lakra e kuqe Archives - Albeu.com

Cila është më e shëndetshme, lakra e kuqe apo e bardhë?

E B — Wed, 10 May 2023 11:02:58 +0000

E quajnë lakra e kuqe, por në të vërtetë ngjyra e saj është një vjollcë e thellë e ndezur, shija e së cilës të befason qiellzën. Lakra e kuqe është pjesë e tryezës sonë, jo vetëm për dekorim. Nëse mendoni që lakra e kuqe me lakrën e bardhë ndryshojnë vetëm nga ngjyra gaboheni rëndë.

Lakra e kuqe është nga ato perime që është e shijshme kur hahet e gjallë ose e gatuar. Lakrën e kuqe mund ta hamë në sallata, mund ta gatuajmë më avull apo ta përziejmë në një pjatë me perime të tjera. Fibra që gjendet tek lakra e kuqe njihet për punën e shkëlqyer në parandalimin e konstipacionit dhe rregullimin e sistemit tretës.

Më poshtë do gjeni listën e përfitimeve fantastike që merrni nga lakra e kuqe.

Lakra e kuqe apo lakra e bardhë?

Të dyja lakrat janë të mira për shëndetin e njeriut, por lakra e kuqe është më e fuqishme në aspektin shëndetësor. Lakra e kuqe përmban 85% të dozës ditore të vitaminës C, ndërsa lakra e bardhë ka vetëm 47 përqind, madje lakra e kuqe ka më shumë Vitaminë C se sa portokallet.

Për më tepër, lakra e kuqe është nga ato të pakta perime me nivelin më të ulët të mbetjeve të pesticideve në lëkurën e saj si pasojë e shtresëzimit të fortë të konstruktit të saj.

Lakra e kuqe ka 10 herë më shumë vitaminë A se lakra e bardhë. Kjo e fundit ka dy herë më shumë vitaminë K se sa lakra e kuqe. Kur vjen puna tek hekuri, lakra e kuqe ka dyfishin në krahasim me lakrën e bardhë. Sa i përket antioksidantëve, lakra e kuqe është triumfatore dhe superiore.

The post Cila është më e shëndetshme, lakra e kuqe apo e bardhë? appeared first on Albeu.com.

E jashtëzakonshme për shëndetin! Këto janë përfitimet që merrni nga konsumi i lakrës së kuqe

E B — Tue, 17 Jan 2023 15:04:10 +0000

Kanceri-Një nga funksionet më të rëndësishme të lakrës së kuqe është se parandalon kancerin, pasi antioksidantët që përmban janë në gjendje që të neutralizojnë radikalet e lira. Këto të fundit janë përgjegjëse për sëmundje të ndryshme, mes tyre kancerin dhe sëmundjet kardiovaskulare.

Kockat– Përqendrimi i lartë i disa mineraleve të rëndësishme e bënë lakrën e kuqe një nga ushqimet më të mira për t’u ngrënë pasi luan rol të rëndësishëm në rritjen dhe zhvillimin e kockave. Ngrënia e saj ndihmon nga sëmundje si osteoporoza, artriti dhe inflamacione të tjera.

Sytë-Niveli i lartë i vitaminës A që gjendet te lakra e kuqe është e mirë për lëkurën, por kryesisht për sytë pasi garanton shikim të mirë si dhe parandalon formimin e kataraktit. Vitamina A mund të konvertohet në beta-karotenë e cila është shumë e rëndësishme për të ruajtur shëndetin e syve.

Ulçera-Lakra e kuqe përmban një sasi të madhe aminoacidi specifik, i quajtur glutamina. Ky aminoacid është shumë i rëndësishëm për të qetësuar dhimbjet e ulçerës dhe për trajtimin e kësaj sëmundjeje.

Skleroza-Lakra e kuqe është konfirmuar nga studime të ndryshme si shumë e rëndësishme për mbrojtjen e kujtesës. Këshillohet të përdoret kryesisht nga personat që vuajnë nga skleroza.

