Lala tha se strategjia e Veliajt është që të rrëzojë dekretin e Presidentit, me të cilin Dado është emëruar dhe kështu të shpëtojë në procesin e tij penal, ndaj Veliaj paraqitet në gjyqin kundër Dados, por nuk shkon në gjyqin e tij.

“Për ta sqaruar, bëhet fjalë për procese të veçuara. Zoti Veliaj bashkë me bashkëshorten dhe 28 te pandehur të tjerë, janë duke u gjykuar në GJKKO për akuza të rëndë. Ky është procesi ku zoti Veliaj është i pandehur dhe ka filluar çështja në themel. Në ktë proces, zoti Veliaj nuk është paraqitur, ka ndërruar disa herë avokatë, është parë si përpjekje për të zvarritur procesin. Janë 4-5 avokatë që ka ndryshuar, është e drejtë e tij ligjore, madje ka patur periudhë që është mbrojtur edhe nga avokate kryesisht.

Ndërkohë procesi tjetër, është i natyrës administrative. Veliaj kërkon, ka paditur Presidencën dhe kërkon konstatimin në pavlefshmërinë e dekrettit të Presidentit, për emërimin e zotit Ols Dado si prokuror. Sipas zotit Veliaj, ai pretendon se Ols Dado nuk plotësonte kriteret që të emërohej prokuror.

Në vitin 2008 kur zoti Ols Dado është dekretuar si prokuror, kishte dy mënyra se si një jurist mund të bëhej prokuror. Klasikja, nëpërmjet shkollës së Magjistraturës. Kishte edhe grup tjetër që mund të vinte nga rradhët e juristëve të shquar, këshilltarët ligjorë e me rradhë dhe me një mendim pozitiv të Këshillit të Prokurorisë.

Zoti Dado nuk vjen nga rradhët e shkollës së Magjistraturës, ka patur propozim të Prokurorit të Përgjithshëm që është dekretuar nga Presidenti. Pse zoti Veliaj paraqitet në këtë proces? Sepse nëse hipotetikisht marrim faktin që ekzisotn mundësia që ta konstatojë gjykata të pavlefshëm emërimin e Ols Dado, kjo sjell problematika te procesi penal.

Nëse ndodh, ka një detaj te çështja Veliaj, procedimi penal është regjistruar nga një prokuror i vetëm, Ols Dado. Më pas, pjesë e hetimit është bërë prokurori Dumani. Nëse rrëzohet Ols Dado, edhe pse është shumë e vështirë të ndodhë, pasi ka patur një propozim të prokurorit të përgjithshëm, dekretim të presidentit, ka kaluar vettingun e me rradhë, atëherë Veliaj kërkon pavlefshmërinë e të gjithë akteve, që nga regjistrimi i procedimit, kjo mund të rrëzojë akuzën.

Kjo është e gjitha dhe prandaj Veliaj e ka fokusin më shumë këtu. Thelbi është që nëse Veliaj rrëzon prokurorin, kjo i vlen më shumë sesa të përballet me procesin”, tha Lala.

The post Veliaj kërkon të shpëtojë duke rrëzuar Ols Dadon, Lala tregon çfarë fshihet pas lëvizjes së kryebashkiakut appeared first on Albeu.com.

Pjesë nga debati

Lala: Hetimi për aeroportin e Vlorës është mbajtur në sekret të plotë dhe nuk kanë dalë edhe emrat e personave që u janë komunukuar akuzat, pr rezulton se kompanitë nuik kanë plotësuar kriteret, por kanë qenë zyrtarë të Ministrisë së transportit dhe Energjisë..

Haxhiu: Asgjë e vërtetë nuk ka.

Lala; Patjetër që në lidhje me këtë çështje, Prokuroria e Posaçme është duke hetuar për vepra të tjera penale, si ajo e korrupsionit, pastrimit të parave dhe shpërdorimit të detyrës. Deri në këto momente janë 3 persona të akuzuar, ndërsa zyrtarët e lartë nuk janë thirrur, se ka dyshime që janë përfshirë në vepra më të rënda penale dhe kanë afate për t;iu komunikuar këto akuza.

