalizimit.

Kjo qendër do të punësojë një trupë punonjësish të rinj, prej rreth 230 vetash.

Jam këtu para jush për të shpallur thirrjen për aplikime pune në këtë organizëm.

Bëhet fjalë kryesisht per dy kategori operatorësh:

1) Operatorët e skanimit dhe sistemimit të dokumentacionit;

2) Operatorët e digjitalizimit të kartelave.

Projekti do të zgjasë dy vjet dhe do të shërbejë dhe si shkollë për këta operatorë që, me eksperiencën që do të fitojne gjatë punës të mund të integrohen më pas në strukturat e Kadastrës.

Ky projekt do të mbuloj të gjithë territorin e Republikës së Shqipërisë nga Kukësi në Sarandë dhe nga Vlora deri ne Korçë. Që nga dita e nesërme, në faqen zyrtare ëeb të Kadastrës dhe në facebook, do të gjeni të shpallur thirrjen për këto aplikime. Gjithashtu, struktura e re e Kadastrës e miratuar nga Kryeministri, na hap rrugën e riformatimit për shumë Drejtori Rajonale që kanë patur probleme kohët e fundit. Këto vende të reja pune krijohen nga dy arsye:

E para, për shkak të largimeve nga puna të atyre që nuk e përballuan dot ritmin tonë, apo që nuk deshën të kuptojnë se në Kadastrën e re nuk mund të bëjnë më lojrat e Hipotekës së vjetër. E dyta, me ligjin e ri 20/20, Kadastrës Shqiptare i janë ngarkuar disa funksione të reja që dikur i kanë patur institucione të tjera. Arsyeja ishte e thjeshtë: u pa që ky institucion me gjithë vështirësitë e ngritjes, po jepte rezultate. Për këto funksione të reja do të ketë nevojë për shumë specialistë të tjerë, për të cilët do të bëjmë thirrje.

Këto vende të lira, në një fazë të parë do të jenë në Drejtoritë e Tiranës, Durrësit, Kavajës dhe Krujës, për të vijuar më pas edhe në drejtoritë e tjera. Specialitetet kryesore janë juristë dhe inxhinierë. Jam i bindur se gjithë llafollogët e fejsbukut do ulen të dekurajojnë këdo që do të dëshirojë të përfshihet në këtë thirrje. Mos u çudisni, e kanë bërë gjithmonë. Unë ju drejtohem direkt të interesuarve: Bujrum të gjithëve, ja sheshi ja mejdani” tha Lame.

The post “Janë larguar ata që s’kuptuan që nuk ka më lojëra”, Lame: Qindra vende të lira pune në Kadastra appeared first on Albeu.com.

Klubi madrilen u ndal u ndal në barazim pa gola edhe pse rastet nuk munguan.

Në minutën e 70’të skuadra e Getafes mbeti me një lojtar më pak në fushë, pasi me të kuq direkt u ndëshkua lojtari Nyom.

Edhe pse me një lojtar më shumë në fushë, skuadra e Diego Simeones nuk arriti fitore, duke e bërë kështu garën për titull më të ‘zjarrtë’.

Atletico mbetët në pozitën e parë me 63 pikë, gjashtë më shumë se pozita e dytë, Real Madrid (57). /albeu.com/

The post Atletico ndalet nga Getafe, bëhet e “ethshme” gara për titull në Spanjë (VIDEO) appeared first on Albeu.com.