Plakja e parakohshme– Antioksidantët që gjenden te lakra e kuqe luftojnë radikalet e lira dhe mbajnë larg plakjen e parakohshme. Ato mbajnë lëkurën e freskët, duke reduktuar rrudhat dhe shenjat e moshës.

Humbja e peshës– Lakra e kuqe ka shumë pak kalori, por është e pasur me fibra dhe vitamina të shumta. Mund të përdoret pa problem nga personat që duan të humbin peshë, pa u stepur nga sasia që konsumojnë.

The post E jashtëzakonshme për shëndetin! Këto janë përfitimet që merrni nga konsumi i lakrës së kuqe appeared first on Albeu.com.

E pasur me vitaminë C dhe K, 4 problemet në organizëm që trajton lëngu i lakrës së kuqe

admin — Sat, 09 Apr 2022 20:04:32 +0000

Gazrat e stomakut janë një çrregullim që po prek gjithnjë e më shumë njerëz, por problemet e tretjes nuk duhet të jenë pjesë e rutinës tuaj ditore.

Lakra e kuqe është një nga përbërësit më të mirë që mund të konsumoni për të normalizuar sistemin tuaj të tretjes dhe për të rrahur fryrjen e barkut. Ndihmon në funksionimin e zorrëve dhe ka përfitime të tjera.

Forcon sistemin imunitar – Lakra e kuqe përmban vitaminë C dhe vitaminë K, së bashku me shumë vitamina dhe minerale të tjera thelbësore. Vitamina C në lakrën e kuqe vepron si një antioksidant i fuqishëm që ndihmon në luftimin e inflamacionit në trup duke mbrojtur qelizat nga dëmtimi. Vitamina C i siguron trupit tuaj forcën dhe mbështetjen e nevojshme për të luftuar pushtimin e baktereve dhe infeksioneve dhe për ta mbajtur trupin tuaj të shëndetshëm.

Zorrë e shëndetshme – Fibra e patretshme në lakrën e kuqe ndihmon në funksionimin e duhur të sistemit të tretjes për të parandaluar kapsllëkun. Ndihmon gjithashtu në lehtësimin e simptomave të kushteve gastrointestinale, siç është sindroma e zorrëve të irrituara. Lëngu i lakrës së kuqe ndihmon në mbajtjen e sistemit të tretjes të lumtur dhe të shëndetshëm.

Lufton inflamacionin – Lakra e kuqe përmban fitonutrientë, të cilët janë përbërës natyralë anti-inflamatorë. Një studim i botuar në Research in Pharmaceutical Science zbuloi se ngrënia e lakrës çoi në një ulje të ënjtjes. Fitonutrientët në lakrën e kuqe e bëjnë atë një ilaç natyral për fryrjen dhe inflamacionin.

Sëmundjet kronike – Antioksidantët në lakrën e kuqe mund të ndihmojnë në parandalimin ose kthimin e dëmtimit të ADN-së që mund të çojë në çrregullime kronike të tilla si sëmundja Alzheimer, sëmundja Huntington dhe sëmundja Parkinson.

Një studim zbuloi se në krahasim me bimët e tjera të ngrënshme, lakra e kuqe u zbulua se zvogëlonte dëmtimin endogjen të ADN-së në qelizat e kancerit të zorrës së trashë. Studiuesit arritën në përfundimin se lakra e kuqe kishte aftësi për të luftuar sëmundjet dhe mund të ishte një nga ushqimet kryesore që luftojnë kancerin.

Recetë e lëngut të lakrës së kuqe: 1 lakër të kuqe, 1/3 lugë çaji piper kajene, 1 grusht koriandër, 1 copë rrënjë xhenxhefili, 1/4 limon, 1/2 filxhan ujë kokosi. Mënyra e përgatitjes: I trazoni të gjitha së bashku në blender me pak akull ose ujë nëse është e nevojshme.

The post E pasur me vitaminë C dhe K, 4 problemet në organizëm që trajton lëngu i lakrës së kuqe appeared first on Albeu.com.