Kompanitë që kanë fituar tenderin për të ndërtuar aeroportin kanë qenë të paracaktuara, pak a shumë si te tuneli i Llogarasë dhe prokurorët kanë gjetur të tjera shkelje me largimin e një kompanie turke.

Mabco dhe 2A Group hynë në garë do të duhej të kishin edhe një kompani të njour ndërkombëtarisht. Kompania Yda Group erdhi në fillim por u tërhoq dhe ia shiti aksionet 4450 euro Pacollit. Ka dyshime se ky ka qenë një nga truket për ta fituar këtë garë.

Është një hetim që tregon se të gjitha garat në Shqipëri janë të paracaktuara, sepse invtestimi do të ishte rreth 104 milionë euro.

Haxhiu: Unë e kam problem me mënyrën se si u referohemi gjërave. I kam dëgjuar të gjitha debatet për aeroportin e vlorës dhe ka pasaktësi serioze. Se nuk njoh njeri tjetër që nuk e njeh këtë çështje se sa vetja ime. Klodi në momentin kur flet ti, kur është hapur tenderi për aeroportin e Vlorës ka qenë pandemi dhe për të nuk ka dashur askush të investojë në aeroporte dhe fluturime.

Xama: Kontratë me negociim të drejtpërdrejtë të paautorizuar. Nuk mund të hapësh garë dhe të thuash meqë s’na erdhi njeri i thashë Behgjetit dhe valon Ademit.

Haxhiu: Mos spekulo të lutem. Çështja se si e shtron çështjen prokurori është hulumtimi i tij. As prokurori që ka hyrë në këtë çështje, as ti Klodi që e ke hulumtu nuk kanë dijeni për çështjen se unë që i kam të dy miq dhe kam qenë që në fillimet e saj, por s’kam folur asnjëherë publikisht dhe meqë jam prezent këtu atëherë duhet të keni kujdes kur flisni për procedura.

Lala: Unë besoj se sonte qenke në konflikt interesi sa kohë do të flasim për një çështje.

Haxhiu: Jo, jo, jo, jooooooooo. Të lutem nuk dua të hyjmë te këto. Unë e kam për detyrim. Ylli.

Lala: Jo po do ta mbaroj fjalinë.

Haxhiu: Jo, jo, jo, nuk mundet të vazhdosh ti që ke konflikt interesi.

Lala: Jo do ta vazhdoj.

Haxhiu: Jo s’mundesh. Fjalia ku ti thuash tjetrit ke konflikt interesi është problem.

Lala: Po ju e thatë vetë, nuk e thashë unë që janë dy miqtë e mi.

Haxhiu: Po thashë, por ç’lidhje ka kjo me konflikt interesi? Konflikt interesi është kur jam i përfshirë aty. Ki kujdes çfarë flet.

The post “I kam miq Pacollin dhe Ademin”, Lala dhe Xama debatojnë me Haxhiun për aeroportin e Vlorës: Paske konflikt interesi appeared first on Albeu.com.

“Hetimet për aferën e Bankers po vijojnë. Janë dy prokurore. Zhvillimi më i fundit ka qenë zbutja e masës së sigurisë për shtetasit kinezë dhe ish-administratorin Leonidha Çobo, sepse nuk mund të mbahen në paraburgim ngaqë kanë kaluar afatet ligjore.

Prokuroria e Posaçme e mori dosjen nga ajo e Fierit. Dy prokuroret kanë marrë të pandehur disa persona, mes tyre edhe ish-administratorin Leronidha Çobo. Muajt e fundit kanë çuar disa letër-porosi jashtë vendit, atje ku mendohet se janë çuar paratë.

Kjo është afera më e madhe në këto 2 dekada. Bëhet fjalë për disa qeveri të përfshira. Gjithë thelbi i këtij hetimi janë paratë që janë vjedhur.

Hetimi është duke vijuar, pavarësisht se të pandehurit janë të lirë, nën masën për të mos dalë nga vendi.

Po pritet akti-ekspertimi sepse nga hetimet e deritanishëm kjo kompani nuk ka paguar asnjë lek në buxhein e shtetit. Pra është një çështje në hetim e sipër.

Jam kritike për hetimin e Bankers nga Prokuroria e Posaçme. Kjo është një zhvatje e buxhetit të shtetit, por prokuroria duket se i ka duart e lidhura për shkak të kohëzgjatjes së veprës penale. Ndoshta janë edhe në pamundësi për t’i hetuar veprat penale. Ndoshta duhet bërë një grup më i madh hetimi, jo vetëm me dy prokurore. Nuk ka asnjë të dhënë që po mbyllet kjo histori. Por po pres fatin e kësaj dosje”- tha Lala.

The post “Prokuroria i ka duart e lidhura”, Klodiana Lala jep detaje çfarë po ndodh me hetimet e Bankers appeared first on Albeu.com.

Zogaj tha se Spiropali po bën kritika të vlefshme dhe se po del si alternativë, ndërsa Lala shpërtheu duke deklaruar se Spiropali ka qenë servile e Ramës, ndaj ka bërë karrierë, por nuk ka asnjë kontribut dhe asnjë arritje.

Klodiana Lala:Kush është kjo zonja? Ka sjellë spiropalizmin në politikë. Ka ardhur në postin e Ministres së Jashtme pa asnjë kontribut. Nuk di një betejë, të ketë drejtuar një qark dhe të ketë patur fitore të pastër. Nuk di një akt politik të saj të ketë mbetur në mendjen e shqiptarëve. Më thuaj një herë që të ketë kundërshtuar Ramën në 14 vite qeverisje? Është në majë të politikës për shkak të servilizmit, jo për shkak të kontributit. Në partitë politike shqiptare, Rama dhe Berisha kanë lënë partitë toka djerrë. Partitë janë pronë e të dyve, gjithë të tjerët bëjnë karrierë se e kanë mirë me shefin.

Preç Zogaj: Ja po del një alternativë.

Klodiana Lala: Ka relativizuar çdo skandal 14 vjet. Spiropali ka heshtur, është bashkëfajtore.

Preç Zogaj: Gjithë deputetët dhe ministrat e PS kanë bërë këtë. Mendoj se disidenca nuk lind në orën e parë. Por ajo nuk bën karrierë…

Klodiana Lala: Spiropali po të kishte kontribute, do të kishte reaguar. Më thuaj një betejë që ka bërë?

Preç Zogaj: Kujt i thua betejë ti?

Klodiana Lala: Një betejë të pastër pa grupe kriminale.

The post Erdhi qameti, Spiropali kundër Ramës/ Klodiana Lala: Servile, nuk ka asnjë kontribut dhe arritje appeared first on Albeu.com.

Lala pohoi se janë ushtruar kontrolle në banesën e saj, zyrtarëve dhe ish-zyrtarëve dhe 15 biznesmenëve.

“GJKKO ka marrë një vendim sa i përket fshehtësisë së korrespondencës nisur nga një rast tjetër, dhe i ka vënë SPAK disa piketa për hetimet që ka në duar. Në kuadër të kontrolleve të kryera në dhjetor të 2025 dhe janar 2026, pasi iu sekuestruan shumë celularë në banesat e zyrtarëve dhe ish-zyrtarëve, në shtëpitë e disa biznesmenëve. Këtu mund të sjellë një detaj ku ka pasur një kontroll në banesën e biznesmenit Ilir shtufi, prej 12 orësh. Në kërkesën që është bërë në gjykatë, GJKKO thotë; kemi dyshime të arsyeshme që biznesmenët, janë mbi 15 biznesmenë, që kanë biseduar me njëri-tjetrin dhe me zyrtarë dhe ish-zyrtarë për të paracaktuar tendera. Janë disa celularë.

Në shtëpinë e Shtyfit janë marrë celularë dhe laptopë. Kontrolle janë kryer dhe në banesën e Gentian Gjylit dhe Erald Elezit, apo janë kryer kontrolle dhe te sekretarja juridike. Ka dy vendime, ai i 19 marsit, ku është dhënë leja për këqyrjen e celularëve, të zyrtarëve dhe njerëzve të besuar të saj, pasi provat që mund të gjenden aty mund të përdoren për prova të reja, po ashtu do të përdoren në procesin hetimor ndaj zonjës Balluku.

Dhe pjesa tjetër është grupi i biznesmenëve, që thuhet se kanë ndikuar në paracaktimin e tenderave. Kur ka dyshime për një krim, sado i kujdesshëm të jetë një person, ka gjithmonë një gjurmë. Janë kontrolluar dhe librat në bibliotekë. GJKKO e ka kufizuar, pasi ka thënë se kontrollet duhet të bëhen për rastin konkret. GJKKO e ka pranuar në tërësi kërkesën e SPAK. Ekziston mundësia që nëse gjenden prova të reja, të hapen çështje të tjera penale, për fakte të reja. Fakti që janë pyetur të gjithë personat në dijeni apo hetim, mund t’i shërbejë hetimit në tërësi”, tha Lala.

Duke u ndalur te rasti i Evis Berberit, Lala tha se; Gjykata Kushtetuese tha se ka vendosur që të lërë pa ndryshuar, në fuqi tre vendimet e gjykatave, për lënie në fuqi të masës ‘arrest me burg’ për Berberin. Zoti Berberi, përmes avokatit të tij, kishte përdorur një mekanizëm të fshehtë për të afektuar çështjen e tij me të zonjës Balluku. Ai kërkonte rikthimin e celularëve të tij. Gjatë kontrollit iu gjetën disa celularë, që ai pretendonte se ishin veprime të paligjshme. Gjykata Kushtetuese nuk e mori fare në konsideratë këtë çështje. E vetmja mundësi që të shqyrtohej kjo çështje nga Kushtetuesja, duhej të kishte një vendimmarrje.”.

The post Belinda Balluku përballë drejtësisë! Klodiana Lala: Ekziston mundësia që nëse gjenden prova, të hapen çështje të tjera penale ndaj ish-zv.kryeministres appeared first on Albeu.com.

Ajo është rikthyer sonte, 4 mars, në studion e “Opinion”, për të folur pikërisht mbi aludimet që qarkullojnë për motivacionin e lirimit nga detyra të Prodës.

Duke e thënë me bindje se kryeministri Edi Rama e kishte vendosur që para protestës së 28 shkurtit për ta hequr nga ai post, paralajmëroi se drejtorët nëpër komisariatet në vend “do largohen një nga një”.

“Furtuna” mbi emrin e tij, nënvizoi se nisi që kur u diskutua një grup i strukturuar kriminal brenda AKSHI-t.

Sipas gazetares, Agasi (aktualisht i shpallur në kërkim) ka qenë ndërmjetës mes kreut të qeverisë dhe Prodës.

“Iu dha grada të pamerituara të gjithë rrethit të tij shoqëror, disa prej të cilëve u janë sekuestruar celularët. Së dyti, ka pasur lidhje okulte. Pas shpalljes në kërkim të Agasit, drejtorë të policisë i kanë prezantuar platformën Ylli Carës, ish-ortak i Prodës, biznesmen. Një personazh që është jo vetëm lidhje e ngushtë për Prodën, por ka pasur ndikim të drejtpërdrejtë për caktimin e emrave. Drejtori është ndikuar nga ai”, deklaroi Lala për Prodën.

Shtoi se ekziston një “hetim penal pa emër të regjistruar, por që është i ndarë nga dosja e AKSHI-t, për implikim të zyrtarëve policorë në rrëmbimin e Daniel Shimës”…

Sipas Lalës, Prokuroria e Posaçme AntiKorrupsion ia ka sekuestruar celularin Prodës, që kur ai punonte në drejtorinë e Policisë Elbasan.

“Në vitin 2024, në atë kohë u godit një prej organizatave më të rrezikshme kriminale, të drejtuar nga vëllezërit Çopja. Në atë kohë, pati dyshime të forta se ky operacion mund të ishte dekonspiruar. Ky lajm nuk u mësua në momentin e sekuestrimit, por kur Proda garoi për kreun e Policisë së Shtetit. Celulari i tij është këqyrur, ka një hetim të çelur, nuk ka ende një rezultat deri tani. Në atë kohë, drejtor ka qenë Rrumbullaku, që një ditë papritmas u largua”, shpjegoi ajo.

Sa i takon protestës së opozitës, u shpreh se trajektorja që u ndoq atë të shtunë ishte totalisht e paparashikueshme.

“PD-ja nuk dha detaje për mënyrën si do të lëvizte. Gjatë gjithë kohës hidheshin molotovë nëpër kosha plehrash. Në momentin kur gazetarët dhe protestuesit kanë qenë te ura e Drejtorisë, ka filluar të raportohet se mund të kishte një ndalesë te ish-vila e diktatorit. E kemi mësuar diku te 7-8 minuta para.”

Po sipas gazetares, Proda ka qenë për herë të fundit në zyrën e tij mbrëmjen e së dielës, 1 mars.

“Ka pasur një debat me tone të forta me kryeministrin, është komanduar menjëherë Bizhga”, tha Lala.

The post “Celulari i tij është këqyrur, ka një hetim të çelur”, Lala: “Furtuna” mbi Prodën nisi që kur u diskutua një grup i strukturuar kriminal brenda AKSHI-t appeared first on Albeu.com.

Lala bëri një profil të shkurtër të ministrave të rinj të kabinetit.

“Së pari mendoj se zoti Rama ishte i detyruar ti bënte këto lëvizje, për shkak se e kishte lakun në fyt, rasti Balluku, AKSHI dhe hetimi i disa deputeve. Kështuqë nga këto rrethana, zoti Rama ishte i detyruar për ndryshime në qeveri.

Rama i është nënshtruar Ballukut, Spiropali ishte kurban i saj. Spiropali ndodhej në Kosovë, e ka shkarkaur pa e pritur të kthehet. Kanë patur rivalitet të fortë me njëra tjetrën, për shkak të një pushteti që kanë dashur të mbajën brenda PS.

Balluku është larguar por ka lënë të besuarit pas. Enea Karakaçi ka qenë administrator i OSHEE. E lidh me një kontroll që SPAK ka kryer në zyrën e tij, në kaudër të një hetimi për tenderat. Në rrethet e ngushta pranë OSHEE, ai konsideroeht ndër njerëzit më të besuar të Belinda Ballukut.

Ermal Nufi, një personazh që nuk thotë shumë por vijon të jetë ndër të besuarit e Ballukut. pak ditë më parë ishte në Prokurorinë e Tiranës, për një hetim për korporatën e investimeve.

Albana Koçiu kishte dështim në krye të ministrisë së brendshme, nuk la asnjë rekord. Merr post honorifik, si zv.kryeministre.

Rikthehet në shtëpinë e vet, Besfort Lamallari. Mendoj se në të gjithë ndryshimet barra më e madhe i bie atij, pasi do të gjendet para një policie të lidhur me krimin dhe të korruptuar. Duhet të menaxhojë të gjithë situatën e segmenteve problematike të policisë.

Sa i përket ndryshimeve, për zotin Ferid Hoxha, e njoh si diplomat karriere. Di që vëllai i zotit Hoxha është një prej personave të dyshuar që lidhet me skandalin e AKSHI.

Për zotin Toni Gogu, mund të them se njihet si pjesë e klanit Veliaj, ndoshta zoti Rama po zbut edhe këtë me Veliajn…

Për zonjën tjetër, Erjona Ismaili, pashë në një podcast, mënyra si ishte qasur ishte qesharake.”, tha ndër të tjera Lala.

The post “Spiropali, kurban i Ballukut!”/ Lala komenton ndryshimet në qeveri: Ja kush janë ministrat e rinj appeared first on Albeu.com.

Lala tha se prokurorët pretendojnë se Balluku mund të prishë provat, ndaj kërkojnë heqjen e imunitetit të saj, për të caktuar një tjetër masë sigurie.

Lidhur me pretendimet se Balluku ka kërcënuar dëshmitarët me persona të krimit të organizuar, Lala tha se nuk ka një akuzë të re penale për intimidim, por vetëm pretendime të një vartëse.

“Mbledhja e Këshillit për Mandatet dhe Imunitetit, u zhvillua me dyer të mbyllura, pasi u kërkua kjo gjë nga SPAK. Prokurorët pretenduan se është çështje nën hetim dhe ekziston rreziku të dëmtohen provat dhe hetimi. Kërkuan mbledhje me dyer të mbyllura.

Ka patur përdorim të termit “35 vjet burg”. Zoti Braho, duke parashtruar argumentat, ka deklaruar se në momentet e para, kur është kërkuar dhe miratuar pezullimi nga ushtrimi i funksioneve për Ballukun, veprat penale kishin marzh dënimi deri në 10 vite. Por më pas prokurorët pretendojnë se kanë prova të reja që kanë rënduar pozitat e Ballukut, 9 episode, tuneli i Llogarasë, 7 lote të Unazës dhe koncesioni Thumanë-Kashar. Prokurorët kanë thënë hipotetikisht mund të dënohet deri në 35 vite. Pozita e zonjës Balluku është rënduar ndjeshëm. Pra ka qenë ky konteksti në të cilën kanë përodorur prokurorët frazën 35 vite burg.

Prokurorët, për të mbështetur kërkesën e tyre kanë paraqitur argumentin që Balluku mund të ndërhyjë për të prishur provat. Së dyti, ekziston rreziku të intimidohen dëshmitarë. Në këtë kontekst prokurorët kanë paraqitur përgjime, ku vartës të zonjës Balluku kanë folur mes njëri tjetrit, që ka dyshime që zonja Balluku po përdor njerëz me rekorde penale për të frikësuar dëshmitarët. Por nuk ka akuzë të re penale për intimidim të dëshmitarëve.

Prokurorët pretendojnë se kanë siguruar prova, që sipas tyre çojnë në dyshimin e arsyeshëm që Balluku po intimidon dëshmitarët.

Nuk ka një eksponent të krimit të organizuar të jetë përgjuar, por vartës që kanë pretenduar se janë shantazhuar nga njerëz me rekorde. Kur prokurorët ngrejnë këtë pretendim, është kusht shumë i fortë për të bindur Kuvendin për të dhënë autorizim.

Fillimisht kishte dyshime për një akuzë, tashmë ka disa lote dhe dyshime. Ka edhe dëshmi të njërës prej vartëseve, të Ballukut, që pretendon se tenderat i ka kryer nën urdhrat e Berberit, është e pandehur, pretendon se është kërcënuar për të tërhequr dëshminë ndaj Ballukut”, deklaroi Lala.

Lidhur me pyetjen e gazetarit Sokol Balla në SPAK, Lala tha se ka qenë procedurë normale, pasi po hetohet pasuria e Ballukut dhe ajo ka qenë e martuar me zotin Balla.

“Sepse kanë qenë të martuar, po bëhet hetim pasuror për Ballukun dhe janë thirrur personat e bashkëlidhur. Është një gjë proceduriale normale, ka qëndruar rreth dy orë në SPAK, nuk bëri koment në dalje. Është procedurë”, tha Lala.

E pyetur nëse SPAK vijon t’i qëndrojë idesë për të kërkuar arrestimin e Ballukut, Lala tha se nuk ka gjasa që të kërkohet arrest me burg, edhe nëse Parlamenti ia heq Ballukut imunitetin.

“SPAK kërkon leje ose autorizim për arrestim, por në rastin e zonjave, përgjithësisht SPAK ka kërkuar masa më të lehta. Është shkuar vetëm në arrestin në shtëpi, përjashto rastin kur ka krim të organizuar, vrasje e me rradhë. Nëse do të jepet autorizimi, do të shkohet me kërkesën për arrest shtëpie, por gjasat janë të mos ndodhë dhe SPAK i ka duart e lidhura”, tha Lala.

The post Pse përmendën prokurorët 35 vite burg?/ Lala tregon prapaskenat e mbledhjes me dyer të mbyllura për imunitetin e Ballukut appeared first on Albeu.com.

Gazetarja shpjegoi se vendimi i GJKKO u rrëzua me votim 4 me 4, duke rikthyer pezullimin nga funksionet deri në vendimin e Apelit.

Lala theksoi se SPAK ka të drejtë të kërkojë në gjykatë pezullimin e çdo ministri, kryeministri apo presidenti, pa pasur nevojë për autorizim të Kuvendit për masa si pezullimi nga detyra.

Klodiana Lala: GJK ka arritur një vendimmarrje 4 me 4. Që një vendim i GJK të konsiderohet i marrë duhet të plotësojë kuorumin. Minimalisht Rama duhet të merret 5 vota në favor të tij. Ose që të rrëzohet, duhet të votonin 5 apo 6. Në momentin që nuk arrihet kuoromi, kërkesa konsiderohet e rrëzuar. GJK me 4 me 4 rrëzoi kërkesën dhe riktheu pezullimin nga funksionet. Nuk mund të ushtrojë funksionin e zv.kryeministres dhe ministres derisa të shprehet Apeli i GJKKO.

Zoti Rama kërkonte interpretim të dispozitës kushtetuese. Thoshte se ministri nuk pezullohet pasi gëzon atribute si deputeti i kuvendit. Duhet shkuar me kërkesë në Kuvend nga ana e SPAK. Kryetarja e GJK, Fiona Papajorgji, Sandër Beci, Sonila Bejtja. Marjana Semini, janë të qëndrimit që Balluku nuk pezullohet pasi SPAK duhet të kërkojë autorizim nga Kuvendi dhe të kërkojë heqjen imunitetin. GJK nuk e ka konsideruar anti-kushtetues vendimin e GJKKO u jep mundësinë SPAK në çdo rast të drejtohet gjykatës dhe të kërkojë pezullimin e çdo ministri. Nëse kryeministri presidenti apo çdo funksionar tjetër, do preferoja që GJK duhet të japë përgjigje përfundimtare.

Nuk e kemi të prerë. Do kemi nesër në vendimin e arsyetuar. SPAK ka mundësinë dhe e shfrytëzon momentin nëse po hetohet një ministër apo një zyrtar mund të kërkojë Gjykatës pezullimin nga funksionet. 4 që votuan kundër se autorizimi në Kuvend duhet kërkuar për arrestin në shtëpi, kontrollin personal. Për masat e tjera si ndalim i daljes jashtë vendit, pezullimin nga detyra nuk është e nevojshme.

The post Pezullimi i Ballukut mbeti në fuqi, Klodiana Lala: SPAK-ut i jepet e drejta të kërkojë në Gjykatë pezullimin e çdo ministri, kryeministrit apo presidentit appeared first on Albeu.com.

Ajo tha se për shkak të masave të lara të sigurisë, ishte e pamundur që gazetarët të hynin në ato godina. Lala tha se në momentin kur ka ndërhyrë policia në kullë, disa nga punonjësit, kanë tentuar të zhdukin disa materiale, duke i hedhur në një kosh plehrash për të zhdukur gjurmët.

Gazetarja shpjegoi mënyrën se si kryhej mashtrimi. Ajo tha se ftoheshin qytetarët europianë, bindeshin të investonin 250 euro filimisht, por ka patur raste që mund t’ju kenë marrë deri në 1 apo 1.5 mln euro, me idenë se kanë investuar në kriptomonedha, por më pas zhdukeshin.

“Ishte emisioni Le Iene që në muajin Janar, mbërriti në SPAK dhe i dorëzoi prokurorëve, disa materiale filmike dhe të dhëna të tjera, që flisnin për një call center në një nga kullat e Tiranës. Sipas tyre ky call center ka mashtaur qytetarë të BE-së. Investigimi kishte nisur mbi bazën e rrëfimit të një operatori. Ai pretendonte në rrëfimin e tij, se ishte një punonjës i policisë në Itali që rekrutonin shtetas që të punonin në call center.

Për shkak të masave të lara të sigurisë, pasi bëhej fjalë për një nga kullat kryesore në Tiranë, ku është edhe ambasada e Israelit ishte e pamundur që gazetarët të hynin atje. Ata infiltruan një person, që siguroi jo vetëm kartën për të hyrë në call center, por të filmonte edhe disa nga punonjësit kryesorë. Në momentin që SPAK arriti të sigurojë materialin, iu drejtua gjykatës për urdhër kontrolli, pasi nuk kishte të dyshuar ende. Gjykata e Posaçme firmosi urdhër kontrolli për 28 ambjente.

Në 16 Janar agjentët e BKH, pa njoftuar policinë, ndërhynë në momentet e para. Ka qenë interesant aksioni. Agjentët e BKH, marrin njërin nga punonjësit, për të siguruar kartën e ashensorit, hyrjes, pasi nuk hyhej dot. Kur shkon me ta, hyjnë në ambjent, hetuesit befasohen, pasi në ambjentin e call center, ishte boshatisur gjithçka. Agjentët e BKH, e konsideruan si dështim në fillim, por mbetën edhe të habitur. Më pas, përmes teknikave të specializuara, përmes kamerave të sigurisë, morën targat e disa automjeteve dhe rezultoi se këto automjete kishin bërë zhvendosjen e kompjuterave, nga kulla, në një tjetër kullë.

U vunë në gjurmim dhe u shpallën në kërkim. Një prej mjeteve u ndalua dhe u shoqërua drejtusi ne Polici. Gjatë marrjes në pyetje, u zbërthye dhe tregoi se kishin bërë zhvendosjen e call centerit. Me iniciative, agjentët njoftuan policinë dhe zbarkuan në kullën te rrugë a Elbasanit. U zbuluan materialet, serverat, portofolet ne kriptomonedha, që mendohet të ishin 10-12 milionë në muaj.

Në këto momente, pasi u bë sekuestrimi, policia arrestoi 6 persona, dy të tjerë u arrestuan me iniciative. Sot kanë dalë 8 persona për masë, 6 janë lënë në burg dhe 2, arrest në burg me afat 20 ditor. Nga ana tjetër, 3 organizatorët kryesorë, tre vëllezër me mbiemër Preka. Njëri prej tyre zotëron kompani call center. Janë shpallur në kërkim. Policia ka sekuestruar edhe prova të tjera.

Në momenton kur ka ndërhyrë policia në kullë, disa nga punonjësit, kanë tentuar të zhdukin disa materiale, ti hidhnin në një kosh plehrash për të zhdukur gjurmët. Për fat të keq, call center mashtrues janë kthyer në shqetësim serioz. Kam patur dosje hetimore që e kanë treguar këtë. Miliona që përfitohen, pastrohen edhe në Shqipëri. Duhet të jetë në fokus të autoriteteve.

Mekanizmi, ftoheshin qytetarët europianë, bindeshin të investonin 250 euro filimisht, por ka patur raste që mund t’ju kenë marrë deri në 1 apo 1.5 mln euro, me idenë se kanë investuar në kriptomonedha, por më pas zhdukeshin. Sipas bisedave me hetues që merern më çështje të tilla, dyshohet se shkojnë 10-12 mln euro portofolet dixhitale vetëm në një muaj. Mund të ketë muaj të tjerë që është më e lartë. Maksimumi ka qenë 30 mln euro. Për tu ndalur në rastin konkret, duhet parë i gjithë aktiviteti, por nuk duhet të nxitohemi për të arritur në konkluzione”, tha Lala.

The post Aksioni i SPAK kundër Call Center, Lala tregon mënyrën se si kryhej mashtrimi: Qytetarët investonin 250 euro filimisht por ka patur raste që mund t’ju kenë marrë deri në 1.5 mln euro appeared first on Albeu.com.